خلص اليونت الثالث هسه نشوف الرابع شنو بيه واجيلكم هههه

طلع مابيه شي بس مراجعه ☹💔 خلصنه اول اربع يونتات بقن بس اربعه ان شاء الله هليومين اخلصهن ونبلش ويه الثالث متوسط

سمعليكو شلونكم
اليوم نكمل شرح لطلاب السادس الابتدائي حت نفرغ للثالث

وصلنه لليونت الخامس
راح اشرح بس الاشياء المهمة بأختصار يخلي التلميذ ينجح




اليونت الخامس
راح يتعلمون شلون يعبرون عن الاحداث بازمنه مختلفه
مثل (ماضي/مضارع/مستقبل)
ويحجون عن اختراعات او شغلات صارت بالماضي او راح تصير بالمستقبل

وهم يتعرفون على اسماء الكواكب وشلون الواحد يسافر للفضاء وغيرها


اسماء الكواكب موجودات بالكتاب مهمات حفظ
هسه نجي نشرح الماضي البسيط الشرح بالرسائل اللي بعده 👇👇

مثل ماكلتلكم اشرحلكم الماضي
المهم
توكلنة على الله

#الماضي_البسيط

مثل ماكلنه نعرف مصطلح (الماضي) يبين النه انوا شي صار وانتهى يمكن قبل يوم يمكن قبل سنه من وكتنه هذا
مثلا
we went to the cinema yesterday

احنه رحنه للسينما البارحه


خل نتعمق شوي
همه راحوا للسينما لنفترض شافوا فلم سبايدر مان الجديد 😐💔
زين من راحوا امس معقولة بقوا لهاي اللحظه بالسينما ☻💔 اكيد لا لان لازم يرجعون للبيت خاف ينكتلون
المهم همه راحوا امس وخلص

#فهمتوا_؟

اذا مافهمتوا كولوا 😐💔

المهم الماضي نعرفه من كم كلمة توضحلنه انوا هذا الزمن زمن الماضي البسيط

مثل

yesterday معناها البارحه
from - to
من -الى
I worked in Canada from 1990-1995
انه اشتغلت بكندا من سنه ١٩٩٠-١٩٩٥
يعني اشتغلت وخلص شغلي ورجعت

last week الاسبوع الفات
#كفشه

نرجع لسالفتنه
قاعدته تكون ك الاتي

S +V.2 +تكمله

I worked in Germany
هاي الجملة طبقت كل شروط القاعدة المطلوبة
نستخدم الماضي للتعبير عن شي صار وانتهى وقت
ومرات نستخدمه ويه الجملة الشرطية اللي راح اشرحلكم ياها غير مرة 😐💙



وذكروني خاف نسيت شي منا منا 😐💙
جاي اعتمد ع المعلومات اللي اتذكرهن ف اللي عنده معلومه لايبخلها على غيره شمالكم تحصلون حسنات
#كفشه

عندي صيغتين اعبر بيهن عن الماضي
الاول بأستخدام الافعال المساعدة (was/were)


Was للمفرد

He
She
It
I

اسم علم مفرد

Were للجمع



They
We
You


بالنفي نضيف not للفعل المساعد
ف تصير wasn't للمفرد
Weren't للجمع

وبالسؤال نقدم الفعل المساعد بالبداية ونخلي علامة الاستفهام


الطريقة الثانية
فعل يحمل ed(قياسي) او شاذ
هم لازم استخدم الفعل المساعد (did) حت بالنفي يكدر يشيل ال not


مثل
I played football yesterday
لعبت طوبة البارحة حدث صار وخلص خو ما من امس العب طوبة

هاي بأبسط طريقة جاي افهمكم ياها


بالنفي ( مانكدر نخلي نوت ببحدها ف لازم عدنا فد شي يكدر يشيل not ف هنا بهاي الحالة لازم نخلي didn't

ف تصير
I didn't play football yesterday
انه مالعبت طوبة البارحة


لاحظو فد شي وياي
بالمثال الاول من
I played...

ضفت ed

بس من كلت
l didn't play....
ماخليت ed

ف هذا شنو يعني ؟

يعني انو من نظيف ماعرف نضيف
Did
ف الفعل يرجع لأصل بدون اضافة يعني نحذف الاضافه منها


هاي بالنفي

بالسؤال نقدم الفعل المساعد
بالبداية ونضيف ماعرف نظيف علامة الاستفهام





#ملاحظه
كل سؤال بادي بفعل مساعد مثل
Is
Am
Are
Was
Were
Do
Does
Did

الجواب عنهن راح يكون قصير
اما
yes او no

وراها راح نلكه زمن المضارع المستمر 👇👇

سمعليكو 🙂
نرجع نشرح وهية تصفى
بس قبل لا نشرح المضارع المستمر لازم تعرفون شنو معنى (Be) من تجي بالسؤال شنو نقصد بيها
Be
هيه أم 😂 وعدها جهال بالمضارع وبالماضي
جهالها بالمضارع همة 👇🏻
Is
Am
Are
وبالماضي جهالها 👇🏻
Was
Were
بتل بتل متزوجه ثنين😂 المهم

يعني مثلاً يجيكم سؤال صحح الفعل اللي بين قوسين (be)
ف الجواب راح يكون لازم تعرفون زمن الجملة ماضي لو مضارع 😐
She (be)reading novel now
هيه جاي تقرا روايه هسه ( يعني الوقت الحاضر ) اذا الجملة زمنها مضارع مستمر 😂
ف الجواب راح يكون
She is reading novel now
يامحفوظ السلامه ليش اختارينه
Is
والسبب لان الفاعل مفرد 😂
#كفشه

يلا نكمل 😐 بس ملاحظه ترا المضارع المستمر شوي طويل وبيه حبشكلات و اكو افعال ماياخذن ing وراح اشرحهن لاتخافون 🙂


صيغة المضارع المستمر (قاعدته )

S +is,am,are+V(ing)+تكمله
S ...تعرفونه فاعل
Is,am,are .... هذن نسميهن افعال مساعده 😂
V... فعل
Ing .... دلالة الاستمراريه 😐💔


اذا كان الفاعل مفرد
She,he,it, اسم مفرد
ف الفعل المساعد ناخذله ... Is

اما اذا كان الفاعل جمع 😐
We ,they, you
ف الفعل المساعد ناخذله .... Are

اما اذا كان الفاعل
I
ف ناخذله الفعل المساعد
Am


امثله 😂💔
He is playing basketball
هو جاي يلعب كرة سله
يعني جاي يلعب وبعده يلعب 😐💔

They are watching the TV
هم يشاهدون التلفيزيون
#كفشه

راح انطيكم اسأله واحلهن بس قبل لاانطيكم اسأله لازم تعررفون هذا الزمن شلون نعرفه مستمر
١_ من كلمة
Look
معناها باوع (انظر)

٢_من كلمة
Now
معناها هسه 😂(الان)
٣_ من كلمة
Listen
معناها استمع

٤_من كلمة
At the moment
معناها في هذه اللحظه

٥_من كلمة
At the present time
معناها في الوقت الحاضر

اسأله وجوابهن حت تفهمون شنو اقصد
I (be) reading a story at the moment
عرفنه الزمن مضارع وعرفناه مستمر
ف الجواب لازم يكون ك الاتي
I am reading a story at the moment

They (be) watching television now

عرفنه الزمن مضارع وعرفناه مستمر من كلمة now
هسه لازم نعرف الفاعل هنا مفرد لو جمع وانه شرحته فوك اول رساله نشوفه اذا مفرد اله فعل مساعد واذا جمع ف هم اله فعل مساعد
The ..جمع
ف الجواب يكون
They are watching television now
#كفشه

استخدامات المضارع المستمر
١_ عمل يحدث الان ( شي جاي نسويه هسه مثلاً شلون جاي اكتبلكم شرح يعني هذا شي جاي يصير هنا )
مثلا
I am having lunch
انه جاي ازقنب غدة 😂
يعني شي جاي نسويه
مثلا انتوا جاي تتابعون القناة والشرح اول بأول
You are watching step by step channel

الاستخدام الثاني
٢_ حاله مؤقته
راح افهمكم مثلا انتوا ترحون فد سفرة لمكان بالخارج ومالكيتوا شقة حته تسكنون بيها وتالي تتذكرون عدكم قرايب عايش بهاي الدوله وتخابرونه وتكعدونه وياه مدة مؤقته لحد ماترجعون لبلدكم

I cannot find a flat ,so Iam living with my brother
انه مالكيت شقة لذلك حاليا ساكن ويه اخوي بشقته 😂
يعني مدة من الزمن وينطرد 😂
#كفشه

انتبهوا من شغله كلش واكثر اللي يتعلمون انكليزي واللي متعلمين انكليزي يغلطون بيها
وهيه افعال الحس والادراك 😐💔
يعني اكو افعال مايصير نظيفلهن ماعرف نضيفلهن ing
وراح انطيكم الافعاال
Wish ... يتمنى
Want...يريد
Hate...يكره
Prefer....يفضل
Love ....يحب
Like...يحب او يفضل
Know ....يعرف
Believe....يصدق
Imagine...يتخيل
Think...يفكر
Need....يحتاج
Remember....يتذكر
Understand....يفهم
Mean...يقصد
Realize...يدرك
Seem....يبدو
Own....يملك
See....يرى
Hope....امل او رجاء
Suppose....يفترض
Forget...ينسى
Contain...يحتوي
Appear... يظهر
Sound...صوت
Belong...يلائم او ينتمي



راح انطي فد مثال وتفهمون شقصد
He is wanting to buy a new computer 😐💔
هو يريد يشتري كمبيوتر جديد
اقروا الجملة حت من تقروها تحسوها مو حلوة ومو قانونيه 😂
بس لاحظو هاي الجملة
He wants to buy a new computer
نفس المعنى بس اقروها راح تحسونها
حلوة وبمكانها جاية
لان مثل ما كلتلكم
Want
مايصير يجي وياها ing لانها من افعال الحس والادراك 😐💔



اكو شويه خبيصة بسالفه الفعل
Think
اله حالتي واله معنيان 😂(شحلاة الانكليزي اذا ثنين وفوك بس يضيفون s ويصير جمع بس بالعربي تصير رطينه 😂)
المهم
المعني الاول
يفكر think
اذا اجة كلمة think بالجملة وكان معناها يفكر ف هنا نكدر نخلي ing
مثل
I am thinking
انه جاي افكر
والمعنى الثاني يعتقد
يعني اذا اذا اجه بالجملة ومعناه يعتقد
ف مايصير نضيف ing
مثل
I think he is lazy
انه اظن انوا هلشخص كسلان
هنه اجه بمعنى يعتقد 😐 ف مايصير نضيف ing
#كفشه

هسه نجي نشرح المستقبل البسيط

المستقبل البسيط هو الزمن اللي يعبر عن احداث بالمستقبل او نعتقد انو هلشي راح يصير

اول شي لازم نعرف الكلمات اللي تدل عليه

Next
Tomorrow
I think
Will
قاعدته شتكول

S + will+فعل مجرد+تكملة

S= فاعل
فاعل اما مفرد او جمع مثل ماشرحنه قبل ايام

فعل مجرد = فعالي خالي من اي اضافه كلشي مابيه على حطته يبقى

I will be a teacher
راح اصير معلم


بالنفي
نضيف not ورة will ف تصير will not

اختصارها راح يصير won't




هاي اسهل طرييقة حت تعرف المستقبل سهلتها الكم

هسه نجي لموضوع المقارنه والمفاضلة

اول شي المقارنه

واللي نستخدمها حت نقارن بين شغلتين او شخصين
اول شي نستخدم
Than
حتة نقارن
بس هلشي مو كافي

لازم نضيف er

هسه راح افصخه الكم

عدنه صفات مثل
Tall
طويل

اريد اكول احمد اطول من علي
ف اكول
Ahmed is taller than Ali

زين ليش استخدمت er ؟
نستخدم er ويه الصفات ذات المقطع الواحد
شنو ام المقطع الواحد ؟
بوية راح افهمكم ياها بسهولة ( صفة تنلفظ بمقطع واحد لفظو هاي الكلمة tall تال ) لفظناها بصوت واحد ماظلينه نقسم بيها وهم تعتمد على حروف العله



زين يامحفوظ السلامة شلون نظيف هاي اللي كلت عليها er ؟

شوفو امشو خطوة بخطوة وياي ( صفة ام المقطع واحد) انتبهو

١/ اذا كانت الصفة تنتهي ب e
ف نظيف بس r للصفة
مثل large واسع
اريد اسويلها درجة مقارنه ف تصير larger اوسع



٢/ اذا انتهت الصفه بحرف صحيح وقبله حرف علة واحد
نضاعف الحرف الاخير ونضيف er

مثل big
كبير
Bigger اكبر

شوفو انتهت بحرف كبير مسبوق بحرف علة واحد ف ضاعفناه وضفنة er


٣/اذا انتهت الصفه بحرف y
وقبله حرف صحيح ف نقلب ال y
الى i ونضيف er
مثل happy سعيد
Happier

٤/ اكو شواذ مانكدر نضيفلها er
ف الكلمة تتغير
مثل
Good =better =best
وغيرها لازم تحفظوهن

هسه نجي للمفاضله

من نجي نفضل شي عن شي
مثلا السجاج مال الصف الاساتذة يفضلونه عن البقية
مثلا اخ العنكود بالعائلة يفضلونه عن البقية ويصير مدلل

ف هنا عدنه نفس الشي
نفضل شي عن شي ثاني او عن مجموعه (هم لازم كلمة متكونه من مقطع واحد )

زين بالمقارنه ضفنه er
بالمفاضله لازم شنضيف ؟

يالطيفين لازم نضيف est
حت تصير مفاضلة

هم نتبع الخطوات مال اضافه est

١/ اذا لكينه صفه منتيه ب e
ف نضيف st
مثل
Large =largest

٢/ اذا انتهت الكلمة بحرف صحيح مسبوق بحرف عله ف نضاعف الحرف الاخير ونضيف est مثل
Big =biggest


٣/اذا انتهت الصفه بحرف y وقبلها حرف صحيح ف نقلب ال y الى i
ونضيف est
Happy =happiest

٤/ هم الشواذ حفظ

ملاحظه صغيرة على رقم ٣
بالمقارنه والمفاضله

احنه كلنه اذا انتهت الصفه بحرف y وقبلها حرف صحيح ف نقلبه ال i
زين اذا انتهت الصفه بحرف y وقبلها حرف عله شلون ؟

هنا بهاي الحاله مانغير شي ويبقى على حطته
مثل
Play
شوفو y قبلها حرف علة ف مانكدر نقلبه الى i
ف نضيف er فقط
وتصير player

نجي لموضع الكلمات المتشابهة باللفظ مختلفة بالكتابة والحروف والمعنى( كلمات مختلفة الشكل والمعنى/ متشابهة باللفظ)

مثل
Son ابن / sun شمس

مهم هذا الموضوع كلش عليه كم نقطة بالوزاري حفظوهن موجودات بالكتاب ☹💔 وانه ماعندي كتاب

ولازم تحفظون الكلمات اللي مانظيفلهن ed ( الغير قياسية )

ولازم تحفظون الشواذ اللي بدرجة المقارنه والمفاضله

هاي شرح للصفه ذات المقطع الواحد

زين ام المقطعين شلون بيها ؟


هاي ام المقطعين نظيفله بالبداية more
مثل boring
بور نك مقطعين

ف نظيف more وتصير more boring

ترا انه اضوج من العربي ف تلكوني ساعه مخلي ظ بدال ض
وساعه ض بدال ظ 😂💔 ف تحملوهن ميخالف لان مادارس عربي بس سنتين بمسيرتي الدراسية يكرم الله

هنا هم لأم المقطعين بالمفاضلة نضيف
The most