أطفالنا رجال ✌️

الصباحيه كده جيت ماري بي موكب طلاب مدارس منطقة شرق النيل وكان موكب مهييييب من كمية الطلبة المشاركين فيو(أساس_ثانوي_بنين_بنات) بس ما كان في زول منظم الموكب لأنهم طلعوا تلقائيا لمن بقيت بسأل القايد الموكب منو..؟ حتى الناس القدام ما عارفين بقيت بحاول اوقفهم مايطلعوا كبرى المنشية خوفاً من تحصل ليهم حاجه لانو فيهم شفع صغار وبنات بس محاولاتي فشلت .
لكن عرفت بالجد انو نحن ما عندنا طفل كلهم رجال اقسم بالله تحس بيهم ولدهم رجااااال ما مرو بي طفوله نهائياً .
.
. المهم في محاولتي إرجاعهم في واحد عمر 13 أو 14 سنه بالكتير قال لي : يا حبيبنا اسمع ما تتعب روحك ساي رجع البنات بس نحن ما راجعين لو حصل شنو داك 💔.

وكان معاي زي 5 من الشباب غيرنا وجهتنا من ارجاع الموكب لي تنظيم الموكب لانو الطلبه كانو مصرين يطلعوا الكبرى يلا كنا قريبين لي إرتكازين تبع الدعم موجودين في الكبرى من الناحيتين الشرقيه والغربية للكبري عشان نتفادي الحوادث والاحتكاك بيهم وقفنا في أول صف للموكب واتماسكنا عشان نمشي بي نظام ونحمي الطلاب بس إتفاجئنا بي كم طالب أعمارهم صغيره اتقدمونا بي صدورهم العارية أمام الرصاص واتماسكوا ونظمو الموكب وفضلو قدام متماسكين كأنهم بيقولو لي بعض يا نجيب حقهم يا نموت زيهم.... وفضلوا متماسكين لحدي ما قطعنا الكبرى...... ياهم الابطال ألفي الصوره ديل 💓

منقول بكل الحب الفي العالم 🖤🖤

كِلانا عاشَ مُشتاقاً وعَانَد في الهَوى قَلبه ☹️♥️

‏تقريبا كدا اصعب حاجه الواحد ممكن يحسها انك تصعب عليك نفسك بسبب زول ، احساس انك بعد ما اديتو مساحه كبيره في حياتك وحبيتو اكتر من اي زول وفي الاخر يوصلك لكدا ، اللي هو يخليك تقعد تسأل نفسك هو انا م بتحب فعلا ؟ هو انا م كنت كفايه ؟ بتقعد تسأل نفسك كذا سؤال بس في النهايه انت م تستاهل كدا 🙂🖤

#malak_asim

بُكرة الموكب 🖤

مليونية (القصاص العادل)
يوم الخميس
١ أغسطس ٢٠١٩

#مليونية_القصاص_العادل

‏يا جماعه عندي صحبي زي اخوي اسمو مصطفى السني واعتقلوه بسبب الفيديو البتعرضو لي بوكس الدعم السريع هو كان بصور بس واتهموه انو هو الرمى الملتوف للدعامه اعتقلوهو وقالو حيكون في معتقل لمده تلاته ايام وبعداك حتتم محاكمتو ياريت الناس تقيف معاو وتجي محاكمتو
#منقول
#الحرية_للسني

‏"الصفّا دمك
وكان سبب في ها الجرح
إن شاء الله
لا مسى لا صبح
إن شاء الله
يا بلدي المعمر بالعشم
من سف خيرنا
يكبو مح
وإن شاء الله
لا فاق لا نصح"

يا جمليين عندنا الثائر ابوبكر احمد طالب طب جامعة وادي النيل (عطبرة) اتصاب بمبان امس في عطبرة واتحول رويال كير للاسف الشديد فقد عين وحالتو النفسية محتاجه مننا كلنا دعم ياريت نمشي نزور في المستشفى و تقدم ليهو الدعم النفسي وتقيف معاهو كلنا لي بعض وقت الشدة ✌🏻
رقم المرافق : 0901113807

فاللهُم شَخصاً بِطُمأنينة الصَلاة وسورة يُوسف 🖤

⭕️تجمع المهنيين السودانيين

بكرة شنو المليونية يعني شنو الناس كمية

غلش من ابوهو عديل يا سمخاي دعوة للموكب في شكل موكب حركات التبش البمش زاتها، عرديب مركز

طاط خالي محطات وبدون مطاط، شوارعنا الما بتغبانا وما بنظلل عليها، اراك وتراني يا عمك

سلمية سلمية ضد الحرامية والقتلة وآكلي مال الشعب، كل الفارات ما ناسنهم من جواسيس الحلة لاكبر تلاجة موز في البلد، الهتاف ده ليهم ورط في الخط.
دولة قانون يا مفتحين يعني حقنا كامل وما بنجامل، في ناس بتقع زليق طين بس، بلاغات ألف. استلم بس

قفل البتاع ده
منهتي

#حنبنيهو
#الابيض_تنزف
#مليونيه_القصاص_العادل

يا صَباحات المَواكِب 🖤

أغُسطُس ، بِسم الله نبدؤك بِمليوينة 🖤

كضابه يا زيفة دقون
كضابه دعامه البلد
كضابه افراد الجهاز
كضابه سيطان العنج

المَعنى الحقيقي للتبش البِقا يمش😂💔💔💔💔💔💔💔

حوجة عاجلة للدم في مستشفى الراجحي

يا الله لُطفك بينا💔

🚨الناس تشيل دربات ملح "normal sailne" من أقرب صيدلية و تتحرك على مستشفى الراجحي أم درمان(أمبدة) بدار السلام مربع (5) بالإضافة إلى الحوجة عاجلة للتبرع بكل فصائل الدم.

- ما تقيف عندك

" فَمَا ظَنُّكُم بِرَبِ العَالمين" 💚

(وقُرآن الفَجر إنَّ قُرآن الفَجرِ كَان مَشْهُوداً )💕

ي علاء نحنا بنحبك
سامعنا ي علاء ؟
والله بنحبك 😭😭😭😭😭😭😭😭😭💔💔💔💔💔💔💔💔💔