اكو مصطلحات غير مستخدمة بالحياة اليومية ف اكثر اللي يشرحون مايذكرونهن لان مو مهمات ومو متداولات ☻ اسف وشكراً

ها شلونكم
موعدكم وية معلومات كفشة الخطيرة يكرم الله

الكل وبنسبة 95% يخطئون بهاي السالفة
مانكدر نفرق بين
It's
Its

فرق كلش جبير بيناتهن وهسة راح اشرحهن



اول وحدة its

هاي نستخدمها لوصف شيء غير عاقل جماد او حيوان
واكثرهم يكولون انو it's صفة ملكية لان بيها كومة و s
بوية غلط هلشي وهسه راح تعرفون السبب من اشرح عنها

المهم نكمل بالامثلة
Google needs to update its privacy policy
كوكل لازم تحدث سياسة خصوصيتها
شوفها هنا كوكل مو انسان انما شي جماد وهيج شي ف استخدمنة its


ثاني وحدة it's
هاي هنا بوية مو صفة ملكية انتبهو مو شفتو كومة معناها S الشخص الثالث ترا هاي غلط هيج

It's
اختصار ل it is or it has

مثل
It's (it is) a nice day
انه يوم جميل

وهيج شي انتبهوو ☻ هذا اللي تذكرته يمكن نسيت شي ذكروني بيه

موعدكم وية الاختصارات الشائعة ☻

MMS
هاي اللي تلكونها بالرسائل واللي اسمهن رسائل الوسائط
اسمها بدون اختصار
Multimedia Messaging Service



CD
تذكرونه هذا اللي طلع قبل ال DVD
المهم اسمه الكامل
Computer Disc

هاي ثنين جدد بعد شتردون 😂

ها ماطول كلنة CD
خلنكول اختصار الDVD
Digital Video Disc


ع الواهس خلناخذ GPS واللي هو نظام تحديد المواق اللي بالسيارات والتلفونات

هو اختصار لكلمة
Global Positioning System

عاشت ايدك
كمل كمل🌸🌸😂

☻ خل اكمل اكل الرمان وانشر

مصطلح اسمه
Stuck up
معناها متكبر وشايف روحه
He is stuck up
هو متكبر
Don't be stuck up
لاترفع خشمك لااكسره هاي بلغتنة المتواضعه

اكو كلمات باللغة الرسمية يحوروهن ويسوونهن عامية ويختصروهن بالكلام
مثل
Going to
يختصرونها ويسوونها
Gonna
بالعامية هاي


Want to

Wanna بالعامية

Give me
Gimme بالعامية

الاتجاهات عرفناهن من زمان واكثركم ناسينهن ف راح اذكركم بيهن

North الشمال
South الجنوب
East الشرق
West الغرب

☻ نكمل لو مليتو
وبطريقكم نشروني خلطش 😂😂

😐 فقرة#تدرون
انو
Bookshop
معناها مكتبة مخصصة لبيع الكتب يبيعون بيها
Library
معناها مكتبة عامة حت يستعيرون منها كتب




تدرون انو
Watch
ساعة صغيرة للمعصم او الجيب

Clock
ساعة جبيرة تتعلك بالحايط




Floor
نسميها الارضية اللي بداخل الغرفة او البيت

Ground

نسميها الارضية الخارجية يعني مثل الملعب وكذا

مصطلحات معناها يختلف عن ترجمتها

Come across
يلتقي بالصدفة

Put off

يؤجل

First rate

من الدرجة الاولى


Play with fire

يخاطر (يعني يخاطر بحياته وكذا)


Overuse

يستخدم كثيراً

😶 اللي يردون يتزوجون هاكم

مصطلحات

Wedding dress
بدلة العروسة
Wedding day
يوم العرس

Wedding ring
حلقة العرس

Wedding cake
كيكة العرس

Honeymoon
شهر العسل ☻
ولو محد ياخذكم شهر عسل

كلكم تعرفون مصطلحنة
بالمشمش 😂 واللي يعني بالحلم

In your dreams
هاي بالانكليزي

اللغة العربلزية سامعين بيها ؟؟؟

راح اكلكم شنية 😂😂 واللي ابتكروها البنات


Give me واحد Pepsi


And give me واحد burger دجاج

And how much كله ?

Ok بسرعة plz

🥺🥴

عذروني اليوم ماكو معلومات خطيرة 🥺 لان تعبان والله والعقل واكف
ومساع يلا دخلت للبيت على باجر ان شاء الله

دعواتكم لأخونة حسن عنبر بالشفاء 🥺
ماتستاهل هلشي بعلي

مرات يأذونة اشخاص وورة فترة يجون يعتذرون
ف نكدر نقبل اعتذارهم او لا
ف اذا قبلنة اعتذارهم اكو هواي مصطلحات نستخدمهن




Never mind
لاتهتم
No problem
ماكو مشكلة
Apology accepted
اعتذارك مقبول

It's ok
تمام
Forget about it
انسى السالفة او سد السالفة
هلكد كافي لليوم مال اعتذار

.
.
.



Bed of rose
هذا مصطلح اللي يترجمه راح يكول جرباية ام الورد 😂


بس معناه انو حياة سهلة او حياة مريحة او هيج شي
مثل
Making money is not a bed of roses , so wake up early and go to work

الحصول على الحبشكلات مو بالسهولة ف كوم اكعد من وكت الله ياخذك وانكلع للشغل
هاي بالعامية ترجمتها

حقيقة الالوان 🥺😂 والفرق بين نظرة الرجال للالوان ونظرة النساء للالوان 😂😂

🤤💜 يااخي والله خجلني من الصبح وفرحني هم