هاي اكو كلمتين من ندمجهن سوية ينطنه معنى ثاني جديد 😋❤
حبيت اشاركهن الكم وهم خوش مفردات
#كفشه

😂 استاهل نوت 8 منكم على هلشرح يكرم الله 😂😂
#كفشه

بس نبههم اللفظ مال الكلمات يختلف ورا ما ندمجهن

انتبهوا للنوت 8 من تجيبونه كلولي 😂
قصدي انتبهوا ع اللفظ

صدك اللي عنده قناة خاصه بيه ومشترك بقناة التعليم مالتنه
خل يدزلي معرف قناته حته ااشترك بيها 😂
#كفشه

هاي حبشكلاي جديدة هم تكدرون من كلمة وحده تطلعون طن مفردات
#كفشه

راح اسويلكم هيج خرائط هذن نسميهن خرائط ذهنيه راح تساعدكم تحفظون المفردات بسهوله 🙂 بس يراد ارجع للبيت ورة فترة واصير زين وتدللون 🙂
#كفشه

حبيت اشارككم هذن العبارات اللي دائماً نستخدمهن ( الترجمه بطريقتي الخاصة😂)

I'm hungry
طاكني الجوع

I'm bored
مليت الله ياخذك (الملل يقرة الف)

I'm in a good mood
اليوم مزاجي يخبل (مرتاح ومتونس)

I'm in a bad mood
مزاجي زفت ( محمض وصاير نفسية)
I'm exhausted
وخروا عني ترة تعبان وهلكان

Let them go
معناها خيولن 😂(عوفهن الله ياخذك)

#كفشه

https://apkpure.com/p/com.duolingo

هذااا دوليجينووو


https://play.google.com/store/apps/details?id=com.voscreen.voscreenapp

هذاا vosreen


https://apkpure.com/p/com.truatvl.englishgrammartest.dev

هذاا للقواعد

شكراً من القلب

كلمة appointment
ماجانت مارة عليه واللي معناها موعد
كدرت اعرف معناها من خلال تكملة الجمله والمشهد

راح اشرح المضارع التام من اخلص صلاة
خليكم متحضرين للشرح وراح احجي الكلمات اللي بالانكليزي الفظهن ( معليه اذا اخترعتوا ) واذا عدكم اسأله بالوحده او بثنتين اجاوبهن 😂 اذا مانمت

#كفشه

#المضارع_التام_المثبت

اول شي لازم تعرفونه وهو انو ال (have)
متزوجه وعدها جهال بالماضي وبالمضارع هم

بالنسبة للمضارع
Have للجمع وتعرفون شنو جمع 😐
Has للمفرد 😐 لاتكلولي مانعرفه

وبالنسبة للماضي
Had
للجمع والمفرد 😂 ماتتعب وعلي

مثل
She (have) read the story
😐 نشوف الفاعل مفرد لو جمع
لكيناه فاعل ف الجواب
She has read the story
#كفشه

بس انتظروا اطلبلي من الولد ( اذا نطوني ) تلفون لان تلفوني جاي يعلك هواي
#كفشه

مالكيت تلفون كلها تلعب ببجي 🙂
ومحد يقبل ينطي تلفونه
المهم راح اكمل بتلفوني ان شاء الله مايعلك
#كفشه

كلحنه عدنه مشكله بزمن المضارع التام
Present perfect tense
وببالطريقة اللي نستخدمها
لذلك راح افصخه بالتفصيل واخلي رسائل قصار مو طوال

هو زمن نستخدمه حت نحچي عن حدث او فعل صار قبل فترة بس هاي الفترة مانعرفها يعني مو محدده
(قبل ساعه او قبل يومين او قبل سنه ....الخ)
بس هذا الحدث اثاره بعدهن والنتائج باقيه

مثلا
_ Read this book, it is very nice .
_ I have read it already.

شوفوا المثال راح افصخه
مثلا عجبني كتاب وحبيت انطيه لصديقي يقراه
ف هو يجاوبني ويكلي انه قريته وخلصت صارلي هواي 😐 (فشلني الحنيط)
يعني مايذكر الفترة الل خلصها بيه يمكن مساع او يمكن قبل شهر وهكذا بس اثاره باقيه يعني (مخلص)
#كفشه

How to form the present perfect tense ? ,
شلون نصيغه يعني شلون قاعدته 😐؟

ج/ صيغته (قاعدته )ك الاتي

S+have, has +v3+تكمله

S...الفاعل حجيتلكم عنه
Have .... للجمع
Has... للمفرد
V... فعل
3.... معناه تصريف ثالث مرات نسميه

past participle
اختصاره يكون
P.P


فد مثال
I have read the book
يعني انه قريت ااكتاب بس نسيت يمته خلصته 😐 اثره القراءة
اوضح اكثر
انه قريت الكتاب وخلصت بالماضي بس ماعرف يمته
يمكن قبل اسبوع
بس اثره استمر وهو انو انه قريته وببالي انو انه خلصته

بشروا 😐 اكمل لو لا ؟
ورة كل رساله شرح ادزها من تقروها كولوا اكمل او لا حت اذا مامفهوم اعيده

حت لا يصير خربطه بالقاعده 😐 راح افصخها هم
راح اسويها قسمين
القسم الاول وخو الفعل المساعد has
She , he,it اسم مفرد
ياخذن
Has

S+has+V(p.p)+تكمله
هاي قاعده المفرد

She has learned French already
يعني هيه تعلمت فرنسي قبل فترة 😐 لاحظو الفترة مو محدده يمكن امس يمكن مساع خلصت تعليمها

He has lost his keys
هو ضيع مفاتيحه 😐 ولحد هسه مالكاهن
ف اثر الفقدان بعده مستمر لهاي اللحظه


القسم الثاني الخاص بالجمع واللي ياخذ الفعل المساعد have
I,we,you,they
هذن جمع ياخذن
Have
القاعده مالتها راح تكون
S+have+V(P.P)+تكمله

فد مثال
I have met many people since i came here in june

شفت هواي ناس من يوم اجيت بشهر جون
يعني صارله فترة بس الحدث بعده بالحاضر

#كفشه

راح احجيلكم استخدامين لهل زمن وباجر اكمل الباقي لان بالكوة جاي اكتب ☹

يمته نستخدم هذا الزمن التعبان 🤤
When we use yhe present perfect tense?


شوفوا هو اله استخدامات هواي راح انطي اللي اتذكرهن 😶

اولاً:
في حالة التعبير عن حدث او نشاط مستمر
وهذا الحدث بدأ بوقت (محدد) بالماضي واستمر لهذا وكتنه
بس بهاي الحاله نستخدم حرف الجر
Since
وراح اشرحلكم يمته نستعملها بس بعدين

I have met many people since I came here in june
شفت هواي ناس من اول مااجيت بشهر جون
نستنتج من هلشي
انو الحدث محدد (مقابلة الناس والوقت محدد هم يعني نطانه شهر اسمه جون واثار هلحدث مستمره لهاي اللحظه)

He has spoken English since he was a child
هو يحجي انكليزي من جان صغير

الحدث عدنه هو حجيه للانكليزي
وهذا الشي صار بوقت معين
يعني من جان صغير
والحدث اثاره مستمرة
وهيه حجيه للانكليزيه لحد هسه يحجي انكليزي

#كفشه