User Experience (UX) - bu foydalanuvchining mahsulot yoki xizmat: dasturiy ta'minot, veb-sayt, mobil ilova bilan o'zaro aloqasi, tajribasini tavsiflaydi.
Oddiy so'zlar bilan aytganda, foydalanuvchi interfeys bilan qanday munosabatda bo'ladi va sayt yoki dastur unga qanchalik qulay.
UX bir qator mezonlarni o'z ichiga oladi - masalan : qulaylik, axborot arxitekturasi, vizual ierarxiya.

@startuplabs

❓P&L hisoboti javob beradigan 3 ta savol

P&L, PNL yoki foyda va zarar to'g'risidagi hisobot ma'lum vaqt davomida qancha daromad va xarajatlarga ega bo'lganini va qancha foyda olganligini ko'rsatadi.

Hisobot foyda va zararlarni baholashda, daromad va xarajatlarni nazorat qilishga yordam beradi va 3 ta asosiy savolga javob beradi.

📌 Biznes qancha daromad oladi?

Tadbirkorlar ko'pincha o'z foydalarining aniq miqdorini e'lon qila olmaydilar.
Ko'pchilik biznes foydasini olingan va sarflangan pul o'rtasidagi farq sifatida o'lchashga odatlangan.
PnL biznes qancha daromad olganini yoki aslida daromad olganmi, zarar bilan chiqqanmi shularni aniqlashda yordam beradi.

📌 Nega biznes aynan shuncha daromad oldi ?

Tadbirkor qancha daromad olganini aniqlagandan so'ng, yangi savollar tug'iladi:
Nega aynan shuncha pul topdingiz, bundan ko'proq yoki kamroq emas?
PnL hisoboti byudjetning daromad qismi qanday shakllantirilishi, xarajatlar (doimiy,o'zgaruvchan) tarkibi nimalardan iborat va foyda ko'rsatkichi nima sababdan o'sishi yoki kamayishini tushunishga yordam beradi.

📌 Qaysi sohalar foyda keltiradi ?

Biznesni har bir bo'limlarida ham daromad va xarajatlarni hisoblash mumkin. Misol uchun, onlayn-do'konda mahsulot sotishdan, yetkazib berish xizmatidan, BNPL (rassrochka) dan, har xil abonent to'lovlari(podpiska)dan tushumlar bo'lishi mumkin.
Har qanday yo'nalish bir xil biznesdagi o'sish yoki pasayishni turli yo'llar bilan ko'rsatishi mumkin.
Masalan, yil davomida kompaniyaning foydasi 20% ga oshdi. Kiyim-kechak savdosi yuqori sur'atlarda o'sib bormoqda, so'nggi oylarda aksessuarlar savdosi esa foydasiz bo'ldi. Aksessuarlar segmentini hisobga olmagan holda, kompaniyaning umumiy foydasi 20 emas, balki 25% bo'lishi mumkin.
Bu kabi tahlillar biznesda ishlar qanday ketayotganini tushunishga va biznesning qaysi sohalarini rivojlantirish, qaysi sohalarida yondashuvni o'zgartirish va qaysilarini butunlay yopishingiz kerakligini ko'rsatib beradi.

@startuplabs

#FutureComesSoon

2050-yil . . .
Sun'iy intelektda ishlovchi virtual shaxsiy kotiba

'Kotiba AI' ilovasi odamlarning kundalik hayotining ajralmas qismiga, hayotning barcha jabhalarini boshqarishga yordam beradigan shaxsiy yordamchining analogiga aylandi.
Ilova keng tarqaladi va undan turli kasb va yoshdagi odamlar foydalanadi. Unda klaviaturadan foydalanmasdan ilova bilan ishlash imkonini beruvchi ovozli boshqaruv funksiyasi mavjud.
Sun'iy intellektning jadal rivojlanishi tufayli 'Kotiba AI' ilovasi yanada aqlli va kuchli tahlil natijalariga ega bo'ladi. U foydalanuvchi ma'lumotlarini tahlil qilish, optimal yechimlarni taklif qilish va hatto kelajakda ro'y berishi mumkin bo'lgan iqtisodiy va siyosiy voqealarni tahlil qilish imkoniyatiga ega.(Faqat tahlil qilish orqali chunki bashorat qiluvchi tizimlarni bandasi yaratolmas!)

Ilova barcha foydalanuvchi qurilmalari, jumladan aqlli uy tizimlari, avtomobillar va aksessuar qurilmalar bilan toʻliq integratsiyalangan.U nafaqat ishda, balki kundalik ishlarda ham ajralmas yordamchiga aylanadi.

Ilova nafaqat rejalashtirish va ishlash vositasi, balki insonning haqiqiy hamrohi va do'stiga aylandi. U foydalanuvchining his-tuyg'ularini tushunishi va u bilan istalgan mavzuda suhbatlar o'tkazishi mumkin bo'lgan insoniy interfeysga ega. Ilova g'oyalarni yaratishning noyob qobiliyati tufayli foydalanuvchini rivojlantirish, yaratish va ilhomlantirishga yordam beradi.

Shunday qilib, 2050 yilda 'Kotiba AI' ilovasi nafaqat kundalik ish uchun vosita, balki insonga o'z maqsadlariga erishish, samarali va ilhomlanishga yordam beradigan haqiqiy hamroh va yordamchiga aylandi.

@startuplabs

#Statistics

O'zbekistonda 2018 - 2027 yillar mobaynida elektron tijorat(Ecommerce) bozorida o'sish kuzatilishi tahlil qilingan hamda umumiy chakana savdo va elektron tijorat aylanmasi ko'rsatib o'tilgan.
2027 yilda ecommerce savdo hajmi 1.7 mlrd. Aqsh dollaridan ko'proq bo'lishi kutilmoqda ekan. Bunda sizning startapingiz ham bo'lishi mumkin. 😉
(Manba kpmg.com sayti)

@startuplabs

Apple Vision Pro bo'ydoqlarga qizlar bilan uchrashuvga yordam beradi.Eng muhimi savollarga tezda javob topish qobiliyati.😀

@startuplabs

#AboutMyStartup

Ko'pchilik yangi startap egalari ishni qanday va nimadan boshlashni aniq belgilamaydi.Masalan, biz jamoamiz bilan 'Scrum' kabi moslashuvchan freymvorkning elementlarini ishlatamiz va bu orqali loyihani bosqichma-bosqich nazorat qilish juda qulaydir. Bunday holda, loyiha ustida ishlash aniq chegaralar bilan qisqa bosqichlarga (sprintlarga) bo'linadi - masalan, bir yoki ikki hafta. Bunda steykholder(loyiha egasi, investor, mijoz kabilar ) ta'sir o'tkazishi mumkin ya'ni ko'plab nazorat nuqtalari mavjud:

1. Sprintni rejalashtirish - jamoa sprint uchun ustuvor vazifalarni tanlaydi, shundan so'ng mahsulotning ma'lum bir qismi tayyor bo'ladi. Jamoa odatda buni mustaqil ravishda amalga oshiradi, lekin har doim steykholderga ishlab chiqilishi kerak bo'lgan vazifalar haqida xabar beradi.

2. Daily - Kunlik - 15 daqiqalik kunlik yig'ilish, unda jamoaning har bir a'zosi (ishlab chiqish guruhi) kecha nima qilgani, bugun nima qilishini va jamoadan olinadigan yordam(agar zarurat sezsa) haqida xabar beradi. Ushbu uchrashuv steykholdersiz o'tkaziladi.

3. Demo - Namoyish - sprint davomida bajarilgan ishlarni steykholderga taqdim etish va undan 'feedback' olish.

4. Retro - Sprintdan keyin jamoaga nima yetishmayotganini, qanday muammolar borligini va nimani yaxshilash mumkinligini muhokama qiladi. Muloqot, shuningdek, demodan so'ng steykholderning fikr-mulohazasiga asoslanadi, shuning uchun u uchrashuvda qatnashishi shart emas.
Har bir sprintning alohida o'rni bor. Agar biror sababga ko'ra jamoa sizni tark etgan bo'lsa yoki ishni vaqtincha to'xtatgan bo'lsangiz ham, siz allaqachon loyihaning bir qismini saqlab qolasiz.

@startuplabs

#StartupStory

❓Startaplar o'ylab topilgan muammolarni hal qila oladimi ?

Bir necha yil oldin "Zume" startapi yopilgan edi, u fudtechda inqilobiy va'dalari bilan 2015 yildan beri 500+ mln Aqsh dollari sarmoya jalb qila olgan.Biroq bu tashqi istiqbolli startap noto'g'ri maqsadli auditoriyani tanlab katta xatoga yo'l qo'ydi hamda foydalanuvchi muammosi va og'rig'ini hal qilmaydigan mahsulotni yaratdi. Keling, nima bo'lganini aytib o'taman.
G'oya : "Zume" restoran sohasini texnologiya bilan optimallashtirishga va oshxonada pitsa tayyorlaydigan robotlarni kiritishga qaror qildi. Oshxonadan keyin hali pishirilmagan pitsa pechlar va GPS datchiklari bilan jihozlangan yuk mashinasiga yuboriladi. Pitsa to'g'ridan-to'g'ri mijozga yetkazib berish jarayonida yo'lda tayyorlanadi va albatta issiq va yangi tayyorlangan pitsa! Ajoyibmi? Albatta, sizning uyingizga pechdan olib kelingan pitsadan yaxshiroq nima bo'lishi mumkin.

✅ "Zume"ning qiymat taklifi(ценность) aniq "Agar siz sovib qolgan pitsadan charchagan bo'lsangiz, bizdan buyurtma bering. "

Qanday xatolikga yo'l qo'yildi ?
Mijozlar pitsaning o'zini qadrlamadilar. Pitsa mazali emas edi.

"Zume" mijozlar qadrlaydigan yuqori raqobatbardosh bozorni tanladi :

1) Mahsulotning ta'mi
2) Uning narxi
3) Yetkazib berish tezligi.

❗Bundan xulosa shuki, texnologiya mijozlarga foyda keltirishga yordam berishi kerak va mahsulotning asosiy afzalliklariga aylanmasligi kerak. Agar pitsa raqobatchilardan ko'ra mazali bo'lmasa, uni kim tayyorlaganining nima ahamiyati bor.

Har doim muammo va og'riqlarni foydalanuvchi ko'zi bilan qarashga harakat qiling chunki siz o'ylab topgan muammo faqat sizda bo'lishi mumkin boshqalarda emas.

@startuplabs

Stiv Jobsning sun'iy intelekt haqidagi fikri.1985 yil.

@startuplabs

❓Startapda muvaffaqiyatga erishishi uchun sizda quyidagi savollarga javob bo'lishi kerak :

1) Mahsulot kim uchun mo'ljallangan? (Ma'lum bir toifadagi foydalanuvchilar yoki mahsulotingiz qaysi segment uchun mo'ljallanganligini aniqlashtirib oling).

2) U qanday muammoni hal qiladi? (Og'riq nuqtasi yoki ushbu segmentning muammosi nimada ekanligini aniqlashtiring).

3) Nima uchun taklif qilingan yechim muqobillardan(raqobatchilardan) yaxshiroq?
(Ushbu guruh uchun yangi xususiyat yoki qiymat taklifi, UTP).

✅ Startapingizda bu savollarga javob bo'lsa siz ma'lum bir cheklangan segmentning muammosiga aniq bir yechim (UTP) topishingiz osonlashadi va bozorda raqobatbardosh mahsulot yoki xizmatni yaratibgina qolmay, o'zingizning auditoriyangizga ega bo'lishingiz mumkin.

@startuplabs

Keling shuni "Apple" kompaniyasi mahsuloti "Iphone" smartfoni misolida tushuntiraman.
1.Segment: Mahsulot sifat, dizayn, innovatsiya, xavfsizlikni xush ko'ruvchilar segmenti
2.Muammo: Ba'zan android smartfonida kuzatiladigan ishlash sifatining pastligi(qotib ishlashi), yoqimsiz dizayn kabilar
3.Yechim: Yuqori sifat, tezkor tizim, kuchli xavfsizlik.

@startuplabs

Pasha Durovdan yangilik:

" 👨‍💻 Bu hafta biz Telegram Biznes xususiyatlarining birinchi partiyasini ishga tushirdik. Foydalanuvchilar endi shaxsiy Telegram akkauntlarini biznes akkauntlariga aylantirishlari mumkin. Natijada, ular o'zlarining joylashuvi va ish soatlarini qo'shishlari, rangli yorliqlar bilan suhbatlar tashkil qilishlari, avtomatik salomlashish/salomlashish xabarlari va tezkor javoblar uchun avto sozlamalardan foydalanishlari mumkin bo'ladi.

Bu hali boshlanishi – biz shu oyda Telegram Businessning ko‘proq xususiyatlarini yetkazib beramiz. Ushbu xususiyatlardan biri odamlarning chatbotlar bilan qanday munosabatda bo'lishini inqilob qiladi. Telegram Business akkauntlari barcha yoki ma'lum chatlarga javob berish uchun chatbotlarni o'zlarining ko'rinmas kotiblari sifatida muammosiz qo'shishlari mumkin bo'ladi. Sun'iy intellekt yordamida ushbu chatbotlar mijozlarga xizmat ko'rsatishni avtomatlashtirishni mutlaqo yangi darajaga olib chiqishi mumkin.

Ishlab chiquvchilar uchun yangi Bot API lar shu oy oxirida bepul taqdim etiladi. Kuzatib qoling — bu mavsumda Telegramda biznes va dasturchilar uchun yanada qiziqarli narsalar keladi. " deb o'zining telegram kanaliga joyladi.

@startuplabs

🔸 Biznes beklog - bu yangi mahsulot yoki xizmat ustida ishlash jarayonida foydalaniladigan artefakt.

🔥 Agile tamoyillari bo'yicha ma'lum bir davr uchun mahsulot yoki xizmatdan ko'zlangan maqsadlarga erishish va undagi metrika(o'lchov)larni aniqlash uchun zarur bo'lgan harakatlarni bajarishga va PnL(Foyda va Zarar) va TTM(g'oyadan oxirgi jarayonagi mahsulot(xizmat)gacha bo'lgan davr) da kuzatilishi mumkin bo'lgan to'siq va kamchiliklarni yengishga va tuzatishga yordam beradigan rejalar jamlanmasi.

@startuplabs

Kastdev yoki CustDev (mijozlarni rivojlantirish) - bu tizimlashtirilmagan ma'lumotlarni to'plash va tahlil qilish usuli: intervyular, kuzatuvlar, so'rovlar, fokus-guruhlar va boshqalar. Shunday qilib, biz ma'lumotlarni to'playmiz va foydalanuvchilarning motivatsiyasi, tajribasi va xatti-harakatlarini yaxshiroq o'rganamiz

Kastdev sizga quyidagilarni aniqlashga yordam beradi:

Bizning foydalanuvchi kim;

Foydalanuvchi o'z vazifalarini qanday bajaradi yoki qanday usullar bilan bajaradi;

Foydalanuvchi bu muammoni qanchalik tez-tez hal qiladi;

Foydalanuvchi muammolari qanchalik murakkab va muhimligi;

Mahsulotda nima qulay va tushunarli, nima noqulay va tushunarsiz;

Raqobatchilar mahsulotlarining kuchli va zaif tomonlari;

Foydalanuvchi mahsulotni tanlashga tayyormi;

@startuplabs

Yuqoridagi tadqiqotlardandan so'ng biz muammo, segment, mahsulot va bozor haqida yangi tushunchalarga ega bo'lamiz. Imkon qadar foydalanuvchi ma'lumotlariga asoslanib qaror qabul qiling.

Kastdevning barcha turlarini tahlil qilmaslik uchun biz chuqur intervyular - maqsadli auditoriya vakili yoki mahsulot foydalanuvchisi bilan suhbat formatidagi sifatli tadqiqotlarga e'tibor qaratamiz.
Respondentlar bilan suhbatlashish tezkor tanishuvga juda o'xshaydi. Qisqa vaqt ichida siz odamni yaxshilab o'rganishingiz kerak bo'ladi shunda u o'z fikrlarini, his-tuyg'ularini ochiqchasiga baham ko'radi va unga o'zini yaxshiroq bilishga imkon beradi.
Shu bilan birga, har ikki tomon uchun vaqtni samarali o'tkazish maqsadida respondent kerakli segmentga kiritilganmi yoki yo'qmi buni aniqlay olishingiz kerak.

@startuplabs

LTV nima ?

"Mijozning umr bo'yi bahosi" ko'rsatkichi - inglizcha Lifetime Value (LTV) dan - ma'lum bir mijozning xizmat bilan o'zaro aloqasi davomida biznesga olib keladigan foydasini ko'rsatadi.  Aytaylik, agar mijozimiz bir yil davomida haftasiga ikki martadan MyTaxi ilovasidan foydalangan bo‘lsa, keyin esa o‘z mashinasini sotib olib, taxi xizmatidan foydalanishni to‘xtatgan bo‘lsa, LTV uning xizmatdagi 12 oylik faoliyati davomida olgan barcha daromaddir.
LTVni bilish orqali :
Biznes rentabelligini va Investitsiyalarning qaytishini baholash;
Foydali mijozlarni foydasizlaridan ajratish;
Marketing kompaniyalari samaradorligini hisoblash kabi ko'rsatkichlarni aniqlay olamiz.

Misol uchun, LTV va CAC (mijozlarni sotib olish narxi) ni hisoblash orqali siz foydalanuvchini jalb qilish foydali bo'ladimi yoki yo'qligini tushunishingiz mumkin.  CAC - bu xizmatga yangi mijozni jalb qilish uchun marketing xarajatlari miqdori;  Bu ommaviy axborot vositalarini o'z ichiga olgan keng ko'lamli kompaniyalarni o'z ichiga oladi.
LTV/CAC ko'rsatkichi sanoat va biznesga bog'liq; 3/1 nisbati yaxshi deb hisoblanadi: ya'ni foydalanuvchi bizga uni jalb qilish uchun sarflaganimizdan 3 baravar ko'proq olib kelishi kerak.  LTV va kerakli LTV/CAC indikatorini bilib, biz qanday CAC qiymatiga intilishimiz kerakligini osongina tushunishimiz mumkin.  Va LTV dinamikasini bilib, biz marketing investitsiyalarining qaytarilish muddatini aniq tushunamiz.
Bundan tashqari, foydalanuvchilarning LTV ni turli bo'limlarda (demografik ko'rsatkichlar, shaharlar, reklama kampaniyalari va boshqalar) hisobga oladigan bo'lsak, maqsadli auditoriyaning qaysi segmentlari kompaniyaga ko'proq foyda keltirishini va qaysi biri zarar keltirishini aniqlashimiz mumkin. Bunga asoslanib, siz turli toifadagi foydalanuvchilar uchun maqsadli CACni oshirishingiz yoki kamaytirishingiz mumkin. Bu sizga turli xil mijozlarni jalb qilish kanallarida reklama investitsiyalaringizni samaraliroq boshqarishga yordam beradi.
Xizmatdan birinchi marta foydalanish paytida foydalanuvchining LTV si hatto salbiy bo'lishi mumkin - bu xarajatlar foydalanuvchidan olingan qiymatdan sezilarli darajada oshib ketishini ko'rsatadi. Kompaniya buni bozorni va mijozlarning qalbidan joy olish uchun qiladi. Ammo bir nuqtada, LTV, albatta, xarajatlardan oshib ketishi kerak va bu qanchalik tez sodir bo'lsa, shuncha yaxshi bo'ladi.  Agar kompaniya uzoq vaqtdan beri bozorda bo'lsa va LTV CAC dan past yoki hatto salbiy bo'lsa, ehtimol biror narsa noto'g'ri ketmoqda.

@startuplabs

Assalomu aleykum barchaga, Bank produkt menejeri tanishim tomonidan mijozlar ehtiyojini aniqlash maqsadi tuzilgan so'rovnomani kanalimga joyladim.So'rovnomadagi ishtirokingizni iltimos qilib qolamiz. Oldindan rahmat.
https://tally.so/r/3jy4zx

So'rovnoma tuzishda "condition" , logik shartlar qo'shish kerak bo'lsa tally.so eng zo'r platforma!

@startaplabs

#Future

No Comment!

Kelajakdagi Faraz

Yaqin kelajakda, to'lov tizimlari revolyutsiyaga uchraydi. "MindPay" texnologiyasi paydo bo'ladi, unda odamlar o'z fikrlari bilan to'lovlarni amalga oshiradilar. Faol holatda ishlaydigan miya implantlari orqali istalgan mahsulotni bir necha soniyada sotib olish mumkin bo'ladi. Bu jarayon tez, qulay va xavfsiz bo'ladi.

"MindPay" Texnologiyasi

MindPay - bu to'lovlarni amalga oshirishning yangi usuli bo'lib, u miya implantlari orqali amalga oshiriladi. Foydalanuvchilar o'z fikrlari bilan xaridlarni tasdiqlaydi, natijada to'lov jarayoni juda tez va qulay bo'ladi.

@startuplabs