كان شُفتي في دا اللّيل
يا يُمّا دفق السّيل
أولاد كمَا المِصباح
شايلين همُوم الجِيل
لا خافُوا موت لا سِلاح
لا قالُوا نرجَى صبَاح
باللّيل دا بس نِجتاح
ليلَة العدِيل و الزّين
من الهِلال مرقُوا
في ليلَة القمرَا
قالُوا الوطَن حقُو
نقدِّمو و نبرَاه
فرحَانة يا يُمّا
كان نقَص أو تمَّ
الخُطوة ما هينَة
كان المسَار ضلمَة
في كُلّ يوم خُطوة
بنوصَل و ننجمّ. ✌️🏽♥️🖤💚🇸🇩
#مدن_السودان_تنتفض
#حرية_سلام_وعدالة
#الثورة_خيار_الشعب

-
يا ﻭﺍﻟﺪﺓ ﺃﻋﻔﻴﻠﻲ ..
ﻭﻋﺪﻱ ﺍﻟﻘﻄﻌﺘﻮ ﻣﻌﺎﻙ ..
ﺇﻧﻮ ﺍﻟﻜﻼﻡ ﻣﻤﻨﻮﻉ .. ﻓﻲ ﺷﻠﺔ ﺍﻟﺤﻜﺎﻡ
ﻳﺎ ﻭﺍﻟﺪﺓ ﺩﻣﻲ ﺑﻔﻮﺭ .. ﻟﻤﺎ ﺍﻟﺒﻠﺪ ﺗﻐﻠﻲ ..
ﻟﻤﺎ ﺍﻟﻌﺴﺎﻛﺮ ﺩﻳﻞ .. ﺍﻟﺸﻮﻫﻮ ﺍﻹﺳﻼﻡ
ﺟﺎﻳﺒﻴﻦ ﺗﻔﺎﻫﺎﺗﻢ ..
ﺳﺠﻨﻮﻧﺎ ﺑﺎﺳﻢ ﺍﻟﺪﻳﻦ ..
ﺣﺮﻗﻮﻧﺎ ﺑﺎﺳﻢ ﺍﻟﺪﻳﻦ ..
ﺣﻘﺮﻭﻧﺎ ﺑﺎﺳﻢ ﺍﻟﺪﻳﻦ ..
ﻛﺘﻠﻮﻧﺎ ﺑﺈﺳﻢ ﺍﻟﺪﻳﻦ ..
ﺍﻟﺪﻳﻦ ﺑﺮﻱﺀ ﻳﻤﺔ ..
ﺍﻟﺪﻳﻦ ﺑﻘﻮﻝ ﺍﻟﺰﻭﻝ .. ﺇﻥ ﺧﻠﻰ ﺣﻘﻮ ﻳﻤﻮﺕ ..
ﺑﻴﺨﺎﻭﻱ ﻓﻲ ﺷﻴﻄﺎﻥ ..
ﺍﻟﺪﻳﻦ ﺑﻘﻮﻝ ﺗﻤﺮﻕ ..
ﺗﻤﺮﻕ ﺗﻘﻴﻒ ﻓﻲ ﺍﻟﻀﺪ .. ﻭﺗﻮﺍﺟﻪ ﺍﻟﺤﻜﺎﻡ ..
ﺍﻟﺪﻳﻦ ﺑﻘﻮﻝ ﺍﻟﺰﻭﻝ .. ﺇﻥ ﺷﺎﻑ ﻏﻠﻂ ﻣﻨﻜﺮ ..
ﻣﺎ ﻳﻨﻜﺘﻢ ﻳﺴﻜﺖ ..
ﺑﺒﻘﻰ ﺍﻟﻐﻠﻂ ﺳﺘﻴﻦ ..
ﻛﻮﺯ ﺍﻟﺴﺠﻢ ﺑﻴﻐﺮﻑ .. ﻓﻲ ﺧﻴﺮﻧﺎ ﻭﻳﺘﻤﺘﻊ ..
ﻧﺤﻦ ﺍﻟﺴﻘﻴﻨﺎ ﺍﻟﻨﻴﻞ .. ﻣﻦ ﺩﻣﻨﺎ ﺍﻟﻔﺎﻳﺮ ..
ﻣﺎ ﺑﻨﻨﻜﺘﻢ ﻧﺴﻜﺖ .. ﻓﻲ ﻭﺵ ﻋﻤﻴﻞ ﺟﺎﻳﺮ ..
ﺍﻟﺨﻮﻑ ﻋﺪﻳﻢ ﺍﻟﺴﺎﺱ .. ﻭﺃﻧﺎ ﺟﺪﻱ ﺗﺮﻫﺎﻗﺎ ....
ﺣﺒﻮﺑﺘﻲ ﻛﻨﺪﺍﻛﺔ .. ﻭﻋﺒﺪ ﺍﻟﻔﻀﻴﻞ ﺍﻟﻤﺎﻅ
ﻓﺮﺍﺱ ﺑﺸﻴﻠﻮ ﺍﻟﺮﺃﺱ ..
ﻳﻤﺔ ﺍﻟﺸﺒﺎﺏ ﺑﺤﻴﻮ .. ﻭﺃﻧﺎ ﺑﺎﻟﺴﻜﻮﺕ ﻣﻴﺖ ..
ﻫﺰﺍﻉ ... ﻭﺳﻨﻬﻮﺭﻱ .. ﺃﻳﻤﻦ ﻭﻟﻲ ﺍﻟﺪﻳﻦ ..
ﺣﺎﺯﻡ ﻭﻓﺎﺀ ﻭﺃﺣﻤﺪ .. ﺩﻳﻞ ﻛﻠﻬﻢ ﺣﻴﻴﻦ
ﺃﻛﺮﻡ ﺻﻬﻴﺐ ﺃﺣﻤﺪ .. ﻭﻣﺤﻤﺪ ﺍﻟﺨﺎﺗﻢ ..
ﻣﺎﺯﻥ ... ﻣﻨﻰ ... ﻭﻋﺎﺻﻢ .. ﻻﺑﺴﻴﻦ ﺣﺮﻳﺮ ﺃﺧﻀﺮ
ﺳﻨﺪﺱ ﻭﺇﺳﺘﺒﺮﻕ .. ﻭﺃﻧﺎ " ﺩﻣﻲ " ﺑﺘﻔﺮّﻕ
ﺳﺎﻛﺖ ﻭﺑﺘﻔﺮﺝ .. ﻭﺃﻡ ﺩﺭ ﻋﺮﻭﺱ ﺍﻟﻨﻴﻞ ..
ﻻﺑﺴﺔ ﺍﻟﺮﺣﻂ ﻭﺍﻟﺤﻖ .. ﻣﻠﻴﺎﻥ ﺑﺨﻮﺭ ﻭﻟﺒﺎﻥ ..
ﻭﻳﺰﻏﺮﺩﻥ ﻧﺴﻮﺍﻥ .. ﻟﻠﻜﻞ ﻳﻮﻡ ﻋﺮﺳﺎﻥ
ﻭﺍﻧﺎ ﻳﻤﺔ ﺩﻣﻲ ﺑﻔﻮﺭ ..
ﻣﺎ ﺑﻨﻜﺘﻢ ﻭﺃﺳﻜﺖ ..ﺇﻻ ﺍﻟﻌﺴﺲ ﺩﻩ ﻳﻐﻮﺭ ..
ﺇﻥ ﻛﺎﻥ ﺳﺠﻦ ﻳﻤﺔ .. ﺳﺠﻨﺎً ﻳﻜﻮﺳﻮ ﺭﺟﺎﻝ ..
ﺳﺠﻨﺎً ﻣﻼﻥ ﺛﻮﺍﺭ .. ﻣﺎ ﻗﺎﻟﻮﺍ ﻓﻴﻮ ﺳﺮّﺍﻕ ..
ﻣﺎ ﺃﻧﺪﺱ ﻓﻴﻮ ﺧﺎﺋﻦ .. ﻣﺎﻓﻴﻬﻮ ﻭﻟﺪﺍً ﻋﺎﻕ ..
ﻓﻴﻬﻮ ﺍﻟﺸﺮﻑ ﺫﻣﺔ .. ﻓﻴﻬﻮ ﺍﻟﻐﺒﺎﺵ ﺩﻓﺎﻕ ..
ﺍﻟﻀﺎﻕ ﻟﻬﻴﺐ ﺍﻟﺸﻤﺲ .. ﺭﺍﺡ ﻳﻘﻬﺮ ﺍﻟﺮﻗﺮﺍﻕ ..
ﻭﺇﻥ ﻛﻨﺘﻲ ﺧﺎﻳﻔﺔ ﺍﻟﻤﻮﺕ .. ﻳﻤﺔ ﺍﻟﺮﺟﺎﻝ ﺃﺣﺮﺍﺭ
ﺷﻦ ﻓﺎﻳﺪﺓ ﺍﻟﻌﻴﺸﺔ .. ﻭﺍﻟﺮﻭﺡ ﻣﻮﻟﻌﺔ ﻧﺎﺭ
ﺍﻟﻄﻠﻘﺔ ﻳﻤﺔ ﺟﻮﺍﺯ .. ﻟﻲ ﺣﻘﻨﺎ ﺍﻟﻤﻘﻠﻮﻉ
ﺍﻟﻄﻠﻘﺔ ﻳﻤﺔ ﺧﻼﺹ .. ﻟﻲ ﺯﻭﻝ ﺧﻼﺹ ﻣﻮﺟﻮﻉ
ﺍﻟﻄﻠﻘﺔ ﻳﻤﺔ ﻃﻠﻮﻉ .. ﻣﻦ ﺫﻝ ﻣﻬﺎﻧﺔ ﻭﺟﻮﻉ
ﺍﻟﻄﻠﻘﺔ ﻳﻤﺔ ﻏﺴﻮﻝ ..
ﺍﻟﻄﻠﻘﺔ ﻳﻤﺔ ﺛﻤﻦ .. ﻟﻲ ﻛﻠﻤﺔ ﺳﻤﺤﺔ ﻭﻗﻮﻝ
ﺍﻟﻄﻠﻘﺔ ﻳﻤﺔ ﺣﻴﺎﺓ .. ﻟﻲ ﺯﻭﻝ ﺟﺮﻳﺢ ﻣﻘﺘﻮﻝ
ﺯﻱ ﻭﺧﺰﺓ ﺍﻟﺸﻮﻛﺔ .. ﺃﻗﺼﺮ ﻛﻤﺎﻥ ﻓﻲ ﺍﻟﻄﻮﻝ
ﻗﺎﻝ ﺍﻟﻤﻨﺎﺿﻞ ﻳﻮﻡ ..
ﺍﻟﻄﻠﻘﺔ ﻣﺎ ﺑﺘﺤﺮﻕ ..
ﺑﻴﺤﺮﻕ ﺳﻜﺎﺕ .. ﺍﻟﺰﻭﻝ
ﺑﻴﺤﺮﻕ ﺳﻜﺎﺕ الزول

والطلقة ما بتقتل ...
بقتل سكات الزول...

#مدن_السودان_تنتفض✌🏻🔥

ونَعود عُزاز زَيّ ما مَضى
وقُلوبْنَا يَروِيها الرِضَا ✌️🏾🖤💚❤️🇸🇩

دعاء في جوف الليل على الظلمة القتلة الفاسدين 🤲🏽🇸🇩

قُول للبنيه الخايفه مِن نار الحُروف تحرق بويتات الفريق ، قول ليها ما تتخوّفي ، دي النسمه بتجيب الامل والامل بصبح رفيق والاصلو في الجوف أندفن لا بتنسي لا بتمحي لا بتنهي منو الحريق ✌️🏾🖤💚❤️
#مدن_السودان_تنتفض

اليوم 23/12/2018
المكان استاد الهلال امدرمان
الزمان الساعه ٩ مساء
الكوره خلصت ومافي اي شي حصل لسا
في اتنين شجعان بدو الهتاف الشعب يريد اسقاط النظام
في اتنين خشو معاهم الصوت على اكتر
في لحظات بسيطه كل المدرج هتافو زاد والصوت بقى اعلى
لحظه تانيه نص الاستاد بدا يهتف
الابطال طلعو الشارع العدد كبر
من استاد الهلال لشارع العرضه الهتافات اكتر والعدد زايد
وصلنا شارع الاربعين واتجهنا على شارع السلاح الطبي
العدد ماشي في زياده
ما اقدر اوصف ليكم كميه الحماس والطاقه الكانت في
الصوت كان واحد وعالي وبتسمع على بعد .. و ماشين وسط زغاريد النسوان و بشّير الاعمام الكبار ..
يعني والله ما شفنا مخرب وااحد في المظاهرة دي ياخي كانو اغلبيتهم شباب ب درجة وعي عالية جدا ياخي حتى الاطفال البجو كانو برجعوهم من المظاهرة ..
كنا شعب واحد واحساس الفخر لاول مره ب بلدك وب اخوانك المعاك كل زول بيوجه الجنبو وكل زول خايف على كل المعاهو وكلنا بصوت واحد نحن جند الله جند الوطن
وعلم السودان مرفوع فوق
ااااخ ياخ من الاحساس والله فاااااااتكم
والحمدلله على كميه الرضا والفرح الحاسينو الليله

ووصلنا السلاح الطبي وما ادراك ما السلاح الطبي وقفنا في الصينيه وفي لحظه جو ناس الامن والغريبه انو طول الطريق ما ظهرو وقلنا دا شرك بعد عايزين نخش الكبري
بدو يضربو البمبان الناس جرت راجعين جزو خش بانت شرق وجزو خش السلاح الطبي
ومن هنا اكبر تحيه للجياشه ما قصرو والله تب وتسلم البطن الجابتهم دخلونا السلاح ومنعو ناس الامن والشغب يخشو لينا
لدرجه علت اصواتهم وفي ضابط جيش ياسللااام عليهو قال لعساكرو السلاح الشايلنو دا شايلنو شكل ؟؟ اضربو نار في اي زول يجي من الشرطه ولا الامن خاشي السلاح ومافي زول من الشباب ديل يطلعوهم بره
مع انو في بمبانين اتضربو جوه الباركنق بتاع السلاح
ولا راعو لعيانين ولا مرافقين ولا انو المنطقه تابعه للجيش
شويه شويه المتظاهرين طلعو بعربات الخاصه ماقصرو معانا الشباب كلهم والله شكرا ليكم
وماننسى الناس الكانت بتدعي لينا والله دعوااااتكم وصلتنا والله انتصرنا وكان يوم والله للتاريخ
مافي زول مننا حاينساهو كان من اجمل ايام حياتنا والله
في النهايه عايز انبهكم بتمنى انو الناس ماتنشر اي بوست الا تتاكد منو مع انو عارفين نيتكم صافيه بس برضو الناس تعمل حسابها وتتاكد

تحيه ل اولاد امدرمان ولمشجعين الهلال
وتحيه خاصه للاربعه الشباب الولعو الشراره
والله ابطال

ربنا يحفظ بلدنا وشعبنا وان شاء الله تكون سنه جديده كلها خير وبركه ويسر على الناس
لانشوف جيعان ولا عيان ماقادر ياكل ولا يتعالج

ويرحم شهدائنا الابطال ونهدي لاهلهم اليوم دا وما كفيناكم ولا وفيناكم حقكم
واي زول اتضرب الليله ولا اعتقلوهو بقول ليهو الطلقه ما بتقتل بقتل سكات الزول
و كنت راجل شجاع
#مدن_السودان_تنتفض

‏بيان من #تجمع_المهنيين_السودانيين :

تغيير مكان وطبيعة فعالية 25 ديسمبر
والتوجه الى القصر الجمهوري وتسليم مذكرة تطالب بتنحي الرئيس السوداني فوراً.


#مدن_السودان_تنتفض

‏انا عماد الدين حسين الصادق املك مصنع للاوكسجين الطبي والصناعي اي مريض يحتاج للاكسجين مستعدين عبوة الاسطوانة مجانا مع خدمة التوصيل انشروا المعلومة
جواله :
0912399393

الكل ينشر عشان الناس الجد تعبانه
‎#ريتويت
‎#منقول
‎#مدن_السودان_تنتفض

Omer yasin
يوم 23 ديسمبر ..

مظاهرات امبارح خلقت مني شخصية تاني .. جددت الثقة و الامل بصورة ما طبيعية
الصباح أحبطت مرتين كنت بمشي العربي على أساس في وقفة و بتصدم بانو ماف ناس .. المبارة دي كان الأمل الأخير يا اواصل عشان ارضى ضميري بس ولا اواصل بكل ما أوتيت من قوة عشان ننتصر بالجد. .
امبارح حسيت انو خلاص بقينا واعين كفاية عشان نقود تغيير حقيقي

بداية من انو الناس منعت اي زول حاول يخرب او يكسر داخل الإستاد و اتعاملت مع الناس ديل بحزم ..
الناس كان بتحاول توحد الهتافات و كل مجموعة بقت تتطلب يكون في قائد واحد
التعامل مع المصابين بقى بحكمة اكبر ما مجرد اندفع عاطفي
حاجز الخوف بدأ يتكسر و الناس بتقاوم الأمن كويس
لمن هربنا في الأحياء كل البيوت اتفتحت و اصروا يدخوا اي زول مصاب .. و ناس العباسية وزعوا لينا كمامات فيها موية خميرة يعني الناس دي بقت مستعدة و بتحاول تساعد بالبتقدر عليه ..
اي زول شال طوبة و قبل على العربات ولا المحلات العامة بلقى في مية يد منعته حتى يفكر في انو يخرب ..
لمن اتفرقنا ف الحلة و بنحاول نشتت ناس الأمن. .كان كل ما نجي ف تقاطع كان بتقدم واحد يكشف الشارع اول .. الناس بتتعامل كتيم و كاننا بنعرف بعض من بدري ..
اي بتاع عربية ماشي ف الشارع كان بهتف لينا و بتاعين الركشات ما قصروا دعمونا ب بنزين

و نموت عشان يحيا الوطن
ننزع من الجوف المخاوف و نجدعا
نزرع بدل خوف المخاطر حبها
نمضي ما بمنعنا ضيق
ما الحق ملاك و الظلم شيطانا رجيم ✌✌
#مدن_السودان_تنتفض
#اوقفوا_ضرب_المتظاهرين_السودانين_بالنار

أرجع وأقُول : صُورة اليوم وكُلَ يوم ☹️🐥🖤💚❤️🇸🇩
#مدن_السودان_تنتفض
#Civil_disobedience_in_Sudan

Happiness can found even in the darkest of time, if only remember to Turn On THE LIGHT 🕯🖤

الجوطه الحاصله دي ورتك شنو؟؟؟

#انا عرفته انو اي زول مرطب وعندو قروش ما حيقيف معانا...قتلونا ولا خنقونا م عندو فينا شغله..

#اكتشفته انو الاعلام ده العدو الاول..
الا يموت "والي" ولا فنان...
لكن "الغناء"شغال ما دام الميت مواطن..

#عرفته انو اليدو في النار ما زي اليدو في النيل الازرق..
تاني مافي زول يقول لي لوشي قالت وتهاني قالت..
مافي مذيعه بتشبهنا...قتلونا ونبذونا..

#عرفته انو الفنانين بظهرو لمن نستف شنطنا بس..لكن لمن نكون مجهجين كدا مابظهرو..
انا شخصيا كنت متأكده..
يعني ما ممكن فنان بقول احيييييا ويجي يقيف معاك..
واقفين في كوفير نحنا؟؟دي ثوره..

#عرفته انو القونات الكانو بقولو"قلتو وبستحمل مسؤليتو" ديل كضابات ساي..ماقالو اي شي..



#وعرفته انو الجيل الجاي ما حيسكت..شفنا اولاد عمرهم 15 سنه..ماتو عشان حقهم..

إلاّ باكر يا حليوة

لمـّا أولادنا السمر

يبقوا أفراحنا البنمسح بيها أحزان الزمن

نمشى فى كل الدروب الواسعة ديك

والرواكيب الصغيرة تبقى أكبر من مدن 🖤💚❤️🇸🇩✌️🏾
#مدن_السودان_تنتفض #Civil_disobedience_in_Sudan