مِشتاگُلكّ ،
بس أنتَ مِو الأوُليّ
مالك خلگِنا وحَيل
صِاير صعُب
نخطَ الرسّالة
بدِمَنا مُو بالحَبر
ومُا تنقِرهَ وصارن
برفك كُتب
بأول أيَامُك
چان طِبعُك حِلوّ
تشِتاگ ، تسّأل ،
مامتيه الدِرب
بسَ هُسة ناسّك
كُثروا تغِيرتُ
كلسُاع گلبّك
بي بنِادم يُطبّ .

كعدت عتب وياك رايد.
بس كون أريدك حيل بايد.
حتى بعتبنة نروح زايد.
يخلص حچينة على الگلايد.
اخ بلهاتي النار كبرة.
عفت بعشرتك خوش عثرة!
جوة الضلع بسمار ذكره
وماتنسي اللچمات خضرة
ذاك الحجي الماريد اطلعه
خليني ساكت من تسمعة
سم بلهاتك ماتجرعه
وتخلص حياتك دمعة دمعة
حيرة غدر بلعين شايف
ترجف شجاك شبيك خايف؟
أدري من الاول بيك عايف!
خشبة على ضهر الماي طايف
متغير علي مو لاولي وياي
أفك ريج الرسايل كلها تهديد
عليمن نتعب نربيك وتروح؟
خسرتك وأنتهت مرتين ماعيد
أنطيتك فوك حجمك بالغت بيك
فعل ماضي وبقت ذكرى المواعيد
الشعر مو باب رزقي الخاطرك چان
ذهب جوة أيدي اصوغة شلون ماريد
جازفت بسمُعتي بعشرتي وياك
هملت أسمي ودست فوك التقاليد
مو نفس العُمر بس جنت أداريك
ماحَسستك بفرق المواليد
محسب للزمن تنساني وأنساك
سبقتك خطوة بالمُستقبل تفيد
أثر عايف خطر متغيرة لايام
حفر نحات متمسحة التجاعيد
والبالك بعيدة أنساها متصير
فرزنت النوايا وطارش تريد
گشاية بنهر والجاري مجنون
بلم تقنعني وأصعد حلمك بعيد
جان الملح زايد بالغت بي
علاقتنه من أكثرة محسب تزيد
وخذهن مني ألك ماريدهن روح
اعتذارتك ورة السويتة متفيد
حسبالك گبل وأفتحلك الباب؟
ماتنهي الزعل تكبيرة العيد

كُله جمال 🤍

چا عود تلگة إنسان مثلي يفهمك !
يگتل أحلامَه خاطر يظل حلمَك
خسران صحتي وگلِت بَس لا أخسرك ،
مو مُهم عمري ، الله يطول عمرك .

زيد 🤍

عمي هيه مال كراش

وَلو هِيَّ مِتَأخرهَ
بَس مَع ذلك تقبلهَا مِنِي
"أَنا بلِياك مَدرِي شبيه م بيه"

زلف وبلاية ترجيه
درب مابيه كل جيه
نهر فاض وتبع ميه
كون تشوف روحي شسوه بيها الخوف
مطلوبة نِذر و تخاف مَّاتوصل حَضرتك
مِنْ بعيد أَطوف
و كِون تشوف روحِي شخلهَ بيها الخوف
مِثل دمع العَروس و جَاية عَالجناب
و يصبر عليها و جابها الزافوف
و شِوف شخلهَ بيه الخوف
مِثل حلة مَدارس روحِي أَحسها أَطفال
حَلت و تِركتني و باقيِّ بس إِصفوف
و يَّاوحشة إِصفوفي و مِنْ يجيني الليل
و يَّالون الوجه البعدك الضَل مخطوف .

تنام حتى تشوف باچر
باچر اليشبه امس

الغيم يبُچي
‏وينسمع ونَ الگمر
‏وين اشر جرَوحي
‏والدنُيا مطر؟
‏الكاطع
.

لايفهمني احد انا الفراغ الذي بين الأسطر

والجميع لايقرأ

علي مونس