شرحنه المثبت بالمضارع البسيط
وشرحنه النفي بالمضارع البسيط
هسه نبلش نشرح الاستفهام (السؤال) بالمضارع

قاعده الاستفهام ك الاتي بس انتبهوا ماكو اي اضافه للفعل

Do,Does +S+V+تكمله +?
هسه راح افصخلكم القاعده بالتفصيل بس ركزوا شوي

احنه عدنه الجمله دائماً تبدي بالفاعل (S)
بس بالاستفهام العكس
لان قاعدتنه تبلش بأداة الاستفهام
نقدم الاداة قبل الفاعل
وبنهاية الجملة نخلي علامة استفهام (؟)
هسه ننطي كم مثال ونفصخهن
Do you speak English?
اداة الاستفهام بالمثال
Do
لان عدنه الفاعل
You
ومثل مااتفقنه الفعل خالي من الاضافه
الفعل speak معناه تحجي
ماموجود بيه اي اضافه
والتكمله عاديه
وشوفوا بنهاية الجملة علامة الاستفهام
(?)
انتبهوا عليها بالامتحان
لان لنفترض الجمله عليها درجتين
اءا جاوبت الجمله صح وبدون ماتخلي علامة الاستفهام ف راح ينطيك درجه وحده
خل ناخذ فد مثال ثاني
Does it work?
الاداة بالجملة لكيناها
Does
لان الفاعل مفرد
It
والفعل work
مابيه اي اضافه
وعلامة الاستفهام بنهاية الجملة

انطيكم فد ملاحظه
شوفوا اكثركم مايكدر يميز زمن عن زمن 😐 انه جانت تواجهني هلمشكله بالمدرسه بس تخطيتها وراح اكللكم شلون

بالمضارع البسيط
راح تلكون
S
بنهاية الفعل
راح تلكون الاداتين
Do,Does بالجملة او القصه او الرواية او المقاله
راح تلكون ظروف التكرار
Usually غالباً
Sometimes احياناً
Often اكثر الاحيان
Always دائماً
Never ابداً
او ينطيك بين قوسين
(Present simple)
هنا تصير اوضح الكم


وكل زمن راح اكللكم شلون تميزونه عن غيره من الازمنه

بليل نبلش بالمضارع المستمر
واذا شرحي مو زين او مافهمتوا بس كولوا رحمة لأهلكم 😐
او اذا اكو غلط كولوا الواحد هم يتعلم من اخطأه
واذا اضافه عدكم هم كولوا

حسيون اذا شرحي بيه شي غلط كول 😂

هسه ننطي امثله
Children cry, if the are frightened
الجهال يبجون اذا خافو
هلشي حقيقه

If we go to the north, we see the mountains
اذا رحنه للشمال ف راح نشوف الجبال هلشي صدك

زين شلون السؤال ؟؟
السؤال ك الاتي يجي
امايكلك هيج
if we don't water them,(plant) die

(correct)

هاي اول طريقة
هنا لازم نعرف زمن الجمله
زين شلون اعرف الزمن مال جمله ؟
طبعاً اللجمله اللي بين قوسين ماكدر اعرف زمنها لأن غلط الجملة ف اروح ع الجمله اللي مابيها قوسين
واشوف الزمن
if we don't water them
هذا مضارع بسيط
شلون عرفته مضارع بسيط ؟
Don't
عندي ومثل ماكلنه بالشرح الفوك مال مضارع بسيط انو نلكه شغلات تبينلي هذا الزمن مضارع بسيط
ف عندي اول جمله مضارع بسيط الجمله الثانية لازم شنو ؟؟
هم مضارع بسيط
ف اللي بين قوسين
نحلها
Plants
والجمله جوابها كاملة
if we don't water them, plants die.

الطريقة الثانية مال سؤال
يكتبلك هيج

If we (goes) to north, we (sees) mountains
(Zero conditional)
اذا انطاك هيج ف كله رحم الله والديك
الجواب ك الاتي
We go
لان بالمضارع البسيط
فواعل الجمع يكون الفعل الورهن خالي من اي اضافه

القوس الثاني
We see
كذلك

لان بالمضارع البسيط
فواعل الجمع يكون الفعل الورهن خالي من اي اضافه

ف الجواب
If we go north, we see mountains


فهمتو ؟

اكيد اللي قاري راح يكول شجاي تمسلت وشرحك بيه غلط ومامفهموم لان عدنه الحالة الثانية هم بيها مضارع بسيط شلون نعرفها zero or first

بوية ع كيفك وياي وراح اعلمك شلون تميز بين zero وال first بأبسط طريقة ☹💔

اذا فهمتو حتى اكمل الشرح

@kafsha95_bot
@kafsha95_bot
@kafsha95_bot

هسه نجي للموضوع الثاني واللي اسمه
First conditional


نستخدمها من نحجي عن احداث نتوقعها او ممكن تصير


If you study hard, you will pass the exam.

اذا درست عدل راح تنجح بالامتحان

من راح تدرس للامتحان ف انه اتوقع انو انت راح تنجح خلشي ممكن يصير

زين شنو قاعدته؟؟

If+مضارع بسيط, will+مصدر
Can
May


المضارع البسيط نعرفه وشرحناه فوك
زين هذني شنو ؟؟

Will
May
Can

بحاله if
هذن يدلن ع المستقبل

من خلالهن راح تعرف زمن الجمله

زين قصدك انو الجمله اللي مال if
بزمن المضارع البسيط
والجمله الثانية بالمستقبل مستخدمين هذن الادوات ؟؟

اي بوية صحح هلحجي

زين السؤال شلون يجي عنها ؟؟
واذا ع شرحك ف عدنه بحاله ال zero هم مضارع بسيط
زين شلون نعرف نحل ونعرف زمن الجمله ؟

شوفو هلمثال وتعرفون

If you (wants) to study languages, you can join languages courses

(Correct)
المطلوب مني اصحح الجمله اللي بين قوسين
مثل ماكلنه انو اللي بين قوسين هو الغلط
زين شلون اعرف ومن الجمله
الغلط عندي بجملة if
ف اروح للجمله اللي بعدها

you can join languages courses
الاحظ انو عندي
Can
ومثل مانعرف انو كان تعبرن عن احتمالية تصير بالمستقبل
و
ف عرفت انو الجملة الثانية مستقبل
فحسب القاعدة مالتي انو

If+مضارع بسيط، will+مصدر
Can
May


من عرفت الجملة الثانية مستقبل ف الجمله الاولى لازم تكون مضارع بسيط

مثل ما تعرف بالمضارع البسيط اذا شفنه الفاعل جمع ف الفعل اللي بعدها يكون خالي من اي اضافه
واذا الفاعل مفرد ف نخليله s


If you (wants) to study languages

هسه لازم نحل الغلط
اشوف الفاعل مفرد لو جمع
هنا جمع الفاعل you
ف الفعل اللي وراها لازم خالي من اي اضافه
ف الجواب يكون
If you want to study languages، you can join languages courses.


هسه شرحك تمام لهنا
زين انت بالقاعدة ذاكرلي مصدر
شنو مصدر مافهمت ؟


المصدر يعني الفعل خالي من اي اضافه
مابيه شي فارغ
مابيه ing
ed ,s ,es ....الخ
فعل اصلي


فهمتو لو لا؟؟؟؟

هسه نجي للنوع الثالث واللي اسمه
Second conditional

هاي الحاله نستمها حتة نعبر عن احداث مامتوقعينها تصير او يمكن ماتصير
مثال
If you studied hard, you would pass the exam
اذا درجت عدل يمكن تنجح بالامتحان
يعني لو تنجح لو لا


شنو القاعدة مالتها ؟
If +ماضي بسيط، (would ,could, might) +مصدر

شنو الماضي البسيط؟


مثل ماكلنه نعرف مصطلح (الماضي) يبين النه انوا شي صار وانتهى يمكن قبل يوم يمكن قبل سنه من وكتنه هذا
مثلا
we went to the cinema yesterday

احنه رحنه للسينما البارحه


خل نتعمق شوي
همه راحوا للسينما لنفترض شافوا فلم سبايدر مان الجديد 😐💔
زين من راحوا امس معقولة بقوا لهاي اللحظه بالسينما ☻💔 اكيد لا لان لازم يرجعون للبيت خاف ينكتلون
المهم همه راحوا امس وخلص

#فهمتوا_؟

اذا مافهمتوا كولوا 😐💔

المهم الماضي نعرفه من كم كلمة توضحلنه انوا هذا الزمن زمن الماضي البسيط

مثل

yesterday معناها البارحه
from - to
من -الى
I worked in Canada from 1990-1995
انه اشتغلت بكندا من سنه ١٩٩٠-١٩٩٥
يعني اشتغلت وخلص شغلي ورجعت

last week الاسبوع الفات

Ago

نرجع لسالفتنه
قاعدته تكون ك الاتي

S +V.2 +تكمله

I worked in Germany
هاي الجملة طبقت كل شروط القاعدة المطلوبة
نستخدم الماضي للتعبير عن شي صار وانتهى وقت
💙

هذا شرح الماضي البسيط خاف واحد ناسيه

هسه نرجع لسالفتنه الأساسية
عرفنه انو وره if يجي ماضي بسيط
والجمله الثاني بيها اما
Would, could, might زائد مصدر مجرد

مثال
If I had lots of money, I would buy a racehorse

لو عندي فلوس هواي جان اشتريت حصان سباقات

هسه نجي نفصخه حته تفهمون
If i had lots of money
هاي جملة if
هاي بالماضي شلون عرفتها ماضي
لان عندي had هيه التصريف الثاني للhave

ف اذا هاي ماضي بسيط
واذا مجذبيني اقرو الشرح مال ماضي البسيط

المهم اروح للجملة الثاني اللي لازم بيها اما would, could, might ووراهن مصدر مجرد

I would buy a racehorse
لكيت عندي would
ف اذا هاي الجملة بالحالة الثالثه

خل ناخذ سؤال ونحله

If I (see) him, I would have told hom your news (correct)

هنا طالب مني اصحح
اجي افصخه

جملة if بيها غلط ف ماكدر لعرف الزمن
اروح للجمله الثاني اشوف شنو بيها
شوفو لكيت
Would
معناها هاي الحالة الثالثة
Second conditional
انه اللي اترفه بالحالة الثالثة انو جمله if لازم وراها ماضي بسيط
ف التصريف الثاني مال see يصير saw
ليش ؟
لان عندي would ف هاي الحالة الثالثة



الحالة الرابعه
Third conditional



ها تعببرلنه عن احداث مستحيل تصير

I you had studied hard, you would have passed the exam

لو دارس عدل جان نجحت وهلشي ماصار ليش لانك مادرست عدل

قاعدتها
If + had +p.p , would have +p.p

اول شي جملة if بيها ماضي تام
والجملة اللي بعدها بيها
Would have
Could have
Might have
ووراهن تصريف ثالث

P.p يعني تصريف ثالث للفعل

مثال للتوضيح
If i had known about the problem, i would have lent her some money.

حسب قاعدتنه الاخيرة انو ورة الif لازم had
وبالجملة صح موجود had ورة if
زين ورة had لازم تصريف ثالث
صح لكينه تتصريف ثالث known

الجملة الثانية بيها would have
صح لكينه would have
وراها لازم تصريف ثالث
صح لكينه تصريف ثالث lent


مرات ينطيني هيج سؤال بحالات if

If i (have/had) a computer, i could search the internet ( choose)

منطييني بين قوسين اختار الجواب الصح
هنالاتخافون ولاشي
اول جملة بيها غلط
نروح لجملة الثانية نشوف شعدنه
لكينه could
زين could بيا حالة من حالات if ?
الحالة الثالثة
زين الحالة الثالثة لازم شنو اكو ؟
لازم if وراها ماضي بسيط
ف الجواب شنو ؟
Had
وبس

مال reported question
منو عنده شرح لان ماجاي اذكره عدل
جاي اذكر انو بس نحول زمن الجملة زمن اقدم
مثال مضارع يصير ماضي وكذا بس مو عنده شرح خلي يدزه اما ع بوت تواصل او بوت سيات

@kafsha95_bot
او هنا
@kfesha95_bot

او هنا
@Hijaiatbot
اكون ممنون منكم
وعذروني خلص اشتراكنه مال نت ومالحكت اشرح اليوم وهسه مكنك ع بيت خالي

ماكو واحد يدز الشرح العنده ؟

الوحدة الثالثه قسم القواعد الموضوع الرابع
#السؤال_المنقول
#Reported_Question
خطوات الحل👇

1. نكتب جملة asked في البداية اينما تكون ثم نضع اداة السؤال الموجودة في بداية الجملة واذا لم نجد اداة سؤال نضع if او weather (بكيفنه🤔)

2. نحول الافعال المساعدة ونضعها بعد الفةعل الاتية ان وجدت 👇
1. Is , Are----------》Was

2. Have , Has-----------》Had

3. Will , Can, May -------》Would , could , might (حسب الترتيب)

4. Was, Were------------》Had been

3. اذا وجدنا (Do, Does, Did)

أ: نحذف Do ونحول الفعل الذي بعد الفاعل الى ماضي (ed)

ب: نحذف Does ونحول الفعل الذي بعد الفاعل الى ماضي

ج: نحذف Did ونحول الفعل الذي بعد الفاعل الى ماضي تام
(had+تصريف ثالث )

4. اذا وجدنا

أ: asked me عندها نحول
you----》l
your----》my
ب: اذا وجدنا asked he او
asked + اسم مذكر
عندها نحول
you----》he
your----》him

ج: اذا وجدنا asked she او
asked+ اسم مؤنث
عندها نحول
you-----》she
your----》her

5. نحذف علامة استفهام؟ ونضعة نقطة .
امثلة وزارية 👇👇👇

Latifa asked #Zaha #When #did #you decide to be an architect?”
(Reported question)
نطبق خطواتنه 👇
1. ننزل جملة asked ونضع اداة سؤال بعدها
latifa asked zaha When
2. لاتوجد افعال مساعدة
3. نحذف did ونحول الفعل الذي بعد الفاعل الى ماضي تام

latifa asked zaha When had decided
4. عدنه asked واسم بنية شنسوي نحول you الى she ونخليها مكان you

latifa asked zaha When she had decided
5. نكمل الجملة ونخلي نقطه ويكون الجواب النموذجي👇

Latifa asked Zaha when she had decided to be an architect.


الخطوات للتوضيح انت كبل تكتب الجواب في الامتحان 😎😎

وزاري 👇👇
"#Do #you still like the job?" He #asked_me ( Reported Question)
الجواب النموذجي👇👇
He asked me if #I still #liked the job

التمارين الخاصه بلموضوع
تمرين B صفحة 57 هذا مامنطيك جملة asked بلوزاري ينطيها بس هنا انت تكتب مباشر he asked me

تمرين G صفحة 72
تمرين f صفحة 71 هذا عبارة عن اسئلة واجوبة ولكن في الوزاري يعطيك جملة asked

#الى_اللة_تعالى
#دعائي_لكم_بلتوفيق
#أنكليزية_أنيستا

هسه نجي الموضوع الندم
If only/ i wish

اول شغله قبل لا اشرحه لازم تحذفون هذن الكلمات من تحلون

That's why
Then
Now
You've decided
You regret it
الجملة اللي تحتوي على وحده من هذن العبارات نحذفها يعني الجملة كلها نحذفها
والندم يكون على الجكلة اللي بيها unfortunately اذا لكينها
مثال للتوضيح

Ali wasted a lot of time playing video games, that's why he failed in the exam

اول شي احذف الجملة اللي بيها
That's why كلها الجملة

هاي اول خطوة نسويها

فبل لانكمل الحل
لازم نعرف القاعدة

If only/ i wish + فاعل+had/hadn't +p.p+ تكمله

Hadn't نخليها وية الجمل المثبته
Had وية المنفية
نحول الفواعل
مثلا Ali يصير he
Sajida تصير she

هسه نرجع للمثال الفوك
If only he
ليش خليت he
لان عندي Ali
If only he hadn't
خليت hadn't لان الجملة مثبته

If only he hadn't wasted time playing video games

وبس


مرات تكون جملة الندم بعد but
يعني الجملة اللي نحذفها قبل but

مثال حت تفهمون

My sister phoned me but i wasn't at home

الجملة اللي قبل but نحذفها
ونشتغل ع الورة but
وتصير
I wish i had been at home
ليش خليت had
لان الجملة منفيه


هاي سميرة مهمه عليها نقطتين بالوزاري مال سؤال وجواب


اليونت الرابع مراجعه
باجر اكمل الكتاب كله وشكراً

البونت الرابع مراجعه
اليونت الخامس
اول شي بيه المضارع التام والمصارع التام المستمر امشي وياي نشوف شنو هذن

#المضارع_التام_المثبت

اول شي لازم تعرفونه وهو انو ال (have)
متزوجه وعدها جهال بالماضي وبالمضارع هم

بالنسبة للمضارع
Have للجمع وتعرفون شنو جمع 😐
Has للمفرد 😐 لاتكلولي مانعرفه

وبالنسبة للماضي
Had
للجمع والمفرد 😂 ماتتعب وعلي

مثل
She (have) read the story
😐 نشوف الفاعل مفرد لو جمع
لكيناه فاعل ف الجواب
She has read the story
#كفشه

كلحنه عدنه مشكله بزمن المضارع التام
Present perfect tense
وببالطريقة اللي نستخدمها
لذلك راح افصخه بالتفصيل واخلي رسائل قصار مو طوال

هو زمن نستخدمه حت نحچي عن حدث او فعل صار قبل فترة بس هاي الفترة مانعرفها يعني مو محدده
(قبل ساعه او قبل يومين او قبل سنه ....الخ)
بس هذا الحدث اثاره بعدهن والنتائج باقيه

مثلا
_ Read this book, it is very nice .
_ I have read it already.

شوفوا المثال راح افصخه
مثلا عجبني كتاب وحبيت انطيه لصديقي يقراه
ف هو يجاوبني ويكلي انه قريته وخلصت صارلي هواي 😐 (فشلني الحنيط)
يعني مايذكر الفترة الل خلصها بيه يمكن مساع او يمكن قبل شهر وهكذا بس اثاره باقيه يعني (مخلص)
#كفشه

How to form the present perfect tense ? ,
شلون نصيغه يعني شلون قاعدته 😐؟

ج/ صيغته (قاعدته )ك الاتي

S+have, has +v3+تكمله

S...الفاعل حجيتلكم عنه
Have .... للجمع
Has... للمفرد
V... فعل
3.... معناه تصريف ثالث مرات نسميه

past participle
اختصاره يكون
P.P


فد مثال
I have read the book
يعني انه قريت ااكتاب بس نسيت يمته خلصته 😐 اثره القراءة
اوضح اكثر
انه قريت الكتاب وخلصت بالماضي بس ماعرف يمته
يمكن قبل اسبوع
بس اثره استمر وهو انو انه قريته وببالي انو انه خلصته

حت لا يصير خربطه بالقاعده 😐 راح افصخها هم
راح اسويها قسمين
القسم الاول وخو الفعل المساعد has
She , he,it اسم مفرد
ياخذن
Has

S+has+V(p.p)+تكمله
هاي قاعده المفرد

She has learned French already
يعني هيه تعلمت فرنسي قبل فترة 😐 لاحظو الفترة مو محدده يمكن امس يمكن مساع خلصت تعليمها

He has lost his keys
هو ضيع مفاتيحه 😐 ولحد هسه مالكاهن
ف اثر الفقدان بعده مستمر لهاي اللحظه


القسم الثاني الخاص بالجمع واللي ياخذ الفعل المساعد have
I,we,you,they
هذن جمع ياخذن
Have
القاعده مالتها راح تكون
S+have+V(P.P)+تكمله

فد مثال
I have met many people since i came here in june

شفت هواي ناس من يوم اجيت بشهر جون
يعني صارله فترة بس الحدث بعده بالحاضر

#كفشه

راح احجيلكم استخدامين لهل زمن وباجر اكمل الباقي لان بالكوة جاي اكتب ☹

يمته نستخدم هذا الزمن التعبان 🤤
When we use yhe present perfect tense?


شوفوا هو اله استخدامات هواي راح انطي اللي اتذكرهن 😶

اولاً:
في حالة التعبير عن حدث او نشاط مستمر
وهذا الحدث بدأ بوقت (محدد) بالماضي واستمر لهذا وكتنه
بس بهاي الحاله نستخدم حرف الجر
Since
وراح اشرحلكم يمته نستعملها بس بعدين

I have met many people since I came here in june
شفت هواي ناس من اول مااجيت بشهر جون
نستنتج من هلشي
انو الحدث محدد (مقابلة الناس والوقت محدد هم يعني نطانه شهر اسمه جون واثار هلحدث مستمره لهاي اللحظه)

He has spoken English since he was a child
هو يحجي انكليزي من جان صغير

الحدث عدنه هو حجيه للانكليزي
وهذا الشي صار بوقت معين
يعني من جان صغير
والحدث اثاره مستمرة
وهيه حجيه للانكليزيه لحد هسه يحجي انكليزي

#كفشه

ثانياً : في حاله التعبير عن حدث او نشاط استمر في زمن او وقت بالماضي
بس هنا راح يكون الوقت غير محدد(مانعرفه) لحد وقتنه هذا

هاي الحاله عكس القبلها وراح اكللكم شلون
بالاولى حدث صار بالماضي وبيه وقت محدد
بس هنا صار بالماضي بس وقته مو محدد راح افصخه
نستخدم حرف الجر
For
عم راح افصخه الكم من اخلص
مثال
He has studied English for a long time
هو درس انكليزي من فترة طويله 😐
شفتوا ماناطانه وقد محدد يعني ماكال خلص ب 2004 لا كال فترة طويله ماحدد

الحدث هنا هو راسته للانكليزي
وهذا الحدث ماصار بوقت معلوم يعني ماحدد الوقت بالماضي
بس اثاره باقي وهو انو هو درس انكليزي ولهسه موجود اثره

مثال ثاني
They have been here for several years

هم هنا منذ سنين عديده
الحدث هنا اللي صار هو تواجد هذول الناس
بس الحدث ماصار بوقت معين يعني ماحدد فترة زمنيه
ف كال صارلهم سنين عديده
بس اثاره بعدهي للوقت الحاضر يعني بعدهم بنفس مكانهم
#كفشه

صبحكم الله بالخير ،😐
راح اكمل شرح
#المضارع_التام
وبالنسبه للبصمات بس اخلص الشرح اكتبلكم شكو شي كتبته بالانكليزي برساله والفظهن الكم


ثالثاً:
من نريد نعبر عن حدث او نشاط صار مرة وحده او مرات هواي
الزبدة
حدث مكرر بالماضي لحد هاي اللحظ
He has played football from time to time

هو يلعب طوبة من وقت لوقت

هنا الحدث اللي صار لعبه للطوبة
وهلحدث تكرر اكثر من مرة بالماضي ولحد هسه اثره باقي
يعني حت بوقتنه يلعب طوبه من وقت لوقت



رابعاً:
في حالة التعبير عن حدث او نشاط خلص من فترة قصيرة كلش وقبل وقت الحدث
يعني توه صار وخلص
مثال
He has just left
توه انكلع
She has worked very hard this week

هيه اشتغلت خوش شغل هلسبوع

#كفشه

خامسا:
للتعبير عن تجربة او انجاز

للتعبير عن تجربة
I have been to France
جنت بفرنسا 😐
يعني رحت سياحه وجربت العيشه هناك بس رجعت

للتعبير عن انجاز 😐 يعني انجاز سويته بحياتك

I have walked on the moon
مشيت على القمر (جذب يكرم الله )




شوفوا الفرق بين الجملتين

I have been to France
جنت بفرنسا يعني جان بفرنسا يجوز سياحه يجوز شغل بس تالي رجع
I have been in France for six months
انه بفرنسا من ست اشهر
يعني هو صارله ست اشهر الحنيط هناك وبعده بفرنسا مارجع



سادساً:
من نريد نوصف عمل مامخلص بس المفروض يخلص من زمان

Noor has not finished her homework yet
نور ماخلصت واجبها لهسه
يعني انه منطيها واجب والمفروض تخلصه بس ماخلصته 🤤


The rain has not stopped
المطر ماوكف
يعني المطر المفروض يوكف هسه شو ظلت تزخها قوي 😂
#كفشه

نفي المضارع التام
عدنه اداتين ننفي بيهن بكل زمن
Not
Never

هذن يجن ورة الفعل المساعد
S+has/have+not/never+v(pp)

The have studied the lesson very well
درسوا الدرس المطلوب منهم بشكل جيد

من ننفيها تصير
They have not studied the lesson very well

همه مادرسوا الدرس المطلوب منهم بشكل جيد 😐

اكو عدنه كم كلمة نستخدمهن ويه هلزمن
Already
ونعني بيها
سابقاً او للتو او الان
مثال
She has already gone
ذهبت للتو

Just
معناها
منذ لحظات او وقت قصير
مثال
Do you like something to eat?
تحب تتزقنب شي ؟
No, I just had lunch
لا قبل شوي تزقنبت غدة

Yet
بالعادة نستخدمها بالنفي والاسئله فقط
وتعني
لحد هسه
واللي نعني انو هيه تشير الى ان المتكلم يتوقع شيئاً ان يحدث
مثال عن yet بس المثال هنا راح اخليه بالنفي

I have written the letter,but I have not posted yet
لقد كتبت رساله بس مارسلتها

وبالنسبة للاستفهام بالمضارع التام
ناسيه بس خل اشوفلي شي منا منا اقراه عنه واشرحه الكم

وهسه راح انطيكم استعمالات
Since
For

#كفشه

هسه نبلش باللي وعدتكم بيه
Since
For

انتبهوا كل وحده الها استعمال
راح تكولون شلون 😐؟
راح افصخها

Since
نستعملها ويه فترة بالماضي بس محدده
مثلا منذ الولادةاو منذ 1995
يعني احدد نقطه معينه بالماضي
امثله

Since 3 o'clock
Since 3 years
Since 1995




استخداماتها
وقت معلوم بالساعه يعني اكول منذ الساعه الثامنه 😐 صباحاً

Since 8 o'clock Am

ويه ايام الاسبوع
Since Monday
منذ الاثنين
يعني اسم اليوم 😑

Since February
منذ شهر فبراير 😐💔
يعني انطي اسم الشهر

Since 1995
منذ 1995
انطي رقم السنه

هذن اللي اتذكرهن 😫💔
#كفشه

For


نستخدمها من نحجي عن فترة مامحددة بالماضي
مثلا
For ten years

منذ عشر سنوات
احنه مانعرف شوكت بدت هاي العشر سنوات
بس اعرف انو المدة عشر سنوات 🙁💔



For long time
لزمن طويل طويل


استخداماتها عكس since

For ten hours
هنا ينطي ساعات ماينكي الوقت عدل يعني مايذكر الساعه يمته


هناك كلنه يذكر اسم الشهر
هنا لا
راح يكول اشهر
For six months
منذ ستتة اشهر
بس ياهنه هذن البدايه لو نهايه 🙁 مانعرف

هناك كلنه يذكر الرقم مال سنه

هنا مايذكر
ويكول
For three years
منذ ثلاث سنوات 🙁

هذن االي اتذكرهن
واللي عنده اضافات عن المضارع التام خل يدزه 🙁

#كفشه