دي محلسة منهم ساي يا صفاء ..
كدا ممكن تفهميها

😂😂😂😂😂😂💙
افهم و اجيب ناس تفهم

كان شُفتي في دا اللّيل
يا يُمّا دفق السّيل
أولاد كمَا المِصباح
شايلين همُوم الجِيل
لا خافُوا موت لا سِلاح
لا قالُوا نرجَى صبَاح
باللّيل دا بس نِجتاح
ليلَة العدِيل و الزّين
من الهِلال مرقُوا
في ليلَة القمرَا
قالُوا الوطَن حقُو
نقدِّمو و نبرَاه
فرحَانة يا يُمّا
كان نقَص أو تمَّ
الخُطوة ما هينَة
كان المسَار ضلمَة
في كُلّ يوم خُطوة
بنوصَل و ننجمّ. ✌️🏽♥️🖤💚🇸🇩
#مدن_السودان_تنتفض
#حرية_سلام_وعدالة
#الثورة_خيار_الشعب

البره ما قادرين يجوك..
والجوه كايسين يهجروك..
انقاذ شنو البعمل كدا..
ياريتو لو ما انقذوك..💔

ود السيد..

نشرت الهاشتاق بتاع #مدن_السودان_تنتفض في كل القنوات العندي في التلغرام حتى الغير سودانية..
من الحاجة المؤسفه شديد..💔
رد لي واحد سوري.. قال لي " الله يفرجها عليكم وينصركم.. بس صدقيني العرب مافيهم نخوة.. فلسطين وسوريا انتهو وماحدا فيهم حرك ساكن..احترقنا بسوريا وماحدا طلع علينا ،كِلون بعبدو المصارِي ونسيو رحمة الله"..

#مدن_السودان_تنتفض
#اوقفو_ضرب_متظاهري_السودان_بالنار

الجوطه الحاصله دي ورتك شنو؟؟؟

#انا عرفته انو اي زول مرطب وعندو قروش ما حيقيف معانا...قتلونا ولا خنقونا م عندو فينا شغله..

#اكتشفته انو الاعلام ده العدو الاول..
الا يموت "والي" ولا فنان...
لكن "الغناء"شغال ما دام الميت مواطن..

#عرفته انو اليدو في النار ما زي اليدو في النيل الازرق..
تاني مافي زول يقول لي لوشي قالت وتهاني قالت..
مافي مذيعه بتشبهنا...قتلونا ونبذونا..

#عرفته انو الفنانين بظهرو لمن نستف شنطنا بس..لكن لمن نكون مجهجين كدا مابظهرو..
انا شخصيا كنت متأكده..
يعني ما ممكن فنان بقول احيييييا ويجي يقيف معاك..
واقفين في كوفير نحنا؟؟دي ثوره..

#عرفته انو القونات الكانو بقولو"قلتو وبستحمل مسؤليتو" ديل كضابات ساي..ماقالو اي شي..

#فهمنا انو امام المسجد بشوف شعرنا لو طلع بره..
لكن لمن يقتلونا بعمل فيها احوص..

#وعرفته انو الجيل الجاي ما حيسكت..شفنا اولاد عمرهم 15 سنه..ماتو عشان حقهم..
#Mazoona_Osamaa

😂💦
Important actions come late 💜🌸

رئيس هيئة علماء السودان يجيز قمع التظاهرات بواسطة القوات النظامية ويقول أن المتظاهرين يحملون أسلحة !!!

دا الراجل الوقفنا معاه في نقاش وئام شوقي ؟؟
دا الراجل الزعلنا عشان قاطعته بالحديث وهو مصرح بي أنه يموتو اطفالنا وأمهاتنا ؟؟
دا اللي مفروض يكون شعاره الساكت عن الحق شيطان اخرس ؟؟

#الثلاثاء_25_ديسمبر_مسيرة_إلي_القصر
#مدن_السودان_تنتفض

نهائي ماوقفت معاه..
كلامو اللي قالو اصلا عن الامور ديك ماعجبني ولا وقفت معاه..
كلهم كداا 🤦🏻‍♀💔💔

#واسسسفااه 💔

+1

صحبتي قالت لي اثناء ما انا في الحافلة في واحد من الركاب اتشاكل مع الكمساري بسبب زيادة التعريفة وعمل جوطة شديدة
المهم في الاخر بقى يكورك ارح قسم الشرطة ..
قالت في اللحظة دي انتفض واحد قدام وقال يا زول ما ماشين القسم ونحن ضد النظام دا زاتو وهو سبب الازمة ؛!،
الراكب رد ليهو طيب انا اشيل حقي كيف و أضمنو ؟
رد ليهو المنتفض
( احرق لستك وطالب بكل حقوقك كاملة ) 💜
السواق دا زاتو الحكومة بتعصرو وبتشيل منو ضرائب وتصاديق
وهو زاتو بمشي يشتري البصل والزيت والعيش الكل يوم بزيادة !

قالت فجأة السواق كورك للكمساري وهو مبسوط من كلام الزول دا وقال ليهو رجع للناس ديل كلهم القروش والفردة دي انا شايلها من اجل #الثورة و المظاهرات 💜

#فجر_الخلاص_قرب

ود إشتياق..

اول م اقرا بوست ذي دا بجي في بالي يعني برا في مواصلات؟ في ناس طالعين و نازلين غير ناس المظاهرات؟
طول ما انا قاعدة ف البيت شكلي م ح استوعب الحاصل شنو الا من الصور 💔

😭😭😭😭😭😭😭😭😭💜💜💜💜💜💜💜💜💜💜💜💜💜💜💜💜💜💜💜💜💜💜💜💜💜💜💜💜💜💜💜💜💜💜💜💜💜💜💜💜💜💜
اللهم امين

قمة السخررررية 💔

مذيعة القناة الاجنبية للمسئول الحكومى :

اذا كنتم تسمحون بالمسيرات السلمية فكيف يموت 20 متظاهرا برصاص الشرطة ؟

المسئول : نحن فكينا الرصاص فى الهواء

المذيعة : كيف يعنى تفكوا الرصاص فى الهواء وهم يموتوا ؟!
هل هم عصافير ؟!!!

المسئول : والله صراحة انا ما عندى معلومة كاملة فى المسألة دى ؟!!!!

نبكيك كيف
شايف الدمع أصبح خفيف
حتى الجراح النازفة فيك
إتقرحت
وإتهد حيل الأمنيات
صوت السواقي الكان حنين
أصبح أنين
من تقلة الشيل والحمل
حتى الصبر إحتار في أمرك يا وطن
وأصبح يعاين من بعييد
شان يندهك 💜🌸

بس صوتوا بح من الصراخ
ما الريح تهب دون شهوتك
نهشوك لي حد العضم
خلوك لحا
بطرت نفوس الطامعيين
يتجشوا أحلامك ضَحى
والناس بقت مافاهمةشيئ
مطحونة بي حجر الرحى
موجوعة لي حد الوجع
مافرقت ليل من ضُحى
لمتين ياهم تمرق تمش 💜🌸

تاكيهوا باب الأمنيات
يقشع ظلام الأمسيات
ونصبح على الحلم الكبييير
وطن العشم 💔💜🌸

‏ممكن بعد الثورة تنجح نؤمن بي حته اننا افارقه وما عرب؟! 🙃