هاي الافعال الشاذة مال كتاب الصف السادس

قاعدة when/and

طبعاً ال
When/and
عكس ال as /while
احنه كلنه while/as
يجي وراها ماضي مستمر والجمله الثانية ماضي بسيط

بس and /when
تجي بعدها جملة ماضي بسيط والجملة الثانية ماضي مستمر

هسه مثال وراح تعرفون شقصد

When my brother called, i was watching TV


هسه نفصخ المثال
When = الاداة
My brother =فاعل
Called = فعل ماضي
،= كومة
هسه بالقاعده اللي بعد الكومة لازم ماضي مستمر
I = فاعل
Was= فعل مساعد
Watching = فعل ing
TV =تكمله

خلص شرح الماضي البسيط والماضي المستمر
وشلون نربط جمله بالماضي البسيط وجمله بالماضي المستمر وفوك تلكون الافعال القياسية والغير قياسية
وادوات الربط and ,when, as ,while واستخدامهن

هسة نجي لموضوع الصفات اللي تنتهي ب ing والصفات اللي تنتهي ب ed

يمته اخلي الصفه ام ال ing ويمته اخلي ام ال ed ?


راح افهمكم بالتفصيل


اول شي الصفات اللي تنتهي ب ed
توصف شعور الشخص يمكن يكون خايف او يحس بالملل ....الخ


ثاني شي الصفات اللي تنتهي ب ing توصف الشيء او الشخص اللي يسبب هذا الشعور
يعني مثلا هذا الشخص مخيف او ممل او....الخ

بس هذا الحجي للي يعرف يترجم وعنده مفردات قوية


زين ليش ماانطيكم الزبدة وتمشون عليها ؟

يلا بوية نبلش

اذا كان عدنه سؤال مثل
She is no very (interested/ interesting)in fashion

هذا السؤال المطلوب من عندي اختار اما الصفه اللي بيها ing او ed

اتبعو الخطوات وياي

اذا شفتو بعد الفراغ
حروف جر مثل
In,on

واذا ماكو حروف جر راح تلكون
ادوات ربط مثل
When, and,but,because ..الخ


ف نختار الصفه اللي بيها ed
رجعو للمثال الفوك راح تشوفون الجواب interested
ليش لأن عدنه ورة الفراغ in من حروف الجر


زين يمته اختار ing ?

نختار الصفه ام ال ing اذا شفت بعد الفراغ
اسم

مثل film فلم غير عاقل
Person شخص عاقل
واذا جان الفاعل مال الجملة مو عاقل هم نختار اللي بيها ing
This book is very (bored /boring)
اختار ام ال ing
ليش لأن عندي الفاعل مو عاقل


زين اذا اجة الفاعل عاقل شلون بهاي الحالة ؟؟
بهاي الحالة اشوف اللي بعد الفراغ
هل هو اسم سواء عاقل او غير عاقل لو ادوات ربط وحروف جر

مثال ع هذا الحجي
We were (frightened/frightening) when our car broke downin the desert


اشوف اول شي الفاعل
عاقل لو لا ؟
We = نحن= عاقل
بعدني مااكدر اختار الجواب الصحيح ليش لأن اذا اعتمدت ع الفاعل ف راح اضيع
زين خل اتذكر شنو اكو بعد يساعدني
كلنه اذا بعد الفراغ ادوات ربط لو حروف جر ف ناخذ ام ال ed
واذا كان اسم ف نختار ام ال ing
خل اشوف ورة الفراغ شنو اكو

عندي
When= اداة ربط
ف شختار لازم ؟
لازم اختار الصف اللي بيها ed

فهمتو ؟؟؟
@kafsha95_bot

انتبهو على فد شغله اكو مثال بكتاب النشاط ص ٨ تمرين e
مثال رقم ٢
مكتوب
I saw a very (exited/existing) film on tv last night


راح تكولون لكينه on ولكينه film
شلون راح نجاوب


بوية احنه اللي نريده اللي بعد الفراغ فقط
يعني بعد الفراغ مباشرة شنو موجود على اساسه نحله

هسه عدنه مباشرة ورة الفراغ film
اسم غير عاقلف اختار الصفه اللي بيها ing

وبالنسبة للسؤال اللي بالبوت
يكول اذا ماكو بعد الفراغ اي شي شنسوي

بويه مايكدر ماينطيكم شي ورة الفراغ لان على اساسه تختارون الصفه

هسه نبلش نشرح
Ful/fully
ويمته نستخدم ful ويمته نستخدم fully


اول شي خل نعرف شنو هذن


اللي تنتهي ب ful نسميهن صفات يوصفن الاسم

شنو يعني توصف الاسم مافهمنه ؟؟

هسه عندي مثلا
Noor اسم بنيه
هاي البنية جميله
ف اكول نور جميله او لطيفة
انه وصفت نور وجمالها

هسه بالإنكليزي
Noor is a beautiful girl

هذا مثال بسيط

وصفت الاسم او صاحب الاسم بالجمال
يعني الفاعل

زين يمته اختار الصفه اللي بيها ful??

اشوف اذا ورة الفراغ اسم اختار ام ال ful

واذا الفراغ بنهاية الجمله ؟
اشوف موجود فعل الكينونه مثل
Was,were,is,am,are
اذا موجودات ك فعل ف نختار ام ال ful

زين شنو تقصد تجي ك فعل ؟

مرات الجمله ماتحتوي على فعل ف يكون فعل الكينونه هو الفعل الرئيسي
مثل
The book was so useful

ماعندي فعل مثل write, swim وغيرها من الافعال
ف عوضه بمكان الفعل
فعل كينونه واعتبرناه فعل رئيسي

هذا الشرح لأختيارful


زين بوية يمت اختار fully ?
امشو وياي وراح تعرفون كلشي

اول شي ام ال fully توصف الفعل
مثلا


سلمى تغني بصورة لطيفة
هسه هنا انه ماوصفت سلمى
وانما وصفت طريقة غنائها
يعني الفعل اللي جاي تسويه سلمى تغني وغنائها كلش حلو ولطيف
Salma sings beautifully

شوفو اختاريت ام ال fully
ليش ؟
لان جاي اوصف الفعل اللي سوته سلمى و هو الغناء



زين شلون اميزها عن الفوك ؟؟
شوفو
ترحون لورة الفراغ
اذا شفتو فعل تصريف ثالث
ف تخلون ام ال fully
مثل
The picture was (colorful/colorfully) painted
لاحظو وياي بعد الفراغ عندي
Painted
واللي هوفعل قياسي تصريف ثالث

ف اختار ام ال fully



شغله ثانية
اذا ماكو ورة الفراغ شي ولكينه فعل رئيسي بالجملة ف نختار ام ال fully
مثل

Ali drives his car(careful/carefully)
اختار ام ال fully
ليش بوية ؟

لان عندي فعل رئيسي بالجملة وهو drives




فهمتو لو لا ؟؟؟


@kafsha95_bot

ثبتت بداية الشرح للصف السادس الاعدادي اللي عليكم بس اضغط على الرساله المثبته وتلكى بداية الشرح مال سادس

محد جاوب فهمتو لو لا لاتصيرون مثل الثالث وتخربون واهسي واظل اشرح بالكوة وبالدفرات

تعالو بوية بعيداً عن شرح استاذكم بالمدرسة
بعيداً عن المدرس الخصوصي
بعيداً عن الدورات


خلولكم دفتر جديد وامشو وياي
واللي انشره الكم كتبوه بالدفتر و واذا شفتو اسئله حلوهن راح تتقوون والله
امشو وياي ومعليكم يبقى بس الحفظ مال ادب والقطع عليكم ماكدر اشرحهن

بوية هنا مااسوي تبادل 🙄✋
اللي يريد ينشر القناة للفائدة رحم الله والديه
اللي مايريد ينشرها هم رحم الله والديه
بس تبادل مااسوي هنا اكو قناتي ثانيه عادي اسوي بيها بس هاي لا وشكراً

حضرو روحكم لتكملة اليونت الاول للسادس الاعدادي

وبالنسبة لهذا السؤال اللي بالبوت مال سيات

اكو تمرين يمكن ص 10 بالكتاب الملون هذا مالت النصائح ياريت تشرحة والله مينحفظ



ف حبيت اكلك هو هذن حفظ مابيهن شي ينشرح
رحت ع الملازم مالكيت شرح
رحت ع الكتب هم كذلك
رحت على كتاب المعلم
هم مابيه شي والله بس حفظ 🤦‍♂️💔
هسه ادزلك اثبات ان هاي حفظ من كتاب المعلم اللي يسلمونه للمعلم او المدرس

هذا الدليل على كلامي

هسه نجي لموضوع ال
Phrasal verbs
العبارات الفعلية
زين شنو هاي العبارات شنسوي بيها المن ناخذها اصلاً ؟



شوفو بوية
هسه عندي هاي الافعال مثلا

See
يرى
من اخليلها حرف جر مثل off
راح تكون عبارة فعلية
وتصير see off
معناها يودع

بوية مافهمنه شي

كلكم تعرفون شنو فعل
هذا الفعل من نضيفله حرف جر مثلة
Up,down,off,.....الخ

راح يكون فعل جديد
مرات يكون نفس المعنى مال الاول ومرات يكون مختلف كلش
مثل المثال الفوك
See يرى
من نضيفلها حرف جر مثل off
تصير see off
ومعناها يودع هنا اختلف المعنى ف كلتلكم من نضيف حرف جر للفعل اما يبقى نفس المعنى او يتغير


زين شلون استخدمهن ويمته وشلون ارتبهن اذا اجه على شكل ترتيب ؟؟

اذا كان المفعول به اسمم
يمكن يجي هذا الاسم قبل او بعد حرف الجر مثلا

Would you turn the light off?

شوفو الاسم the light
اجه قبل حرف الجر off


وكلنه هم يجي بعد حرف الجر هم صح
Would you turn off the light?

شوفو اجة الاسم ورة حرف الجر


اوكف اوكف شنو مفعول به شلون نعرفه ؟؟؟

المفعول به يجي دائماً ورة الفعل
يعني مثل العربي فعل وفاعل ووراه مفعول به فهمتو ؟؟

زين واذا اجه المفعول به ك ضمير مثل (me, him, her, them, us ,you)

هنا بهاي الحاله اجباري عليك تخليه قبل حرف الجر

مثل
Turn it off
او مثل اللي بكتاب النشاط ص ١١ تمرين b
رقم ٢
I've already/turn on/it

I've already turn it on
شوفو خليته قبل حرف الجر
ورقم ٨ هم شوفوه حت تتأكدون ورقم ٥ هم


فهمتو ؟؟
@kafsha95_bot

#فرصة_عمل

تعلن روضة ومدارس زهور الحياة الاهلية في #البصرة عن حاجتها الى كادر تدريسي متكامل جميع الاختصاصات (وايضاً بحاجة ضرورية لمعلمات أرشاد )
وسوف تكون المقابلة الاسبوع الاول بعد العيد مباشرة
ولمزيد من الاستفسار مراسلتي على المعرف ادناه
@na4e90
العنوان /البصرة /الزبير/ الشمالية مجاور بيت العونان/ مقابل مصرف بغداد سابقاً

ملاحظه
من تجي للمقابلة جيب ال CV وياك او وياج

انشروها للفائدة بوية