(clinic_sem12 🎓 ) - المفاضلة 5
4.17K subscribers
10.6K photos
303 videos
3.27K files
930 links
كل مايلزمك ( تسجيلات ، شيتات pdf ، سلايدات ، أسئلة سنوات ، اعلانات الكورسات & مواعيد الدكاترة )
روبوت الدفعة Best finder :
@MF5_Bot
للتواصل مع " الآدمنز" :
@MF5_TWASAL_BOT
للتواصل مع " المندوبين " :
@Mandobeen5_bot
👩🏻‍⚕️👨🏻‍⚕️SEM
Download Telegram
#الكلية _الأن
محاضرة الهستو الدكتوره ماجتش ، واما محاضرة الفسيو CVS الدكتوره ندى تعطي و عاودت اول محاضرة .
بالنسبة للحضور قالت إنها مش متوقعه العدد هدا 😅
وقالت مش ترخو بيا بعد 3 او 4 محاضرات يعني اللي حضر يداوم لأنها حتى هيا تسكن ف منطقة اشتباكات .
موفقين و منورين .
(كلام طويل شوية يا ريت تقروه)

- تحت شعار : "الإحسان"

ناقشتني زميلتنا كلثوم على حملة تطوعية لإغاثة العائلات النازحة من مناطق الإشتباكات إلى المدرسة الكائنة في منطقة الفرناج .

الوضع جديّاً يحتاج فزعة من الناس الخيّرة ، و في الشدائد تبرُز المعادن !
ليبيين منا و فينا بسبب الحرب هُجِّروا من بيوتهم و يعلم الله بحالهم ، فيهم ذوي إحتياجات خاصة و مش قادرين يوفروا احتياجاتهم من أدوية و حقن و مؤن و غيرها من اللوازم .

فبداية منّا كدفعة نقدروا نمدوا يد العون و لو بشيء رمزي ، عددنا كبير و الشيء البسيط حيعطي نتيجة كبيرة .
و ما تنسوش - صلى الله عليه و سلم - قال : "وَاَللَّهُ فِي عَوْنِ الْعَبْدِ مَا كَانَ الْعَبْدُ فِي عَوْنِ أَخِيهِ"
و أربح التجارة هي الي تكون بينكم و بين ربي ، و كلمتكم لأني عارفكم مش حتقصروا .

حنشوف كيف التنسيق للتجميع و أمتى يبدأ و نقوللكم وين تقدروا تتبرعوا ، و آسف على إطالتي ، و ربي يبارك فيكم 💐😊

(لِلَّذِينَ أَحْسَنُوا الْحُسْنَى وَزِيَادَةٌ وَلا يَرْهَقُ وُجُوهَهُمْ قَتَرٌ وَلا ذِلَّةٌ أُوْلَئِكَ أَصْحَابُ الْجَنَّةِ هُمْ فِيهَا خَالِدُونَ)
(clinic_sem12 🎓 ) - المفاضلة 5 pinned «(كلام طويل شوية يا ريت تقروه) - تحت شعار : "الإحسان" ناقشتني زميلتنا كلثوم على حملة تطوعية لإغاثة العائلات النازحة من مناطق الإشتباكات إلى المدرسة الكائنة في منطقة الفرناج . الوضع جديّاً يحتاج فزعة من الناس الخيّرة ، و في الشدائد تبرُز المعادن ! ليبيين…»
- مشكلة البوت تكررت ثاني و وقف ، مدابيكم ما تعطوشي أوامر لين نقوللكم .
(clinic_sem12 🎓 ) - المفاضلة 5
- مشكلة البوت تكررت ثاني و وقف ، مدابيكم ما تعطوشي أوامر لين نقوللكم .
- الخلل مش في البوت ، الخلل في الإستضافة متاعه واقفة ، الي يبي حاجة ما حصلهاش يتفضل نبعتهاله لين يندار حل و يرجع للسيرفر .
مساكن للنازحين بدون مقابل 👇🏻 الدال على الخير كفاعله. ربي يحفظ الجميع
السلام عليكم..
البوت رجع للخدمة تاني ، المشكله كانت في المستضيف وتوا تصلحت .✌️🏻
(clinic_sem12 🎓 ) - المفاضلة 5
(كلام طويل شوية يا ريت تقروه) - تحت شعار : "الإحسان" ناقشتني زميلتنا كلثوم على حملة تطوعية لإغاثة العائلات النازحة من مناطق الإشتباكات إلى المدرسة الكائنة في منطقة الفرناج . الوضع جديّاً يحتاج فزعة من الناس الخيّرة ، و في الشدائد تبرُز المعادن ! ليبيين…
تبعاً للرسالة هذي اتفقنا أنا و كل من زملاءنا :
أحمد حنيش - @Ahmed_Hanish
رؤيا الغناي - Roia
كلثوم جمال - @kaltom_gamal
أحمد العصاوي - @AhmedAlossawi
أننا نستلموا تبرعاتكم و حنتواجدوا في مكانات مختلفة باش تلقونا .

- أحمد و رؤيا حتلقوهم معاكم في محاضراتكم في مركز أبو الطب .
- أنا وكلثوم و زميلتها ندى في مركز إيضاح .
- لو غدوا حصلت فرصة حنجي للكلية و مرات نتفق مع مصور تحطوا عنده تبرعاتكم حنقوللكم عليه ، ومرات تلقوني انا بطوبتي 😂 .
الشباب يتفاهموا مع الشباب و البنات مع البنات ، و الي ما يعرفناش كلنا يكلم الي يلقاه فينا عادي .

و ربي يوفقنا و يوفقكم و إن شاء الله حسنات تثقل موازينكم 💐
(clinic_sem12 🎓 ) - المفاضلة 5 pinned «تبعاً للرسالة هذي اتفقنا أنا و كل من زملاءنا : أحمد حنيش - @Ahmed_Hanish رؤيا الغناي - Roia كلثوم جمال - @kaltom_gamal أحمد العصاوي - @AhmedAlossawi أننا نستلموا تبرعاتكم و حنتواجدوا في مكانات مختلفة باش تلقونا . - أحمد و رؤيا حتلقوهم معاكم في محاضراتكم…»
- بما أن البوت رجع للخدمة ؛ شوية و نديروا أبديت للجديد كله إن شاء الله .
Forwarded from Roia El Genai
# السلام عليكم .. محاضرات غدا .. الاربعاء .. ان شاء الله .. كالاتي:

🔹بايو 1 :مفيش

🔸بايو مقدمة :مفيش

🔹بايو 2 : مفيش

موفقين ..
~ د. محمد الخمسي
د. خالد ميلاد غدوا مافيش .
د.عبد المنعم المريمي غدوا مافيش .
الله يسلم ، و حسبنا الله و نعم الوكيل !
اللهم أني أستودعتك ليبيا وأهلها، أمنها وأمانها، ليلها ونهارها، أرضها وسماءها و أستودعك ربي نساءها وشبابها وأطفالها و أموالها يا من لا تضيع عنده الودائع يا ودود ياكريم ياذي العرش المجيد .
اللهم احقن الدماء ووحد الصفوف ، وحفظكم الله زملائنا الأعزاء من كل مكروه وجعلكم الله دخرا وفخراً لليبيا .

بلادنا في امَس الحاجة الي الدُعاء ، لا تقصرو تجاهها .