نحب نأكد للمؤتمر الوطني ان الحرائق بمكاتبكم نتيجة التماس كهربائي ولا دخل للمواطنين بها.
كما نقول لكم الحاصل ليكم الايام دي من بعدكم من الله ولبس بناتكم الضيق عليكم بالاستغفار والتوبه

الحنك الوحيد بتاع الحكومه عشان تضربنا بالرصاص
"انو ديل مخربين"..

يعني معقول مبني المؤتمر الوطني في عطبره بستاهل يقتلو عشانو 12 ولد؟؟
معقول يموتو 3 اولاد عشان حرقو لستك؟؟
يعني مبني المؤتمر في القضارف بستاهل دم 9 اولاد مننا؟؟
ليه نحنا رخيصين للدرجه دي؟؟

مبني المؤتمر الوطني فيهو شنو هو؟؟
زيو و زي "الاندايه"..عطاله حراميه ما بخافو من الله بتلاقو فيهو بالليل بشربو بنقو والصباح بسرقونا..

ده بستاهل يقطعو عشانو قلب اسره كاااامله فقدت ولدها؟؟

بعدين ده منو الفهم الحكومه انو التخريب عقوبتو الاعدام؟؟
انتو بتخربو فيها من 89..في زول اعدمكم؟؟
احسب ليكم الخراب؟؟
والله ما فايقه انا..
لكن الصناعه والصحه والسكه حديد الخربها منو؟
لو بديت احسب الخراب والله لحدي بكره ما بنتهي...
هو انتو كمان خرابكم بي فشخره..
الكوز البتزعلو منو بتركبوهو طياره تمنها 100 الف دولار..
بتقتلو الكوز بي طيارتو..وتخلعونا نحنا..

مشروع الجزيره الخربو منو اها؟؟
ده براهو يستاهل نعدم عشانو عمر البشير ستطاشر مره..
نعدمو في مدني ونشيلو ميت نوديهو كسلا نعدمو تاني.. واخر شي نجيبو في شوال نرميهو جنب وداد..ونعدمها هي برضو..
ودي كمان نعدمها قريص..ما شنق

لانو المرا دي من اول يوم دخلت فيهو بيت عمر وهي شغاله بتخرب..
وكمان حريفه حرفنا..
عشان تخرب بي راحتها عملت منظمه خيريه..
اتحدي اي زول جاتو مساعده من المنظمه دي..ان شاءالله روج...
منو اها؟؟
يعني هي تسرق من الحريم..وراجلها يسرق من الرجال..
عمر والمعاهو فترو من خم القروش..جابو حريمهم يخمو برضو..
اي اصلا المرا بتخم كتير لانو توبها واسع..
وكمان زولتنا دي اتقول بتخم بي جضومها..
ياجماعه نحنا مواطنين ولا ضيوف صارحونا؟؟
لانو الليله بي سبب المنظمه دي وداد البدفرها ما برميها..
قروشها الفي سويسرا بتكفينا رغيف لمن نموت..
خليك من قروشها الجوه واراضيها ودهبها وكده..
اسي هي بتلعب لودو ولا بتخرب؟؟
طيب اعدموها مالكم؟
#Mazoona_Osamaa

-

بكره نسمع قالو حره ونبقى احسن شعب ثار.. 💜🌸
#مدن_السودان_تنتفض

ياااااااارب 🙌🏻🌸

النفس الطويل مهم ✌️🏽♥️

ياخالة .. يا أم العسكري
ولدك بيقتل في الصغار كيفن بينوم المفتري شال نورة الأولاد وفات ياعزة فيهم أعقري كيفن يحل دم الصغار أو الكبار
كيف بس يحل دم البريء ؟
ياخالة هل كفاك مال ؟
عايشة في نعيم مابتفقري ؟
ياخالة هل لاقية الرغيف
من غير صفوف بتحصلي ؟
ياخالة هل ماشايلة هم
مبسوطة بالولد الثري ؟
ياخالة هل باريك تمام
بطلب رضاك من الصباح ؟
ياخالة هل وعدك في يوم
بأنو حايشرق صباح ؟
ياخالة هل بيعرف يحس
بيعرف يخاف ؟
بيعرف يعاف ؟
بيعرف يساند للضعاف ؟
هل بعرف السترة العفاف ؟
هل ياخ بشر ؟
هل حايعيش طول العمر ؟
كيفن يفوت للأخرة ويقعد في شبر ؟

ﺍﻟﺪﻳﻦ ﺑﻘﻮﻝ ﺍﻟﺰﻭﻝ ﺇﻥ ﺷﺎﻑ ﻏﻠﻂ ﻣﻨﻜﺮ ﻣﺎ ﻳﻨﻜﺘﻢ ﻳﺴﻜﺖ
ﺑﺒﻘﻰ ﺍﻟﻐﻠﻂ ﺳﺘﻴﻦ، ﻛﻮﺯ ﺍﻟﺴﺠﻢ ﺑﻴﻐﺮﻑ ﻓﻲ ﺧﻴﺮﻧﺎ ﻭﻳﺘﻤﺘﻊ
ﻧﺤﻦ ﺍﻟﺴﻘﻴﻨﺎ ﺍﻟﻨﻴﻞ ﻣﻦ ﺩﻣﻨﺎ ﺍﻟﻔﺎﻳﺮ ﻣﺎ ﺑﻨﻨﻜﺘﻢ ﻧﺴﻜﺖ ﻓﻲ ﻭﺵ ﻋﻤﻴﻞ ﺟﺎﻳﺮ

#مدن_السودان_تنتفض

ﻣﺎ ﺑﻨﻜﺘﻢ ﻭﺃﺳﻜﺖ ﺇﻻ ﺍﻟﻌﺴﺲ ﺩﻩ ﻳﻐﻮﺭ
ﺇﻥ ﻛﺎﻥ ﺳﺠﻦ ﻳﻤﺔ ﺳﺠﻨﺎً ﻳﻜﻮﺳﻮ ﺭﺟﺎﻝ
ﺳﺠﻨﺎً ﻣﻼﻥ ﺛﻮﺍﺭ ﻣﺎ ﻗﺎﻟﻮﺍ ﻓﻴﻮ ﺳﺮّﺍﻕ
ﻣﺎ ﺃﻧﺪﺱ ﻓﻴﻮ ﺧﺎﺋﻦ ﻣﺎﻓﻴﻬﻮ ﻭﻟﺪﺍً ﻋﺎﻕ
ﻓﻴﻬﻮ ﺍﻟﺸﺮﻑ ﺫﻣﺔ ﻓﻴﻬﻮ ﺍﻟﻐﺒﺎﺵ ﺩﻓﺎﻕ
ﺍﻟﻀﺎﻕ ﻟﻬﻴﺐ ﺍﻟﺸﻤﺲ ﺭﺍﺡ ﻳﻘﻬﺮ ﺍﻟﺮﻗﺮﺍﻕ
ﻭﺇﻥ ﻛﻨﺘﻲ ﺧﺎﻳﻔﺔ ﺍﻟﻤﻮﺕ ﻳﻤﺔ ﺍﻟﺮﺟﺎﻝ ﺃﺣﺮﺍﺭ
ﺷﻦ ﻓﺎﻳﺪﺓ ﺍﻟﻌﻴﺸﺔ ﻭﺍﻟﺮﻭﺡ ﻣﻮﻟﻌﺔ ﻧﺎﺭ

#شعب_السودان_ينتفض
#الثورة_خيار_الشعب