يلا نكمل 😐 بس ملاحظه ترا المضارع المستمر شوي طويل وبيه حبشكلات و اكو افعال ماياخذن ing وراح اشرحهن لاتخافون 🙂


صيغة المضارع المستمر (قاعدته )

S +is,am,are+V(ing)+تكمله
S ...تعرفونه فاعل
Is,am,are .... هذن نسميهن افعال مساعده 😂
V... فعل
Ing .... دلالة الاستمراريه 😐💔


اذا كان الفاعل مفرد
She,he,it, اسم مفرد
ف الفعل المساعد ناخذله ... Is

اما اذا كان الفاعل جمع 😐
We ,they, you
ف الفعل المساعد ناخذله .... Are

اما اذا كان الفاعل
I
ف ناخذله الفعل المساعد
Am


امثله 😂💔
He is playing basketball
هو جاي يلعب كرة سله
يعني جاي يلعب وبعده يلعب 😐💔

They are watching the TV
هم يشاهدون التلفيزيون
#كفشه

راح انطيكم اسأله واحلهن بس قبل لاانطيكم اسأله لازم تعررفون هذا الزمن شلون نعرفه مستمر
١_ من كلمة
Look
معناها باوع (انظر)

٢_من كلمة
Now
معناها هسه 😂(الان)
٣_ من كلمة
Listen
معناها استمع

٤_من كلمة
At the moment
معناها في هذه اللحظه

٥_من كلمة
At the present time
معناها في الوقت الحاضر

اسأله وجوابهن حت تفهمون شنو اقصد
I (be) reading a story at the moment
عرفنه الزمن مضارع وعرفناه مستمر
ف الجواب لازم يكون ك الاتي
I am reading a story at the moment

They (be) watching television now

عرفنه الزمن مضارع وعرفناه مستمر من كلمة now
هسه لازم نعرف الفاعل هنا مفرد لو جمع وانه شرحته فوك اول رساله نشوفه اذا مفرد اله فعل مساعد واذا جمع ف هم اله فعل مساعد
The ..جمع
ف الجواب يكون
They are watching television now
#كفشه

استخدامات المضارع المستمر
١_ عمل يحدث الان ( شي جاي نسويه هسه مثلاً شلون جاي اكتبلكم شرح يعني هذا شي جاي يصير هنا )
مثلا
I am having lunch
انه جاي ازقنب غدة 😂
يعني شي جاي نسويه
مثلا انتوا جاي تتابعون القناة والشرح اول بأول
You are watching step by step channel

الاستخدام الثاني
٢_ حاله مؤقته
راح افهمكم مثلا انتوا ترحون فد سفرة لمكان بالخارج ومالكيتوا شقة حته تسكنون بيها وتالي تتذكرون عدكم قرايب عايش بهاي الدوله وتخابرونه وتكعدونه وياه مدة مؤقته لحد ماترجعون لبلدكم

I cannot find a flat ,so Iam living with my brother
انه مالكيت شقة لذلك حاليا ساكن ويه اخوي بشقته 😂
يعني مدة من الزمن وينطرد 😂
#كفشه

انتبهوا من شغله كلش واكثر اللي يتعلمون انكليزي واللي متعلمين انكليزي يغلطون بيها
وهيه افعال الحس والادراك 😐💔
يعني اكو افعال مايصير نظيفلهن ماعرف نضيفلهن ing
وراح انطيكم الافعاال
Wish ... يتمنى
Want...يريد
Hate...يكره
Prefer....يفضل
Love ....يحب
Like...يحب او يفضل
Know ....يعرف
Believe....يصدق
Imagine...يتخيل
Think...يفكر
Need....يحتاج
Remember....يتذكر
Understand....يفهم
Mean...يقصد
Realize...يدرك
Seem....يبدو
Own....يملك
See....يرى
Hope....امل او رجاء
Suppose....يفترض
Forget...ينسى
Contain...يحتوي
Appear... يظهر
Sound...صوت
Belong...يلائم او ينتمي



راح انطي فد مثال وتفهمون شقصد
He is wanting to buy a new computer 😐💔
هو يريد يشتري كمبيوتر جديد
اقروا الجملة حت من تقروها تحسوها مو حلوة ومو قانونيه 😂
بس لاحظو هاي الجملة
He wants to buy a new computer
نفس المعنى بس اقروها راح تحسونها
حلوة وبمكانها جاية
لان مثل ما كلتلكم
Want
مايصير يجي وياها ing لانها من افعال الحس والادراك 😐💔



اكو شويه خبيصة بسالفه الفعل
Think
اله حالتي واله معنيان 😂(شحلاة الانكليزي اذا ثنين وفوك بس يضيفون s ويصير جمع بس بالعربي تصير رطينه 😂)
المهم
المعني الاول
يفكر think
اذا اجة كلمة think بالجملة وكان معناها يفكر ف هنا نكدر نخلي ing
مثل
I am thinking
انه جاي افكر
والمعنى الثاني يعتقد
يعني اذا اذا اجه بالجملة ومعناه يعتقد
ف مايصير نضيف ing
مثل
I think he is lazy
انه اظن انوا هلشخص كسلان
هنه اجه بمعنى يعتقد 😐 ف مايصير نضيف ing
#كفشه

ياالله توكلنه
#الماضي_المستمر


طبعاً اول شي لازم تعرفون شنو نقصد بهذا الزمن 😐💙
هذا الزمن عبارة عن زمن 😂😂
نستخدمه للتعبير عن حدث صار واستمر بالماضي
مرات يميز هذا الزمن يعني الماضي المستمر ادوات وكلمات مفتاحيه خلشرح هذن اول شي 👇 ووراها الكلمات المفتاحيه ووراها قاعدة هذا الزمن :
While
When


شنو نقصد بهذن الادوات 😐❤
يامحفوظين السلامه هذن نستخدمهن بالماضي من يصير حدث ويجي حدث ثاني يكطعه
خلنحجي بالعاميه
انه جاي اسولف ويه نوير صاحبي واجه حميد جريمة كطع سالفتنه وكال امشوا نروح نشتري ع حسابي 😂

مثال بالفصحى
She was eating when he called her
يعني هيه جانت تزقنب واتصل عليها حت يكلها احبنج كفوشتي 🌚💙 وخلاها تغص
سرسري يكرم الله


المهم
لاحظوا وياي شغله
When
يجي وراها ماضي بسيط
While
يجي وراها ماضي مستمر 🙄
خلفصخه شوي الكم

While John was sleeping last night, someone stole his car
من جان هلولد اللي اسمه جون نايم البارحه،واحد اجه وخمط سيارته

we were eating, when my father came
جنه ناكل، ابوي دخل

لاحظوا
الزمن اللي اجه بنفس جملة while
اجه ماضي مستمر

واللي بجمله
when
اجه ماضي بسيط

مايهم اذا صارت الجملة هيج
when my father came, we were eating
نفس الشي ماتغير التركيب ولا الجمله تغيرت

#كفشه

نكمل سوالفنه مال
#الماضي_المستمر

قاعدته ك الاتي
S+was/were +V(ing)+تكمله
مثل
I was watching the TV
جنت اباوع تلفيزيون

مرات نشوف هذا الزمن مستخدمينه بفترة الماضي بس بوقت محدد يعني حالة مؤقته
مافهمتوا صح ؟
هس افهمكم
I was playing basketball last hour
جنت العب كرة سله الساعه اللي فاتت

يعني فترة مؤقته ماصارلها هواي من صارت


ومرات تلكون بيه استخدامات متكررة
وبشكل دائم
وراح تلكون بيه
Always ... معناها دائماً
Constantly ....معناها بأستمرار

مثل
She was always coming to class late
هيه دائماً تجي متأخرة للصف

I didn't like them because they were constantly complaining

انه ماحبيتهم لان دائماً يتذمرون
يعني يكركون عليه😂

شوفوهن المثال الاول معناها انوا هيه تعودت وصار بشكل دائم تجي متأخرة للصف
مثلي انه هم جنت هيج واكول ازدحام 😂
والثاني هم كذالك
لان همه يكركون هواي يوميه يوميه



#انتبهوا
افعال الحس والإدراك مايجن ويه الماضي المستمر
وانما يجن ويه الماضي للبسيط والماضي التام


واذا مافهمتوا كولوا

#كفشه

بوية هسه نحجي عن كيفية
اضافة ing
للفعل

شوفو من نريد نضيف ing للفعل لازم نسوي هلشغلات البسيطه
١/ اذا شفنه الفعل اللي نريد نضيفله ing منتهي بحرف e صامت
نحذفه ونضيف ing مثل
Give =giving
Hide=hiding


٢/ اذا جان الفعل منتهي بحرف صحيح واحد وقبل حرف علة واحد
ف نضاعف الحرف الاخير ونضيف ing
مثل
Sit=sitting

٣/الحرف y مايقلب ويبقى على حطته ونضيف ing
مثل
Play=playing
Pray=praying

٤/ نستثني الحالات الشاذة فقط اللي لازم تحفظوهن
Die=dying
Lie=lying
Tie=tying
هذن حفظ مهمات

اسف ع التأخير بوية لأن مريض الله وكيلكم

نكمل اليونت الاول الدرس الثالث

واللي يحجي عن سيارة الموسم(سيارة هذا العام)

اول شي الاسئلة اللي عليها كلش مهمه
ثاني شي اهم الكلمات اللي بالقطعه

Panther 3.0D اسم السيارة

Sunroof فتحه موجودة بسقف السيارة

Airbags وسائد هوائية (من تندعم يطلعن)


CD player مشغل اقراص

GPS نظام تحديد المواقع

Electric windows
نوافذ كهربائية( يعني تدوس الدكمه تنزل)


Tinted windows
نوافذ مظلله

عدد المقاعد بالسيارة
Eight

شنو وسائل الامان safety features
A/ there are airbags for the driver and the passengers,and many others safety features


وغيرها من الاسئلة اصورها الكم اذا لكيتها

هسه نجي للمعاكسات وانواعها

عدكم بالكتاب نوعين
النوع الاول اللي نكتب كلمة ونكتب كلمة ثانية عكسها مثل

Ugly قبيح × beautiful جميل
هذا النوع الاول


النوع الثاني نظيفله un
نسميها البادئة prefix
مثل
Important مهم × unimportant غير مهم




هسه راح اكتبلكم كم معاكسه (لان ماعرف استاذكم او استاذتكم شكد منطيتكم)

Terrible فضيع × brilliant مشرق

Expensive غالي× cheap رخيص

Boring ممل × interesting ممتع

Dangerous خطير× safe امن

Old قديم× new جديد

هسه نجي لموضوع
Really and Quite

هاي الكلمتين يجن قبل الصفات
يعني الصفه تجي وراهن


Really جداً معناها هنا

Quite نوعاً ما


Really تخلي الصفة اكثر قوة

Quite تخلي الصفة اقل قوة


زين استاذ هذا الشي صعب علينه لان مانعرف نترجم ، شنو الحل برأيك ؟؟



واذا اذا شفت اختر من بين الاقواس مكتوب
Really/ Quite
والمطلوب نختار وحدة منهن شلون نختار ؟؟؟


هذا الشي اسهل منه ماكو


اذا اجه فراغ وقبله a
a........ + صفة
ف نختار really

واذا اجه فراغ ووراه a

......... a +صفه
ف نختار Quite


مثال


It was a....... good film(really/Quite)

اختار
Really
لان اجه قبل الفراغ a

واذا اجه بعد الفراغ a نختار Quite

مثل

It was....... a good film
(Really/Quite)
نختار Quite

لان ورة الفراغ اجه a

بالوزاري كل السنين جايب هاي الطريقة السهلة ماجايب الطريقة الصعبة

اليونت الاول الدرس الرابع
واللي بيه الكلمات المركبة
شنو يعني كلمات مركبة؟
كلمة متكونه من اسمين
ونوبات ينطي تعريفها

مثل
Windproof صامد الرياح

Made from material that wind can't get through

مصنوعه من مادة بحيث الرياح ماتكدر تخترقها


Disc brake مكابح قرصية

Brakes that use discs
هي المكابح اللي تستخدم الاقراص

تكملة الدرس بالوصف المؤدب واعطاء الاسباب

#الوصف_المؤدب_للناس


شوفوا مرات مانكدر نطك ططك بطك
مثلا ماريد اكول هذا كسلان
اكول شوي نازل مستواه يراد تحسين لمستواه
يعني خو مااجي اطك طك بطك واكول اليوم لبسك او لبسج مو حلو راح تنجرح المشاعر
ف اكله مثلاً لو لابس كذا لبس جان طلعت احلى


لازم قبل لاتبلشون تعرفون شنو الصفات
الصفات شي توصفون بيه شخص او شي معين
مثلا حلو ، لطيف ، ....الخ هذا وصف وهم طويل قزم هم وصف هذاوغيره

He is lazy
هنا تنجرح مشاعره ويصير عنده كره جبير
ف اكله
He is a bit lazy
هنا خففت من القوة مال الكلمة ومانجرحت مشاعره

نستخدم a bit
اذا كانت بداية الجملة مثبته نخلي قبل الصفه
a bit
حت نخفف من قوتها

والباقيات شوي يضوج شرحهن لازم كدامي يلا افهمكم ياهن





#اعطاء_اسباب


شنو نقصد بهلشي

راح اكول شي وتفهمونه
احنه ليش نروح للمدرسه ؟
الجواب حتى نتعلم
هنا نطينه سبب ذهابنا للمدرسة

اكو تلث عبارات حتى ننطي الاسباب ونكدر نختار وحدوة منهن

So you can/can't +مصدر
To help you + مصدر
So you will/ won't + مصدر

المصدر معناه فعل خالي من اي اضافة
مابيه لا s ولا ing ولاغيره
يعني يرجع لأصله اللي بالبداية مال ولادته


نكدر نستخدم اي عبارة من هذاً حتى ننطي سبب
It is easy to put up so you won't wast time

هيه سهلة النصب ف ماراح تضيع وقتك
هيه سهله هاي ااشغله يعني الشغله سهله ونطانه سبب بأنوا ماراح يضيع وقتنه بتنصيبها
The car has a CD player so you can listen to music.

السيارة بيها مشغل اقراص ف لذلك راح تستمع للاغاني
كال شغله النه بأنوا السيارة بيعا مشغل اقراص
ونطانة سبب بأنوا راح نستمع للاغاني ان شاء الله فهمتوا هاي



بالنسبة للمعاكسات ف معناها شي عكس الثاني
مثلاً
Happy عكسها سعيد sad حزين
Ugly قبيح
عكسها
Beautiful جميل

يعني صفه وعكسها صفه ثاني منافرة الها وغيرها

#كفشه

بكتاب النشاط
اليونت الاول الدرس الرابع
تمرين A مهم

الدرس الخامس مااشوف اكو بيه شي مهم وحت للتأكيد سألت مدرسين كالو مو مهم
بس اذا اكو اساتذة شارحينه الكم ومهم ف دزوه ع بوت التواصل

الامنيات جاي ننزلهن هنا

@kafsha95 @kafsha95
@kafsha95 @kafsha95

ان شاء باجر ارجع انشر شرح انكليزي الثالث المتوسط ويوميه لأن راح نعطل من الدوام شكراً على صبركم 🥺❤

#اعلان
#لمحافظة البصرة
الاكثر من الزبير محتاجين
بوية محتاج خريجين للتدريس بمدرسة اهلية (انه بيها)
#انكليزي ولد وبنات
#ارشاد_تربوي (يدرس صف اول او ثاني او ثالث ابتدائي)
وبقية المواد (اجتماعيات / علوم / اسلاميه/عربي ، وغيرها )


راسلني هنا 👇👇👇

@na4e90

اليونت الاول الدرس السادس

بعنوان
What do they look like?

كيف يبدو هؤلاء؟

هنا راح يحجي عن الصفات اللي بكل شخص او بالشيء مثلا حلو طويل.....الخ

ف اول شي لازم تعرفونه هو ترتيب الصفات بالإنكليزية شلون تصير راح اكلكم ياهن بالترتيب


1/ Opinion...الرأي

هنا اول شي رأيك الخاص بهذا الشي شتشوفه حلو مو حلو ممتع وكذا يعني انت تكول رأيك

.............................................

2/ Size.... الحجم

هنا تكول حجم هذا الشي كصير طويل ضخم....الخ


............................................

3/ Age.... العمر
عمر هذا الشي هل هو كبير او صغير

............................................
4/ Shape....الشكل

شكل هذا الشي شنو مدور مربع مثلث....الخ

............................................
5/ Colour.....اللون

لون هذا الشي احمر اصفر .....الخ

............................................
6/ Origin.....الاصل


يعني الاصل مال هذا الشي شنو منين اجه من يادوله وهكذا

............................................

7/ Material....المادة


هذا الشي من يامادة مصنوع
خشب حديد ...الخ


............................................
8/ Name.... الاسم

يعني تنطي الاسم مال هذا الشي اللي جاي توصفه مثلا طاولة ...الخ

............................................


هسه نجي نفصخه شلون يجي السؤال
يابة اهم شي تحفظون الترتيب مال الصفات الفوك اللي دزيته يعني من رقم واحد لرقم ثمانية هذا الترتيب

ف مثلا راح اسويهن ع شكل ارقام


مثلا انطاك سؤال
1,7,6,2,5
ويكلك رتبلي ياها انت تلقائياً راح ترتبهن هيج
1,2,5,6,7

الصفات نفس الشي يعني لازم ترتيب
من الاول للأخير

اذا اجه هيج سؤال

She has a (curly/black/beautiful) hair


هذا السؤال لازم ترتبه حسب ترتيب الصفات
ف الجواب اول شي نشوف موجود الرأي واللي هو رقم واحد اذا موجود ف نخليه بالبداية

She has a beautiful
Beautiful..جميل
هذا رأيي الخاص

هسه نكمل
رقم ٢ عدنه حجم ؟
لا ماعدنه ف نحول على رقم ٣ العمر
موحزد العمر بالسؤال ؟
لا ماموجود ف نحول على رقم ٤
الشكل موجود بالسؤال لو لا ؟ اي موجود
Curly

ف تصير
She has a beautiful curly

هسه نكمل المطالب
رقم خمسة اكو لون بالسؤال لو لا؟
اي اكو black

ف تصير
She has a beautiful black hair

اذا مافهمتو الشرح كولو

اليونت الاول الدرس السابع
شو لكيت بيه ايميلات وماعرف شنو ماترف اذا مهم او لا شنو كايللكم استاذ المادة هل مهم او لا ؟
بس المهم اللي بيه الوصف المؤدب للناس 👇