🦋💕

‏يا غمامة روحي > اللي لها نفسي تتوق
امطري بالعطف واللين وارشاش الحنان




واروي عطاش المعاليق وعروق الخفوق
والله ان ارضي شفوقه لخيرك من زمان

🦋💕

🦋💕

يـا ورد يـا رمـان يا لـوز حـالـي
يا ريحة الريحـان يـا يـاسمينـه


يـافـرحـة اللي غـربـلتـه الليالـي
لا تقطعين الـوصل لاتـقـطـعينـه


صبري قضى ماعاد بي احتمالي
هل تـفـهمين الوضع هل تدركينه

🦋💕

🦋💕

تـعـال قـوللي كيف وضعك الان
خـلاص يـكـفيـك عـنـاد وتـغلِّي




للعناق والضم مااشتقت يافلان
ودي بهالساعة ارحـبـك وهـلِّـي

🦋💕

🦋💕

شلونك شلوون وردة شمت انفاسك
وشلون ريحة هبايب عطرك ااالهادي




تدري وحشني كلامك رووعة احساسك
واحشني احساس شوفك دون ميعادي

🦋💕

🦋💕

‏جـمـعـت تفاصيل المسا كلها فيك
يـااجمـل من خلـق رب السـمـاوات




اسـأله أن يـحـفـظك لعين ترجيك
يا اغلا من اللي راح وموجود وآت

🦋💕

🦋💕

لو قلت ماحبك تراني ماعنيت
أنا أحبك حب طاغي وأعشقك




تسري بأنفاسي وعني مادريت
أتنفسك مره ... ومره أشهقك

🦋💕

🦋💕

‏.لازلت أحبك إيه أحبك و لازلت
العاشق اللي في هواك إهتوى لك




عزلت غيرك في هواي وتنازلت
عن حب غيرك ماصفا لي صفا لك

🦋💕

🦋💕

‏امــوت واحياء بشوفة العين للعيـن
سحـــرالعيون النادره فــي زمانـــي




فيها مــن احساس المشاعر ملايين
وفيهــا من احساس الغلا عمـــر ثاني

🦋💕

🦋💕

‏اغلى من الروح يارمشٍ من الله ظليل
واكبر من الشعر ياوجهٍ عليك السلام




وشلون اخليك وانت البوصلة والدليل
في رحلة التيه وسنين العمر والظلام.

🦋💕