Ўзбекистонда сотувда бўлган 5 та (Galaxy, Lesnoy balzam, Lavadasept Splat, Tourcia Nuga Best, Aqua fresh) тиш пасталарининг инсон тиш карашларидаги (налётдаги) Streptococcus mutans, Lactobacillus rhamnosus (кариес келтириб чиқаради) ва Candida albicans (замбуруғли стоматит келтириб чиқаради) га қарши самарадорлигини бактериологик лаборатория шароитда ўргандик.
Натижада юқоридаги барча тиш пасталари Streptococcus mutans га қарши , Lactobacillus rhamnosus га эса Galaxy, Tourcia Nuga Best, Aqua fresh тиш пасталари сезиларли таъсир қилиши аниқланди. Candida Albicans га эса ҳеч қайси тиш пастамиз сезиларли таъсир кўрсата олмади.
Илмий иш натижалари Италияда Европа кариесология ассоциацияси конгрессида чоп этилди.
Тиш пасталарини танлаш эса илмий ишлар натижасига асосланса мақсадга мувофиқ.
Танлов ўзингиздан !

Ўзбекистон бозорида мавжуд бўлган Lacalut aktiv, Parodontol 3D effect, Miswak, Colgate Total Pro Gum Health ва дистиланган сувни 2017 йилда кариес келтириб чиқарувчи бактериялар (Streptococcus mutans, lactobacilli) га қарши ва замбуруғли стоматит чақирувчи Candida Albicans га қарши самарадорлиги лаборатор шароитда ўрганилган эди. Натижада Parodontol 3D effect, Colgate Total Pro Gum Health нисбатан кўпроқ самарага эга эканлиги аниқланган. Натижалар Норвегияда чоп этилган ва тезис билан иловадаги файлда танишишингиз мумкин.

Болаларимизнинг стоматологик саломатлигини текшириш ишлари бошлаб юборилди

Аввал ҳабар беранимиздек, Тошкент давлат стоматология институти Стоматологик касалликлар профилактикаси кафедраси ҳамда Германиянинг Виттен/Хердекке университети олимлари Республикамиздаги стоматологик вазият хақида аниқ маълумотларга эга бўлиш ҳамда инновацион профилактик тизим яратиш учун мўлжалланган илмий–амалий лойиха дастурини ишлаб чиқиб, Буюк Британиянинг Borrow жамғармаси грантини қўлга киритишган эди.
Мазкур лойиҳа Ўзбекистон Республикаси Инновацион ривожланиш вазирлиги, Соғлиқни сақлаш вазирлиги ва Жаҳон соғлиқни сақлаш ташкилоти томонидан қўллаб қувватланган эди.
Жорий йилнинг 29-мартидан бошлаб Тошкент давлат стоматология институтининг ёш олимлари германиялик ва маҳаллий олимларимиз раҳбарлигида республикамиздаги 7 ва 12 ёшли 12 мингдан ортиқ мактаб ўқувчиларида оғиз бўшлиғи касалликларининг тарқалиши, жадаллиги кўрсаткичи, худудлардаги ичимлик сувларида фтор иони миқдори ва мазкур ҳолатнинг болалар антропометрик кўрсаткичларига боғлиқлигини аниқлаш ишларини бошлаб юборишди.
Мазкур лойиҳа доирасида шаҳар, туман ва қишлоқ мактаблари ўқувчилари стоматологик саломатлиги текширилади. Бунда Жахон соғлиқни сақлаш ташкилоти талабларига кўра ишлаб чиқилган махсус сўровнома ва анкеталар тшлдирилади. Лойиҳа натижасида қайси ҳудудда маълум касалликларнинг тарқалиши, унинг атроф муҳитга, сув таркибига ва бошқа омилларга боғлиқлиги ўрганилади.
Барча текширув жараёнлари карантин қоидаларига риоя қилинган ҳолда бир марталик стерил стоматологик асбоб-анжомлари билан олиб борилмоқда.
Шу билан бирга, текширувда қатнашган мактаб ўқувчиларига тишларни тўғри ювишни ўргатувчи тарқатма материаллар, ҳомий ташкилотларнинг тиш паста ва чўткалари тақдим қилинди.
Лойиҳа якунида Жахон соғлиқни сақлаш ташкилоти талабларига мос янги стоматологик профилактик чора-тадбирлар режасини ишлаб чиқиш режалаштирилган.
Каналга аъзо бўлиш: @stom_prof

Жараёндан лавҳалар

​#Фикр

Интернетдаги турли қарама-қарши фикрларни ўқиб, мен ҳам муносабат билдиришни лозим топдим.

1️⃣ Агар Хитой дунё халқларини қириб юборишни мақсад қилганида, шу пайтгача бунга эриша олган бўларди, менимча. Негаки дунёга экспорт қилинаётган энг кўп дори субстанцияларини Хитой экспорт қилади. Covid-19 га қарши вакцина билан инсониятни қириб юбориш версияси жуда ишончсиз.

2️⃣ Ҳозирги кунда касалликни тўхтатишнинг ягона имконияти барчани эмлаш. Бошқа ишончли усул ҳали йўқ, борига шукр қилиш ва фойдаланиш зарур.

3️⃣ Фундаментал илмга эга олимлар катта янгилик ярата олади. Кўп гапириб, ўзгаларни танқид қилганлар, "халқ ҳимоячиси" сифатида видео мурожаат тарқатганлар эмас.

4️⃣ Ҳар кимнинг гапини ҳақ гап деб ишониб кетавермаслик, таҳликали онларда ўзимизни ҳимоя қила олишимиз учун илм ва билимнинг нақадар кераклиги, пул билан бунга эришиб бўлмаслиги яна бир бор ўз исботини топиб турибди.

Бахтинур Худанов, тиббиёт фанлари доктори, доцент

▶️@vaksinauzb

Тишингиз кариесга учраб, ковак ҳосил бўлган, аммо стоматологга келишга вақт тополмаётган бўлсангиз, унда қуйидагиларни амалга ошириш лозим:
1. Овқатланиб бўлгач, тиш ковагидан овқат қолдиқларини тозалаш, тишларни 1450 промилле фтор иони сақловчи тиш пастаси билан тозалаб ювиш;
2. Кунига 3 маҳал фтор сақловчи эликсир билан тишларни чайиш.
Натижада тишлардаги кариес жараёни маълум муддат тўхтайди.