- هذا فيديو البث المباشر ، الي ما يفتحلاش يحوله على VLC :

صباح الخير للجميع

زملائنا اللي في مناطق الإشتباكات، زملائنا الل متخوفين من الأوضاع تتأزم ومش قادرين يجوا للكلية، ياريت تعبوا النموذج التالي بش نحصروا الأعداد متعكم ونشوفوا الآلية اللي حنديروها بش الكلية تعوضكم في كل شيء فاتكم

https://docs.google.com/forms/d/e/1FAIpQLScxQCQO6PwfaOgvE6NG_rN4zmFcB6-SW1KXfciOlqurCP00QA/viewform

ياريت كل العالقين والمتخوفين من الوضع يعبوا النموذج، ولو تعرفوا حد عالق ومعنداش نت ياريت تتواصلوا معه أو تعبوا الفورم نيابة عنه

بالتوفيق للجميع...

جت الهستو وعطت

(كلام طويل شوية يا ريت تقروه)

- تحت شعار : "الإحسان"

ناقشتني زميلتنا كلثوم على حملة تطوعية لإغاثة العائلات النازحة من مناطق الإشتباكات إلى المدرسة الكائنة في منطقة الفرناج .

الوضع جديّاً يحتاج فزعة من الناس الخيّرة ، و في الشدائد تبرُز المعادن !
ليبيين منا و فينا بسبب الحرب هُجِّروا من بيوتهم و يعلم الله بحالهم ، فيهم ذوي إحتياجات خاصة و مش قادرين يوفروا احتياجاتهم من أدوية و حقن و مؤن و غيرها من اللوازم .

فبداية منّا كدفعة نقدروا نمدوا يد العون و لو بشيء رمزي ، عددنا كبير و الشيء البسيط حيعطي نتيجة كبيرة .
و ما تنسوش - صلى الله عليه و سلم - قال : "وَاَللَّهُ فِي عَوْنِ الْعَبْدِ مَا كَانَ الْعَبْدُ فِي عَوْنِ أَخِيهِ"
و أربح التجارة هي الي تكون بينكم و بين ربي ، و كلمتكم لأني عارفكم مش حتقصروا .

حنشوف كيف التنسيق للتجميع و أمتى يبدأ و نقوللكم وين تقدروا تتبرعوا ، و آسف على إطالتي ، و ربي يبارك فيكم 💐😊

(لِلَّذِينَ أَحْسَنُوا الْحُسْنَى وَزِيَادَةٌ وَلا يَرْهَقُ وُجُوهَهُمْ قَتَرٌ وَلا ذِلَّةٌ أُوْلَئِكَ أَصْحَابُ الْجَنَّةِ هُمْ فِيهَا خَالِدُونَ)

- مشكلة البوت تكررت ثاني و وقف ، مدابيكم ما تعطوشي أوامر لين نقوللكم .

- الخلل مش في البوت ، الخلل في الإستضافة متاعه واقفة ، الي يبي حاجة ما حصلهاش يتفضل نبعتهاله لين يندار حل و يرجع للسيرفر .

مساكن للنازحين بدون مقابل 👇🏻 الدال على الخير كفاعله. ربي يحفظ الجميع

السلام عليكم..
البوت رجع للخدمة تاني ، المشكله كانت في المستضيف وتوا تصلحت .✌️🏻

تبعاً للرسالة هذي اتفقنا أنا و كل من زملاءنا :
أحمد حنيش - @Ahmed_Hanish
رؤيا الغناي - Roia
كلثوم جمال - @kaltom_gamal
أحمد العصاوي - @AhmedAlossawi
أننا نستلموا تبرعاتكم و حنتواجدوا في مكانات مختلفة باش تلقونا .

- أحمد و رؤيا حتلقوهم معاكم في محاضراتكم في مركز أبو الطب .
- أنا وكلثوم و زميلتها ندى في مركز إيضاح .
- لو غدوا حصلت فرصة حنجي للكلية و مرات نتفق مع مصور تحطوا عنده تبرعاتكم حنقوللكم عليه ، ومرات تلقوني انا بطوبتي 😂 .
الشباب يتفاهموا مع الشباب و البنات مع البنات ، و الي ما يعرفناش كلنا يكلم الي يلقاه فينا عادي .

و ربي يوفقنا و يوفقكم و إن شاء الله حسنات تثقل موازينكم 💐