تبعاً للرسالة هذي اتفقنا أنا و كل من زملاءنا :
أحمد حنيش - @Ahmed_Hanish
رؤيا الغناي - Roia
كلثوم جمال - @kaltom_gamal
أحمد العصاوي - @AhmedAlossawi
أننا نستلموا تبرعاتكم و حنتواجدوا في مكانات مختلفة باش تلقونا .

- أحمد و رؤيا حتلقوهم معاكم في محاضراتكم في مركز أبو الطب .
- أنا وكلثوم و زميلتها ندى في مركز إيضاح .
- لو غدوا حصلت فرصة حنجي للكلية و مرات نتفق مع مصور تحطوا عنده تبرعاتكم حنقوللكم عليه ، ومرات تلقوني انا بطوبتي 😂 .
الشباب يتفاهموا مع الشباب و البنات مع البنات ، و الي ما يعرفناش كلنا يكلم الي يلقاه فينا عادي .

و ربي يوفقنا و يوفقكم و إن شاء الله حسنات تثقل موازينكم 💐

- بما أن البوت رجع للخدمة ؛ شوية و نديروا أبديت للجديد كله إن شاء الله .

# السلام عليكم .. محاضرات غدا .. الاربعاء .. ان شاء الله .. كالاتي:

🔹بايو 1 :مفيش

🔸بايو مقدمة :مفيش

🔹بايو 2 : مفيش

موفقين ..
~ د. محمد الخمسي

د. خالد ميلاد غدوا مافيش .

د.عبد المنعم المريمي غدوا مافيش .

الله يسلم ، و حسبنا الله و نعم الوكيل !

اللهم أني أستودعتك ليبيا وأهلها، أمنها وأمانها، ليلها ونهارها، أرضها وسماءها و أستودعك ربي نساءها وشبابها وأطفالها و أموالها يا من لا تضيع عنده الودائع يا ودود ياكريم ياذي العرش المجيد .
اللهم احقن الدماء ووحد الصفوف ، وحفظكم الله زملائنا الأعزاء من كل مكروه وجعلكم الله دخرا وفخراً لليبيا .

بلادنا في امَس الحاجة الي الدُعاء ، لا تقصرو تجاهها .

كما اتفقنا اليوم صباحا فإن غدا الاربعاء لاتوجد محاضرات
دمتم في حفظ الله

#عاجل|
مستشفى #الهضبة العام "الخضراء" وكلينكا للنفط يوجهان نداء إلى المواطنين للتبرع بالدم.
#ليبيا

اللهم إنِّ استودعتك نفسي وأهلي واصحابي ووطني يامن لا تضيع ودائعة ربي يحفظكم ويحميكم ويفرج على البلاد والعباد 💔💔

استغفروا بنيه الفرج 💙🙏🏻

متخليها توقف عندكم وان شاء الله ربي يفرج علينا و على البلاد 😞🙏🏻

نظرا للوضع اللي صاير حاليا
غدوة منطقيا مفيش حد يفكر يمشي 👍

بالنسبة للاسبوع الجاي مش معروف شن بيصير
هل ح يزيد الوضع للاسوء او يخف شويا ، بعدين نقررو شن ممكن نديرو من حل


ف الاخير اهم حاجة سلامتنا وربي يحفظكم و يحفظ بلادنا ويفرج عليها
كترومن الاستغفار و حسبنا الله ونعم الوكيل 💔

سلامتكم قبل كل شيء
كله يتعوض الا روحك

مستشفى الخضراء محتاجين دم ضروري

ديرو شيييير ضروري

جرحى هلبا

لا حول ولا قوة الا بالله

تعدييل:
الخضراء زحمة هلبا، تقدروا في بوستة / ميدان الجزائر/ كلينكا النفط/ بوسليم الحوادث
ولو في مكانات تانية إمشو طول.

إللي يقدر يمشي يتبرع بدم ميبخلش، الوضع سيء ومحتاجين كل الفصائل!!!

مستشفى الخضراء أول مكان، إللي قريب يتوكل على الله

في طالبة تقرأ معانا في الكلية طاحت علي حوشهم قذيفة عيلتها كلها توفت و هي قاعده في العناية ادعولها ربي ينوضها
بالسلامةً في اقرب وقت 🤲🤲

لا حول ولا قوة إلا بالله العلي العظيم حسبنا الله ونعم الوكيل فليشهد العالم اننا نقتل بأيدي أبنائنا💔ربي سلمكم ويحفظكم يارب

منقول

- رجاءً من جميع " #أهالي_طرابلس " مشاركة هذه النصائح لـ التقليل من مخاطر قذائف الهاون والقصف الصاروخي 💔🙏🏻

١- لايمكنك تجنب ( قذائف الهاون ) الا بعد بدء تساقطها ، وأفضل الطرق لتقليل مخاطر الإصابة هي عدم وجودك في مكان مكشوف ، فمعظم الضحايا يسقطون في الأسواق والشوارع من جراء الشظايا ، وان لم يكن ثمة مكان للاختباء السريع فالاستلقاء على " #الأرض " يقلل من احتمال الاصابة بالشظايا ▫️

٢- قم باختيار احدى ( الغرف ) في منزلك لتلتجئ اليها أنت وعائلتك سريعاً حال سماع قذائف الهاون ، يجب أن تكون هذه #الغرفة غير مطلة على الشارع الخارجي ويفضل أن يكون فوقها طابق آخر ، وربما تكون المساحة التي تحت الدرج داخل المنزل ملائمة للاختباء أثناء القصف ▫️

٣- يصاب كثير من المواطنين في منازلهم من جراء الزجاج المتطاير سواء بالاصابة المباشرة أو من شدة القصف ، يمكنك تقليل خطر " تطاير الزجاج " بوضع #شريط_لاصق علامة (X) مع الابتعاد عن النوافذ ، ويمكن حماية المواقع ضعيفة التحصين في المنزل بسواتر ( أكياس الرمل ) .

٤- يجب إبعاد قناني الغاز وبراميل النفط عن الفضاءات المكشوفة وتغطيتها بشكل مناسب لتجنب إصابتها بالشظايا ومن ثم اشتعالها، كذلك يجب إطفاء الطباخ ان كان الطعام يطهى، والاحتفاظ بمواد للاسعافات الأولية السريعة في حالة الاصابة لاسامح الله .

السلام عليكم ، صباح الخير
حداداً على الأوضاع الي صايرة ، و مش نبي ندير شوشرة لكن (عن نفسي) نشوف فيه معادش وضع قراية ، آسف من الجميع حنتغيب لفترة و حنقصر معاكم ..

- كل شيء حدثته لآخر كلمة عطتها الكلية و الكورسات :

- تسجيل العملي للكلية فسيو - ECG 1 قروب الثلاثاء .
- تسجيل الكلية فسيو - CVS 1 .
- سلايدات الكلية فسيو - CVS 1 .
- تسجيل الكلية هستو - GIT Part 2 (Lecture 1) .
- سلايدات الكلية هستو - GIT Part 2 .
- (شيت الكلية هستو Urinary system) ما حصلتاش .
- تسجيل د.محمد الخمسي الأخير في CHO Metabolism ، ومقدمة على A-A Metabolism و الفيديو متاعه .
- شيت د.محمد الخمسي 5 (آخر واحد نزل) غر نوتيه PDF و تلقوه إن شاء الله .
- تسجيل د.خالد ميلاد المراجعة 4 Thorax .
- تسجيل د.عبد المنعم المريمي الأخير + سبوراته .

ربي يسلمكم و يحفظكم و يهني البلاد و يصلح الحال ، و حسبنا الله في من أراد لنا سوء .

لنا لقاء قريب إن شاء الله
و السلام عليكم و رحمة الله وبركاته 😊💐