حضرو روحكم لتكملة اليونت الاول للسادس الاعدادي

وبالنسبة لهذا السؤال اللي بالبوت مال سيات

اكو تمرين يمكن ص 10 بالكتاب الملون هذا مالت النصائح ياريت تشرحة والله مينحفظ



ف حبيت اكلك هو هذن حفظ مابيهن شي ينشرح
رحت ع الملازم مالكيت شرح
رحت ع الكتب هم كذلك
رحت على كتاب المعلم
هم مابيه شي والله بس حفظ 🤦‍♂️💔
هسه ادزلك اثبات ان هاي حفظ من كتاب المعلم اللي يسلمونه للمعلم او المدرس

هذا الدليل على كلامي

هسه نجي لموضوع ال
Phrasal verbs
العبارات الفعلية
زين شنو هاي العبارات شنسوي بيها المن ناخذها اصلاً ؟



شوفو بوية
هسه عندي هاي الافعال مثلا

See
يرى
من اخليلها حرف جر مثل off
راح تكون عبارة فعلية
وتصير see off
معناها يودع

بوية مافهمنه شي

كلكم تعرفون شنو فعل
هذا الفعل من نضيفله حرف جر مثلة
Up,down,off,.....الخ

راح يكون فعل جديد
مرات يكون نفس المعنى مال الاول ومرات يكون مختلف كلش
مثل المثال الفوك
See يرى
من نضيفلها حرف جر مثل off
تصير see off
ومعناها يودع هنا اختلف المعنى ف كلتلكم من نضيف حرف جر للفعل اما يبقى نفس المعنى او يتغير


زين شلون استخدمهن ويمته وشلون ارتبهن اذا اجه على شكل ترتيب ؟؟

اذا كان المفعول به اسمم
يمكن يجي هذا الاسم قبل او بعد حرف الجر مثلا

Would you turn the light off?

شوفو الاسم the light
اجه قبل حرف الجر off


وكلنه هم يجي بعد حرف الجر هم صح
Would you turn off the light?

شوفو اجة الاسم ورة حرف الجر


اوكف اوكف شنو مفعول به شلون نعرفه ؟؟؟

المفعول به يجي دائماً ورة الفعل
يعني مثل العربي فعل وفاعل ووراه مفعول به فهمتو ؟؟

زين واذا اجه المفعول به ك ضمير مثل (me, him, her, them, us ,you)

هنا بهاي الحاله اجباري عليك تخليه قبل حرف الجر

مثل
Turn it off
او مثل اللي بكتاب النشاط ص ١١ تمرين b
رقم ٢
I've already/turn on/it

I've already turn it on
شوفو خليته قبل حرف الجر
ورقم ٨ هم شوفوه حت تتأكدون ورقم ٥ هم


فهمتو ؟؟
@kafsha95_bot

#فرصة_عمل

تعلن روضة ومدارس زهور الحياة الاهلية في #البصرة عن حاجتها الى كادر تدريسي متكامل جميع الاختصاصات (وايضاً بحاجة ضرورية لمعلمات أرشاد )
وسوف تكون المقابلة الاسبوع الاول بعد العيد مباشرة
ولمزيد من الاستفسار مراسلتي على المعرف ادناه
@na4e90
العنوان /البصرة /الزبير/ الشمالية مجاور بيت العونان/ مقابل مصرف بغداد سابقاً

ملاحظه
من تجي للمقابلة جيب ال CV وياك او وياج

انشروها للفائدة بوية

هسه موضوع اضافه
Im, ir , il , un , in


شنو هذن ؟؟؟

بوية هذن بادئات من نحليهن للصفه راح تنطيني صفه معاكسة للصفه الاصلية

انت شجاي تحجي ؟؟؟ احنه مو عدنه معاكسات مثل
Beautiful × ugly

شو جاي تمسلت فوك ؟؟


اي بوية جاي احجي الصدك
اللي انت تحجي عنه
Beautiful × ugly

هاي النوع الاول من المعاكسات

انما النوع الثاني
ف هو اللي نضيفله بادئة حت يعكس معنى الصفه

مافهمتو ؟
هسه افهمكم
شوفو هاي
Possible ممكن
من اخليلها بادئة im
راح تصير
Impossible مستحيل
يعني الصفه الاصلية من ضفتلها بادئة
صارت عكسها

هسه نجي نفصخهن ويمته نختاار بادئة لكل صفه


اول شي نبلش ويه البادئة
Im

نضيف هاي البادئة للكلمات اللي تبدي بحرفي m وحرف p
مثلة
Perfect × imperfect
Moral × immoral


بس اكو كلمات شاذة انتبهو
مثل
Popularمحبوب × unpopular
Pleasant سار × unpleasant
Pleased مسرور× displeased
Paved معبد(مبلط)× unpaved

حفظوهن




هسه البادئة
In

نضيفها للكلمات اللي تبدي بحرف
A,e,c,d

مثل
Accurate دقيق× inaccurate
Complete كامل× incomplete
Expensive غالي × inexpensive
Direct مباشر × indirect



كلمات شاذة اكو
Conscious مدرك×unconscious

Countable معدود× uncountable

Comfortable مريح× uncomfortable
Able قادر × unable

Certain متأكد× uncertain


هسه نجي للبادئة
IL

واللي نضيفها للكلمات اللي تبدي بحرف L

Legal قانوني × illegal


كلمة شاذة مثلة
Lucky محظوظ × unlucky





هسه نجي للبادئة
Ir

هاي نضيفها للكلمات اللي تبدي بحرف r

Regular قياسي × irregular
Responsible مسؤل× irresponsible





هسه البادئة un
نضيفها للكلمات اللي ماتبدي بالحروف الذكرناهن فوك

Happy سعيد× unhappy
Fair عادل× unfair
Healthy صحي × unhealthy
Usual مألوف× unusual



اكو كلمة شاذة
Formal × informal


واذا اكو بعد كولو حت ننشرهن

وفهمتو لو لا مو تصيرون مثل الثالث 😒✋

@kafsha95_bot

اليوم اكمللكم اليونت الاول من كل النواحي القواعد والحفظ والاسئلة والمهمات اللي بالكتاب وانه امشي على كيفي حت تراجعون وياي على كيف واسويلكم امتحان هم 🤦‍♂️💔 حت اشوف صدك جاي تفتهمون لو لا

هسه نجي لموضوع المعدود وغير المعدود

عندي اربع ادوات نستخدم ثنين للمعدود وثنين لغير المعدود
زين شنو هذن وضحهن النه


هسه خل نحجي بالمعدود

عندي اداتين
many للمعدود الكثير
few للمعدود القليل

زين شلون استخدمهن ؟
شوفو بوية هو راح يجي على شكل فراغات

ف اذا اجالي ورة الفراغ اسم معدود بيه s الجمع ف اختار اما many او few


زين انت كلت اذا ورة الفراغ اسم معدود وبيه s اختار لو many او few

زين انه هنا راح ادوخ شلون اختار وحده منهن ؟؟؟

امشي وياي وتعرف

اذا اجالك اسم معدود ورة الفراغ وقبل الفراغ حرف a
ف اختار few

واذا اجالك اسم معدود وقبل الفراغ how
اختار many

مثلا
How ...... apples do we need?

هنا ورة الفراغ اسم معدود
وقبل الفراغ how
ف لازم اختار many




مثال ثاني

We need a ....... more oranges

هنا عندي ورة الفراغ اسم معدود وقبل الفراغ a

ف لازم اختار few




هسه اجي للغير معدود
عندي اداتين
Much لغير المعدود
Little غير معدود

شنو غير معدود ؟؟
بوسة غير معدود يعني مانكدر نحسبه
مثل الشكر التمن الحليب وغيرها

زين فهمت هسه شلون استخدمهن ؟؟؟

اتبع الطرق وياي


اذا ورة الفراغ اسم غير معدود ف اختار اما much او little

زين يمته اخذ هاي much ويمته اخذ little

اذا ورة الفراغ اسم غير معدود وقبل الفراغ how
ف اختار much

مثل
How .....sleep did you get last night?
عندي بعد الفراغ
اسم غير معدود
وقبل الفراغ how

ف اختار much

واذا بعد الفراغ اسم غير معدود وقبله حرف a
ف اختار little

مثل
There is a ..... space left
بعد الفراغ اسم غير معدود
وقبل الفراغ a
ف اختار little




زين اذا اجال هيج سؤال شسوي

...... food do we need to bring to the picnic?

(How many, how much , few , little )

هذا سؤال ومنطيني اربعتهن شلون ااعرف اختار الصح؟

ركز وياي
اشوف بعد الفراغ اول شي
ان كان من الاسماء المعدودة
ف عندي اما الجواب how many او few

واذا جان بعد الفراغ اسم غير معدود ف الجواب اما يكون
How much
Little


اروح اشوف اللي بعد الفراغ
Food طعام
شي غير معدود
ف اذاً الجواب راح ينحصر بخيارين
اما
How much
او
Little

اروح على اللي قبل الفراغ
اذا عندي حرف a ف اختار little

ماكو a
ف الجواب انحصر بخيار واحد وهو ال how much
ف الجواب النهائي how much




انتبهو عندي شغلات نستخدمهن ويه المعدود وغير المعدود


Some , any, enough, plenty of, a lot of

مثل
Some water
Some books

Plenty of food
Enough money
A lot of sugar
A lot of sweets





People ناس
Children اطفال
هذول وية المعدود لان جمع شاذ


اذا ناسي شي ذكروني بيه جت انشره بخصوص هلموضوع

مرات ينيطي هيج السؤال

We need ( a few/ a little) moer oranges

هنا يعتمد على المعدود والغير المعدود اللي بعد الفراغ

يعني روه الفراغ اذا معدود راح تختار a few

واذا بعد الفراغ غير معدود راح تختار a little

فهمتو لو لا ؟؟؟؟؟
جاوبو حت اكمل الموضوع اللي بعده
@kafsha95_bot

موضوع ال used to
شنو هذا ؟
هذا يحجي عن احداث جنه نسويههن بالماضي بس خلص وكتهن وماكمنه نسويهن


مثلا
Ahmed used to smoke two packets a day
احمد جان يدخن باكيتين باليوم بالماضي يعني


بس هسه كطعهن وظل ياكل حب ههههه

زين شلون قاعدتها حت نطبق عليها ؟

٣ قاعدات بيها
للمثبت والنفي والسؤال

نبلش بالمثبت
S+used to + فعل مجرد+com.


فاعل ووراه used to ووراها يجي فعل مجرد ( خالي من اي اضافه) وتكمله اخر شي

مثل
They used to go to the beach
هم اعتادو على الذهاب للبحر
They فاعل
Used to
Go فعل مجرد
To the beach تكمله




هسه نجي للنفي

قاعدته
S+didn't +use to +فعل مجرد+com


من نخلي did او didn't
نحذف ال d من used
وتصير بس use


They didn't use to go to the beach

هاي بالنفي

بالسؤال
نقدم did بالبداية ف تصير

Did+s+use to+فعل مجرد+com+?


Did they use to go to the beach?


الله وكيلك كلشي مافهمنه 😐💔


هههه يلا شوفو وياي هذا السؤال الوزاري

Cities (not/be) polluted.

(Re- write the correct form of "used to)
طالب من عندي اسوي هلجمله ب used to
وكايلي حسب هلو مثبت نفي او سؤال

بالسؤال منطيني not
ف انه بالنفي حسب القاعده مال نفي لازم اضيف did not
ف الجواب راح يكون

Cities didn't use to
شوفو هنا حذفت d من used to
لان حسب قاعدتي من اضيف didn't او did لازم احذف d
المهم اكمل

اوكف لحظه استاذ
ال be شنو ؟؟


بوية تذكرون ال be ام الجهال اللي عدها بالماضي والمضارع ؟
هيه هاي نفسها الاساس اللي نبلش منه يعني مصدر مجرد ماحولناه

يلا اكمل الحل

Cities didn't use to be polluted



مثال ثاني

Farmers have/tractors ?


(Re write the correct form of used to)


هنا راح اشوف انو بالجمله عندي علامة سؤال
ف هنا بصيغة السؤال
ولازم اسويها بصيغه السؤال
حسب قاعدتي مال سؤال لازم اقدم ال did بالبداية

Did
وراها فاعل farmers
وراها use to
وراها have فعل مجرد
وراها تكمله tractors
وراها علامة سؤال ?
تصير ك الاتي

Did farmers use to have tractors?



فهمتو لهنا ؟؟؟


وراها يكول بأستخدام المضارع البسيط والماضي البسيط بالجملة الثانية


شتقصد من هذا كلامك مافهمت وضح اكثر


هنا راح تكون عندي جملتين
الاولى بأستخدام used to
او didn't use to
والجمله اللي بعد الكومه واللي تبدي ب but اما بالماضي او المضارع


زين هسه انت جاي تحجي خل اكطع سالفتك
جمله ال used to و ال didn't use to

فهمتها

بس مافهمت الجمله الثانية شتقصد بيها ؟

بوية
شوفو هذا المثال وراح افهمكم عليه


He (have ) his hair cut at the hairdresser's, but now his wife (cut) it for him


(Re write the sentence with used to / didn't use to and the past or present)

يكول استخدم اما used to
او didn't use to
والجمله الثانية اما بالمضارع او الماضي


هسه اجي احله
بالسؤال مامنطيني not
ف استخدم ام المثبت used to
He used to have his hair cut at the hairdresser's,

هاي الجمله مال used to نحلت بسهوله

هسه اجي للجمله الثاني لازم اعرف اذا بالماضي لو بالمضارع

اوكف اوكف شلون راح اعرف هذا الشي وانه مااعرف اترجم ؟؟

شوف بوية راح تعرف هاي الجملة اللي تبدي ب but
هل هيه ماضي او مضارع من خلال الاتي

نعرفها مضارع اذا شفت هاي الكلمات بالجمله
Now
Always
Usually
Sometimes
Often
Never



وراح تعرفها بالماضي اذا شفت هاي الكلمات

Last
Ago
Yesterday


ارجع للجمله مالتي الفوك
لكيت بيها now
ف اذن هاي الجمله بزمن المضارع
ف راح يكون الجواب ك الاتي مال الجمله الثانية

But now his wife cuts it for him

ليش خليت s للفعل ؟
لان بوية قاعدة المضارع البسيط تكول اذا الفاعل مفرد ف نضيف s للفعل


هسه نجي عيد الجمله كلها وحلها

السؤال 👇

e (have ) his hair cut at the hairdresser's, but now his wife (cut) it for him

(Re write the sentence with used to / didn't use to and the past or present)


الجواب
He used to have his hair cut at the hairdresser's, but now his wife cuts it for him.



هذا شوي يدوخ الموضوع حجيت بيه هواي
اتمنى تكونون فهمتوه

@kafsha95_bot

فهمتو لو لا 🤦‍♂️💔 خربحظي

اني سويت على شكل مخططات وترجمة بالعامية احس نفسي كولش سيطرت على هذه المواضيع ربي يوفقج استمري شكراً كولش هواية

بوية اكو شغله نسيت اوضحها الكم توه ذكروني بيها

انو ال money
يعتبر غير معدود باللغه الانكليزية
بس بالعربي يعتبر معدود

مثل
How much money do you have ?

فهمتو

خل اقرأ الموضوع الاخير باليونت الاول واجيلكم

الموضع الاخير
مقارنه مابين شيء بالماضي والحاضر واللي نستخدم بيها than
بالمثبت و as,as بالتفي
من المواضيع اللي جنت اكرهها كره مو طبيعي بالسادس



بس راح اشرحها الكم وان شاء الله تفهمون

هذا الموضوع يحجي عن مقارنه بين الماضي والحاضر وهنا للزم نستخدم درجة المقارنه و than


شتحجي مافهمنه شي ؟


شوفو بوية هاي القاعدة
S+is,are+ صفة مقارنه +now than + it,they +used to be


S =فاعل
Is=للفاعل المفرد
Are =للفاعل الجمع
صفة مقارنه = صفة بيها er
It= للمفرد
They= للجمع
Used to be= اللي اعتدنا عليه بالماضي



ينطيني هيج مثال
Life ( easy / hard / slow / fast)

هذا المثال بيه اربع صفات تختار اي صفه تعجبك وتسوي عليها
Life is harder than it used to be

عندي life مفرد ف خليت is
اختاريت صفه من هذن وسويتلها درجة مقارنه وضفتلها er

عندي now than بالقاعده
خليت it لان مفرد الفاعل
خليت used to be من القاعدة


هذا بالمثبت

درجات المقاررنه

راح اشرحها بالتفصيل

المقارنه: هي المقارنه بين شيئين او شخصين





الصفه من تكون متكونه من مقطع واحد نظيف er للصفة ف راح تصير مقارنه


مثل

Small➡️smaller بالقارنه


Ali is smaller than huda
مقارنه


.............................................

من تتكون الصفه من مقطع واحد وينتهي بحرف e نضيف بس r بالمقارنه

مثل
Large➡️larger مقارنه


.............................................


الصفه اللي متكونه من مقطع واحد ومنتهية بحرف صحيح واحد مسبوق بحرف علة واحد نضاعف الحرف الاخير ونضيف er بالمقارنه



مثل
Big ➡️bigger مقارنه



.............................................


اذا الصفه ام المقطع الواحد منتهية بحرف y وقبله حرف صحيح
نقلب ال y الى i ونضيف er بالمقارنه

مثل

Happy ➡️happier مقارنه


.............................................


اذا انتهت الصفه ام المقطع الواحد بحرف y وقبله حرف عله
ف مايقلب ويبقه على حطته ونضيف er بالمقارنه


اذا الصفه متكونه من مقطعين او اكثر نضيف more قبل الصفه


زين احنه شلون نعرف هاي الصفه متكونه من مقطعين او مقطع واحد ؟

هذا الشي يعتمد على حروف العله اللي بالكلمة
مثل مانعرف عدنه خمس حروف عله
a,u,i,e,o

زين مافهمنه شتقصد ؟
شوفو نحسب حروف العله اللي بالكلمة
اذا بيها حرف عله واحد ف هاي صفه ام مقطع واحد
مثل nice

زين هسه نايس بيها حرفين عله
i/e

انتبهو حرف ال e اللي بنهاية الكلمة نغلس عنه ونهمله
ف يبقة عدنه حرف i بس

هسه مثال ثاني

Cheap
هاي هم مقطع واحد

اوكف اوكف استاذ انت كلت اذا كلمة بيها حرف عله بالنص وبي بيها حرف e بالاخير ف تعتبر حرف واحد لان راح نهمل ال e

زين كلمة cheap
حرفي ال e / a
موجودات وحده بصف الثانية ف هاي تعتبر ام مقطعين صح ؟

لا بوية غلط هذا الشي والسبب
اذا شفتو حرفين علة واحد ورة الثاني ف نعتبرهن حرف واحد وبكلمة cheap حرفي العلة a,e
واحد ورة الثاني ف يعتبرن مقطع صوتي واحد وكذا








هسه نجي اذا اجه بالنفي شسوي


شوفو بوية
من اريد انفيها شسوي
S+isn't, aren't +as+صفة عادية بدون اضافات+as+ it,they +used to be


ناخذ مثال حت ننفيه
Towns (big, small, crowded, safe , polluted)


Towns جمع ف لازم اخلي
Aren't

Towns aren't
وراها لازم عندي as

Towns aren't as
هسه اختار صفه من اللي منطينيياهن
Towns aren't as polluted
هسه من اختاريت الصفه لازم اخلي as
Towns aren't as polluted as

وراها اخلي they لان جمع عندي
Towns aren't as polluted as they
هسه اخلي used to be
Towns aren't as polluted as they used to be

اتمنى تكونون فهمتوه 😂💔 لأن اكره هلموضوع كلش والله

UNIT 1كتاب النشاط
الدرس الأول
تمرين C مهم وزاري

الدرس الثاني
تمرين B مهم وزاري نصا
تمرين C مهم نوعا ما

الدرس الثالث
تمرين A مهم جدا وزاري

الدرس الرابع
تمرين B مهم الصيغة الي تجي علي (put the object in correct order)

الدرس الخامس
تمرين C وD كلش مهمات ويجن وزاري دائما

الدرس التاسع
تمرين AوBوC مهمات جدا وزاري
تمرين E هم مهم وزاري
تمرين F مهم وزاري نصا

ذني المهمات مال كتاب النشاط وفعلا اجه من عدهن ذيج السنه

اسئلة الحفظ.
مال طارق هذا ابو القرش اللي ينقذونه الدلافين

ومال هذا اللي تتخربط امه ويخابر ع الإسعاف باليونت الاول

الانشاء يمكن مال اعلان الچكاير

اليوم ماكدر اشرحلكم شي لان اريد ادرس اختي صف ثالث اسف

خلصت تدريس اختي، باجر ارجع اشرحلكم واسف ع التأخير. 🤦‍♂️