شرقت شمس اليوم التاني🌸

ﻛﻤﻴﺔ الناس ﺍﻣﺲ ﻓﻲ ﻣﻮﻝ #ﺍﻟﻮﺍﺣﺔ ﻭﺍﻟﺤﻤﺎﺱ ﺩﺓ ﻟﻮ ﻛﺎﻥ ﻓﻲ ﺍﻱ ﺩﻭﻟﺔ ﺗﺎﻧﻴﺔ ﻛﺎﻥ حصل تخريب ونهب وسرقة..
والدليل على سلمية المظاهرات العربي امس ما حصل فيهو اي تخريب او حريق..

#مدن_السودان_تنتفض

على الرغم من اني م متقبلة الى حدٍ ما فكرة "التظاهر"، من نواحي "الفقد حـار جداً على الأمهات، و في شباب متهور"، إلّا انه "سلمية، و منع الخراب" دي حاجة تملا الواحد فخر، انا م طلعت و لا شاركت جسدياً، بس قلبي في يدي زي و زي كتار يديهم مرفوعة تدعي "حيلتهم الوحيدة"، فعلاً انا حاسه بفخر شديد شديد اني تحديداً من الجيل الصاعد، بكمية الإشعارات البقراها و كلام الناشطين و المتفاعلين من الاحداث، ممتنة جداً لكل رجل سوداني و لكل كنداكة سودانية، الله يسلمكم يااااخ من كل سوء، و تبقي النتيجة فعلاً قبل كل واحد يمسح عرق راسو، فرحة قلب و رفعة راس لكل ام، انا تقريباً بسجل و ارتب في الأحداث، و اذا قدرت بحفظ الأسماء و الصور و قدر المقاطع، و حأوريها اولادي و اني كنت في البيت م طلعت بس ديل ناس ماتوا عشانا، و ديل طلعوا عشان البلد خيراته وفيرة نرجع نستثمرها، و عشان تبقي ضربة قوية لعين كل طامع منصب يعمل حسابه البلد فيها جدعان، و ناس ح تبدع جداً في اعمار البلد دي و حتمسكها بقلبها و جسارتها.



تحية جميلة جداً "للثوار"
الله يسلمكم من كل سوء
و دعواتنا معاكم ♥
#اقيف_قدامها_و_اقول_للدنيا_انا_سوداني
#مرام ♥🇸🇩

ست الدار ما تشفقي خالص
ست الدار أنا ياني الزين
ست الدار سامعاني كويس ؟!

الناس الصابرة سنين بالحالة ال ما دغرية 
القابضة الجمرة في إيدا والجمرة تلهلب حية 
لا قادرة الجمرة تقيدا لا قادرة تولع هيّ 

يا قلبي بلاش نستعجل في الدرب شوية شوية 
واصلين ال ما بتأجل لليوم الشمشو قوية ..

لا عِرق لا آه نتقادم سكتنا بياض النية 
مش كلنا جينا من آدم مش آدم ابو البشرية ..

مد كفك يا بني آدم حرية سلام حرية ..

ﻭﺍﻟﺸﻤﺲ ﻓﻮﻕ ﺣﺒﻞ ﺍﻟﻐﻴﻮﻡ ﺷﺮﺕ ﺟﻼﻟﻴﺐ ﺍﻟﻨﻌﺎﺱ..

جات المغارب حننت ايدا و مشت..

ﺗﻀﺤﻚ ﻛﻞ ﻣﺎ ﻭﻗﻌﺖ ﻣﺼﻴﺒﺔ

ﺗﻤﺸي ﻋﻠﻰ ﺍﻟﻌﺠﻴﻦ ﻭﺗﻠﺨﺒﻄﻮ..

ترطن اذا جاها الحنين..

ﻳﺎ ﺑﺖ ﺑﻴﻮﺕ ﺍﻟﻬﺠﻌﺔ ﻛﻴﻒ
ﻭﻏﺒﺎﺭ ﺷﻮﺍﺭﻋﻚ ﻣﺎﺷي ﻭﻳﻦ..

الليل خِمار القمرة مجدوع في الفراغ..

الحرس الكانوا في المول في الوقت الكانت تاتشرات الحكومة فرقتنا حتى م خلتنا نصل الميدان وحاصرتنا جوااا المول
حرس المول كان بدخلوا فينا جواا المول وعيونهم
مليانة خوف علينا في الوقت الكان بضرب
فيهو رصاص حي وبمبان
وهم بقولوا لينا ادخلوا واول م ندخل بقفلوا
الابواب في وش الامنجية واول م نقول طالعين
تاني بفتحوا لينا الابواب وتاني لما يحاصرونا برجعوا بفتحوا الابواب
لحد م امنجية اتنين كانوا عايزين يدخلوا وانا واقفة
بجواا قصاد الباب الحرس قال ليهو لو عايز تقبض حد مهمتك تقبضوا برا مش تدخل
جوااا والامنجية شغالين ليهو قلنا ليك افتح الباب
والخوف الكان في عيون البنات انو يفتح ليهم الباي
بس ردوا كان انتوا بتعملوا شغلكم وانا بعمل شغلي
ودا شغلي ودي منطقتي وم ح اسمح ليكم
تدخلوا لو فيها موت وقتها الامنجية لملموا بعض ورجعوا
والبنات كانت بتزعرد وبتضحك من موقف الحرس
#شكرا_جميلا ياخ
#الموقف التاني
وانحنا طلعنا من المول وكميتنا كانت كبيرة شديد وبعد شوية بدوا يفكوا فينا البمبان وقطعنا مسافة من المول وماف مكان ندخلوا والعربات حاصرتنا وبدوا يضربوا رصاص والناس بقت تجري وانحنا م لقينا غير البدروم بتاع العربات التابع للمول والامنجية كانوا ورانا وجواا البدروم في باب م بدخلوا بيهوا الا الموظفين بس في عم كبير مهمتوا يحرس الباب دا اول م شافنا محاصرين فتح لينا الباب وقال لينا ادخلوا واول م عايز يقفل الباب الامنجي مسكوا العم دفر بتاع الامنجي لحد م قرب يقع وقفل الباب وبقى يطلع للامنجي لسانوا بورا باب القزاز بحركة معناها اقدر اصلنا😂😂😂😂 ياخ عن كمية الضحك الضحكناهوا لما عمو كان بغيظ فيهم ونحنا واقفين والامنجية واقفين م قادرين يصلونا وعيونهم كانت مليانة حقد وكره كأننا من كوكب تاني وم بشر
بعدها العم وصف لينا مكان نطلع بيهو وقال لينا اجروا قلنا ليهو وانت قال لينا زي م هم مشغلنهم عشان يحموا رئيسهم انا كمان مشغلني عشان احمي المكان دا وماف زول فيهم يقدر يسألني
وقال لينا ربنا يغطي عليكم وطالما انتوا طالعين عشان حقكم اوعى تخافوا منهم ديل كلاب ساي
ديل اكتر #موقفين انا كنتا جزء منهم واتاكدتة انو نحنا شعب سمح شديد وم نستحق الا السمح
البشبهنا
شكرا لكل الناس حتى الناس الموجودة في مكانه وم طلعت بس لما احتاجوها الناس لقوها سند وضهر
....
منقووول من صفحة وفاق احمد ..

دي الحاجات المفروض ت تشير جد .....

#مدن_السودان_تنتفض
#اوقفو_قتل_المتظاهرين
#اوقفو_الاعتقالات
#مرقنا

صفا.... إنتباه
وقعت من الهدهد بلد..

النفوس طيبة شديد 😂😂😂💙

يا جماعة في مشكله بتلاقينا انو لمن يعتقلو زول بنعرفو او تكون انت زاتك معتقل ما بتقلى طريقه تطمن اهلك عليك لانو بشيلو منك تلفنونك اول ما يدخلوك مكاتبهم دي وماف زول حيعرفك في ياتو قسم ولا مكتب

في ميزه في واتساب اسمها Share Live Location الناس ما فاكره ليها
ممكن ترسل لي زول وريتو انك طالع او قروب اللوكيشن ده مما تبدا التجمعات للمظاهره فيو امكانيه انو تخلي زولك متابعك لي فتره 8 ساعات بس الشرط تخلي النت فاتح لو قبضوك وقفلو التلفون حيظهر اخر موقع انت فيو.
المهم هو بخلي ناسك متطمنين عليك لو حصل شي او ما حصل...

وربي يحفظكم ❤️
ششيررر
#مدن_السودان_تنتفض

~ انت يا أبوي كيف قدرتو تفوزو على الزول الكان حاكمكم 30 سنة، وبعدها السودان بقى أحلى من الصور الشفناها عنو زمان؟
__
.. عارفة ! طول عمرنا كنا متعلمين نصبر على البنخاف منو وبنكرهو، واليوم الاتعلمنا نصبر فيهو عشان الحاجة العايزنها وبنتمناها! .. النصر جا
.. الناس مرقت في الاول ما قايلا الموضوع بياخد شهر وشوية .. الخاف خاف، والتعب تعب .. لكن الخوف الكان في عيون العساكر وهم الشايلين السلاح كان أكبر .. عشان هم شوية ونحن اكتر .. ده غير انو الحق معانا وما معاهم ..
.. الناس ما وقفت .. البكتب بكتب .. والبطلع بطلع، والبنات نفخونا ليك بالزغاريد .. تسمع الزغرودة! تشم بعدها البمبان زي البخور ..
.. الموت كتير .. ووقتها الناس بقت تهتف " دم الشهيد ! بيشتروهو بدم جديد " .. ويا داب الشغلة ولعت .. عشان نحن بقينا في النص الرجعة صعبة، فأخبر نمشي قدام ..
.. الضباط أولاد الحلال ما كانو شوية، القلع الكاكي ودخل مع الناس، والرتب الكبيرة الاندمجت معانا بي كل التحتها .. والعالم البقى واقف معانا وصوتنا مسموووع بي حاجة اسمها الهاشتاق، هسي بقت دقة قديمة، ما قنواتنا كانت عاملة رايحة ..
.. بس في يوم وكل الناس في الشارع قاعدة وفِي الميادين وبتهتف من غير خراب، وأمهاتنا بوزعوا في سندويتشات الطعمية والفول وجرادل العصير ! .. قرينا في الفيسبوك انو الرئيس عندو خطاب مهم، بعد ما غطس قريب الشهر
.. الناس فتحت الشاشات في ساحة 25 ديسمبر، كان زمان اسمها الساحة الخضراء .. وبقت تحضر
.. والساعة القال : أعلن التنحي عن الرئاسة استجابةً لمطالب الشعب ! زي التقول ما ضُقنا قبل اليوم فرح .. والناس بتحضن من طرف، والمساجد تكبِّر والنسوان يزغرتو .. وصباح اليوم داك! .. غايتو اكتر ناس كسبو الترزية .. كل الناس فصلت أعلام، وناس الدكاكين وزعو البارد مجان، والبنات خبزو ويوزعو في الشارع واليوم داك بيت الشهيد بقى بيت عرس ما بيت عزا ..
.. بعدا بي كم شهر عرست امك بعد شحطتها معاي سنين، ما الناس خلاص بقت أخوان وما بتشددو في الطلبات والتكاليف والعيشة زاتها بقت اسهل .. ومن قلت ليها نتزفا بي نشيد العلم .. امك لي هسي بتغير من السودان ، وقالت لي الثورة الجابت لينا ضرات دي الله يكفينا شرها ..
.. عارفة يا بسمة أحسن حاجة عملناها شنو بعد الثورة نجحت ! .. رجعنا الجنوب بعد انفصل ~💙
____
رواية في انتظار أبطالها
#محمد_عبدالرحمن