‏أطفال شايلين سلاح بقتلوا في أطفال شايلين اقلام💔
#الأبيض_تنزف

إرتقاء طالبة شهيدة سادسة 💔
#الأبيض_تنزف

صباحات الوجع والهم
يقوم مبسوط علي درسو
يلاقي دروسو حصة دم!!💔
#الابيض_تنزف

نبني لمنو إحنا، نبني بس لشنو 💔
يا الله من الوجع

‏وفي يوم شديد البأس والدنيا مقلوبة
مجبور رمى الكراس دنقر رفع طوبة
شاف لحية القناص بي دمو مخضوبة
تمتم قرأ الاخلاص.. كتب الكلام بالدم.. طلع القمر بوبا
‎#الأُبيض_تنزف

دين الامن و دين ابوطيره
دين الشرطه و دين العسكر
ودين الناس البايعه ضميرا
نفس الدين النزلو الله؟جوه المصحف و كتب السيره؟؟؟

الأطفال يا فَاطمة يموتوا والأحلام باقيالُهم مَصرع💔
#الأبيض_تنزف

لجنة أطباء السودان المركزية

عــاجل

ارتقاء الشهيد يونس قبل قليل من داخل العناية المكثفة متأثراً بجراحه، نتيجة الإصابة بطلق مباشر في الصدر، ليرتفع عدد شهداء مجزرة الأبيض لستة شهداء.

#الالتزام_باعلان_الحريه_والتغيير
#مواكب_انتقال_السلطه

إعلام اللجنة
٢٩ يوليو

آخر تحديث لقائمة المصابين والشهداء بمستشفى الأبيض.
#مجزرة_طلاب_الأبيض

ياخوانا في كلام حار بس لازم يتقال يعني !

الناس دايرة قحت تعمل شنو..؟!

المواجهة حاليًّا بين المجتمع المدني بمختلف أطيافه ضد المجلس العسكريّ البيمثل الأجهزة الأمنية المختلفة ، يعني الناس الما عندهم سلاح ضد الناس عندهم سلاح

أدبيات العمل السلميّ في الفكر السياسي بتؤكد أنو عنده حدود بيقيف فيها ، الثورة السلمية القايمة على المظاهرات والإضرابات النقابية ممكن تنتج إصلاحات سياسية من توسيع لمجال الحريات أو تسريع الانتخابات أو غيرا ، وممكن تسقط نظام لو الجيش انحاز ليها بحكم أنه مجال ضغطها الأساسي هو المجتمع المدنيّ ، لكن أصلًا ما بتسقط مجلس عسكريّ

الجنرال بينوشيه في تشيلي انقلب على الرئيس المنتخب ديمقراطيًّا آلندي ، فدورت اضرابات ومظاهرات وكده ، لكن بسبب أنو الجيش كان فاسد وبسبب الدعم الأمريكي للانقلاب بينوشيه بلّ النقابات والمتظاهرين وقتل 40000 نفر وقمع المجتمع المدني كلهّ وماتت الثورة بعدا ، الخميني في إيران ثورته كانت ضد مدنيّ اللي هو نظام الشاه لكن بسبب أنو الطابع بتاع الحكم كان معسكر بالجيش وبجهاز الأمن الساڤاك فكان اشبه بنظام عسكريّ -خاصة بعد ثورة مصدق في الخمسينات-، فالثورة نجحت بعد لجان الأحياء حقتم واللي بقا اسمها الحرس الثوري مشت هجمت على ثكنات الجيش والسافاك والثورة بقت عنيفة ومسلحة وقتلوا قيادات في الجيش وعساكر ساي واعتقلوا جزو ، صحيح السياق العالميّ حاليًّا مختلف حبتين في درجة تأثير السلمية على الأنظمة الحاكمة لكن برضو ما حيصل مرحلة عساكر يسقطوا بالسلمية

نحن عندنا ثلاثة أجهزة كلها على قلب مجلس واحد حاليًّا ، وبحكم أنها ما مدنية وعندها عقيدة ووجدان مصاغ بطريقة معينة فالموت والاضرابات والرفض السياسيّ ما بيفرق معاها أصلًا ، كيف سلميتنا حتقدر عليهم وحتسقطم ، ولا هو نحن حنردد الشعار ده بدون ما يكون في راسنا سيناريو واضح للبيحصل

الناس الدايرين قحت توقف المفاوضات بعدا ماف حل غير الثورة المسلحة ، لكن في ظل ظروفنا دي هل نحن حنقدر على تكلفة الحاجة دي ، وهل في احتمالية أننا ننجح ضدهم فعلًا..؟!

وقف ااتفاوض نهائيًا بين قحت والمجلس العسكريّ ممكن يكون موقف بطولي شديد وأخلاقي للعوارة ، بنفس بطولية عبدالرحمن النجوميّ وهو بيقود سرية صغيرة فيها أطفال ونساء وداير يفتح بيها مصر ، وبطولية عبدالله التعايشيّ وهو بيقود الأنصار في أم دبيكرات ضد الإنجليز الغزاة ، لكن صعب نقول أنو هو الموقف الصحيح والبيحقق المصلحة الأعمّ

أنا ياخوانا ما عندي رأي ولا شايف ممكن نعمل شنو بسبب جهليّ الشديد ، في أسئلة كتيرة قدرتا أجاوبا من القراية زي الجاوبتها فوق دي ، لكن كل ما افكر في سيناريو بتجيني أسئلة كمية بتحول بيني وبين القرار ، فكروا أنو قحت بتمر بنفس الأسئلة دي واحتمال هي دايرة مصلحتنا فعلًا ، المسارعة في التخوين ده داء ضار جدّا

قحت بلداء وفيهم لوثة أنانية وأمراض السياسة القديمة ، لكن ده ما بيعني أنهم خونة وبيتجاروا بالدم ، لمن نحن ننتقدم مفروض يكون عندنا تصور لأنو نحن دايرين منهم شنو ما بس زول ديرين نلقي عليو اللوم

والله أنا لمن أفكر في أنو لو محلهم حاعمل شنو ، بحسهم في وضع لا يحسدون عليه ، لو عندك موقف أحسن من موقفم قوله وأشرحه بدل ما نرمي زعلنا فيهم بدون واقعية

والله المستعان
#منقووول

تأجيل اجتماعات المجلس العسكري وقوى التغيير إلى أجل غير مسمى على إثر أحداث الأبيض.

وطلعت من بدري....شايل معاي شنطة
والممسحة والكراس.. شان احضر الحصة
ولوطنا نبقى اساس..
ووطنا نادانا.. لبقاءه نكون حراس
وطلعنا بس نهتف... سلمية سلمية
ومعااااانا احلامنا ثورة.. رؤيانا ليها حماس.. ثورة
ضربونا ي يمة.. بي اسلحة الرصاص
ي امي انا مت.. لكني ما خفت..
راكز ركوز الجن.. ثابت ثبات الموت..ثورة
ساعيين لطلب المجد.. لا قينا استاذ احمد💔
#الأبيض_تنزف
#مجزرة_الأبيض

التخوين البظهر كتير لقوى الحرية والتغيير حالياً بكون بسبب الغضب
في ناس بتستغل الغضب وبتخون زيادة وتسوق لخطها

ما في جهة قدرت تلم معظم الثوار عليها غير قوى الحرية والتغيير
الشارع هو البقول كلمتوا وقوى الحرية والتغيير هي البتنظمنا وهي القائد للثورة
اذا في جهة تانية بتقدر تقود الثورة تورينا رأيها شنو؟

نعم الشارع هو البسيطر وبفرض كلمتو لكن الشارع محتاج ناس بتقودوا
ما تقول لي الشارع بقود نفسو
لانو لو الشارع لما ما يلقى قيادة واضحة وهدف معين تلقائيا حيتشتت

الناس دي بتمشي تفاوض وتسافر هنا وهنا عشان تعمل اتفاقيات وووو وهسي مسافرين بنفسهم عشان يشوفو الحاصل
ونحن هنا نخون فيهم ونخش صفحاتهم ونسب ليهم
الناس ديل بشررررررررر يا بشررررررررر

انتوا قايلين حكاية التصعيد دي ما ساهلة؟؟ عادي بيان فيسبوك يقول للناس صعدوا وقفلوا الشوارع وكمية كمية دماء ما تقيف وديل عساكر مقفلين وشفتوهم براكم في الفترة الفاتت
الناس دي بتحاول بقدر الامكان تحفظ دمنا من الهدر ، كفاية الدم الحصل في الفترة الفاتت ، الأمهات بكرهوا الثورة بعد يفقدوا اولادهم ، عايزين كل الامهات يكرهوا الثورة؟؟؟ طيب عاملين الثورة دي عشان شنو؟؟؟
لما قالوا تفاوض قالوا عشان حفظ الدم وعشان البلد دي ما تقع اكتر من الوقعة الفيها حاليا وما تنسوا هم ما في يدهم سلاح عشان تكون عندهم حلول كتيرة

ونحن قدامنا حلين ، يا شوارع تتملي وموت بالالاف يا تفاوض سلمي ونلوك الصبر

الشوارع لا تخون
الشوارع تحتاج الى قيادة موحدة
ما عايزين نتشتت

اي نعم انا بنتقد قوى الحرية والتغيير في اوقات كتيرة لكن حافضل ادعمهم خصوصاً في المواقف الزي دي

سياسة التخوين ما في داعي ليها وما تخلي الغضب يسيطر عليك

#اعلان_الحرية_والتغيير_يمثلني
#قوى_الحرية_والتغيير_تمثلني
#تجمع_المهنيين_السودانيين_يمثلني
By فيصل عمر

كتب دكتور محمد ناجي الاصم

مآلات الغدو والرواح .. ما الذي سيعنيه إنهاء العملية السياسية؟!
- استمرار المجلس العسكري وحيداً في السلطة وتسقط تالت:

مرحلة وقرار #تسقط_ثالث قد تساير هوانا وانفعالاتنا ويمكن أن نصل إلى هذه المرحلة حال اتخذنا القرار بإنهاء التفاوض وإلغاء الإتفاق السياسي الموقع بالأحرف الأولى، ولكن من يستطيع تحمل تكلفة قرار كهذا خاصة مع الوضع الأمني الهش ومع انتشار المليشيات ومع عدم توانيها عن استخدام القوة المفرطة لقمع المتظاهرين السلميين؟ ومن يستطيع أن يضمن استمرارنا جميعاً في التمسك بسلمية الحراك وعدم الانحراف واللجوء للعنف المضاد، وحرب الشوارع المفتوحة والتي ستعني وقبل كل شيء قبر الخيار السياسي وتحويل السودان عملياً وفعلياً إلى حلبة جديدة من حلبات الصراع الإقليمي والدولي..

من المستفيد من هذا السيناريو؟

- القتلة والمجرمين لأن ذلك سيعني إفلاتهم من العقاب فمع كل روح جديدة تسقط تقل قيمة الدم والموت ويتساوى الجميع في القتل وفي سفك الدماء وتغبش وتشوه وتختلط صورة القاتل مع المقتول.
- المحاور الإقليمية جميعها تتمنى الوصول لهذا السيناريو لأنها تتفق جميعاً في ضرورة عدم نجاح الثورة السودانية حتى ولو اختلفت في الأسباب! كما أنها تريد ساحة جديدة للصراع تستطيع عبرها أن تديره بعيداً عن أرواح وممتلكات أبناءها.
- النظام البائد وجيوبه وكعادة كل الأنظمة الديكتاتورية القمعية يعمل حثيثاً وسيظل، من أجل تحويل السودان إلى ساحة للفوضى والتقتيل ليرسل رسالة مفادها أنه من كان يحفظ الأمن، وليشيع في الجميع حالة من الإحباط والندم، وليقوم وقبل كل شيء بإلهاء الجماهير عن ثورتها وعن الأهداف التي قامت من أجلها.

هل استمرار التفاوض واستكمال العملية السياسية هو الخيار؟
ليس الخيار المثالي ولكنه المتاح والمناسب وهو أن يتم استكمال التفاوض حول الإعلان الدستوري بصورة عاجلة وسريعة وأن يتحقق الانتقال للسلطة المدنية وتتشكل مؤسساتها وتعلن الحكومة.

هل سيعني ذلك إنهاء الأزمة؟

الانتقال للسلطة المدنية لن يعني بأي حال من الأحوال انتهاء الأزمة أو توقف محاولات كل الجهات أعلاه لاختطاف الثورة وحرفها عن مسارها ولكنه سيعني أولاً وقبل كل شيء البداية الفعلية في تنفيذ أهداف الثورة وامتلاك قوى الثورة للسلطة والتي ستزيد من قدرتها على القيام بالتغيير المنشود، وفي مواجهة قوى الثورة المضادة وسيناريوهات الفوضى.
وتبقى أدواتنا وأسلحتنا المجربة السلمية والناجحة مسنونة وممتشقة.
فلنعلم جميعا أن كل من يريد أن يجرنا للعنف هو العدو، وأن كل من يشيع فينا الإحباط ولا يقدم البدائل هو العدو.
وأن كل من يعمل على تفتيت عرى وحدتنا هو العدو.
- دعونا نتمسك بوحدتنا وسلميتنا في هذه الأوقات الحالكة.
- دعونا ننهض مجدداً فالرماد يحيط بنا.
- دعونا ننتصر لأرواح الشهداء بتحقيق ما وهبوا من أجله أرواحهم.
- دعونا لاننقض غزل وحدتنا بأيدينا..)

حوجة عاجلة
أحد المصابين من طلاب الابيض،محتاج لي حقن نورو ادرانايل، يرقد العنايه المكثفة في مستشفي الشرطة الخرطوم
الرقم ٠١٢٢٩٣٩٢٩٩

بَناتك عيونهِن صَفاهِن سَماي ، وهَيبة رِجالك بِتسند قَفاي 🇸🇩🖤
جَمالهم ما طَبيعي نهائي 😭🖤💋

المجلس العسكري يوجه بتعطيل الدراسة بكل المراحل التعليمية في البلاد ابتداء من يوم غد الاربعاء وحتى إشعار آخر

أتظن أنك عندمـا أحـرقتنــي
ورقصت كالشيطان فوق رفاتي
وتركتنـــي للذاريــات تـذرّنــي
كحلاً لعين الشمس في الفلـوات
أتظـن أنك قـد طــمست هويتي
ومحــوت تاريخي ومعتقـــداتي
عـبـثاً تحاول لا فنـــاء لثائر
أنــــا كالقيامـــه ذات يـــــوم آت💙🇸🇩🕊️

‏استئناف التفاوض غدا الأربعاء
انتهاء إجتماع اللجان الفنية بين قوى الحرية والتغيير والمجلس العسكري.. وبدء التفاوض مساء الغد بعد وصول وفد الحرية والتغيير من مدينة الأبيض.
لا صحة للخبر المتداول عن تعليق التفاوض.. واجتماع قوى إعلان الحرية والتغيير يقرر وبالأغلبية دخول التفاوض من أجل ‏الوصول إلى انتقال سلمي وتشكيل حكومة مدنية تملأ الفراغ السياسي والاقتصادي والقانوني الذي تعاني منه البلاد.

#الالتزام_باعلان_الحريه_والتغيير