صباح الحبيبة ال مشت خلّتك في عِز احتياجك ، و لا سألتك بتقدر تواصل حياتك بدوني؟
بتقدر تفارق عيون حبتك؟
حبيبة بتسيبك و تمشي ف طريقا
و انت ف طريقك بتمشي الحبيبة الصحيح حبتك 🌸💜..

صباح الخير
لماذا لا تملك قضيتك الخاصة
لماذا لا تدافع عن هذه الأرض كنا لو انها خاصتك...كما لو أنها تستنجدك!

اليوم للثورة

اللغة الفرنسية لغة عالمية
ثالث اكثر لغة منتشرة في العالم
ومحبينها كتار 😍
واكثرهم عندنا هنا في المبادرة
آي عارفنكم طبعا ما قديتونا بيها 😂
عملنا ليكم ورشة مخصوص السبت ده
تقعدوا ترطنوا فيها وتنطلقوا براحتكم 😂✌️

الورشة بعنوان: french club
مع مسيو عبدالكريم
من الساعة 6 لـ8 مساءً
في السبت الخارق 23/2/2019

وزي ما عارفين الورش مجانية تمامًا
وما تنسى لازم تجي قبل الزمن بربع ساعة
عشان تضمن تذكرتك المجانية وتدخل طوالي 😍
وحتكون الاولوية لاول 24 شخص

موقعنا:
الرياض - شارع الصفا - شرق مطعم دودي (البيت المصري سابقًا) - شمال سفارة جنوب السودان

للاستفسار:
0918825000
0991801000

#السبت_الخارق
#ما_عندك_حجة
#نحن_عايزينك_تتعلم

ياصابره حي على الفلاح..
ياصابره حي على الليالي الفاتحه لوش الصباح..
ياصابره حي على المدائن الفاضله والقول المباح..
لو كنت اقدر انزعك من مخالب الخوف وجلجلة السلاح، ماكنت تاني رجعت ليك
خاوي اليدين دامي الخطى ومكسور جناح

طريق الشعب اوسع من زحام الضيق ، و قلب الشعب ارحب من رحاب الضو ..
و نبض الشعب كل حلم بداهو بِتِم ❤️✌️..

الناس تأمن نفسها كويسسس
#موكب_الرحيل
#موكب٢١فبراير ✌️🏻💜✨

#السوق_العربي على غير العادة ( إكتظاظ وإزدحام) منذ الصباح الباكر ويكأنه ينذر بالرحيل

#موكب_الرحيل
#موكب21فبراير

اغلاق معظم المحلات التجارية وسط الخرطوم واعتقالات عشوائية .

#مدن_السودان_تنتفض
#موكب٢١فبراير

محيط مدرستي الشيخ مصطفى الامين وكمبوني غرقان امنجية متعطلين عند ستات الشاي شكلو الكود بتاعهم الليلة " سماعة التلفون "

#مدن_السودان_تنتفض
#موكب٢١فبراير

أول مايضربوا بمبان ماتجري براك ... أبعد شوية من مسار الدخان ... كلها دقيقتين والبمبان يروح والناس تواصل هتاف عادي ..
خليك عارف إنت طالع مظاهرة يعني أحسن تأمين ليك إنك تكون في قلب الحشد لو حاولت تكون طرف أو بعيد من الحشد شوية كدا بتعرض نفسك للاعتقال بسهولة ..
بعد البمبان واصل هتافك عادي وبكون في ناس عندهم خبرة في المظاهرات ح يغيرو مسار الموكب لي إتجاه تاني عشان كدا خليك في الموكب وأهتف مع الناس ..
خلي في بالك نحن طالعين نغيير نظام قعد 30 سنة وأكيد ماحايستقبلنا بالورد والاعتقال وارد بس حايفكوك طوالي بعد ساعات والضرب وارد ودي ضريبة وطن عشان نغير الواقع للافضل ..
مهما الضرب والبمبان بقي كتير ماتحاول تنسحب عشان تسهل اعتقالك خليك مع الناس واتذكر انو في أكتر من 50 شاب ضحوا بأرواحهم عشان الثورة تنتصر ..
#منقول..

#موكب21فبراير

اللهم سلّم..
اللهم سلّم..💜🌸🇸🇩
#موكب_الرحيل
#موكب٢١فبراير

الداخل من جاكسون يمشي ع الاستاد ويدخل السيد عبد الرحمن والداخل من شروني يدخل شمال بفسحة السكة حديد مايكمل بي استاك ويدخل بورا طب الخرطوم .
و اعتقالات كثيفة بالقرب من مطعم وسط الخرطوم.
#موكب٢١فبراير
#مدن_السودان_تنتفض

1:00 PM
-وأَهتُفِي فَـ لِيحيَا الوَطنْ...
#موكب_الرحيل
#موكب٢١فبراير 💜🇸🇩✨

اعتقال سكرتير الحزب الشيوعي محمد مختار الخطيب ، أمام مسجد فاروق

#مدن_السودان_تنتفض
#موكب٢١فبراير

الموكب كما ينبغي له
حضور مهيب ، هتاف عالي
الليلة تسقط بس
#موكب_الرحيل
#موكب٢١فبراير

انطلاق موكب من شارع الصناعات متوجهاً الخرطوم ✌️🏻✨..
ايدك ع ايدي
#موكب_الرحيل
#موكب٢١فبراير

انطلاق ثلاثة مواكب في السوق العربي..
#موكب_21فبراير
#تسقط_بس
#موكب_الرحيل

4 مواكب حاشدة تجول السوق العربي الان
#موكب21فبراير
#موكب_الرحيل

فليخرُج الباغِي الشّقي ويُرفرف العلم الأبيّ⁦✌🏻⁩⁦🇸🇩⁩!.

#تسقط_بس
#موكب_الرحيل
#موكب٢١فبراير