صَباح الخَير لِمن يأبون الإنكِسار ، لِمن يُجابهون الريّح ويعيدون تَوجيه سَفينتهم نَاحية أحلامِهم لا تُوقفهم العواصِف ولا إنكسار شِراع ❤️✨

صَباح الخَير ، أتذكروا خَالد الفكي وعنان في دَعواتكم 🙌🏼✨

ولَكِن بِرغم سَوداوية كُل شئ لَم أتَوقف عَن الأمل والدُعاء ، لِيشهد اللّه أنّهُ رُغم تَحطُمِ كُل شئ لَم يَتحَطمْ إيمـاني ، لا زِلت مُتشبِثة 💙🌸

ثُم فِي المُنتصف تُقرر التُوقف عَن المُحاولة ، ليسَ لِشئ بِل لأنَكَ تُعِبت

Friends can break your heart too

20 : 20🌸
والله يعلم أني فعلت كل ما بوسعي لأبقي على نور الشمعة، ولكنها هي من تذوب !

أنظُر إلي، لَن تَجِد شَيئاً سوى صُورتك 🖤✨

لَو دُموع الفَرحة ما لاقَت غُنانا

" ‏لو أكتبُ سيرتي لكتبتُ سطرًا واحدًا :
هذا طفلٌ كَبرَ سهوًا "
- عدنان محسن

و انني لا اصلح للوسطية ابدا , فاما عمقا يستحيل عليك نسيانه معي , او لاشيء كأني لم اكن تماما ..

‏ياربّ مُعجزة من عندك تُغير الأقدار و تُحقق الأماني.❤️

حليلك بتسرق سفنجه وملاية..
وغيرك بيسرق خروف للسماية..
فى واحد تصدق بيسرق ولاية!!

ما كنت متوقع انو في يوم من الايام الشخصية دي ترتبط بي لاختلافات كتيرة بينا وحتى ما كنت بعرفا شديد ولا هي كانت بتعرفني، لكن هي جات على شاكلة
"حبيبتي بتكره الكيزان
تحب جداً كبابي الشاي
وحافظة كمان شعر حميد
غناوي النصري والدوباي"

و اول ما اتلاقينا وقربنا لي بعض وبقينا نتكلم كتير مع بعض حتى ما بنحس بي زمن المكالمة ولأول مره في حياتي استحمل صوت زول مدة طويلة لدرجة فجأة تلقى اذان الصبح بأذن
قلت ليها
"لقيتك في غلط املائى
الا قريت عيونك صاح
لقيتك في يتيم مبسوط
قدر يتذكر انو يتيم
يشيل الطين يسو والدينو
ويضحك كلو للاتراح"

بعدها اختفت بي سبب ظروف لمدة اكتر من اسبوعين وحرفياً انا كنت رايح في الفترة دي وكل مرة بنتظر التلفون عشان القاها متصلة او مرسلة رسالة
فقلت ليها
" شلتي الروح معاك وفتي
وهسا هداك مباريك بدني
سبحان الله زولة غريبة
واغرب حاجه انك انتي
من يوم قلت ليك حبيبة
تاني مع الخلوق ما بنتي
إعتقلوك سبيبة سبيبة؟؟
ولا مع القصيدة محنتي؟"

اتأكد اني حبيتا وعقلي يودي ويجيب و يقول لي انت عارف النهاية تماماً فماي داعي تجهجهنا معاك يا احمد طارق المهم انا سفهتو وباريت قلبي الغبيان وكنت خايف شديد حتى حاولت اتهرب لكن هربت في نفس الاتجاه الهي واقفه فيهو
وقلت ليها
" بخاف شوقي المجرجرني على طريقك
يجرجرني و يسوني من مشاكلك
واخاف حبي المجهجهني مع حريقك
من شدة الريد اقعد اشاكلك
واخاف حني المودني لي فريقك
يودني.. اشتهيكي واكلك
واخاف اتمنى ابقي.. رفيقك
اتمناك شديد
وابقى سلسل من سلاسلك"

وكنا مبسوطين بينا شديد بنتشارك كل شي مع بعض تفاصيل التفاصيل كانت كبايتين شاي سادة قادره انها تهدي ارواحنا ونحاول نتغلب على الكم الهائل من الحاجات الكعبه الاكتشفناها ونحن سوا
تقول لي ضحكتك سمحة
اقول ليها
" كتار القالو ضحكي سمح
وما عارفيني زول بكاي
بشيل الليل دموع وسهر
واناديك شان تكوني ضراي
من الدنيا البقت تعرف
تبركت بي ضفورا ازاي"

كانت غيورة جداً وما بتتفاهم في القصة دي وبيني وبينكم كدا انا تحت تحت كنت بخاف منها لكن كان عندنا اتفاق عظيم انو قدام الناس ما تعلي صوتك لاني ابجيقا لكن لما نكون برانا اخدي راحتك الما بخاف من حبيبتو ما راجل
َقلت ليها
" بتحامى بيك مني
واتحامي بيك منك
وبتحامى بينا شديد
لمن يقوم جنك"

بنتشارك اوجاعنا الملحنة بي زاد الشجون لود الأمين والمستحيل والود لي وري و بخاف لي ابو عكري و ضليت لمصطفى كنا بنقرا لي حميد وبنتناقش في قصائد عاطف خيري و نرقص في اغاني العقد ونقرا كتابات كافكا وكنا صغار على البحصل لينا وقلت ليها
" هو متين كبرنا عشان تكون
الوجعة فينا بيوت بيوت
لو ما الحكاوي مع بعض
ضحكاتنا كان قرب تموت
الله عليك يا روح كفاك
دمعاتي اكبر من تفوت"

كانت حلوه شديد لما اجيها محتار بلقى إجابتي عندها انا عادة ما بحكي مشاكلي نهائي بس هي كنت حريص اني اوريها وفجأة بتتحول لي ملاك بريء لما الموضوع يتعلق بي حاجة هي ما عارفها َتقعد تسأل زي الشفع ولما احاول اراوق في مسألة بتبقى ذكية شديد وبتغلبني وقفت معاي في اصعب المواقف وقلت ليها
تشبهي شاي لبن
بي بسكويت رويال
وتشبهي طفلة تتشالق
شايلة مع الحلاوة سؤال
وناس في المطرة تتفالق
يطينو بالمحبة البال
تشبهي ناس بتتعانق
قبل ما يعرفو كيف الحال
تشبهي نبذة الاصحاب
غنا الجيران مع التراحل
حبيبتي انا
نحن نتاج ظروف الليل
حبايب في المشي البطال
نحن عرق جبين الخيل
بنتسابق ولابنعرف نكون ابطال
نحن السيئات السمحه
قطيعة الناس قيل وقال
نحن الفكة في جيب طفلة
وقعت في عيون نشال

وحصل الكنا بنخاف منو من اول يوم اتلاقينا اتفارقنا جغرافياً َجسدياً لكن كنا متاكدين تماماً انو البينا من حب وود بشبه خيط اطرافو مربوطة فينا ما بتقطعو قسمة ونصيب اَو سفر او كلام ناس
وقلت ليها
على مهل الفراق يا بت
خبارك مارقه دقشية
خبارك مارقه مني سريع
خلاص مافيكي حنية؟
خلاص فوتي الفراق واجب
عقابك خلي بالنية
باقي دموع.. حنين فياض
حلم واقع.. قلب مكسور
وحاجات تاني منسية

ما قدرت اخوّنها علي قول ود الخاوية الله يرحمو
( ما خنتا ولا خانتني، الفراق كان قسمة) مع انو على قول الشاعر ( حقيقة الناس ما بتريح) حتي بعد الحصل ما خلونا في حالنا مصرين انو صورنا تتشوه في عيون بعض وما عارفين انو الموضوع متجاوز كل الاعراف والتقاليد البتخص العلاقات العادية وبالجد ( الخدير الشال وبدع لو في قسمة دا كان خديري) وحظل احترم العلاقة دي للأبد ومن الجيد انو تعرف انو في زول بحبك في الدنيا دي بحق وحقيقي بغض النظر عن هو وين ولا مع منو
وقلت كتير بعدها
"الله غالب
الحياة بتجمعنا بالحب
وعد تفرق بي مزاجا"

" اسي مجروح
لا قدرت اتناسي ريدك
لا عرفت اكون نصيبك"

"ما تسلميني الفرقة مرة اتوشحا
اديني ليها خيوط خيوط"

"قدري اتناساك وافوت
واكتفيبك ذكرى حلوى
قدري احيا وقت اموت
من فراق عينيك عنوة"

"كتار فاتوني من قبلك
الا مشيك حار بالحيل
َلا بيدور حليفة الله"

" يا مواجع ارحمينا
نحن زاتنا و

لاد متين؟
يا قدرنا الما عرف لون الحبيبة
ولا عرف غير وجعتين"

كتابات أحمد طارق تفوز بقلبي دايماً وأبداً 🖤🖤🚶🏽‍♀

"بلدك متل كمين بلاد بدت الدقون فيها الختا نجّس ثراها المسرفين كترت مواعين الفساد وكان كلمة الإسلام غُتا"

لا لدنيا قد عملنا

ما نفقدك نلقاك تحانن بالغناوي وطن 
مع إنو حباك ميتة الغربة ... 
واستكتر عليك كفن 
قدر وطنك مع الأوطان 
إذا ما كان سحايبو أبن 
يمرقن قش من الوديان 
عشان تلقى الغلابة لبن 
قدر وطنك إذا ما كان 
قبل يقسى ويخيب ظن 
حبيبو الطيب الإنسان 
يطفر روحو روح الفن 
وطن لكنو مو هولك 
ولا الزول القبيل بي خيرو بات زولك 
وطن محتل بشوق مختل 
رؤى ووجدان 
ينوم والجنة في خاطرو 
يقوم مبتل 
بنات الحور وما أدراك ما الغلمان 
فما قولك في شافع ضال ومايل ميل 
قيام ... والشيخ ورع باللحيل 
بعد هانة ...نصايص الليل في زنزانة 
على أمشاطك كما الزانة 
أقيف حتى الفجر طولك 
فما قولك في مولانا 
بعد وردية الشافع 
دخلبو في خانة وسخانة 
وكجن .... غنالو مكتولك 
وما معنى الأرض بالضبط أو بالربط 
حين تكدح تكد حولك 
تجيب الموية بالسرقة 
غرامة ودردرة وعلقة 
ويصادر الوالي محصولك 
وطن ... لكنو مو هولك 
وطن ما ليك فيهو وطن 
مجرد واطة لمت ناس 
لا علم لا غيرة لا إحساس 
دلق منتوف من أي كفن 
مصبغ ظن 
وطن ... لكنو مو هولك 
عموم الحلة والأحباب 
غريب أصبح عليها زمن 
عليهو أغراب قلوب وسخن 
يسوطو هوس عذاب ومحن 
ولكنك تغني وطن 
بعد ده وطن؟! 
~ في رثاء
#مصطفى_سيد_أحمد
#محمد_الحسن_سالم_حِميد
#مصابيح_السما_التامنة

عبثاً نحاول أن نُطيق و كل شيءٍ لا يُطاق..

ما بِي لا أنْسى لَحناً شَجيّاً رَنّ 💜✨