🟥 فراغات + اختيارات
وزارية لمنهج الفيزياء.
https://t.me/stad3m

قبل لا اكمل
من بداية الامتحانات لحد الان ملخصات ومراجعات تنزل بشكل يومي ودا احاول ما اخلي حقوق هواي على الصور حتى الطلاب ماتنزعج وتستفاد بس بالتالي ملخصاتنا اخذوها اصحاب باقي القنوات ونشروها والمشكلة الاكبر حذفوا حقوقنا وخلوا حقوقهم والمشكلة الاعظم اللي دا يسوون هيچ قنواتهم اعلى من عدد اعضاء قنواتنا فوق 100 الف وقنواتهم دا تصعد وتشاركها الطلاب هههه وهمه ماعدهم أي محتوى فقط سرقة ، عموماً اني ما اعتب عليهم لأن جهلاء ومو مال واحد يسويلهم اعتبار بس اعتب على اللي يستحقون العتب وهمه انتم "الطلاب" اللي نعتبركم جزأ من عدنا 💔 اللي دا تصعدون هلأطفال هاي وانتم تعرفوهم دا يسرقون. ومادا تواجهوهم بالحقيقة وتگلولهم عيب وحرام هاي اتعاب ناس.
مو بس اذا سرقوا من قناتي لا من تشوفوهم يسرقون اتعاب أي مدرس وقناة محترمة اخرى. لأن هؤلاء مستقبلاً راح يساهمون بتحطيم الدفعات القادمة من اخوانكم الطلاب. طبعاً اني ساكت من بداية الامتحانات حتى اخلي الناس تستفاد وماحب ادوخكم بس هسه اجه الوقت المناسب. علعموم الله يوفقكم بحياتكم ماگول غير شي وشكراً لكل شخص شارك حتى ولو بكلمة في دعمنا ودعم باقي القنوات الجيدة.♥️

🟥 بخصوص الاختبارات
بليل تنزل كاملة لكل الفصول الان راح اكمللكم باقي صيغ الاسئلة اللي تضمنلكم درجات

🎲 اختبار 'اسئلة حول فصول الفيزياء 🌡️ كاملة'
من قناة استاذ ثالث متوسط https://t.me/stad3m
🖊 21 سؤالًا · ⏱ 30 ث

🟥 مهم بخصوص المسائل
ضروري يجيبون مسائل من الكتاب بنفس الارقام ، بالتمهيدي جابوا 40 درجة من مسائل الكتاب بنفس الارقام
وممكن بالوزاري يجيبون بنفس الدرجة او اقل بقليل لكن المهم ضروري يجيبون مسائل نصاً....لذلك راح انزللكم ملف يحتوي على جميع امثلة ومسائل الكتاب حاولوا تراجعوهن. جداً بسيطات وقليلات

طبعاً الاسئلة نوعاً ما متوسطة
لكن كالعادة المراجعة تخليك اسد 💙 وتجيب الدرجة الكاملة
التعاريف ( درجة كاملة )
الفراغات ( درجة كاملة )
س4-5-6 درجة كاملة
الصح والخطأ ( درجة كاملة )
كل المعلومات مذكورة بالمراجعة بس يحتاجلها تركيز حتى تستخرجها.

صراحة اطول فترة امتحانات شفتها 🌿💙 وفي نفس الوقت احلى ايام وياكم
اولاً نشكراً اولياء الامور العظماء اللي هم السند من بعد الله لأبنائهم. خصوصاً الام
شكراً لكل مدرس قدم اقصى مايملك من معلومات
شكراً للطلاب المجاهدين الذين تحملوا وصبروا بكل شغف وحماس.
يلا هذا اول تعويض لكم عطلة 3 اشهر و 10 ايام حاولوا تسوون بيها كلشي يعجبكم
العاب الكترونية + افلام + مسلسلات وكلشي تحبونه.
وان شاء الله السنة القادمة نشوفكم مره اخرى في مرحلة جديدة بالصف الرابع اعدادي. سواء تنجح من الدور الاول او الثاني لاتهتم نهائياً.

🟥 مهم
انتظرونا اليوم ليلاً في بصمات صوتية توضح الكثير من الامور
من النتائج والصف الرابع اعدادي وغيرها.

🔹 اسئلة الفيزياء

نبدي بفقرة الاسئلة والاجوبة اللي راح تفيد جميع الطلاب ( الجدد والقدماء ) 📝

1️⃣ متى تُعلن النتائج ؟
بعد 15-20 يوم على الاقل.
وراح تنزل على القناة الرئيسية ( الاستاذ العراقي ) 👇
https://t.me/stadiraq

2️⃣ احچيلنه عن الرابع اعدادي ؟
يتقسم الى فرع علمي وفرع ادبي
🔹 مناهج العلمي / كيمياء - فيزياء - احياء - عربي - انگليزي - رياضيات - حاسوب - كردية
🔹 مناهج الادبي / تاريخ - جغرافية - علم اجتماع - عربي - انكليزي - رياضيات - حاسوب - كردية

📍 زين هسه شنو الفرق بين الفرعين ؟
الفرع العلمي بي كيمياء وفيزياء واحياء ومابي اجتماعيات اما الفرع الادبي العكس بي اجتماعيات بس مابي ذني المواد الثلاثة.

📍اشرحلنا عن الحاسوب والكردي ؟
شوف صديقي الحاسوب هو حفظي يعني تعداد وتعاريف وفراغات كلش بسيطات ، واكو قسم عملي يعني يدخلكم الى صف الاختبار ويگلك شغل الحاسبة وادخل لهيچ برنامج وهكذا اكيد راح يعلموكم واكو شرح بالكتاب واني هم راح اساعدكم بالشرح. اما الكردي بالضبط نفس العربي والانگليزي
يعني احفظ قصيدة وقواعد ( تحويلات ) ، فذني المادتين حاسوب وكردي هي اللي اطلع اكثر نسب نجاح بالرابع دائماً لأن بسيطات جداً وراح تدخلون للرابع وتشوفون هلشي بعينكم.
طبعاً مو كل المدارس بيها منهج گردية للمعلومة.

📍 زين احچيلنه عن صعوبة وسهولة المواد ؟
شوف صديقي حتى اختصر عليك الموضوع. الرابع والخامس اعدادي هي من اسرع الصفوف اللي راح تمر عليك حرفياً 🙂. لأن المناهج مبسطة مو جافة واكيد احنا راح نساعدكم بيها ونوصلكم للسادس بأبسط جهد.

3️⃣ راح تكونون ويانا بالرابع ؟

اكيد ، قنوات الاستاذ العراقي هي الوحيدة اللي تدعم الصفوف غير المنتهية عدنا قنوات من الاول متوسط الى الخامس اعدادي وتگدر تطلع عليهن
🔹 رابع علمي
https://t.me/stad4al

🔹 رابع ادبي
https://t.me/stad4ad

وراح تنزل شروحات وملازم جديدة لأول مره وراح تشوفون هلشي قبل بدأ العام الدراسي.

4️⃣ الطلاب الجدد المقبلين على الثالث متوسط دفعة " 2023 " . ومنهم طلبة الخارجي

طبعاً من بداية رمضان ولحد الان دا نشتغل على ملازمكم وشروحات جديدة.
وراح نبدأ وياكم بتاريخ 8/1 على هاي القناة ، واكيد هدفنا ال 120 درجة مو بس ال 100 💪 ♥️