سلامتكم قبل كل شيء
كله يتعوض الا روحك

مستشفى الخضراء محتاجين دم ضروري

ديرو شيييير ضروري

جرحى هلبا

لا حول ولا قوة الا بالله

تعدييل:
الخضراء زحمة هلبا، تقدروا في بوستة / ميدان الجزائر/ كلينكا النفط/ بوسليم الحوادث
ولو في مكانات تانية إمشو طول.

إللي يقدر يمشي يتبرع بدم ميبخلش، الوضع سيء ومحتاجين كل الفصائل!!!

مستشفى الخضراء أول مكان، إللي قريب يتوكل على الله

في طالبة تقرأ معانا في الكلية طاحت علي حوشهم قذيفة عيلتها كلها توفت و هي قاعده في العناية ادعولها ربي ينوضها
بالسلامةً في اقرب وقت 🤲🤲

لا حول ولا قوة إلا بالله العلي العظيم حسبنا الله ونعم الوكيل فليشهد العالم اننا نقتل بأيدي أبنائنا💔ربي سلمكم ويحفظكم يارب

منقول

- رجاءً من جميع " #أهالي_طرابلس " مشاركة هذه النصائح لـ التقليل من مخاطر قذائف الهاون والقصف الصاروخي 💔🙏🏻

١- لايمكنك تجنب ( قذائف الهاون ) الا بعد بدء تساقطها ، وأفضل الطرق لتقليل مخاطر الإصابة هي عدم وجودك في مكان مكشوف ، فمعظم الضحايا يسقطون في الأسواق والشوارع من جراء الشظايا ، وان لم يكن ثمة مكان للاختباء السريع فالاستلقاء على " #الأرض " يقلل من احتمال الاصابة بالشظايا ▫️

٢- قم باختيار احدى ( الغرف ) في منزلك لتلتجئ اليها أنت وعائلتك سريعاً حال سماع قذائف الهاون ، يجب أن تكون هذه #الغرفة غير مطلة على الشارع الخارجي ويفضل أن يكون فوقها طابق آخر ، وربما تكون المساحة التي تحت الدرج داخل المنزل ملائمة للاختباء أثناء القصف ▫️

٣- يصاب كثير من المواطنين في منازلهم من جراء الزجاج المتطاير سواء بالاصابة المباشرة أو من شدة القصف ، يمكنك تقليل خطر " تطاير الزجاج " بوضع #شريط_لاصق علامة (X) مع الابتعاد عن النوافذ ، ويمكن حماية المواقع ضعيفة التحصين في المنزل بسواتر ( أكياس الرمل ) .

٤- يجب إبعاد قناني الغاز وبراميل النفط عن الفضاءات المكشوفة وتغطيتها بشكل مناسب لتجنب إصابتها بالشظايا ومن ثم اشتعالها، كذلك يجب إطفاء الطباخ ان كان الطعام يطهى، والاحتفاظ بمواد للاسعافات الأولية السريعة في حالة الاصابة لاسامح الله .

السلام عليكم ، صباح الخير
حداداً على الأوضاع الي صايرة ، و مش نبي ندير شوشرة لكن (عن نفسي) نشوف فيه معادش وضع قراية ، آسف من الجميع حنتغيب لفترة و حنقصر معاكم ..

- كل شيء حدثته لآخر كلمة عطتها الكلية و الكورسات :

- تسجيل العملي للكلية فسيو - ECG 1 قروب الثلاثاء .
- تسجيل الكلية فسيو - CVS 1 .
- سلايدات الكلية فسيو - CVS 1 .
- تسجيل الكلية هستو - GIT Part 2 (Lecture 1) .
- سلايدات الكلية هستو - GIT Part 2 .
- (شيت الكلية هستو Urinary system) ما حصلتاش .
- تسجيل د.محمد الخمسي الأخير في CHO Metabolism ، ومقدمة على A-A Metabolism و الفيديو متاعه .
- شيت د.محمد الخمسي 5 (آخر واحد نزل) غر نوتيه PDF و تلقوه إن شاء الله .
- تسجيل د.خالد ميلاد المراجعة 4 Thorax .
- تسجيل د.عبد المنعم المريمي الأخير + سبوراته .

ربي يسلمكم و يحفظكم و يهني البلاد و يصلح الحال ، و حسبنا الله في من أراد لنا سوء .

لنا لقاء قريب إن شاء الله
و السلام عليكم و رحمة الله وبركاته 😊💐

مطلوب فصيلة دم AB- في مستشفى الخضراء الآن ضروري إلي يقدر يساعد ما يبخلش "و الله لا يضيع أجر المحسنين.

# السلام عليكم .. محاضرات غدا .. الخميس .. ان شاء الله .. كالاتي:

🔸بايو مقدمة :
- الرحاب: 10:30 - 12

🔹بايو 1 :
- ابو الطب: 12 - 1:30
-الايضاح: 1:30 - 3

🔹بايو 2 :
-ابوالطب: 9 - 10:30
-الايضاح: 3 - 4:30

موفقين ..
~ د. محمد الخمسي ~

الخميس..
من ال11ل1..بايو2..ابو الطب.
من ال1.30ل3..بايو2..ايضاح.
من ال3.30ل5..بايو3..ايضاح.

تأجيل المحاضرات إلى اشعار اخر
ربي يلطف بالبلاد ويهدي العباد

صباح الخير
كتذكير اللي حاب يتبرع لحملة "الأحسان" اللي دايرينها الطلبه ، بخصوص العائلات النازحه وتقديم المعونه اليهم في ظل الظروف الصعبه ، اللي حاب يتبرع يكلم :

أحمد حنيش - @Ahmed_Hanish
رؤيا الغناي - Roia
كلثوم جمال - @kaltom_gamal
أحمد العصاوي - @AhmedAlossawi

- على الأغلب تلقوهم ف الكورسات اليوم ، وكان فيه حد من دفعة تانيه او مايعرفهمش يكلمنا على البوت :-
@MF5_TWASAL_BOT
حتى كنت ماتقراش معنا وحاب تتبرع كلمنا على البوت وهدا واجب وطني للكل .



وان شاء الله كل شي بأجره .

صباح الخير 😊
يومكم طيب إن شاء الله

الحملة و لله الحمد مُدّت لها هلبا أيادي خيّرة تبرعت ، و شيء جميل تشوف ناس إيجابية و قلبها على خوتها ، و حتى طلبة من دفعة المفاضلة 6 - بارك الله فيهم - داروا إعلان على الموضوع و إن شاء الله باش مانتاعبوكمش حنحاولوا نزيدوا نوسعوا نطاق التبرع (لو قدرنا) .
و بالله ماحد يتكلف و في نفس الوقت ماحد يستنقص حجم الحاجة الي بيقدمها ، ما تتحشمش و تقول تي هو جني شن بيديرلهم و هم هلبا ..
مش شرط تعطي مبلغ لالا !

و كما يُقال :
" لا تستصغر من عمل الخير شيئاً ، فلا تدري أي عمل يدخلك الجنة "

- تسجيل د.محمد الخمسي A-A Metabolism امس و فيديوات المحاضرة + الشيتات لعند آخر شيت نزله ..

على البوت .

جدول السبت..
من 10ل11.30..بايو1..ايضاح.
من 11.30ل1..بايو2..ابو الطب.
من 1ل2..بايو مقدمة..ابو الطب.
من 2ل3.30..بايو1..ابو الطب
من ال4ل5.30.بايو2..ايضاح.
غدا فقط المواعيد ملخبطة شوي..وبايو3..عطلة.

# السلام عليكم .. محاضرات غدا .. السبت .. ان شاء الله .. كالاتي:

🔺بايو 1 القرويين يحضرو في الرحاب (كل قروبه بروحه)

🔺بايو 2 القرويين يحضرو في الرحاب (القرويين مع بعض)

🔺بايو 2 غدا كويز في (krebs + oxidation of pyruvate)

🔺بايو مقدمة كويز غدا في البروتين لعند ما وصلنا

🔹بايو 2 :
- الرحاب : 11:30 - 10

🔹بايو 1 :
- قروب الايضاح: 1 - 11:30
- قروب ابو الطب: 2:30 - 1

🔸بايو مقدمة :
- الرحاب: 4 - 2:30

موفقين ..
~ د. محمد الخمسي ~

تبرّع بدمك وساهم في انقاذ حياة شخص آخر