الدرس الثامن هم مسلته
الدرس التاسع
بكتاب النشاط تمرين c
مال تعاريف مهم

الدرس العاشر كله مهم وزاري

😂💔 شكراً شكراً

خلي احجي فد شي

اذا ماتعرفني لاتظل تفسر شخصيتي على كيفك وكلساع كايل شي عني 😂💔
اي عمي انه منحرف وموخوش بشر وانسان سيء ومأذي هواي ناس

ماجابرك تجي تحجي وياي لو تعاشرني يااخي ماتوسلت بيك حت تجي تحجي وياي 😂 انه شخصيتي تقريباً مبهمة كل شوية مزاج ف انت مامجبور تجي تحجي وياي والله اريد اسولف وياك من اكلهم انه مو خوش بشر ومنحرف وفاسق وكل الصفات الموزينه بيه يظل يحجي عليه 😂💔 لو يكلي سلمتك بيد العباس( عليه السلام) راح يصكعك وينومك نومه ابدية يابة علواه علواه خل انام نومه ابدية 😂💔 والله شعب ماتصيرله اي چارة
خصم الحچي انه مو خوش بشر لاتعاشروني 😂💔 ونحلت السالفه

اليونت الثالث
Superlative and comparison adjectives
درجات المقاررنه والمفاضلة

راح اشرحها بالتفصيل

المقارنه: هي المقارنه بين شيئين او شخصين

المفاضلة : هي مقارنه بين شخص ومجموعه من الاشخاص او بين شيء وعدة اشياء



الصفه من تكون متكونه من مقطع واحد نظيف er للصفة ف راح تصير مقارنه
وبالمفاضلة نظيف est

مثل

Small➡️smaller بالقارنه
Small ➡️smallest بالمفاضله

Ali is smaller than huda
مقارنه

Ali is the smallest in the class
مفاضلة

.............................................

من تتكون الصفه من مقطع واحد وينتهي بحرف e نضيف بس r بالمقارنه
و بالمفاضله st
مثل
Large➡️larger مقارنه
Large ➡️ largest مفاضله

.............................................


الصفه اللي متكونه من مقطع واحد ومنتهية بحرف صحيح واحد مسبوق بحرف علة واحد نضاعف الحرف الاخير ونضيف er بالمقارنه
ونضيف est بالمفاضله


مثل
Big ➡️bigger مقارنه
Big ➡️biggest مفاضلة


.............................................


اذا الصفه ام المقطع الواحد منتهية بحرف y وقبله حرف صحيح
نقلب ال y الى i ونضيف er بالمقارنه ونضيف est بالمفاضله

مثل

Happy ➡️happier مقارنه
Happy ➡️happiest مفاضلة

.............................................


اذا انتهت الصفه ام المقطع الواحد بحرف y وقبله حرف عله
ف مايقلب ويبقه على حطته ونضيف er بالمقارنه
ونضيف est بالمفاضله


.............................................

اذا الصفه متكونه من مقطعين او اكثر نضيف more قبل الصفه بالمقارنه
ونضيف most قبل الصفه بالمفاضله

مثل
Beautiful ➡️more beautiful
مقارنه
Beautiful ➡️most beautiful
مفاضله

.............................................


زين احنه شلون نعرف هاي الصفه متكونه من مقطعين او مقطع واحد ؟

هذا الشي يعتمد على حروف العله اللي بالكلمة
مثل مانعرف عدنه خمس حروف عله
a,u,i,e,o

زين مافهمنه شتقصد ؟
شوفو نحسب حروف العله اللي بالكلمة
اذا بيها حرف عله واحد ف هاي صفه ام مقطع واحد
مثل nice

زين هسه نايس بيها حرفين عله
i/e

انتبهو حرف ال e اللي بنهاية الكلمة نغلس عنه ونهمله
ف يبقة عدنه حرف i بس

هسه مثال ثاني

Cheap
هاي هم مقطع واحد

اوكف اوكف استاذ انت كلت اذا كلمة بيها حرف عله بالنص وبي بيها حرف e بالاخير ف تعتبر حرف واحد لان راح نهمل ال e

زين كلمة cheap
حرفي ال e / a
موجودات وحده بصف الثانية ف هاي تعتبر ام مقطعين صح ؟

لا بوية غلط هذا الشي والسبب
اذا شفتو حرفين علة واحد ورة الثاني ف نعتبرهن حرف واحد وبكلمة cheap حرفي العلة a,e
واحد ورة الثاني ف يعتبرن مقطع صوتي واحد وكذا بقية الحال
فهمتو ؟
.............................................


من نشوف كلمة than بالجملة ف هاي الجملة بدرجة المقارنه

A bear is ..... than a wolf
(Biggest/ bigger/ big)
ف نختار الصفه اللي بدرجة المقارنه bigger ليش لان عدنه than بالجملة

.............................................

من نشوف قبل الفراغ the
ف الجملة بالتفضيل يعني الصفات اللي تنتهي بدرجة التفضيل
مثل
Who is the ...... student in the school?
( more intelligent/ most intelligent/ intelligent)
نختار الصفه اللي بيها درجة مفاضله most intelligent والسبب عدنه the قبل الفراغ .

اذا مافهمتو كولو

اكو صفات شاذه تحفظونهن 🤦‍♂️💔 كم وحده هنه مو هواي بالكتاب

هاي الطريقة الاولى فوك 👆

هسه الطريقة الثانية اللي موجودة بالكتاب

هسه اجي اطبق حسب القاعدة

A bear is not as fast as lion

A bear = الاسم الاول
Is not = الفعل المساعد
as + الصفه بدون اضافات +as
Lion= الاسم الثاني

هاي الطريقة طريقة المقارنه السلبية 👆👆

الطريقة الايجابية

هسه هذا الكثال بالطريقة السلبية اريد احوله ع الطريقة الايجابية

A bear is not as fast as lion

ف يصير حسب القاعد الاسم الثاني ناخذه
Lion
بعدين فعل مساعد
Is

وراها صفة المقارنه
Faster

وراها
Than

وراها الاسم الاول
Bear
ف تصير بهاي الطريقة

Lion is Faster than a bear



.............................................


طريقة السؤال على هذا الموضوع

A bear is not as fast as a lion (Re write the sentence using "faster")
هذا السؤال بالطريقة السلبية ف لازم نحوله بالطريقة الايجابية
الجواب راح يصير

A lion is Faster than a bear

قاعدة if الاولى

انتبهو اول شي لازم تعرفونه
الجملة اللي بيها if بزمن المضارع
يعني الجملة الاولى بزمن المضارع البسيط وشرح المضارع البسيط فوك تلكونه

واللي بعد الفارزة ب will واللي يجي ورة will لازم فعل خالي من اي اضافه

اذا اجت ال if بالنص ف لازم وراها فعل مضارع وقبلها جمله ب will يعني مستقبل

فد كم ملاحظه
اذا الجملة مال if بالمضارع البسيط وكان الفاعل مفرد she , he , it لازم الفعل نضيفله s الشخص الثالث
واذا كان الفاعل جمع they ,we ,you ,i
ف الفعل يبقى مجرد من اي اضافه
.............................................

اذا جانت جملة ال if بالنفي يعني زمن المضارع اللي بعد ال if منفي ف نسوي التالي
اذا كان الفاعل مفرد ف she ,he ,it ف ننفيها ب dosen't
واذا كان الفاعل جمع they, we , you ,i
ف نستخدم don't

واذا موجودات is للمفرد
Are للجمع
ف ننفيهن ب not ويصيرن
Isn't
Aren't

هيج يجي السؤال بالوزاري
If people grow alot of taller, the ( need) bigger houses (correct)
قبل لا احله خل اكلكم فد شي
من ينطيك فعل بين قوسين ف معناه بس هذا الفعل الغلط بالجمله واما ناقصه تحويل او ناقصه فعل مساعد او تحويل يعني فقط اللي بين قوسين تصححه اله
كاتبلك correct بين قوسين يعني تصححله اللي بين قوسين
واذا كاتبلك مثلا past simple يعني تشوين اللي بين قوسين بالماضي البسيط وهكذا


هسه نجي
المطلوب بالسؤال نصحح اللي بين قوسين
احته نعرف انو الجمله اللي وره if (الحاله الاولى) بالمضارع البسيط
ف الجمله اللي بعد الفارزة لازم بالمستقبل ب will
ف الجواب لازم يصير

Will need

فهمتو لو لا ؟ كولو كولو حت اعرف اكمل

الحالة الثانية من if

الجمله اللي بعد if بزمن الماضي البسيط الشرح فوك تلكونه
والجملة اللي بعد الفارزة يكون بيها would واذا شفت would لازم فعل مجرد وراها يعني خالي من اي اضافه