السلام عليكم
تسجيل المحاضرة الخامسة لور ليمب الدكتور محمود الخمسي مقسمة جزئيتين
بالتوفيق

هادو الجزئية من motor function لEEG مازال ما بديتش فيه
بالتوفيق جميعا وان شاء الله ربي يفتحها عليكم ويحميكم يا رب 💛💛 تصبحو على خير 💛

السلام عليكم

-كل شيء متوفر في جانبه المخصص لعند آخر نقطة في المنهج.

- الحاجتين الي يعتبروا ناقصات هم تسجيلات عملي الكلية BC243، و تسجيلات عملي الكلية لجزئية Special sense في المقرر PS243.
(الشيتات متوفرات في جوانبهم)

- تسجيلات د.التهامي CNS كان التسجيل الرابع فيهم مفقود و حصلناه.

- جزئية PCR في الـ Recombinant ناقصة في شيت د.عبد الله بشين لكن شرحها، فخدينا سلايداته متع السيم الي فات و الي هم نفسهم الي شرح بيهم توا يعتبروا و ضفناهم.

- و الباقي ديروا تشك حتلقوه في مكانه، و راجعوا رسالة زميلتنا اكرام على القناة؛ حتلقوها ذاكرتلكم تفاصيل المواد و الجزئيات الي عطتها الكلية.

- و بدون تردد الي يلزمه شيء ملقاشي أو يبي يستفسر يبعت على التواصل @MF5_Twasal_Bot و الشباب و البنات مش حيقصروا.

نهايةً، نسأل الله لكم السلامة جميعاً و أن يحفظكم من البلاء، و أن يُفرج على بلادنا الحبيبة خاصة و البشرية عامّةً.
خوذوا بأسباب الوقاية، و ردوا بالكم على اماليكم و نبهوهم؛ لأن الحاجة هذي جزء من مسؤوليتكم.

نلتقي في وقت أحسن و ظروف أفضل مما هي عليه اليوم إن شاء الله، و السلام عليكم ورحمة الله.

@MF5_Bot

Corona virus

رسالة من الدكتور نادر التونسي

السلام عليكم
بالنسبة للطلبة اللي يسالوا على شيت ال jundice الدكتورة قالت ماتاخذوش الشيت القديم لانه في تغيير اول مايجهز حنزلوه
لذلك تقدروا تمشوا بالشيت هذا امتاع السيم اللي فات لين يجهز الشيت الجديد

ونسأل الله السلامة

السلام عليكم

شرح تفصيلي للحاجات اللي اخذيناهم السيمستر هذا بالكامل

1-بنبدأ بأول مادة اللي هي الاناتومي:

-بالنسبة للاناتومي أعطانا الدكتور الخمسي الجزئيات كلها :

-بالنسبة للبلفز والبيرينيم الدكتور شرحهم من الكتاب امتاع القسم الجديدولازم ماتسمعوا لتسجيلاته لان الدكتور يجيب من كلامه وفِي نفس الوقت لغي حاجات من البيرينيم البلفز كله أعطاه في 8 محاضرات

- بالنسبة للور ليمب الدكتور أعطاه من شيت البدري لان كتاب القسم مش جاهز لتوا وعالاغلب السيم هذا مش حيكون جاهز لذلك احسن حاجة تقروه من شيت البدري وتسمعوا لتسجيلات الدكتور لان في حاجات لغاها والدكتور يجيب من شرحه واعطاه في 5 محاضرات

2- توا مادة الفسيو :

-بالنسبة لجزئية الاندوكرين والريبرودكتف أعطتها الدكتور مروة أوحيدة ( نفسها اللي أعطتنا في فسيو 1) واعطت من كتاب القسم
بالنسبة لجزئية الاندوكراين اعطتها في 7 محاضرات
وجزئية الريبرودكتف أعطتها في 4 محاضرات

- بالنسبة لجزئية السبيشل سنس أعطاها الدكتور علي عفان في 4 محاضرات
وموجود في المصورات شيتات كاتبتهم زميلتنا فداء بارك الله فيها وموجودات حتى سلايداته عالبوت وتاكدوا ان الشيتات صفحاتهم كاملات من آلبي PDF لان في مصورات عندهم صفحات ناقصات

- بالنسبة لجزئية ال CNS الدكتور علي عفان أعطاها في 11 محاضرة
وشيتاته موجودات في المصورات امتاع الكلية كتبتهم زميلتنا إسراء بارك الله فيك
وتاكدوا ان الشيتات عدد صفحاتهم كاملات لان المصورات في اللي عندهم صفحات ناقصة

-وبالنسبة لعملي الفسيو فالجزئيات اللي فيها العملي هي :
الCNS و السبيشل سنس
وغدوة حتكون في مراجعة في القسم بتعطيها الدكتور هند الحجاجي من الساعة 8 ونص

3- توا بنبدأ بالبايو :

- بالنسبةلجزئية الجين اكسبريشن أعطاها الدكتور عبد الله بشين في 10 محاضرات
شيتاته موجودات في مصورات الكلية

-بالنسبة لجزئية الريقيوليشن أعطاها الدكتور عبد الله بشين في 4 محاضرات
وشيتاته موجودات في المصورات

-بالنسبة لجزئية الريكومبينانت أعطاها الدكتور عبد الله بشين في 8 محاضرات
وشيتاته موجودات في المصورات

- بالنسبة لجزئية الهرمون أعطاها الدكتور احمد زايد في 3 محاضرات
وشيته موجود في مصورات الكلية

-بالنسبة لجزئية الكلينيكال انزيمولوجي أعطاها الدكتور عبد الله بشين في محاضرة واحدة
وشيته موجود في المصورات نفسه القديم بس عدلوا الخطأ اللي نزلوه الطلبة

- بالنسبة لجزئية الهيم ميتابولزم أعطاه الدكتور احمد زايد في محاضرة واحدة
وشيته الجديد موجود في مصورات الكلية مش نفسه القديم هذا مختصر والدكتور قال التزموا بالشيت فقط

-بالنسبة للكلينيكال كيس (jaundice )أعطتها الدكتورة حنان اللافي في محاضرة واحدة
وشيتها حيكون جاهز الأسبوع هذا باْذن الله

وبالنسبة لعملي البايو :
أعطوا 4 محاضرات والشيتات كلها موجودة في المصورات
1-safety rules
2-ph
3- urinalysis
4- spectrophotometer

4- توا بنبدأ بمادة الميكرو :

-بالنسبة لجزئية الانترودكشن أعطاها الدكتور خالد الطويل في محاضرتين

- وبالنسبة لجزئية ال classification and culture media
أعطتها الدكتورة لؤلؤة في محاضرة
-
- وبالنسبة لجزئية الجيناتك أعطاها الدكتور محمد أبو شكيوة في 3 محاضرات

-وبالنسبة لجزئية الباثوجينيسيتي والنورمال فلورا أعطاها الدكتور محمد أبو شكيوة في محاضرة واحدة

- وجزئية الفايرولوجي أعطاها الدكتور أسامة الشويرف في 3 محاضرات
وبالنسبة للامتحان أقروا الشيت اللي نزلته وسلايدات الدكتور وتسجيلاته فقط

- جزئية المايكولوجي أعطاها الدكتور محمد اللبيب في محاضرة واحدة
التزموا بشيته فقط

- وبالنسبة لجزئية الأميون انترودكشن أعطاها الدكتور خالد الطويل في 4 محاضرات
وترتيب شيتاته
الشيت الاول Immunology
الشيت الثاني immunoglobulin
الشيت الثالث superantigen


-وبالنسبة لجزئية الكلينيكال اميونيتي الجزء الاول أعطتها الدكتورة ابتسام المختار
وأقروا من شيتاته وتسجيلاته لان تركز عالاسئلة والحاجات المهمة وتقول عليها في المحاضرة
وأعطتها في 3 محاضرات
وترتيب شيتاتها :
1- immune Deficiency
2-Hs reaction
3- autoimmune and vaccination

- وبالنسبة للجزئية اللي بعدها وهي جزئية ال antibiotics أعطاها الدكتور عبد العزيز الزرقاني في محاضرة واحدة ولازم تسمعوا لتسجيلاته لان يقول في حاجات من برا لان الحضور مش عاجبه

- وبالنسبة لجزئية ال sterilization أعطاها الدكتور عبد العزيز الزرقاني في محاضرتين
وحتى هي لازم تسمعوا لتسجيلاته لان قال حاجات من برا

- وبالنسبة لجزئية الكلينيكال اميونيتي الجزء الثاني أعطاها الدكتور وليد المحجوب في محاضرة واحدة
وفِي هلبة جزئيات لغاها وركز عالجزئيات اللي بتجي فيها الأسئلة في الامتحان

وبالنسبة الشيتات امتاع الميكرو كلها متوفرة في المصورات

- بالنسبة لجزئية العملي :
أعطوها في 9 محاضرات والمواضيع تشمل الآتي :

0

- Lab safety
1- the microscope
2-antiseptic technique and simple stain
3- gram stain
4- negative stain and capsule stain
5- culture media
6-Antibiotics sensivity test
7- complement fixation test (CFT)
8- Elisa
9-immune serological test


وهكي انكون غطيت كل اللي خديناه في مواد السيمستر هذا بالتفصيل

بالتوفيق للجميع وإن شاء الله مانكونش نسيت حاجة .

السلام عليكم
البوست هذا فيه توضيح لكل شيء
ولأي استفسار تقدروا تتواصلوا مع أدمنز القناة على بوت التواصل
وبالتوفيق

السلام عليكم هذا التسجيل الأخير امتاع الميكرو
وبالتوفيق

transplantation,ABO,tumer

الحصول على بريد الكترونى خاص بجامعة طرابلس

السلام عليكم ورحمة الله وبركاته

تم استلام عدة مراسلات بخصوص طريقة الحصول على بريد الكترونى رسمى من جامعة طرابلس خاص بالطلبة واعضاء هيئة التدريس والموظفين.

للحصول على البريد يرجى اتباع الخطوات التالية:
- البداية تكون بالدخول لموقع الجامعة الرسمى uot.edu.ly
- من ضمن " خدنات تهمك" اختيار الفئة التى تتبعها، فمثلا للطلبة يتم اختيار "الطلبة"
- يتم اختيار "فتح بريد الكترونى"
- اختيار الكلية
- تعبئة النموذج
- يقوم مركز التوثيق والمعلومات بالجامعة بارسال عنوان البريد وكلمة المرور الى البريد الشخصى الذى تم تسجيله فى النموذج

كما يمكن التعرف على طريقة الحصول على بريد الكترونى عن طريق فيديو موجود بقناة المركز على Youtube على الرابط ادناه

https://www.youtube.com/watch?v=E2I0Qc6_MBU .
مركز البحوث والاستشارات والتدريب بجامعة طرابلس

السلام عليكم كيف حالكم ان شاء الله كلكم بخير ❤ بعيداً عن الوضع الي صاير والنفسيه الي مايعلم بيها الا ربي هذا كتاب حلوو واسمه واضح ( فاتتني صلاة ) اي حد يقطع في صلاته او يأجل في صلاة مع صلاة ثانيه يعني مش منضبط مايصليش في النوافل يفشل على صلاة الفجر ويرقد هذا الكتاب ليك ❤ اقراه ومستحيل ح تخلي ركعه تفوتك .. مش لان اسلوب الكتابه ترهيب وتخويف وح تشد في صلاتك بسبب الخوف لالا ابداً ح يخليك تحب الصلاة ح يخليك تسلم من صلاة وتراجي اذان الصلاه الثانية ❤ الكتاب هذا ح يغيرلك حياتك في هلبا حاجات ثانيه من غير الصلاة ❤ لازم كلكم تقروه نصيحه نصيحه ماحد يفوته .. مانبيش حد يحمل الكتاب ويلقاه عدد الصفحات 200ومعاها ويقول اياه شن بيقراهولي اني قريته في اقل من 4 ساعات وكلنا وقتنا فايت ع النت ويفوتوا بال 10 ساعات دركت اونلاين ع الفيس مافيش حد يتنبل ويقول هلبا بإذن الله مش ح يخليك تمل نهائي كلام الكتاب مريح هلبا ❤

الكتاب عجبني وحبيت نفيدكم بيه والي يقراه و يعجبه ياريت ينشره في قروبات او قنوات ثانيه خلو الكل يستفيد في الحجر هذا بحاجه وحده ( الثبات على الصلاة )

وح يخليك تحافظ على قراءة ورد يومي من القرآن وتحافظ على اذكارك اليومية

كتاب ح يقويك دينياً بشكل كبير 💕

الصلاة راحة 💕

عطلت عليكم متأسفه 😁

دُمتُم بِود 💕