📌 لعنايتكم..

-مخالف ي دعم سريع وم قايم
( بي صرااخ)
الثبااات ونقعد في الأرض...وهذه الأرض لنا

صوت بقول إشتباااااك و أغلب الناس جرررت

• قوم ي " "
- سلمية ي سعادتك
•بديك بالدبشق دا قووم..
- سلمية ي سعادتو.. اتضرب في راسو

صابرين صابرين صابرين

-بديك بالعكاز دا ي زوول...
قلت ليك مخالف وسلمية ي سعادتو

•قووم ي زول أخوانك جروووو...
-مخالف ي سعادتك
الولد دا تابع لي منو ي عسكري
•انا تابع لي حامد ي سعادتك.. سلمية... صابرين صابرين صابرين

》 دي تفاصيل بتحصل في الإشتباكات.... مافي زول بيقدر عليها إلا ناس بسيطة... دا واحد منهم..
فؤاد كويس وم عندو عوجة
المجد و الخلود لشهداء الثورة ❤️
سلمية سلمية

المؤتمر بدأ وأخيراً المجلس العسكري إترحم علي الشهداء..

- بعد شنو يا مجلس 🙂🚶‍♀

توضيح عشان الناس تستلم:

‏بحصول قوى إعلان الحرية والتغيير على 67٪ من مقاعد البرلمان الإنتقالي، يمكن اعتبارها الحزب الحاكم، ومن حقهم فرض قوانين وتشريعات لعزل "المخلوعين" وأجسامهم أجمعين، بل وتصنيفهم كمنظمات ارهابية محظورة.

#لم_تسقط_بعد

-‏لن نعلن انتصار الثورة الا بإعلان المجلس الرئاسي السيادي المدني برئاسة وأغلبية مدنية..

لحظات تاريخية تمر بها بلادنا ، تودع اليوم وبلا رجعة حكم الفرد ، لتستقبل حقبة تُدار فيها بلادنا بعقل جمعي وروح جماعية في فترة إنتقالية ، يعود بعدها القرار لسيده الشعب السوداني ، ليختار من يمثله ، بكل حرية ، لتظلل الديمقراطية سماء وطنا ، يعشقها وتعشقه .

و المجد للشهداء❤️

بامر الثوار
كبري المك نمر و شارع المك نمر لحدي تقاطع الجزيرة ، الا بطيارة تاني ..

‏عادي نكتّب عن فرحنا !
‏وانو قد طابت جروحنا
‏وانو إختفت الهوآجس
‏والمحطات العنيدة
‏والحوآجز
‏والمسافات البعيدة
‏وأنو بآكر فعلاً أجمّل
‏عادي ؟! 🌸

عادي نكتب عن فرحنا الليله؟!! 💔

الآن الميدان يحتاج للحمايه أكثر من أي وقت مضي ..
كثيرا ما يسرق النصر في لحظات الاحتفال المبكره ..
لا تبرحو الجبل يا رماة الثوره

‏تفاءلوا، تماسكوا، توحدوا سيروا بثبات يا شفاته وحذر نحو المستقبل، فقد تخطيتم مرحلة هامة جداً من مراحل بناء الدولة التي تطلبونها، ولكن لا تنسوا أن تقولوا لهم: إن عدتم عدنا وأكيد قلم الظلم سيظل دائما وأبدا مكسور. 💜✌️🏻

العافيه درجات...
لكن الملفات ال مفروض تكون عاجله قبل السته شهور الاولي:

-فتح التحقيق في جرائم دارفور..
يعني لا يتحاكمو برا ولا يتحاكمو جوه؟؟
احمد هارون وين؟

-اخر 70 شهيد القتلهم منو؟؟جيبو حقهم اهلهم لسه متحيرين..
وين قوش؟

-القتل ناس نيالا منو؟وناس ديسمبر؟؟
منو القتل دكتور سنهوري وهزاع؟

-المسؤولين من تعذيب وترهيب الشعب و المعتقلين منو؟؟وين ناس العصابات؟؟الدنيا هامله ساي؟؟
وين علي عثمان؟
-الاكلو قروشنا ومصو دمنا وين طارو؟مأمون حميده والمتعافي زاغو وين؟؟
اها وداد وينها؟

-الكيزان اصحاب الفتن لازم يقيفو..وين الهندي عز الدين؟
ما يكتب تاني..

-الشيوخ اصاحب الدقن والمنابر..عبد الحي وينو؟ما يفتي نهائي..

#Mzoona_Osama

صابرين صابرين❤️

إرادة
سيادة
حُرية ..
مكان الفرد تتقدم إرادتنا الجماعية ♥️..

إستغفرت ..
ومشت علي الأوضة الوحيدة البابها لسع ما انفتح ..
ياربي نايم كل دا ..
بس ما عوايدو ينوم كدا
ويفوتوا اذان او صلاة ..

دقت على الباب بهدوء واتمهلت ..
ما جاها رد ..
في مرتين اتنحنحت

دخلت عليو ..

الغرفة فاضية
وحالها زي حال البلد
مقلوبة من فوق لي تحت
زي التقول اتفتشت ..

علم البلد مختوت علي الترابيزة في آخر الركن
وأوراق مشتته في الأرض .. اتكرمشت ..

مصلايتو مفروشة في مكانها كما الدوام
والسبحة فوقها اتكومت ..

ياربي ما بيت هنا ؟!
والله ما عاداتو ما يبيت معاي ..
سواها يوم قبال سنة ..
بس تاني ما إتكررت ..

ياربي بس لطفك علي ..
يا ربي دا الداخراهو لي

يا ربي هو الولد الوحيد
ركازتي في زمني العنيد ..

ومشت علي التلفون تفتش في النمر
ياربي بات عند النذير ؟!
ياربي بات عن ناس عمر؟!
ياربي اضرب لي منو ؟!
الدنيا بدري.. اقول شنو
احسن اخلي الشمس تشرق وانتظر..
بس بالي كيفن يهدأ فكرو ويستقر ؟!

طق طق طرق
الباب ضرب
دقات مكررة بي ادب
دقات ضيوف ..
والقلب زاد جواها خوف ..

ياربي عل الجاي خير ..
انا بي حبالك مستجير

ومشت علي الباب في قلق
فتحت لقت كل الخلق ..

الحلة.. واصحابو الكتار
والقلب ولع فيها نار

اصحابو غارقين في الدموع ..
والناس تردد من بعيد
والله ما مات الشهيد ..
والباقي عارفااااهو .. النشيد

يا والدة والله الحصل
ولدك بطل
ناضل فدا الوطن الفضل ..
كان بحمي في اخوانو ديل
فوق المتاريس .. انكتل ..
ضربوهو اولاد الحرام
كان داير افضو الاعتصام
يا أمي كان بيوصي نهديك السلام
ووصيتو ليك ..
ما تدقوا صيوان العزاء
طول ما البلد ماسكاها اذيال النظام.. 💔

💔💔💔💔💔💔💔💔💔💔💔💔💔💔💔💔💔💔ياااوجع الامهااات

بما انو جامعة النيلين كلها كيزان من طلبة لموظفين لكادر تعليمي..
ممكن نحرقها بي كيزانها و تودونا نحن الأقلية ال م كيزان جامعة الخرطوم 🙈♥

-باليييز😭♥️

قبل مغيب شمس اخر يوم من ايام الرحمة .. ادعو لشهدائنا و قلوب امهاتهم 💔..