ما تبكي يا عازة لو حتى ليلك طال بُكرة الشمس تَشرق أصلا وَراك رُجال 💔

يا #والده كان شفتي
ضربو الترس رصاص
وانا في الترس واقف
ضربونا رصاصتين
رصاصه لي وطني
ورصاصه ليك إنتي
والعسكري الشافع
الدوشكا في إيدو
زي لعبه الليدو
حقك علي يمه
بس بلغي العسكر
إنو الترس قاعد
والدوشكا ما بتقتل
بقتل سكاتنا الشين

تفرح تقول فات الظلام رصاصة تهمس ليك كضب💔

#الأحداث_الأن

محيط الإعتصام | القيادة العامة

وفد بقيادة ناجي الأصم يجول بين المتاريس لإرجاع الثوار من أجل حمايتهم إلي مكان الإعتصام الأساسي ..

لجنة أطباء السودان المركزية

تقرير ميداني

في محاولات آثمه لفك المتاريس والاعتصام المجيد قامت قوات تابعة للدعم السريع بإطلاق الرصاص علي المعتصمين السلميين وترويعهم وضربهم بالعصي نجم عن ذلك إصابات بالغة وردنا منها :

-إصابات الرصاص:
١- إصابة شاب عشريني بطلق ناري في الصدر
٢- اصابة شاب عشريني بطلق ناري في الركبة
٣- إصابة شاب عشريني بطلق ناري في العنق والآن بغرفة العمليات.
٤- إصابة شاب بطلق ناري في البطن، تجرى له عملية عاجلة الآن داخل غرفة العمليات.
٥- إصابة شاب برصاص في الساق الايمن
٦- إصابة شاب برصاص في البطن
٧- إصابة شاب برصاص في الصدر
٨- إصابة شاب بطلق ناري

اصابات أخرى:
٩- إصابة شاب في الساعد واليد من أثر الضرب
١٠- إصابة شاب بحجر في الرأس
١١- حالة اختناق
١٢- إصابة شاب في الرأس بعد الضرب بالعصي
١٣- إصابة شابة في أنحاء الجسم المتفرقة نتيجة الضرب بهراوات
١٤- إصابة شاب نتيجة الضرب بالعصي
١٥- إصابة شاب في اليد ب...
١٦- إصابة شاب في العنق بكعب البندقية ( الدبشك )
١٧- إصابة

هذا وسنوافيكم بكل تحديث في حينه
عاجل الشفاء للجرحى و اللعنة علي سافكي الدماء والنصر للشعب السوداني الأبي

إعلام اللجنة
١٥ مايو ٢٠١٩م

#السودان_التصعيد_الثوري
#اعتصام_القياده_العامه

https://www.facebook.com/1775598556059386/posts/2324114061207830/

جانب من المخاطبة التوعوية لقوى إعلان الحرية والتغيير للمعتصمين

د. محمد ناجي الأصم

#عااااجل...

بيان لرئيس المجلس العسكري الانتقالي الفريق أول ركن عبدالفتاح البرهان عبدالرحمن عبر تلفزيون السودان بعد قليل...

إعلام المجلس العسكري الإنتقالي 16 مايو 2019 م

⭕️تجمع المهنيين السودانيين

#بيان

شعبنا الأبي، إن السلمية التي ظللنا ننادي بها طيلة شهور الثورة ومانزال هي بحق أيقونة الثورة التي لا يستطيع كائن من كان أن ينزع عنها هذه الصفة ويطعن أو يشكك في جدية التمسك بها، وبتحققها كسمةٍ واضحةٍ من خلال المواكب والتوجيهات لأشهر والتي كانت هي السبب الرئيسي في الوصول لهذه المرحلة المتقدمة في عمر الثورة بعد أن مُهرت بالتضحيات والدماء ووُسمت في الوجوه علامات وفي الأجساد آلام وجراح.

شعبنا العزيز، إن الأمن والدفاع عن المواطنين والوطن هو واجب لكل جندي شريف، وإيماننا بذلك هو ما حملنا لموكب السادس من أبريل الذي تحوَّل لاعتصامٍ مهيبٍ شهد بسلميته وانضباط الثوار خلال تواجدهم فيه العدو قبل الحبيب والغريب قبل القريب، وعندما قلنا وا (قوات شعبنا المسلحة) كنا نعني أننا نحن الشعب، وسلاح هذه القوات هو حصن حمايتنا المتين الذي لن يعكس إتجاهه في أحلك الظروف، وقد سند الشرفاء من صغار الضباط وضباط الصف والجنود الثورة في مشاهد بطولية يحفظها التاريخ، وهؤلاء سيماهم في وجوههم وأثر إقدامهم آية على أجسادهم، ولايزال إيماننا راسخاً بأن قوات شعبنا المسلحة هي القلعة التي تُخذِّل عنا في ساحات الوغى وتصدُّ الأذى في براحات ميادين الاعتصام المجيد.

إن تعليق التفاوض قرار مؤسف ولا يستوعب التطورات التي تمت فى ملف التفاوض ويتجاهل حقيقة تعالي الثوار على الغبن والاحتقان المتصاعد كنتيجة للدماء التي سالت والأرواح التي فقدنا خاصة أن اجتماع أمس الأربعاء كان لوضع آخر النقاط على بنود وثيقة الاتفاق وهو ما سيعني وقف التصعيد وانتفاء أسباب قفل الطرق والشوارع وتطبيع حياة السودانيين كافة.

إن التصعيد السلمي حق مشروع لحماية ما انتزعته جماهير شعبنا بنضالها ودماء الشهداء وعرق الثوار وقد صدر بتوافق تام بين مكونات قوى إعلان الحرية والتغيير قبل انطلاق جولات التفاوض، والمتاريس الموجودة منذ السادس من أبريل حصوناً بناها الثوار دفاعاً عن أنفسهم، وخطوط السكة الحديد مفتوحة منذ 26 أبريل وقبل أي طلبٍ، وبتوافق بين لجان الميدان وهيئة السكك الحديد، وقد قررنا مسبقاً تحديد منطقة الاعتصام وقمنا بخطوات في ذلك في سبيل ضبط وحدة الحركة الجماهيرية السلمية ومن أجل استمرار تماسكها، وبذلك تنتفي كل مبررات وقف المفاوضات من طرف واحد وهو ما يخل بمبدأ الشراكة وينسف دعاوى التوافق بما يسمح بالعودة لمربع التسويف في تسليم السلطة.

شعبنا المنتصر، إن حرصنا على التمسك بما توصلنا له من اتفاق مع المجلس العسكري عبر المكون التحالفي في قوى الحرية والتغيير يجعل الحكمة هي ضالتنا في التعامل مع المستجدات في الساحة السياسية، ولكن ذلك لا يمنعنا من رد الاتهامات في أي وقت ومن أي شخص، وما الاتهام بانتفاء سلمية الثورة إلا طعن في وطنية الشرفاء من بنات الوطن وأبنائه الذين كظموا الغيظ وكتموا الغضب في خضم سيل الدماء من صدور رفاقهم بفعل الرصاص، فالسلمية لم تعد شعاراً تردده الحلوق بل أصبح طوق نجاة للشعوب المستضعفة من عسف الحكام المستبدين، وتحوَّل لسلاحٍ نموذجي يهزم أعظم الترسانات ويهز عروش الطغاة. لا يوجد أي تبرير لفتح النيران على صدور المواطنين العُزَّل ولا يمكن أن يكون التعامل مع الثوار السلميين - في أقصى حالات التفلت - هو ضربهم بالرصاص الحي وقتلهم، ولذلك نريد للقانون الذي يلوح في الخُطب أن يصبح تطبيقاً عملياً فوق الجميع.

إننا لا نرضى الاتهام بانتفاء سلمية ثورتنا عبر البيانات العابرة والتصريحات المقتضبة، بل نطالب بإجراء التحقيقات العاجلة حول المجزرة الدموية التي وقعت مساء الاثنين 13 مايو 2019 والتي ارتقى إثرها شهداء أعزاء من الثوار ومن قواتنا المسلحة الباسلة، ففي تلك التهمة يكمن ظلم عظيم لكل مكونات الشعب السوداني بما فيه الضباط والجنود الذين ما فتئوا يحرصون على صيانة الثورة من الانسياق للعنف والعنف المضاد، فالسلمية كسب زرعنا بذرته وننتظر حصاده معاً ونحميه من غدر الغادرين بعزم وإباء وإصرار وصبر.

جماهير شعبنا الأبي
إن كل هذه القضايا طبيعتها سياسية وليست أمنية، وبذلك فإن محاولات جرَّها لخانة الملفات الأمنية يعتبر تجييراً لمكتسبات الثورة وتغبيشاً للوقائع، فلقد حققنا من خلال التفاوض مع المجلس العسكري التوافق حول القضايا الأساسية لنقل السلطة للشعب استكمالاً لمهام ثورتنا ولتحقيق كافة مطالب جماهير شعبنا، وكانت جلسة أول أمس نقلة متقدمة في مسار التفاوض، عليه سيستمر اعتصامنا بالقيادة العامة وكافة ميادين الاعتصام في البلاد وستتواصل مواكبنا وجداولنا متمسكين بسلميتنا لفضح وعزل قوى الثورة المضادة وتصفية ركائز نظام الإنقاذ وسياساته وقوانينه ومؤسساته القمعية وإنجاز برنامج إعلان قوى الحرية والتغيير.

قوى إعلان الحرية والتغيير
١٦ مايو ٢٠١٩

#السودان_التصعيد_الثوري
#اعتصام_القياده_العامه

لَكنه الوَطن الذي نَهوى فَمن للحَبيب إذَا رَحَلنا

_

ياخوانا سلامات ..انا وصحباتي دايرين نعمل فطور نوديو القيادة..والفطور دا محتاج تمويل ..انا براي م بقدر اسد حوجة..لكن مع بعض بنقدر ..بما انو ما كلنا بنقدر نتوفق في الصبة لاسباب كتيرة خاصه البنات يعني ..ف دة ممكن يساهم في الاعتصام بصورة غير مباشرة ...ولانو والله انا شفت الفطور هناك وقت الفطور الناس بتعاني كيف..ما بكون في اكل كافي حسب الحظ بس وحرفيا بكون يدوب الناس تلحق تشرب ليها مويه...والله وضع سيئ حرفيا...ف يعني الثورة عمل تراكمي وكل خطوة بتلز التانيه ..ان شاء الله لو نعمل للناس فته عدس ..وتسد جوعهم يقدرو يقيفو ويكملو مبيت بدل يرجعو البيت نكون كدا حافظنا علي كتله الاعتصام ...المهم انا بؤمن بالمجهودات الصغيرة خاصه ف العمل الثوري دة ..ولانو دة كل البقدر اقدمو اسي
فااا بس يعني ..عاوزين منكم شير لو تكرمتم الساهل بس ..والعندو نيه يساعد باي شي 0999277556 اريبا
0963410027 زين
0128171955 سوداني
وده رقم الحساب للتحويل البنكي
1894416

احمد زاكر
بنك الخرطوم
فرع النيل

خطبة الجمعة من ميدان الاعتصام
#فضيلة (الشيخ د. مهران ماهر عثمان)

تحدث عن درء الفتنة وطالب من قوى الحرية والتغيير والمجلس العسكري عدم المساس بالدستور الى ان تسلم البلاد الى حكومة منتخبة حتى لا يحدث صراع في المرحلة الانتقالية 💙
#اعتصام_القياده_العامه

اما يكفيك يا وطن💔

ربنا يرحموا ويغفر ليهو ويتغمده بواسع رحمته ربنا تقبله شهيدا عندك وارحمه وارحمنا

⭕️لجنة أطباء السودان المركزية

عــاجل

ارتقى إلى رحمة الله قبل قليل شهيداً بإذنه تعالى

بكري أحمد بكري خير الله، ٢٨ سنة

متأثراً بجراح أصابته في موكب السابع من أبريل، تعرض فيه لإصابة بثلاثة أعيرة نارية، اثنان في البطن والثالثة في العمود الفقري تطلبت تدخلاً جراحياَ.
ظل الشهيد من حينها طريح الفراش الأبيض بمستشفى فيوتشر إلى أن أسلم روحه الطاهرة.

إنا لله وإنا إليه راجعون

إعلام اللجنة
١٧ مايو ٢٠١٩م

#السودان_السياده_المدنيه
#اعتصام_القياده_العامه

‏شاب يدخل الإسلام في ساحة الاعتصام بالقيادة العامة بعد صلاة الجمعة ويلقي الشهادة على يد الشيخ نصر الدين مفرح
#اعتصام_القيادة_العامة

اقرأ كلامي ده Nazim Sirag
...
السلام عليكم.. مساء الخير
عايزه احكي ليكم عن فيلم ممنوع من العرض... بس لازم تشوفو معاي مشاهده كامله ما ينفع تقولو البوست طويل...الفيلم يستاهل صراحه
....
مرات الواحد بيتجر ويتآخد في خضم الاحداث وبيكون رأيي واضح.. لكن لما يروق كده ويفكر من زاويه تانيه بعيده بيلقى انه رأيه البناه قبيل داك كان خطأ...
الكلام الحاقوله ما تاهجموني فيه.. افهموه كويييس.. بعد داك يا تأييد يا اعتراض زي ما عايزين..بس بروقه كده بدون هيجه وتعصب..
اتخيلو انكم قاعدين ورا شاشه وبتشوفو فيلم بس
....
***
: البيقتلو في اليومين الفاتو ديل ما دعم سريع... ايييووه.. ما دعم سريع... حميدتي ككو وكعب ومليشيا واي شي.. بس ما هو العمل البلابل الفي اليومين الفاتو ديل... ديل الكيزان زااااتهم.. ديل كل الاطراف الماعايزه الامور تمشي... سواء امن ولا كتائب زفت ولا ايييي شي... ديل هم المجرمين الكانو بيدقو ايام المظاهرات ورجعو يدقو الان.. ديل الجبناء الكانو بيجو يوم 6 ابريل والايام البعدها اخر الليل والتركيز قل.. ديل هم نفسهم المشو لمعتصمين الكهربا قريب الاذان.. وهم نفسهم البيجو للترس قريب الاذان...
سؤالي اوجهه ليك وانت جاوب... ليه حميدتي وقواته ما قتلو من زمان.. اشمعنى مع بوادر الاتفاق!؟.. اسأل نفسك حميدتي يقتل هسه ليييه؟.. المبرر شنو؟.. وبراك شوف مبرر الكيزان والدوله العميقه شنو؟؟؟
اربطو الخيوط وشوفو هيجه المتأسلم الجزولي هسه في شنو وخايف ع الاسلام من شنو فجأه؟؟!
شفت الصوره بدت توضح كيف؟
والمجلس العسكري؟... فيه الكويسين وفيييييه الكيزاااان البيدو أوامر بفض الاعتصام... وباين فيه عدم اتفاق وبلبله بيناتهم..
والجيش؟
الجيش جيشنا واحنا اهله وبنستاهله...
وكلللللل المتخاذلين الظاهرين في الواجهه ديل من العربات الما بيلحقو الثوار وقت المجزره ديل هم المسيرنهم الكيزاااااان... الرتب العاليه البتدي الاوامر.. والبيخالف بيتسجن والحاجه دي ما غايبه عليكم..
....
ركزو في الشوارع... رجع قفيل شوارع رئيسيه وحرق لساتك بدون اي تواجد بشري.. زي اليوم شارع الصحافه زلط وانت ماشي ع الغالي وزي شارع ابو حمامه والسجانه.. الما اتقفل وقت المظاهرات يتقفل هسه... ده شغل كيزان وعملوووه قبل كده يولع ويمشي..شغل باين عليه بدون تنظيم لجان الاحياء... بس انتو ركزو في المشاهد واجمعوها عشان تشوفو الفيلم كامل...
الناس كلها عايزه حميدتي يرجع الحدود هسسسه... ماااا حننكر انه حميدتي كان من ادوات حماية الثوره في اوقات اعتصام القياده كان رضينا ولا نططنا ابينا.. وهسه سمعت من الناس ( رغم اني ما بحب سمعت دي لاني بحب اسمع باضاني) انه حميدتي ده طلع ونفى انه ديل قواته... طيب ليه الكيزااان عايزين حميدتي يمشي الحدود ويخلونا ننساق ورا الحاجه دي... عشاااان يفضو ليييينا... تاااني.. حميدتي ككو وكععععب وبشتن ناس دارفور حسب ما بنقرأ وااااي شي ومفروووض يتحاسب... لكن ما اطلق رصاصه في وشنا وقت بشه جابو من هناك عشان يحميه ويرشنا.. وماااا عمل كده... يقوم يعمل معركه هزيله عشان ترس؟؟؟؟ يقتل ليه كم نفر ويصيب كم نفر وهو ترسانته تقدر تبيد الالاف في ساعه واحده؟؟؟
....
الفيلم ده وقع ليك؟
الكيزان عايزنكم تشوفو فيلم الشرير حميدتي يقتل الثوار والتجمع يتواطأ ويتخاذل والجيش ضعيف وكعب ثم يأتي حماة الاسلام ع ظهور الخيول براياتهم ليحمو الشعب والشريعه
...
في حين انه وراء الكواليس شيئ اخر ومشاهد مغايزه...

اعتصام القيادة القضارف 5/17

جمال ثورتنا ♥️♥️♥️

تقريبا حميد _ربنا يطيّب ثراه_ كان بيخاطب انتهازي الشريعة بتاعين الليلة ديل لما قال:
"كنتو وين
وين انتو كنتو
لما فضل الدين عباية
تربي فوق كتف الغنايا
تنتصب في الجو طوابق
تنقلب في التو بنوكة
للبداهن
والبنافق
والبوافق
لما كان نفس العبايا
تتنفخ بي قدرة حبلا
لي قصار عمر الكحايا
من جُنب تنسلَّ سيفًا
عبّر السواهو سارق
شدة الفقر الخرافي
حدة الشغل اللي مافي
رغم الاف المتاجر
والخوازيق والمرافق"

#لم_تسقط_بعد

وتُهدينا الحَياة أضواء فِي أخِر النّفق تَدعونا كي نَنسى ألماً عِشنا 🖤🇸🇩
#اعتصام_القياده_العامه

#تعميم_مهم
يعلن المجلس العسكري الإنتقالي إستئناف التفاوض مع إعلان قوي الحرية والتغيير غدا الأحد 14 رمضان الموافق 19 مايو 2019 بالقصر الجمهوري
الخرطوم 18 مايو2019
إعلام المجلس العسكري الإنتقالي