شكد حلو وتعبان ويانه خررب☹️💛..الله يسعدك ويوفقك بالدارين

بخدمتكم اهمشي تستفادون 🥺

هواي اشخاص يحبون من طرف واحد واولهم الفراتي يحب هيفاء وهبي بس هية ماتحبة
المهم هذا نسميه بالانكليزي

Unrequited
يعني حب من طرف واحد
او حب غير متبادل 🌚❤

Hot ... يعني حار
بالعراقي يجوي

Step aside
يعني وخر منا احسلك
بالفصحى تنحى جانباً 🥺🖖

Get lost

انكلع عن ويهي

اريد اشرح عن if
بس لازم اراجع معلوماتي قبل لاانشر
اذكر هنه
Zero
First
Second
Third

هاي حالاتها
واذكر ال
Zero
مضارع بمضارع
First
مضارع بمستقبل
يمكن مامتأكد
وال second
بيها ماضي
وال
Third
بيها .... نسيت
ف خل اراجع قبل لااشرحه اصبرولي شوي

باجر نكمل تصبحون على خير وراي دوام وسفرة مدرسية للخورة 🥺🖖 بس سامع بيها وباجر اشوفها

🥺🖖 حبيبتي البريطانية فطومة امس وعدتني ماتحجي عربي كله انكريزي 😐❤ ف اليوم نمشي ونسوالف انكريزي والعالم يباوعون علينة من نحجي انكريزي 🥺🖖

عذروني نمت من التعب
المهم


Come to your senses
بالعامية اعقل لااحمسك حمس
بالفصحى عد الى رشدك
🥺🖖

Tell on
بالعامية افضحك
بالفصحى اوشي بك او اكول اللي سويته يعني افتن بين قوسين

Provoke
بالعامية يحمض
بالفصحى يستفز

He's trying to provoke me

Spy on
يتجسس على
بين قوسين ابراج المراقبة
So you were spying on me
جنت تراقبني او تتجسس علية

Chill out
هدئ من اعصابك
بصوت كيفين هارت

Soulmate
تؤم روحي
هاي تفيد المكبلين
You're my soulmate