(الذاكرةُ ثقيلة
مثل كيسٍ من الإسمنت، مثل مرساة، مثل قلب..)💜

أجيك بِقدرتي الباقية 💛

أتظُن صبارًا يُؤلمهُ أن تَنخزهُ أبرة؟
حاوِل في نباتٍ آخر ☃️❄️

عارفو بضحك لزماني بالأماني السُندسية 🤍

عفوا ليس لديك الرصيد الكافي ..!

♥️

نحن بنخلط شديد بين اني اسامحك و اني ارجع ليك .. عشان كدة بنربك نفسنا و نربك التانيين معانا

صحيح انا مسامحاك بس ما عايزاك في حياتي تاني ..!

قصة اننا نتصالح دي .. قصة مربكة و ما مفهومة .. مع انها بسيطة جدا

ما كل اللي حنتصالح معاهم حنرجعم حياتنا

عارف ليه ؟

عشان في منهم اخدو حقهم و زيادة و دخلو فحق غيرم

بنسامح عشان نحن زاتنا نصفى .. لأنه الزعل بياكل فيك زي السوسة .. بنسامح عشان نحن ننسى و نمشي و يبقى اللي كانت ذكراه بتزعلنا تبقى ما بتزعلنا و شوية شوية تبقى ولا شي !

و اتذكر انت بتلبخ و بتغلط انك قاعد تخصم من رصيدك جواي .. لما يجي عليك اليوم اللي تجي تسحب تلقى ما عندك رصيد !

و ما بجدي العتاب ساعتا ولا بنفع ندم ..

اصل مشاعر الناس مش لعبة .. حياتم و وقتهم و تفاصيلم مش لعبة

حابي تلعب بوقتك ،، انت حر اتفضل .. بس بلاش وقت الناس و اعصابها !

بلاش نهلك و نستهلك بعض في طريقنا نحن الا تنين نحو الفناء ..

اي نحن ماشين نحو الفناء ..!

كل يوم بيعدي نحن بنقص من عمرنا يوم .. من دفتر حياتنا بتتقطع ورقة .. ورقة حتمشي ما حترجع

معقولة نعدي العمر تجريح !

قلت و ما زلت بقول و ح افضل اقول .. نحن رسالات في حياة بعضنا ..

أي زول دخل حياتك .. أي زول .. ما في صدفة .. مافي والله حصلت ساي .. لا أبدا

عنده رسالة .. !

إنت بقى و اتساع أفقك .. انت و مداركك .. انت و اتصالك بالسماوات العلى ..

يا هتوصلك الرسالة و تقراها صح .. يا إما حتعدي من خلالك و تقول قابلت فلان صدفة !

أول امبارح دخلت الشغل .. زهجانة جدا و محبطة و مرهقة و حاسة بي عدمية الحياة ..

أول عيانة لاقيتا .. بت عمرها ٢٤ سنة في الانعاش .. ما قادرة تحرك ولا يد ولا رجل ..

اتخيلتها بتضخم او ربما بس ما بتتفاعل معانا ..

لما شفنا الصور المقطعية .. حسيت بي سهم دخل في صدري و طلع من ضهري و بردت .. حقيقي حسيت بي برد !

البت فقدت قدرتا على المشي و الحركة كليا و للأبد ..

الرسالة دي كانت لي !

صحيح مسطر ليها تصاب .. ربنا يشفيها .. لكن مسطر لي أنا برضو احضر الاصابة دي ..

عشان اعرف انه المشي اللي زهجانة منه دة و يدي اللي بشوح بيها كدة دي ! ممكن تبقى ماف ! و كفى بذلك واعظا ..

رسالة قاسية .. بس رسالة .. و العيانة دي ما مرت علي صدفة ! جات عشان تقول لي الرسالة دي و تمشي !

بالعودة للخصام .. الفراق .. المصالحة و السماح ..

مافي ما يدعو لحمل الغبن و الكراهية و حقد السوء في الضماير .. لكن كمان مافي ما يدعو لي إننا نرجع بالخلف لي شي خليناه ورانا ..

اديت رسالتك و أديت أنا رسالتي .. اتصالحنا .. سامحتك أو لا .. في حاجات ما بنرجع بعدها .. حاجة بتكلمك جواك بتقول ليك خلاص .. الفصل دة من عمرك انتهى !

ما زعل اطلاقا .. قناعة ..

فرق كبير بين تحرد و بين انك تكون مقتنع بالجد !

هذا الصباح ..

لابد إننا نأدي رسالتنا صح .. لابد إننا ندي كل ما عندنا .. عشان ما نحس اننا في يوم كان ممكن ندي اكتر و اتقاعسنا .، و لابد بالضرورة اننا نقرا الرسالات صح !

الحياة كلها رسايل .. نحن اللي ما بنقرا ..!

هذا الصباح ..

سماحا سامحتو ليك .. ما سامحو ابو لي قاتل ولده ولا ام لي حارق حشاها .. الاقاهو يوم الناس تفتش للسماح و ما تلقى ! و القاك يوما !

#سلمى_المصباح

مت فارغا - مكتبة زاد.pdf

‏" وسط هذا القحط والخراب أستدعي وجهك البريء كزخة مطر عابر، وأحبك بغزارة."
•

أحلى العرووض ع شهر يناير✈️🛫✨

-الخرطوم✨القاهرة: 84.000جنيه
-الخـرطوم✨القاهرة✨الخـرطوم: 110.000 جنيه
🥳🥳🥳🥳
تأشيرة *مصـر*🇪🇬 العادية فقط 33.000ج
والمستعجلة 45.000ج

للحجز والاستفسار:
0919946133

هذا الصباح ..

♥️

أحسن درس اتعلمته في السنة دي و يمكن في الحياة

انك في طريقك للرقي و العلو .. لازم محيطك يكون راقي ..

اصلو لا يمكن تسمو و انت محيطك مسموم او مشحون بي كراهية او مليان بي ناس جبنتي و نستك و فلان قال و علتكان قال ..

الناس عندها القدرة تجرك لي تحت

و لما يلقوك كويس حيحرصو يجروك اكتر و يغمسوك في الوحل

لابد لابد لابد انك تختار محيطك ، اصحابك ، ناسك البتتعامل معاهم ، و علاقاتك العامة

مافي حاجة اسمها بتعامل مع الناس كلها

الناس كلها ما بتضمر ليك الخير ..

انا الكلام دة بقوله لاني اول زول لازم يعمله

كنت فاكرة اني لما اعامل الناس كلها و اخلي حياتي مبهولة لي اي زول و احب و اعامل بي لطف

ح القى احسن من كدة

الحقيقة انه انا و اي زول بفكر زيي مغفلين ..!

كل اللي اتساقطو مننا ما سقطو لانهم كعبين .. هم بس من الاول ما متمسكين بينا شديد

فما كان في داعي نشيلم نختهم معانا و نفرح بي بلاهه ..هيييي فلان صحبي !

على صعيد آخر .. الناس الناجحة .. نجاحم معدي .. بتلقى في شلتك تلاتة مسحلين لي ماستر .. حتى لو انت مكسل .. بتتشحع تسجل معاهم و تنزل

نحن اصلنا بنحامي بعض في كل شي .. طيب ما نحاكي في الكويس .. في المفيد .. في اللي بيوديك قدام فعلا !

طفلك لما يكونو اصحابه مؤدبين .. الأطفال اللي بيقولو شكرا و عفوا و لو سمحت يا عمو..

بتشرب الحاجة دي و بيبدا يستخدما هو زاته ..

المحيط يا جماعة !

و ما تفتكر انت كبير الحاجة دي ما بتأثر .. هو أكثر المتضررين هم الكبار ..

عاين حواليك .. حتلاقي الفشل بيجر الفشل .. و الناس بتاعين فلانة طلقوها و فلانة راجة عرس فيها .. ديل اصحاب بعض و كلهم ما عندهم انجاز في الحياة !

مافي زول بينجز فاضي لي كلام زي دة ..

خلاصة الكلام ..

كل ما خليت محيطك و اصحابك القراب ناس معزلين عزيل و ناس انت مالي يدك منهم و من نواياهم تجاهك ..

كل ما ارتحت اكتر و استقريت اكتر ..

الحاجة دي بحسها لما اقعد مع ناس معينين .. لما ارجع منهم البيت .. بحس قدر شنو قعادي معاهم كان مفيد نفسيا و ذهنيا و وجدانيا

اعرفو الناس الكويسين حيرتقو بيكم ..

ساعد نفسك و اسمو بيها ماف حاجة حتجيك في طبق!

#سلمى_المصباح

"معاد نشره مع التعديل

بااليز 😤

وطني الكتير بالشي الشوي
هاك المنام من مقلتي..
هاك المتاح من تضحيات
هاك كل شي .."❤️🇸🇩
#مليونية30ديسمبر

‏أنا لست غاضبًا، رغم أنه كان من المفترض أن أغضب. أنا فقط أشعر بالألم، الكثير من الألم الذي كنت أظن أنه سيكون بإمكاني تحمله، ولكني كنت مخطئًا.

‏لقد خسرت الكثير من المعارف والأصدقاء، والكثير من النقود في هذه السنه ولا أتمنى إلا أن ترجع نقودي !

عدد كبير من جنود الشرطة يعتدون على أحد المحامين داخل قسم المدينة بحري،أمام وكيل النيابة وضابط برتبة نقيب،و اللذان عجزا عن إيقاف الجنود من المواصلة في ضرب المحامي الذي حضر للقسم لمباشرة إجراءات الضمانة للثوار الموقوفين اليوم في #مليونية_30_ديسمبر.
وتم نقله لطوارئ مستشفى بحري وهو فاقد للوعي.
#مجزرة_30_ديسمبر
#يسقط_حكم_العسكر_والجنجويد
#الردة_مستحيلة

غداً بإذن الله
نحسب ان التبرع بالدم في إستاك وامدرمان واجب على كل شخص قادر
- عن ناظم سراج