😐
شي قريته وتذكرته توني ونسيت انشره
لفظ كلمة The
بيها لفظين
الاول تنلفظ (ذة) اذا اجة وراها حرف صحيح
مثل
The car 🚗
لفظناها ذة

اما اذا اجت The
ووراها اجه حرف حرف علة ف تنلفظ (ذي)
مثل
The Apple
The orange
وهكذا

بشرفكم تدرون انو كلمة طابور (سرة يعني شلون نوكف سرة حت نشتري شغلة)
اسمه
Queue = طابور
ولفظ هلكلمة مثل لفظ حرف ال Q
يعني تنلفظ كيو

😂 اليوم اخبصكم بالشغلات اللي تذكرتهن رجعت الذاكرة يمكن
المهم
Willy_nilly
معناها شاء ام ابى
بالعامية ترضى ماترضى 🤣😂
يطبك يهد

هل تعلم بأن جملة او مصطلح
I will go banana
مو معناها راح اروح موزة 😂
وانما معنها راح احمض وافقد عقلي عليك ياخايس يامنحط 😐 اسف انفعلت بس معناها راح افقد عقلي يكرم الله

☻ راح اصدمكم بالمعلومات اللي تذكرتهن
تدرون انو :
Sound = اي صوت مسموع انسان حيون مركبات الخ

Voice = خاصة للانسان من يتحدث او يغني

تدرون انو
Small= صغير الحجم يعني صغيرون
Young = صغير بالسن

Big = كبير الحجم بغل بين قوسين
Old =كبير بالسن يعني رجلينه بالكبر

تدرون انو

Tall = معناها طويل ونستخدمها وية الناس الطوال يعني مو الاقزام ونستخدمها وية الاعمدة ☻
Long = هم طويل بس نستخدمها وية الشغلات المنسدحة مثل الطريق والاعضاء
وشكراً لتحملكم ذاكرتي 😢

حسن عنبر
الفراتي
تذكرون المصطلح مال رمضان من كال
Break the ice
واللي احنة عبالنة معناه كسر ثلج وتالي طلع معناه مهد للامور او مهد للطريق بالعامية حضر للامور الجاية وكذا

اكو مصطلحات ثانية تذكرتهن 😢
مثل
He looks blue
اللي راح يترجمها هو يبدو ازرك و اه والف اه من الازرك 😤☻
بس هنا معناها يختلف ماتتوقعونه
معناها يبدو حزين 😢


تدرون انو مصطلح
She/he is in the clouds
اللي راح يجي يترجمها راح يكول هي / في الغيوم

بس معناها شارد الذهن (سرحان / صافن )
☻ تحملونة اليوم بالمعلومات قبل لاانساهن

اكو اختصارات
عرفتهن بالعطلة من تواصلت وية ناس اجانب
مثل
M or F
مافهمت معناها الصراحة ف سألته شنو يعني
(مابيها اي عيب او استنكاف اذا تريد تتعلم شي جديد عادي اسئل ولا تتكبر )
ف جاوبني
M= Male
F= Female



FYI

F=For
Y=your
I=information
For your information
معناها لمعلوماتك


هذا الاختصار حلو 😂 تذكرته
GR8
اختصار لكلمة
Great عظيم معناها


JK
اختصار لكملة
Just kidding
معناها اشاقة يمعود شبيك



PPl
اختصار لكلمة
People معناها الناس

اكو مرات تمر بينه حالة انو نريد نتذكر شي بس ننساها يعني نريد نكولها بس ناسينها

ف نكول على طرف لساني
وبالانكليزي نكول
On the tip of my tongue

مثلا اكول يااخي اسمك على طرف لساني
Your name is on the tip of my tongue
☻☻☻

اكمل لو لا ☻🤦‍♂️
باللي تذكرتهن

@kafsha95_bot


كولو كولو

وكذلك اختصار كلمة شكرا Thx
و10Q تنقرا ثانكيو او تانكيو

Thx معروفه هاي ماحبيت اشمرها وياهن 😂
بس هاي الثانية مامارة علية الصراحة جديدة بين قوسين

زين واختصار UWU

طبعاً هذا الاختصار مامار علية ابد
ف رحت بحثت عنه وقريت هواي شغلات
واجوبة
وبالتالي لكيت معناه تعبير يعني ايموجي مثل هذا 😊 اقرب اله واللي مشبهينه بواحد مشهور اسمه Mark Hamill واللي ماعرفه منو هذا المشهور
المهم اذا تعرف الاختصار فيدنة لاتبخل علينة

صدك تذكرت شغلة قريتها قبل شوي
مرات يكون معناه
Happy anime face
او هيج شي
☻ المهم كلكم حدايق شعليكم بسوالف اللي يحبون عوفوهم بحالهم

صراحة ما اعرف هو اني سألت بس اني دائماً اشوفه يستخدم بين الي يحبون بعض او اشوف متابعين اجانب يدزون مقولات حب وهيج شي ويدزونا اخر شي فما ادري عنه وهمينه هذا OWO

عوفوا الناس يحبون براحتهم عوفو مصطلحاتهم 😂 من تحبون راح تطلعون مصطلحاتكم الخاصة

Rip/rest in peace الله يرحمه ارقد بسلام
ROTFL/ROFL/rolling on the floor laughing ضحك
TC/take care خذ حذرك اعتني بنفسك
TtyL/talk to you later
Wyd/what are you doing?
Ikr/I know right?
GtG/go to go لازم اروح
Nm/never mind مو لازم انسى
Np/no problem
Imao/الضحك بصوت عالي

للي يريد يستفاد واكو بعد مجموعة كولش هواي من الاختصارات بس كنصيحة للمبتدئ خلي يتعلم انكلش بعدين هو من وحده يفهم الاختصارات ويعرفهن

اكو مصطلحات غير مستخدمة بالحياة اليومية ف اكثر اللي يشرحون مايذكرونهن لان مو مهمات ومو متداولات ☻ اسف وشكراً

ها شلونكم
موعدكم وية معلومات كفشة الخطيرة يكرم الله

الكل وبنسبة 95% يخطئون بهاي السالفة
مانكدر نفرق بين
It's
Its

فرق كلش جبير بيناتهن وهسة راح اشرحهن



اول وحدة its

هاي نستخدمها لوصف شيء غير عاقل جماد او حيوان
واكثرهم يكولون انو it's صفة ملكية لان بيها كومة و s
بوية غلط هلشي وهسه راح تعرفون السبب من اشرح عنها

المهم نكمل بالامثلة
Google needs to update its privacy policy
كوكل لازم تحدث سياسة خصوصيتها
شوفها هنا كوكل مو انسان انما شي جماد وهيج شي ف استخدمنة its


ثاني وحدة it's
هاي هنا بوية مو صفة ملكية انتبهو مو شفتو كومة معناها S الشخص الثالث ترا هاي غلط هيج

It's
اختصار ل it is or it has

مثل
It's (it is) a nice day
انه يوم جميل

وهيج شي انتبهوو ☻ هذا اللي تذكرته يمكن نسيت شي ذكروني بيه

موعدكم وية الاختصارات الشائعة ☻

MMS
هاي اللي تلكونها بالرسائل واللي اسمهن رسائل الوسائط
اسمها بدون اختصار
Multimedia Messaging Service



CD
تذكرونه هذا اللي طلع قبل ال DVD
المهم اسمه الكامل
Computer Disc

هاي ثنين جدد بعد شتردون 😂

ها ماطول كلنة CD
خلنكول اختصار الDVD
Digital Video Disc


ع الواهس خلناخذ GPS واللي هو نظام تحديد المواق اللي بالسيارات والتلفونات

هو اختصار لكلمة
Global Positioning System