الجوطه الحاصله دي ورتك شنو؟؟؟

#انا عرفته انو اي زول مرطب وعندو قروش ما حيقيف معانا...قتلونا ولا خنقونا م عندو فينا شغله..

#اكتشفته انو الاعلام ده العدو الاول..
الا يموت "والي" ولا فنان...
لكن "الغناء"شغال ما دام الميت مواطن..

#عرفته انو اليدو في النار ما زي اليدو في النيل الازرق..
تاني مافي زول يقول لي لوشي قالت وتهاني قالت..
مافي مذيعه بتشبهنا...قتلونا ونبذونا..

#عرفته انو الفنانين بظهرو لمن نستف شنطنا بس..لكن لمن نكون مجهجين كدا مابظهرو..
انا شخصيا كنت متأكده..
يعني ما ممكن فنان بقول احيييييا ويجي يقيف معاك..
واقفين في كوفير نحنا؟؟دي ثوره..

#عرفته انو القونات الكانو بقولو"قلتو وبستحمل مسؤليتو" ديل كضابات ساي..ماقالو اي شي..



#وعرفته انو الجيل الجاي ما حيسكت..شفنا اولاد عمرهم 15 سنه..ماتو عشان حقهم..

إلاّ باكر يا حليوة

لمـّا أولادنا السمر

يبقوا أفراحنا البنمسح بيها أحزان الزمن

نمشى فى كل الدروب الواسعة ديك

والرواكيب الصغيرة تبقى أكبر من مدن 🖤💚❤️🇸🇩✌️🏾
#مدن_السودان_تنتفض #Civil_disobedience_in_Sudan

إذا وجدتموهم في المظاهرات اضربوهم ونكّلوا بهم 🙌🏽🔥

أحمد يحي #حب_وسلام🙏🏽❤️

باريس

#مدن_السودان_تنتفض

الحب والثورة ❤️🔥

#مدن_السودان_تنتفض
#الثوره_خيار_الشعب

اعفي لينا
و اعفي للوطن المُندب
يوم جعل عينيكا فاضت
و خلا قلبك انقهر...💔
اعفي لينا الحسرة
و الوجع الكبيير
لكنو ولدك يابا
حتماً انتصر...
يوم جاطت المدن
التندي بسالة
ترمي رجالا
في جوف الخطر ..
يوم اشرع اولادنا الصدور
يتلقو رُصّاص الكجر..
صدقنا و الغضب النزل
في قلوب اهالينا استعر..
ان شاء الله دم اولادنا
ما حيروح هدر.. ✌️🇸🇩🔥

-سرّاء

#مدن_السودان_تنتفض

قسما قسما لن ننهار
إستاد الخرطوم الان يلتهب 🔥👌

قَبل ما تِختار طَريقك أبْقَى واثِق مِن رَفيقك 🇸🇩💪🏾🖤💚❤️
#مدن_السودان_تنتفض #Civil_disobedience_in_Sudan #الثورة_خيار_الشعب

كيفن ننوم !
والطلقة مابتفرز القلب الوفي من البخون
دَم الشهيد بكم؟! ولا السؤال ممنوع
دم الشهيد غالي والإتكسر في الروح ما بجبروا الوالي
#لن_نغفر
#اوقفوا_ضرب_متظاهرين_السودان_بالرصاص

بيان هام

مهندسي بلادي الشرفاء:
لم يعد السكوت ممكناً.. ولا الحياد بإسم المهنية والمطالب النقابية مقبولاً فأول مطالبنا النقابية هي الحرية والديمقراطية التي لا تكون بدونها نقابة أو مطلب. وفي الوقت الذي يقتل فيه النظام شعبنا بدم بارد يجب أن نعلن أننا ضد النظام بكل مكوناته.
عليه فالمبادرة تتوجه بالنداء لكل المهندسين للاصطفاف ضد القتل والقهر ولندعم موكب المهنيين والقوى الوطنية غداً الثلاثاء 25 ديسمبر لمطالبة النظام بالرحيل. ولننضم للتظاهرات والاحتجاجات في كل ركن ومنزل.. ولننظم صفوفنا في لجان المبادرة ولجان المقاومة لاقتلاع النظام.
الحرية مطلب كل نقابي شريف.
فلتسقط حكومة القتل.
لجنة مبادرة إسترداد نقابة المهندسين
24-12-2018م


#مدن_السودان_تنتفض

عاجل|
ناشطون: ﺗﻈﺎﻫﺮﺍﺕ ﻟﻴﻠﻴﺔ ﻓﻲ ﺍﻷﺑﻴﺾ.

#مصدر موثوق

جماهير المريخ تطرد الشرطه من داخل الاستاد وتهتف باسقاط النظام. .

‏يا صاحي قبل الطير
‏والدنيا شتوية
‏ﺑﻖ في ﺍﻟﺸﻮﺍﺭﻉ ﺑﻖ
‏ﻏﻀﺒﻚ ﻋﻼنية
‏ﻓﺎﺕ ﺍﻟﺴﻜﺎﺕ ﺍلحد
‏ﺟﺎﺕ ﺍﻟﻀﺮﻭﺭية
‏ﻏﻨﻲ ﺍﻟﻐﻨﺎﻭﻱ ﺍﻟﺠﺪ
‏ﻏﻨﻴﻬﺎ ﺟﻬﺮية
‏ﺃﻭﻟﻰ ﺍﻧﺖ ببلدك
ﻭﻻ ﺍﻟﺤﺮﺍﻣية؟

#سلميه_سلميه_ضد_الحراميه
#مدن_السودان_تنتفض

تقريباً حتكون من شروط اختيار زوج المستقبل انو يكون طلع في الاحداث دي❤️