مُدن مشطوبة أساميها
أنه بلياك

مطر 🤍

المطر يجي ع هيئة مواساة ربانية✨

المُطر ، والغيم ، والحَبيته ، والمُوت
المّرض .. والشوگ ذاك المُو بگدّي
النَسمه الباردَه الـ تتعَده بالصَيف
الشيب الگبل وَكته بكيّفه يبدي
مَزاجيات فجأه الگاهن وياي!
ومِن يعجبهّن يتركَني وَحدي .

ولا تضيع بيوم مني ✨

" لا أنتمي لعصر السرعة، الحبّ المعلب، العلاقات الهزيلة، الطعام المُصنع، الموسيقى المزعجة، الثياب الباهتة، اللغة الركيكة، البيوت المستنسخة، الحبّ المسلوب بين اثنين، لا أنتمي لعالم يحرضك أنْ تعيش في حلبة مصارعة و تحدٍ دائم للوجود ."

كل الطرق تؤدي الى جبار رشيد

"الموت يوقظنا ولكن بعد فوات الاوان“

يقول البير كامو في رواية الغريب

إنّ البشر لا يقتنعون بأسبابك وصدقك وجدّية عذابك إلا حين تموت ، وما دمت حياً فإن قضيّتك مغمورة في الشك ،وليس لك أي حق إلا في الحصول على شكوكهم.

وفي رواية السقطة يقول :

‏ربما نحن لا نحب الحياة حباً كافياً. هل لاحظت أن الموت وحده هو الذي يوقظ مشاعرنا؟ وكيف أننا نحب الأصدقاء الذين غادرونا لتوّهم؟ وكيف نعجب باولئك الأساتذة الذين لم يعودوا يتحدثون، بعد أن ملأ التراب أفواههم!

صَباحُ الخَير للمَجانِين في المَصحاتِ
ولِكبار السِن في دُور المُسنين
وللأطفال ألذين يَعملون في ألتقاطعات
ولكُل شخصٌ لم يقُل لهُ أحدٌ صَباحُ الخَير🤍.

عامر عاصي
إلى حبيبة جبار رشيد :
روحچ بسيطة، همومچ زغار
وبيچ العشگ، ما جرّب النار
أدري الزغيرة، إتَيّه الاعذار
بس آنه اشوف بعين جبار
من چان گلبچ لا أُبالي
وچانت احلامچ بالعلالي
بليلة من ذيچ الليالي
جبار، فك گلبه وحچالي
گال انتظرها، وما أمِلها
واضفر همومي، وما أفِلها
وافتِگ جروحي، وما أشِلها
وعود من اموت، اكتِبهِن الها
گلها الوكت ما چان بيده
ولا روَّض احلامه البعيدة
يا نجمته،
ويهلال عيده
جبار مو شاعر … قصيدة
گلها آنه ابن أم، شوگها صواب
من تخبز، التنور محراب
آنه ابن فوطة متانية ابّاب
وچرغد سِلِم، (والسيف چِلّاب)
حربين طاحن فوگ راسي
وصعدت على چتافي الكراسي
ما جاملت يوم السياسي
من كاسَرِت بالناس كاسي
گلها آنه واحد … واحد بجيل
أزرع گصب، واحصد مواويل
من يندفِنْ حدر الكحل ميل؟
منين ألگه لعيونچ مراسيل؟
آنه الفقير الطاح بالبير
وضاع بمزادات النواطير
تدرين بالحيطان شيصير؟
الصور ثارت عالبسامير
ترضين مالچ بالوطن دار؟
وتتحمّلين العمر طشّار؟
منّ المشط بزلوفچ يغار
مسودن بكلشي البيچ جبار
جبار، يا حفنة نشامى
ينجرح، لو صادو حمامة
خد من بچي، وخد ابتسامة
ومغسول، بدموع اليتامه
گِلّلها گضّة الليل مهموم
طير وعليچ يدور ويحوم
كون القصايد، تلبس هدوم
چا فصّلتلچ غيم ونجوم
گلّلها چفه يريد حِنّه
مجروح، ظل ينزف محنّه
شما طاح، يذبل لحن منّه
شاعر .. وصار طوير جنّة
عشگي، العِشِگ يحتاج نشتاگ
يحتاج دمعة، بگد الفراگ
وضوگي، الحلم بالليل ينضاگ
وعيشي الحرامي… الليل بوّاگ
گلّلها جبار اشتهى الموت
من صار عمره بزندچ بتوت
جرفچ ذهب، والماي ياقوت
وكل حرف باسمچ، صار تابوت
جبار، مو عايز جزالة
بس ذيب، مسكون بغزالة
من يرسم مراية بخياله
تنكسر بضلوعه الرسالة

أنا هكذا، إما أن أنسى بسرعة
أو أن لا أنسى أبدًا

-صامويل بيكيت