طبعاً هذا اللي درسناه من اول ترم

و اول ترم بيكون انقليزي استماع وقواعد وقراءة وكتابه واساسيات الامن والسلامه كلها مواد سهله جدًا لكن هذا اكبر غلط انك تستسهل التخصص او مواد الانقليزي خصوصاً وبالاخير بتنصدم بالدرجه ف لازم تشد/ي على نفسك ب اول سنه لان التخصص ماهو صعب ومستقبله قوي وجميل مره وبتكلم عن هذا الموضوع

يعني كلها فهم وتقرا على روقان وبتفهم والله
وبرسلكم الاسئله الان كيف بتجيكم

يعني بالعربي اذا فهمت وقريت السلايدات مرتين بتصير تافهه تخصص يعتمد على فهم وعلى قياده لانك بتصير مشرف امن وسلامه وتخصص يعتمد على عملي اكثر من نظري

ومابي اطيل بالكلام عندك اشياء لازم تشتغل عليها اذا تبي تتميز وتضمن اكثر واكثر:

الانقليزي تطوره عندك بي طريقه وهذي ترا فاتت كثير من الي معي بالدفعه

يوم تخرجنا جت شركه وسوت مقابله مع كل الطلاب الخريجين بالامن والسلامه وتحدثوا بالانقليزي للطلاب كلهم و٨٠٪؜ مايعرفون التحدث بالانقليزي او حتى مفردات امن وسلامه ف قالوا بناخذكم لكن بتجلسون سنه تتعلمون انقليزي ثم تطبقون سنه وبعدين نوظفكم ومكافأه ٤٠٠٠شهري
ف لو انت\ي اختصرت على نفسك من الحين بتتميز على دفعتك وبيقبلونك زي السلام عليكم

والرواتب الي جت من الشركات تبدا من ٧٢٠٠ ،قبل سنتين حطيت لكم تقديري ٦٠٠٠الى ٩٠٠٠،لكن اللي شفته اكثر ويوصل ٨٠٠٠و٩٠٠٠ ك بدايه يعني راتب ممرض توه متعين

والتخصص وظايفه كثر النجوم مع سهولته بس تطبيقه يبيله تركيز وجد واجتهاد
ومايفرق انت درست بجامعه سطام ولا سعود ولا اي جامعه هو التخصص حديثنا
ووظيفتك مضمونه باذن الله

واخيراً اذا تبي تتميز وبراسك اذا تخرجت تمسك راتب كويس ،عليك بهذي الاشياء بعد توفيق الله:

١-انقليزي
٢-اوشا/نيبوش دورات تاخذها بنهاية الدراسه وتكون متعلمها وعندك خلفيه عنها


وهذا اللي عندي واذا عندكم اسأله تقدرون تسألون خاص وبجاوبكم

ولاتنسوني من دعواتكم ❤️🌷.