Бразилияның Петрополис қаласында толассыз жауған жаңбыр салдарынан сел жүрді. Салдарынан 23 адам мерт болған. Олардың денесі өзен деңгейі төмендеген соң табылды. Қалада төтенше жағдай жарияланып, құтқару жұмыстары жалғасуда.

t.me/stankznews

Сыбайлас жемқорлыққа қарсы іс-қимыл агенттігінің төрағасы Марат Ахметжанов Назарбаевтар отбасына тиесілі офшорлық ақшаның заңдылығы тексеріліп жатыр ма деген сұраққа жауап берді. Оның сөзінше, бұл үшін алдымен қылмыстық іс қозғалуы қажет екен.

"Ол үшін қылмыстық іс қозғалып, ақшаның қылмыстылығы анықталуы керек. Егер басқа мемлекетте екені анықталса (…), тек осыдан кейін ғана – ол мемлекет салмақты дәлелдер ұсынғаннан кейін тексеруге болады. Қазір тексеріс жүргізіліп жатқан жоқ. Қылмыстық іс те өндірісте жоқ", - деді Ахметжанов

t.me/stankznews

Қарағандыда бензин тасымалдайтын көлік аударылып, екі тонна жанармай төгілген. Оқиға орнына келген өрт сөндірушілер өрттің алдын алу үшін жолға механикалық көбік құйған. Зардап шеккендер жоқ.

t.me/stankznews

Қылмыстық-атару жүйесі комитетінің басшысы Жанат Ешмағамбетов азаптауға қатысты пікір білдірді. Оның сөзінше, ақпарат кеңістігінде тараған мұндай ақпарат жалған әрі шындыққа жанаспайды. Сонымен қатар ол азаматтардың тұтқындалғанға дейін, тәртіпсіздіктер кезінде жарақат алғанын қосып өтті.

"Қазіргі таңда ақпарат кеңістігінде тергеу изоляторлары қабырғасында азаматтарды азаптап жатқаны жөнінде жалған мәліметтер көптеп тарауда. Бұл мәліметтердің шындыққа жанаспайтынын, қоғамды жаңылыстырып, шын болған оқиғаны бұрмалау екенін мәлімдейміз. Ашып айтқанда, Алматы изоляторларында орта ғасырлық инквизиция секілді азаптау камерасы бар екені туралы жалған және бос сандырақ тараған", - деді Қылмыстық-атару жүйесі комитетінің басшысы Жанат Ешмағамбетов.

t.me/stankznews

Алматы облысында 19 адам дөнерден жаппай уланған. Оқиға 29 қаңтарда болған. Зардап шеккендердің барлығы Бесағаш ауылындағы дәмханалардың бірінде дөнер жеген екен. Кешке олар өздерін нашар сезінген. Аталған деректен кейін Қылмыстық кодекстің 304-бабы бойынша іс қозғалды.

t.me/stankznews

Атырау облысы Құлсары қаласында үш баланың анасы өзін тыныштандыру үшін ай сайын бір мысықтан өлтіріп отырған. Асылып тұрған мысықтарды өткен жылдың қарашасында әйелдің көршісі байқаған.

Оқиғадан кейін Қылмыстық кодекстің 316-бабы бойынша іс қозғалған. Алайда ақпан айында әйелдің амнистия туралы заңның қолданылуымен жазадан құтылғаны белгілі болды.

t.me/stankznews

2022 жылдың қыркүйегінен бастап Қазақстан мектептерінде «Өзін-өзі тану» міндетті пән емес, таңдау пәні ретінде оқытылмақ.

«Өзін-өзі тану» жобасының авторы – Сара Назарбаева. Ал жеке пән ретінде 2010-2011 оқу жылында енгізілген еді.

t.me/stankznews

Маңғыстау облысында ереуілге шыққан «ӨзенМұнайГаз» кәсіпорыны жұмысшыларының жалақысы 30%-ға көтерілетін болды. Бұл туралы “ҚазМұнайГаз” Ұлттық компаниясы” АҚ басқарма төрағасы Алик Айдарбаев мәлімдеді. Оның сөзінше, биыл жалақы бұдан артық өспейді. Дегенмен жұмысшылар айлықтарын 50-60% көтеруді талап еткен еді.

t.me/stankznews