They (travel) to London (use:going to)

They =جمع ف لازم نخلي بعدها are
ف تصير
They are going to travel to London
من نخلي going to
لازم الفعل الوراها مجرد

Relative pronouns
ضمائر الوصل

Who
That
Which
Where
Whose

كل وحده الها استخدامها الخاص
هسه اشرحهن بالتفصيل
Who
معنها الذي او التي اللواتي الذين
هاي نستخدمها ويه الشخص العاقل فقط
يعني بس الانسان
ويكون موقعها ورة الفاعل
That is the boy who broke my car

The boy =عاقل
ف من نريد نضيف ضمير وصل نضيف who


That/which
معناها التي
تجي ورة الفاعل او المفعول به بس هذن يجن لشي غيرر عاقل جماد يعني
مثل
I like apples that grow in my garden

هنا اجت بعد المفعول به
apples ال
جماد
ف خلينه that



Where للمكان بمعنى حيثم
تجي ورة اسم المكان مباشرةً
The cafe where i work



Whose للتملك
ويكون موقعها بين الشخص المالك والشيء المملوك
The girl whose hair is golden is called Muna.

The girl الشخص المالك
Golden hair الشيء المملوك اللي يعود الها




اذا نطاني هيج جملتين والجملتين بيهن فاعل وكايل استخدم ضمير وصل
That is the boy, he broke my car ( use: relative pronoun)


لاحظو عندي فاعلين
The boy
He

ف اول خطوة اسويها احذف الفاعل اللي بالجملة الثانية واعوض بداله
ف الجواب يكون

That's the boy, who broke my car



اذا انطاني جملتين بيهن مفعول به وكايل خلي ضمير وصل
مثل
He painted the house, he bought it last year.

اول خطوة اسويها
اكتب الجملة الاولى بدون مااغير شي بيها ولااحذف شي
He painted the house
ونخلي اما which /that


الجملة الثانية نحذف منها الضمير
(لازم تحفظون الضمائر)
ف تصير
He painted the house , which he bought last year.



ملاحظه صغيرونه
اذا المفعول به عاقل ف نستخدم that
واذا غير عاقل نستخدم which



شوفو الدرس الرابع بكتاب النشاط مهم
ص ٧٧
يخليكم تميزون الفرق مابين that
Who

ادوات التعريف a,an,the

ادوات النكرة
a , an
نخليهن قبل الاسم المفرد المعدود
نخلي a قبل الاسم المفرد المعدود اللي بادي بحرف صحيح
I have a computer


نخلي an قبل الاسم المفرد المعدود اللي بادي بحرف علة (a,o,i,u,e)

Can i have an apple?

نستخدم the (اداة تعريف)

من نريد نحجي عن شخص او شي
The car in the park is mine


ادوات التنكير والتعريف
مانستخدمهن قبل الدول
بس نستخدمهن قبل اختصارات الدول
The UK مثلا

مانستخدمهن قبل المدن ولا المواد الدراسية ولااشهر السنه ولا ايام الاسبوع ولا بعد اداة السؤال which
ولا بعد كلمة like

مثل
I like math
ماخليت اي اداة
لان عندي like
وال math من مواد الدراسة ف هم ماخليت اداة

السؤال عن الاتجاهات
Asking for directions

للسؤال عن المكان نستخدم القاعده التالية
Can you tell me how to get to + اسم المكان +?


للسؤال عن المسافه
How far is +اسم المكان +?



للسؤال عن الوقت اللازم للوصول نستخدم
How long will +اسم المكان +take +تكمله+?

Giving directions
اعطاء الاتجاهات

نستخدم هلمصطلحات

Go to the traffic lights
روح بأتجاه اشارة المرور

Turn left/right at the lights
اتجه يمنه او يسرة عند الاضواء


Take the first turning on the right/left.

اخذ اول استدارة الليمنه او اليسرة

Go long
على طول روح (سيدة)

Next to / near
بالقرب
Go straight
سيدة وعدل يعني كلة كبل


Go past the
اجتاز (اعبر)

اليونت السابع


الجنسيات كلش مهن تلكونهن بكتاب النشاط ص ٨٥ الدرس الاول


شويه واشرح بقية اليونت خلسوي فطور سيو بعدين

Adverbs الظروف
شنو معناها ؟
هيه ظروف تنطي معلومات عن الفعل اللي سواه الفاعل
يكللنه وين ويمته حدث هذا الشي
بين قوسين الظرف ويصف الفعل

عندي بيها شكلين
الاول اسمه
Adverbs
ظروف تتكون من كلمة وحده
مثل
Quickly, slowly.....


النوع الثاني
Adverbials

معناها ظروف تتكون على شكل عبارة بعني اكثر من كلمه وحده ونسميها عبارة ظرفية

مثلا
In the house في البيت
هذا ظرف
On the table على الطاولة
هاي هم ظرف نسميهن عبارات ظرفية




الظروف تقسم الى ثلاث اقسام

اول شي ظرف الزمان
Adverbs of time

هيه ظروف تكللنه يمته (when) تصير الاشياء يعني الوقت مال حدوث الاشياء
اكو بعض الظروف تحددلي وقت محدد مثل
Yesterday, every day, in the morning, last week. After
هذن يجن اما ببداية الجملة او بالنهاية
I'm going to have a swim
After school.

هاي بالنهاية
ويجوز بالبداية
After school, I'm going to have a swim.



اكو بعضهن يمثل وقت غير محدد


Often, usually, sometimes
هذن يجن قبل الفعل

مثال
It often rains in Iraq

يكول غالباً ماتمطر بالعراق




ثاني شي ظروف الحال
Adverbs of manner


ظروف تكللنه شلون صارت الاحداث (how)

ممكن تكون ظروف الحال كلمات مفردةمثل ( slowly, quickly, fast, well.....)
ويمكن تكون على شكل عبارة
مثل ( by car , on foot ......)
ظروف الحال المفردة غالباً تنتهي ب ly
Happily وغيرها

مثلا
He goes to school on foot

هنا ظرف حال
شلون راح للمدرسة ؟
راح مشي on foot
دائماً تجي ورة الفعل او المفعول به

زين اذا عدنه ظرفين حال ؟
They crossed the desert slowly on foot
عندي ظرفين حال
Slowly, on foot
ف عادي ياهو يصير اول شي او ثاني شي
ماكو مشكله تصير on foot بالبداية عادي
تصير slowly قبل on foot عادي


ثالث شي

Adverbs of place
ظروف المكان

هيه اللي تكللنه وين صار هذا الشي بيا مكان (where )

يمكن تكون كلمات مفردة مثل
Here , there

وبمكن تكون عبارات جر
مثلا
In the house
On the table
In the exam....الخ

دائماً تجي ورة الفعل او المفعول به
I gave my to my teacher



زين اذا اجن هذن ثلاثتهن سويه شسوي؟؟؟

سهله لاتخاف
عليك بس ترتب
تخلي اول شي ظرف حال
بعدين تخلي ظرف مكان
اخر شي تخلي ظرف حال

مثل
My friend sang very well at the concert last night



Very well =ظرف حال
At the concert = ظرف مكان
Last night = ظرف زمان

I'm sorry
انه اسف
الجواب لازم يكون
That's Ok


Pardon!
عفواً او لم اسمع
Oh, I'm sorry
اوه ،انه اسف
الجواب لازم يكون
That's Ok, thanks


I'm so sorry
انه كلش اسف
الجواب لازم يكون
Don't mention it



مثال وزاري

I'm so sorry for forgetting your birthday ( Respond to the apology)

عندي بالسؤال
I'm so sorry
ف لازم الجواب اختار
Don't mention it

البونت الثامن مراجعه وماعرف شنو بيه 🙂💔
توبة اذا اشرحلكم شي صف ثالث
كلشي ماشفت منكم حت ماصارلي واهس اشرحلكم والله

وراح اشرح للسادس
واذا نفس الشي 🙂 هم اتوقف واشرح بس لكم واحد

😂😂😂😂 وحك ربكم قبل لا ادخل للقناة وقبل لا ابلش شرح
جنت اكول للكل من تشرح اشرح بالعامية للطالب صير صديقه تشاقة وياه كأنو جاي تشرح لصديقك وراح تشوف الكل تفهم عليك ويحبون شرحك ويصير كلش سهل عليهم ويفهمونه من اول ماتشرح
كلها انتقدت هذا الشي
احنه معلمين وتربويين واساتذة ومن هلحجي الماصخ 😂😂😂😂 كلتلهم بكيفكم بعد

شو هسه اباوع ع الملازم كلها صايرة تشرح باللهجة العامية لا ونوب بالشرح يتشاقون وماعرف شنو 😂💔
عمي زين والله خليتكم تشرحون بالعامية
الزبدة من تريد توصل معلومه
كون المقابيلك تعتبره صديقك تشاقه وياه سولف
اضربه بمثال من الواقع من تشرح
مثلا بالمبني للمجهول
كله انت ضربت سيارة
يعني مثلا اسمك علي
علي ضرب السيارة
وبما انو انت صاحبي راح اسويك مجهول حت لايسوولك سالفه
ف اكول السيارة انضربت
منو ضربها ؟
مااعرف 😂💔
شوف شلون مانطيت بيك 🌚💔 والله كلش بسيطه انو تكون صديق لتلميذك وتبتعد عن التكبر والمزعطه مالتك وشكراً
وباجر ابلش وية طلاب السادس واذا ماكو تفاعل هم اتأخر عليكم 🙂✋ لان اهمشي الواهس واذا ماتتسييون واهس ف بالدفرات راح اشرح يونت واحد وشكراً.

اول يوم نشرح بيه للسادس الاعدادي
اليونت الاول

بالبداية يحجي عن هاية السوالف مال علاجات وباندج وماعرف شنو
هاي مفردات حفظ
بكتاب النشاط ص ٢ منطيك
شغلات اربعه
Treatment
Joints
Verbs
Inside and outside the body

هذن حفظ يعني كل مجموعه بيها اعضاء نسميهن
مثلا
مجموعه
Verbs = sneeze, swallow....
وهكذا لازم تحفظونهن
هذا الدرس الاول

وراها جاي شارحلي عن الماضي البسيط والماضي المستمر وشلون نربطهن سويه
هسه احوللكم الماضي البسيط والماضي المستمر ووراها نشرح شلوون نربطهن

مثل ماكلتلكم اشرحلكم الماضي
المهم
توكلنة على الله

#الماضي_البسيط

مثل ماكلنه نعرف مصطلح (الماضي) يبين النه انوا شي صار وانتهى يمكن قبل يوم يمكن قبل سنه من وكتنه هذا
مثلا
we went to the cinema yesterday

احنه رحنه للسينما البارحه


خل نتعمق شوي
همه راحوا للسينما لنفترض شافوا فلم سبايدر مان الجديد 😐💔
زين من راحوا امس معقولة بقوا لهاي اللحظه بالسينما ☻💔 اكيد لا لان لازم يرجعون للبيت خاف ينكتلون
المهم همه راحوا امس وخلص

#فهمتوا_؟

اذا مافهمتوا كولوا 😐💔

المهم الماضي نعرفه من كم كلمة توضحلنه انوا هذا الزمن زمن الماضي البسيط

مثل

yesterday معناها البارحه
from - to
من -الى
I worked in Canada from 1990-1995
انه اشتغلت بكندا من سنه ١٩٩٠-١٩٩٥
يعني اشتغلت وخلص شغلي ورجعت

last week الاسبوع الفات
#كفشه

نرجع لسالفتنه
قاعدته تكون ك الاتي

S +V.2 +تكمله

I worked in Germany
هاي الجملة طبقت كل شروط القاعدة المطلوبة
نستخدم الماضي للتعبير عن شي صار وانتهى وقت
ومرات نستخدمه ويه الجملة الشرطية اللي راح اشرحلكم ياها غير مرة 😐💙



وذكروني خاف نسيت شي منا منا 😐💙
جاي اعتمد ع المعلومات اللي اتذكرهن ف اللي عنده معلومه لايبخلها على غيره شمالكم تحصلون حسنات
#كفشه

هذا الماضي البسيط بالتفصيل واسهل شي شارحه
وراه الماضي المستمر

سمعليكو 🙂
نرجع نشرح وهية تصفى
بس قبل لا نشرح المضارع المستمر لازم تعرفون شنو معنى (Be) من تجي بالسؤال شنو نقصد بيها
Be
هيه أم 😂 وعدها جهال بالمضارع وبالماضي
جهالها بالمضارع همة 👇🏻
Is
Am
Are
وبالماضي جهالها 👇🏻
Was
Were
بتل بتل متزوجه ثنين😂 المهم

يعني مثلاً يجيكم سؤال صحح الفعل اللي بين قوسين (be)
ف الجواب راح يكون لازم تعرفون زمن الجملة ماضي لو مضارع 😐
She (be)reading novel now
هيه جاي تقرا روايه هسه ( يعني الوقت الحاضر ) اذا الجملة زمنها مضارع مستمر 😂
ف الجواب راح يكون
She is reading novel now
يامحفوظ السلامه ليش اختارينه
Is
والسبب لان الفاعل مفرد 😂
#كفشه

ياالله توكلنه
#الماضي_المستمر


طبعاً اول شي لازم تعرفون شنو نقصد بهذا الزمن 😐💙
هذا الزمن عبارة عن زمن 😂😂
نستخدمه للتعبير عن حدث صار واستمر بالماضي
مرات يميز هذا الزمن يعني الماضي المستمر ادوات وكلمات مفتاحيه خلشرح هذن اول شي 👇 ووراها الكلمات المفتاحيه ووراها قاعدة هذا الزمن :
While
When


شنو نقصد بهذن الادوات 😐❤
يامحفوظين السلامه هذن نستخدمهن بالماضي من يصير حدث ويجي حدث ثاني يكطعه
خلنحجي بالعاميه
انه جاي اسولف ويه نوير صاحبي واجه حميد جريمة كطع سالفتنه وكال امشوا نروح نشتري ع حسابي 😂

مثال بالفصحى
She was eating when he called her
يعني هيه جانت تزقنب واتصل عليها حت يكلها احبنج كفوشتي 🌚💙 وخلاها تغص
سرسري يكرم الله


المهم
لاحظوا وياي شغله
When
يجي وراها ماضي بسيط
While
يجي وراها ماضي مستمر 🙄
خلفصخه شوي الكم

While John was sleeping last night, someone stole his car
من جان هلولد اللي اسمه جون نايم البارحه،واحد اجه وخمط سيارته

we were eating, when my father came
جنه ناكل، ابوي دخل

لاحظوا
الزمن اللي اجه بنفس جملة while
اجه ماضي مستمر

واللي بجمله
when
اجه ماضي بسيط

مايهم اذا صارت الجملة هيج
when my father came, we were eating
نفس الشي ماتغير التركيب ولا الجمله تغيرت

#كفشه

نكمل سوالفنه مال
#الماضي_المستمر

قاعدته ك الاتي
S+was/were +V(ing)+تكمله
مثل
I was watching the TV
جنت اباوع تلفيزيون

مرات نشوف هذا الزمن مستخدمينه بفترة الماضي بس بوقت محدد يعني حالة مؤقته
مافهمتوا صح ؟
هس افهمكم
I was playing basketball last hour
جنت العب كرة سله الساعه اللي فاتت

يعني فترة مؤقته ماصارلها هواي من صارت


ومرات تلكون بيه استخدامات متكررة
وبشكل دائم
وراح تلكون بيه
Always ... معناها دائماً
Constantly ....معناها بأستمرار

مثل
She was always coming to class late
هيه دائماً تجي متأخرة للصف

I didn't like them because they were constantly complaining

انه ماحبيتهم لان دائماً يتذمرون
يعني يكركون عليه😂

شوفوهن المثال الاول معناها انوا هيه تعودت وصار بشكل دائم تجي متأخرة للصف
مثلي انه هم جنت هيج واكول ازدحام 😂
والثاني هم كذالك
لان همه يكركون هواي يوميه يوميه



#انتبهوا
افعال الحس والإدراك مايجن ويه الماضي المستمر
وانما يجن ويه الماضي للبسيط والماضي التام


واذا مافهمتوا كولوا

#كفشه

الماضي المستمر ومن يجي be بين قوسين شنسويله الشرح فوك 👆 للسادس اعدادي

زين هسه اريد اربط جمله بالماضي المستمر ويه جمله بالماضي البسيط
شلون اربطهن
عندي اربع ادوات
ثنين للماضي البسيط وثنين للماضي المستمر
نفصخهن هسه بالسرة

اول شي راح تلكون بيه ادوات الربط الاربعة
As / while/ and / when
هذن ادوات ربط يربطن بين جملتين
وحده بالماضي البسيط والجملة الثانية بالماضي المستمر

هسه نجي نفصخهن حسب ترتيبهن

As/ while
هذن يجن ويه جملة الماضي المستمر شوي وادزلكم صورة القاعده مالتهم
ف القصد الجملة الاولة اذا بيها as / while ف الجملة راح تكون بالماضي المستمر ومن تخلص الجملة تخلي كومه ، وتجي وؤاها جمله الماضي البسيط



ال and / when
يجي وراهن ماضي بسيط
يعني عكس الفوك

القاعدة مالتهن بهذا الترتيب