هسه هذا الكثال بالطريقة السلبية اريد احوله ع الطريقة الايجابية

A bear is not as fast as lion

ف يصير حسب القاعد الاسم الثاني ناخذه
Lion
بعدين فعل مساعد
Is

وراها صفة المقارنه
Faster

وراها
Than

وراها الاسم الاول
Bear
ف تصير بهاي الطريقة

Lion is Faster than a bear



.............................................


طريقة السؤال على هذا الموضوع

A bear is not as fast as a lion (Re write the sentence using "faster")
هذا السؤال بالطريقة السلبية ف لازم نحوله بالطريقة الايجابية
الجواب راح يصير

A lion is Faster than a bear

قاعدة if الاولى

انتبهو اول شي لازم تعرفونه
الجملة اللي بيها if بزمن المضارع
يعني الجملة الاولى بزمن المضارع البسيط وشرح المضارع البسيط فوك تلكونه

واللي بعد الفارزة ب will واللي يجي ورة will لازم فعل خالي من اي اضافه

اذا اجت ال if بالنص ف لازم وراها فعل مضارع وقبلها جمله ب will يعني مستقبل

فد كم ملاحظه
اذا الجملة مال if بالمضارع البسيط وكان الفاعل مفرد she , he , it لازم الفعل نضيفله s الشخص الثالث
واذا كان الفاعل جمع they ,we ,you ,i
ف الفعل يبقى مجرد من اي اضافه
.............................................

اذا جانت جملة ال if بالنفي يعني زمن المضارع اللي بعد ال if منفي ف نسوي التالي
اذا كان الفاعل مفرد ف she ,he ,it ف ننفيها ب dosen't
واذا كان الفاعل جمع they, we , you ,i
ف نستخدم don't

واذا موجودات is للمفرد
Are للجمع
ف ننفيهن ب not ويصيرن
Isn't
Aren't

هيج يجي السؤال بالوزاري
If people grow alot of taller, the ( need) bigger houses (correct)
قبل لا احله خل اكلكم فد شي
من ينطيك فعل بين قوسين ف معناه بس هذا الفعل الغلط بالجمله واما ناقصه تحويل او ناقصه فعل مساعد او تحويل يعني فقط اللي بين قوسين تصححه اله
كاتبلك correct بين قوسين يعني تصححله اللي بين قوسين
واذا كاتبلك مثلا past simple يعني تشوين اللي بين قوسين بالماضي البسيط وهكذا


هسه نجي
المطلوب بالسؤال نصحح اللي بين قوسين
احته نعرف انو الجمله اللي وره if (الحاله الاولى) بالمضارع البسيط
ف الجمله اللي بعد الفارزة لازم بالمستقبل ب will
ف الجواب لازم يصير

Will need

فهمتو لو لا ؟ كولو كولو حت اعرف اكمل

الحالة الثانية من if

الجمله اللي بعد if بزمن الماضي البسيط الشرح فوك تلكونه
والجملة اللي بعد الفارزة يكون بيها would واذا شفت would لازم فعل مجرد وراها يعني خالي من اي اضافه

كم ملاحظه
اذا جمله if بالاثبات ف الفعل الماضي القياسي نضيفله ed
واذا شاذ ف يتغير شكل الكلمة ومانضيفله ed

اذا جمله if بحاله النفي ف نستخدم didn't ونخليه ورة الفاعل مباشرةً ونخلي الفعل وراها
ملاحظه اذا خلينه did او didn't ف الفعل اللي وراها يجي خالي مابيه اي اضافه ولاتحويل

واذا خلينه was واللي نستخدمها للمفرد
وwere للجمع
ف من نريد ننفيهن هيج يصيرن
Wasn't
Weren't


مثال وزاري

If i had lots of money, i (buy) a new car

الجملة اللي بيها if بالماضي
ف الجمله الثاني لازم ب would
ف الجواب
Would buy


ملاحظه
اذا نطانة مثلاً اللي بين قوسين بالجمله اللي بيها if ف نشوف الجمله الثانية بيا زمن وعن طريقها نجاوب

المبني للمجهول وال so , neither
بعدين اشرحهن

عذروني ع التأخير بس جاي ادرس

قاعدة المبني للمجهول
بزمن المضارع البسيط

اول شي لازم تعرفون شلون تميزون زمن المضارع عن زمن الماضي او المستقبل وهذا الشي شارحه فوك

هسه نجي نشرح
اول شي نسويه اول خطوة
نشوف زمن الجملة هل هيه ماضي او مضارع

هسه راح نبلش بزمن المضارع


اذا كان عدنه الفاعل مفرد
She ,he , it , اسم علم
ف ننعوضه ب is
واذا كان الفاعل جمع
They,we,you
نعوضه ب are



ثاني خطوة نسويها نحذف الفاعل
سواء كان مفرد او جمع
She
He
It
Ahmed
They
We
You

نحذفهم ونعوض ببدالهن اما is للمفرد
او are للجمع

ثالث خطوة نسويها
نحول المفعول به
Object
ببداية الجمله

زين استاذ شنو المفعول به مانعرفه 😐💔
راح اكلك شي بسيط
المفعول به تلكاه ورة الفعل
Ahmed writes the letter
Ahmed =فاعل
Writes = فعل
The letter = مفعول به

شنو يجي ورة المفعول به هذا يعتبر تكمله

نكمل هسه
نخلي المفعول به بالبداية
وراها الفاعل الحذفناه مفرد لو جمع ؟ اذا مفرد نخلي is
واذا جمع نخلي are

والفعل نحوله تصريف ثالث
لازم تحفظون التصاريف

Ali sends the letter
نحذف ali
وبعدين نقدم المفعول به بالبداية
The letter
وراها نشوف الفاعل الحذفناه مفرد لو جمع بالمثال عدنه مفرد ف نعوضه ب is
Send نحولها تصريف ثالث
الجواب راح يكون
The letter is sent

هذا المبني للمجهول بزمن المضارع البسيط 👆👆👆

المبني للمجهول بزمن الماضي البسيط

قاعدة المبني للمجهول
بزمن الماضي البسيط

اول شي لازم تعرفون شلون تميزون زمن المضارع عن زمن الماضي او المستقبل وهذا الشي شارحه فوك

هسه نجي نشرح
اول شي نسويه اول خطوة
نشوف زمن الجملة هل هيه ماضي او مضارع

هسه راح نبلش بزمن الماضي


اذا كان عدنه الفاعل مفرد
She ,he , it , اسم علم ,i
ف ننعوضه ب was
واذا كان الفاعل جمع
They,we,you
نعوضه ب were



ثاني خطوة نسويها نحذف الفاعل
سواء كان مفرد او جمع
She
He
It
Ahmed
They
We
You
I

نحذفهم ونعوض ببدالهن اما was للمفرد
او were للجمع

ثالث خطوة نسويها
نحول المفعول به
Object
ببداية الجمله

زين استاذ شنو المفعول به مانعرفه 😐💔
راح اكلك شي بسيط
المفعول به تلكاه ورة الفعل
Ahmed wrote the letter
Ahmed =فاعل
Wrote = فعل
The letter = مفعول به

شنو يجي ورة المفعول به هذا يعتبر تكمله

نكمل هسه
نخلي المفعول به بالبداية
وراها الفاعل الحذفناه مفرد لو جمع ؟ اذا مفرد نخلي was
واذا جمع نخلي were

والفعل نحوله تصريف ثالث
لازم تحفظون التصاريف

Ali wrote the letter
نحذف ali
وبعدين نقدم المفعول به بالبداية
The letter
وراها نشوف الفاعل الحذفناه مفرد لو جمع بالمثال عدنه مفرد ف نعوضه ب was
Wrote نحولها تصريف ثالث
الجواب راح يكون
The letter was written

🌚💔 شرح بسيط والله ينفهم بسرعه ينفهم سويته بأبسط طريقه حت تفهمونه

اكلكم هم شارحيلكم المبني للمجهول بزمن المستقبل ؟ وبزمن المضارع التام ؟
ممكن تجاوبون

@kafsha95_bot

طريقه السؤال يكتبلك بين قوسين
(Passive)
وانت لازم تعرف زمن الجمله حت تعرف تتصرف وتحل