إنتقل إلى جوار ربه عبد السلام الشماح خو زميلتنا إسراء الشماح، اسألوا الله له المغفرة و الرحمة و القبول الحسن و لأهله الصبر و السلوان، عزائي لزميلتنا و أهل الفقيد.

PS243

تمت إضافة باقي تسجيلات د. أحمد العربي في جزئية CNS - Motor .
(التسجيلات مغطية الجزئية إلى غاية Basal ganglia)

السلام عليكم و رحمة من الله وبركاته

حاولوا تفهموا الكلام وتستوعبوه بدون نوبات هلع وخوف.

تم صباح اليوم اخد الإذن من وزارة التعليم بإستئناف الدراسة والإمتحانات و ذلك بعد إتخاذ كافة التدابير الوقائية.

الموافقة تعنى بداية التنسيق لعودة الدراسة والإمتحانات يعنى الموضوع تدريجى ويحتاج لوقت غالباً من اسبوع لأسبوعين لدراسة وتطبيق كافة المقترحات.
وطبعاً مع إزدياد حدة الإصابات الوضع حيقعد قيد الترقب والمتابعة كل يوم.

بالنسبة ليكم كطلبة يلى يهمكم فى الأمر.

*مواعيد الإمتحانات للمرحلة ما قبل السريرية المقترح المقدم من الكلية انها تكون اخر اسبوع من شهر 7 او بعد العيد مباشرةً (وقلت فى منشور سابق أننا بنبدوا بعد العيد) اما المرحلة السريرية فالإمتحانات حيكونوا بعد العيد ابتداءً بإمتحان الكومينتى والباطنة وإنتهاءاً بإمتحان الأطفال شهر11

*بالنسبة للمناهج والتسجيلات راح نحاولوا انسقوا مع المصورين بحيث يفتحوا ولو بدوام جزئى بداية من الأسبوع القادم.

* لطلبة المقابلة الجدد والمستجدين فى مادة الباطنة المقترح المقدم انهم يبدوا فى نصف شهر 8.

*أخيراً

صحيح فيه عشوائية وتخبط فى إتخاد القرارات ولكن
بإذن الله مش حيكون فيه دراسة ولا إمتحانات لعند ما كل طالب يتحصل على منهجه الكامل و وقت كافى يدرس فيه وكذلك ضمان تطبيق الشروط والتدابير الإحترازية المتفق عليها.

#إتحاد_طلبة_كلية_الطب_البشرى

السلام عليكم..

🔹 ياريت من كل طالب معانا في الدفعه يتحقق من المنظومه ويشوف مواده ويتأكد منهم..

🔹 كل طالب يسحب نموذج للمواد اللي منزلهم بعد ما يتأكد منهم و يخليه عنده تحسبا للامتحانات لان تعتبر ضروريه لدخول الامتحان...

🔹 اي حد من دفعتنا عنده مشكله في ورقه معينه او رايحه بطاقته او عنده اي مشكله يتواصل مع واحد من المندوبين باش يحلوا المشاكل هاذي في خلال الأسبوع هذا..

🔹 اي حد عنده اي شي ناقصه يا ريت يتواصل مع المندوبين وبإذن الله نحلولكم المشكله في الفتره هاذي..

🔹 بالنسبه للمصورات قاعدين مسكرين وحاليا بنتفاهموا معاهم على اليه لتوزيع المناهج.. والمناهج حاليا الخاصه بدفعتنا متوفره على البوت كامله..

🔹 بالنسبه لقصه الاناتومي 3 والدرجات الناقصه، الكليه قاعده مسكره والأقسام كذلك اول ما يفتحوا بإذن الله نتواصلوا مع القسم على طول..

#تعديل
يا ريت من زملائنا يتواصلوا معانا على بوت الدفعه في تلجرام حتى لا يحدث الخطأ ومنسوش حد وهذا المعرف..

@Moufadla5bot

#مندوبين_الدفعة

تم توفير خدمة توصيل 💙
اي حد يبي شيتات او تسجيلات يتواصل مع مصور الواضح علي صفحتهم🌸🔥

قال تعالى ( ومن أحياها فكأنما أحيا الناس جميعا )
الى اهل البر حالة مرضية من الاسر المحتاجة و ذات الظروف الصعبة جدا بحاجة الى فصيلة دم (B-) لاجراء عملية قلب لفتاة .
ولن يتم اجراء العملية الا بحضور المتبرعين مباشرة حسب كلام الدكتور المختص لان عمليات من النوع هذا تحتاج الى الدم مباشرة من المتبرع .
للتواصل مع الحالة
0914515106 0922867216

والله لا يضيع اجر المحسنين

السلام عليكم..
منشور للتذكير،..

اي حد عنده مشكله في المنظومه في المواد او يبي يصفر المنظومه او يبي يوقف قيده او راحت بطاقته ويبي يطلع بطاقه جديده ابعتولنا على بوت المندوبين..

وكذلك اللي مخشش عملي السمستر هذا يا ريت يتواصل معانا ضروري...

نبو نحلوا مشاكل الطلبه اللي عالقه في الفتره هاذي...
ف اخر موعد نقبلوا فيه المشاكل قبل الساعه 9 الصبح غدوا لان بنسلموها للكليه ..
موفقين ✨
@Moufadla5bot بوت المندوبين

مندوب_الدفعة

للأسف إصابة الطفلة #أصالة_عبدالرؤوف_القمودي عند حدوث المناوشات في شيل فتروش ( الرتيمي) بــ #جنزور
حيث كانت مع والدها في السيارة أثناء تعبئته للبنزين
والد الطفلة في إتصال هاتفي قبل لحظات يطلب منكم التبرع لإبنته حاليا محتاجة دم فصيلة ab+ موجبة
في مستشفى #شارع_الزاوية وهذا رقمه ٠٩٢٥٤٦١٠٢١
بالله ما تقصروش معاه يا خوتي حتى ب #مشاركة لأنه فصيلة الدم هذه نادرة شويا ومن واجبنا نوقفوا معاه قبل ما يفقد بنته لا قدر ﷲ

السلام عليكم

يا ريت من الطالب :
الهادي عبد السلام الهادي عبيق

يتواصل مع المندوبين في أقرب وقت للضروره

السلام عليكم
ياريت لو أي حد عنده مشكلة في المنظومة او بطاقته ضايعة أو بيوقف قيده يتواصل معانا في أسرع وقت لان من 17/7 الجامعة حتقفل بالكامل ومش راح يسمحوا بدخول أي حد من الطلبة إلا الطلبة اللي عندهم امتحان هذا في حال لم يستجد جديد
#تعديل
ياريت لو تتواصلوا معانا على بوت المندوبين حتى مايصيرش خطأ او ننسوا حد
@Moufadla5bot
#مندوبي_الدفعة