التعليقات @Sterile19:
ايوة ..بس ليه فكوهو !؟
اعتقد عشان يقدرو يحددو اماكن الناس البتدعو للثورة والناشطين ويجيبوهم🤔🤔

محتاجة احلف ليك ! والله مشتاقين .. البينا ما ريد ساي ، عُشرة سنين و سنين💙..

هو انا الوحيدة ال لسه النت بتاعي م بشتغل بدون VPN؟ 😭😭💦

ممكن الليلة نبقى 400 ؟🙊🙊

ليه لا؟!
ادخلوا هنا يا اخوانا🙈🌸💜

~ الثورة أنثى .. لغةً، واصطلاحاً، وحضوراً في الشوارع ..
.. هنّ كل شيء 🇸🇩💙

كدي خلي هيبة رموز الدولة ... احنا هساا في هيبة ( الطوارئ ) نفسها !
الشعب مسح بيها الواطة !

ولااا كيف ي وداد؟!! 😂😂🔥

في واحده كانت متزوجه واحد طيب خلاس..وما بقصر معاها والله بصرف عليها وبصرف علي اهلها..

اها يوم شالت سكرها وشعيريتها ومشت ل اهل امها بي فطور...
قامو عليها اهلها شحنوها وملو راسها..قالو ليها نسابتك ديل كعبين..نبذونا وقالو علينا حراميه..يرضيك كده؟؟؟
امشي لقطي عفشك وشفعك وتعالي لينا واطلبي الطلاق..

طوالي فاتت لمت شفعها ولقطت حطبها واتخارجت..
وراجلها يقول ليها في شنو فهميني؟؟
قالت ليهو جواب طلاقي يجيني في بيت ابوي لو سمحته..
قال ليها جواب شنو طلقانه من هنا قبل تمرقي...

المهم بكت و ركبت الركشه ومشت اهلها..
قعدت معاهم شهرين..راجلها ولا سأل منها ولا سأل من الشفع..

تاني اهلها زهجو منها..قالو ليها خمي شفعك وارجعي لي راجلك م بنقدر علي مصاريفكم نحنا...

جات راجعه ل راجلها قالت ليهو رجعني في حبالك..
قال ليها برجعك لكن حتكوني المرا التانيه..
#انتي عرست ولا شنو؟؟؟دي منو؟؟
#قال ليها دي اسمها الvpn...
#و عرستها متين دي؟؟
#والله مرقتك كده بس...انا موش طلقتك الضهر؟؟ المغرب نحنا عقدنا

#شركة_زين😂
#Mazoona_Osama

~ حاجات ممكن نعملها تخلي موكب الخميس استثنائي، وتكون خطوات جادة نحو حلم المليونية :
___
.. باستثناء موكبين أو تلاتة، ممكن نقول انو المواكب بقت تكرر نفسها من كل النواحي ( العددية، مدة الموكب، سهولة الفض )، الحاجات دي بقت ثابتة عشان الطريقة المستخدمنها في الحشد والإعلام ثابتة وما اتغيرت، والحق إنها على مدى شهرين أثبتت كفاءتها في حشد العدد البتجمع في العربي وامدرمان ده، بس المليونية والمواكب الأكبر محتاجة مننا إضافات عشان نصل لنتائج مختلفة، حاولت أجمعها في النقاط الجاية دي:
- عشان نصل لموكب مليوني، لابد في الأول صفحة تجمع المهنيين نفسها تصل للمليون متابع أو متفاعل:
للوقت الكتبت فيهو المنشور ده الصفحة كان فيها 343,615 متابع، عدد مقدر منهم مغتربين، وعدد مقدر برضو متضامنين تماماً بس ممتنعين عن الشارع بسبب الأهل، وأقلية متضامنة تماماً مع امتناع عن الشارع لأسباب تانية " دي كلها بعيدة عما لشارع " .. وأي نعم بالمقابل في ناس تانية خفافيش بتقرا وتطبق من غير تفاعل على الصفحة .. لكن بأمانة تامة العدد بسيط على منصة تمثل رأي الشعب الآن وكلنا ملتفين حولها، مع وجود صفحات تانية سودانية للنكات كاسرة الرقم ده بأضعاف .. الحقيقة انو في آلاف بعيدة تماماً عن البيانات البتملانا عز وأمل وبتخلينا نتمسك وما نتراجع، وعن التغطية البتورينا إنجازات الثوار، وبطش النظام .. فلازم نتحمّل مسؤلية جعل صفحة تجمع المهنيين منصة قومية يلتف حولها كل من يملك هاتف ذكي " مبدئياً "، وبعدها العدد الح يتجمع ح يتعكس على الشارع ده ح يتعمل بي انو كلنا نشير صفحة التجمع وندعو كل الأصدقاء للانضمام .
- الاستثمار على أراضي جديدة، فيسبوك ما قصر تب :
حتى لو نفذنا النقطة الأولى بتاعت نشر الصفحة، فيسبوك اقترب من انو يدينا كفاءتو القصوى، والحشد الح يجي منو ما ح يصل المليونية، لأنو ما الوعاء ولا المنصة الأولى للسودانين .. المليونية محتاجة تنسيق جديد على مستويات Offline وأكثر واقعية .. ( روابط دُفع جامعية، روابط إقليمية، جماهير فنان معين، ألتراس نوادي رياضية ) دي أوساط منحصرة نوعاً ما، أعدادها مقدرة ومعتبرة، التواصل بينها ساهل، في ثقة لا بأس بها بين أعضائها، انضمامها للمواكب كتكتلات كااملة ح يكون عندو وزنو، زي انضمام القوى السياسية في الموكب الجاي ده.
.. غير الروابط، تقريبا الواتساب احتلال الثوار ليهو ضعيف، رغم انو منصة السودانيين الأولى ( والناس الكبار تحديداً) .. نزل كل الأخبار على إستوري الواتساب، انشر كل الفيديوهات في قروباتك، خاصة قروبات الأهل الفيها رسائل صباح الخير وجمعة مباركة كتيرة ديك، انشر الأحداث حتى لو من رقم غريب .. ح يكون عندها اثر في انضمام موكب جديد.
- المهارات الفردية والحنك:
اذا كل واحد بشارك في المواكب، أتكفل بي انو يجيب معاهو 5 بس ! موكب الخميس، ح يكون عددنا خرافي .. 5 من شلتك الكسلانة تتصل ليهم عدييييل وتقنعهم وتطمنهم وتربتو سوا، 5 من أولاد حلتك وجيرانك تتكلم معاهم عديييل بخشمك وتجو شلة، 5 من بنات دفعتك الأصليات، 5 من قريابك .. المهم خمسة انت عارف انهم على الهبشة، انت تشجعهم وتطمنهم وتجو، ان شاءالله تعتبروها مغامرة.
- أساليب وخطط إعلام جديدة:
دي نقطة طرحها التجمع نفسو بإنو خصص يوم الأربعاء كيوم حشد ليوم الخميس .. المطلوب مننا كلنا نتكفل بالأتي : نشر محتوى يدعم الثورة والموكب تحديداً ( خطط هرب، هتافات، أشعار، دوافع، قصص ثوار ملهمة، مراوغة طريفة، آيات، تثبيت وتطمين .. الخ ) المهم حاجة تخليني افكر في الثورة، وفِي الثورة في يوم الخميس ! + تغيير صورة البروفايل ببوستر الموكب الرسمي + الفويس نوت الصوتي لازم يزور الجميع من بدري + التعفف عن الانصرافية واكتمها جواك إلى اجل قريب + نلتزم بيوم بكرة كيوم إعلاني كبير "
.. هي طبعاً ساقطة ساقطة ان شاءالله ، لكن النقاط دي احتمال تعجل لينا موعد الفرح كم يوم لي جاي
* ملحوظة : بعد وصلت للنهاية راجع النقاط سريع كده، وشوف بتقدر تعمل شنو وأبدا فيهو طوالي عشان نكون عمليين
.. شير، نسخ ولصق عشان يصل للناس، وكل التوقعات نصر 🇸🇩💙
#موكب28فبراير

مابنقفل ال Vpn
الا التجمع ينزل بيان رسمي ..😎

#تسقط_بس🇸🇩✌🏻

كل ما نقول خلّصنا الليل ..يطلع باكر ليلا اطول ، كل ما تقول كمّلنا الشيل .. تطلع شيلة باكر اتقل

عاشِق شاف حبيبتو ..
مَرَقتو من ضُلمّة
إتلعثَم حنانو ، قال لحبيبتو : يُمّـة ❤️

#إبراهيم_ابنعوف

ياتو غدد تداعت؟
وياتو خلية سالت؟
فسر ماتفسر
ما هذا المسمى

معلقين فيها تعليقه شينه😂💦💦🌸

عاشِق شاف حبيبتو ..
مَرَقتو من ضُلمّة
إتلعثَم حنانو ،
قال لحبيبتو : يُمّـة

سمحة شديد😂😂😂❤️

خلاص تموها🙈🌸

حالة من الصفر وماقبل الوصف..
كلمة جنين في خشمك في شهر الحرف..
زول ماشفتو لسه و عين قعدت ترف..
حب يادوب بيدفى في طور الولف..
حالة كلاما فاضي وماقبل الألف...