أعزائي طلبة التشريح
غدا الاحد نستأنف مراجعات التشريح فقط لمدة يومين بمركز إيضاح ولمن لا يستطيع سيتم تنزيل التسجيلات اول بأول وربي يحفظ الجميع :

سمستر 4 من 9 إلى 11
سمستر 2 من 11 إلى 1
سمستر 3 من 1 إلى 3
سمستر 1 من 3 إلى 5

وربي يسلم البلاد والعباد

الاحد...
من ال9.30ل11..بايو2..ابو الطب.
من ال11ل1..بايو1..ايضاح..
من ال1.30ل3..بايو2..ايضاح.
من ال3ل5..بايو3..ايضاح..
بايو1..ابو الطب عطلة..وبالتوفيق.

بالله نزلي في القناة عندي دسكات 2 هستو 1 عملي وحدة دكتور العربي بس ووحدة معاها اناتومي 1 عملي لد خالد وعندي دسكة مخلطة دبشير والتهامي وكتاب عملي اناتومي 1، للطلبة يلي محتاجين وماعندهمش وماقدروش يوصلو للكلية بنحطهم في مصور ابو الطب

الي مستحق شي منهم يكلمها @RayanxAbdalhadi

السلام عليكم

خل نشرحولكم الوضع اللي صاير شويا:

تعليق الدراسة واللي الأغلبية تبيه إحنا خاطبنا الكلية بخصوصه، والكلية ماتقدرش تعلق الدراسة منها ليها، بل الجامعة نفسها ماتقدرش الا بقرار من الوزارة؛ والموضوع فيه تجاذبات سياسية وحاجات في الخفاء مش حنتكلموا عليها لأنها معروفة.

بالنسبة للامتحانات على جميع الكليات بقرار من رئاسة الجامعة إنها تتأجل، ولو استمر الوضع بالطريقة هذه "والذي نسأل الله تعالى أن يوقف سيل الدماء" حتتأجل كل الأمتحانات "بدون مقترحات ولا شيء"

إحنا حاليًا مجرد تنسيق مع الأقسام بخصوص المحاضرات وهكي وقاعدين نلغوا في اللي نقدروا عليه والتنسيق على أليآت التعويض مستقبلًا كيف حتكون

ربي يفرج علينا جميعًا...


#إتحاد_طلبة_كلية_الطب_البشري
#مكتب_الشؤون_الطلابية

- تم معالجة الخلل الي صار في البوت ، جربوه توا و الي قاعد مايستجيبلاش يبعتلنا على بوت التواصل .

- تسجيل د.محمد الخمسي أمس .
- تسجيلات د.عبد المنعم المريمي + سبوراته لآخر محاضرة .

(تلقوهم على البوت)

- و محاضرة الخمسي صورتها زميلتنا فيديو و تبعت فيه حينزل إن شاء الله بعدين شوي .

- أما مراجعة د.خالد ميلاد اليوم فحينزلها Video record على قناته و حنحطوها لما تنزل .
(ولو حد سجل و يقدر يبعت التسجيل أفضل) .

موفقين ✨

اقروا الستيت والي في القروب هذا يخش يصوت على الإستفتاء الي دايره بشير ، مانقدرش نضيف حد للقروب لانه سري كلموا الادمنز متاعينه يضيفوكم ليه .

.
الي عنده جار وطلع ف الاحداث اللي صايره يسأل عليه ويشوفه اللي عنده جار جديد ساكن مش زابط حد يطقطق عليه ويدوره
اللي عنده جار ماعنداش ولاد شباب يسأل عليه ويونسه
العويله اللي ماعندهاش راجل وكلها نساوين شوفوها وتفقدوها وبدات اللي يسكن ف مناطق الضرب والفوضي
اسألو عليهم ف اللي نفسه عزيزة ويتحشم يتكلم والحاجه صعبه وكسره الخاطر واعره اللي مستحق عاونه واللي يبي شي اخدمه واللي طلع من حوشه استره وماتخليشي يبات ف شارع وللي تقدر اديره ديره ماتقصرش وخلي نيتك لله مش ع خاطر يشكرك فلان او علان الدين مش لحيه وكثرة صلاة وعبادة بس الدين معاملة وموقف ولاد الاصل يبانو ف الشده.. وربي يفرحها علينا عاجلا غير آجل..

قروب إيضاح بايو 2 ، إييييوزززاااع !!🔥😂

- تسجيلات مراجعة د.خالد ميلاد اليوم
- فيديو محاضرة امس د.محمد الخمسي (مقسم 4 فيديوات افتحوهم بالترتيب)
نزلوا على البوت .

🔶 ملاحظة مهمة : فيديوات الخمسي حتلقوهم من غير صوت لازم تخدموهم على VLC أو أي برنامج تشغيل ثاني باش يخدملكم الصوت !

بالتوفيق

الباين انه د. خالد اليوم مصورش الفيديو لان الي عالبوت تسجيلات مش فيديوات فلهدا لو اي طالب منكم سجل فيديو متع مراجعة اليوم يبعته عالبوت لان الطلبة الي مقدروش يجو يبوه ومشكورين 💚🌺

الاثنين ...
من 9ل11..بايو2..ابو الطب.
من ال11.30ل1بايو1..ايضاح.
من ال1.30ل3..بايو2..ايضاح.
من ال3.30ل5..بايو3..ايضاح.

عجبني الرقم بسس😂😍❤️

#للأدمن بالله عليكم معاش تتكلمو في السياسسة في القناة تفادياً للمشاكل والحساسيات "من نظري"
في النهاية هادم ليبين في بعضهم من بلاد وحده ومدينه وحده ودم واحد 💔

وربي يهدي العباد ويصلح حالنا يارب 😭💔

ربي يحميكم ❤️🔥

💛اتفق

- د.محمد الخمسي لغي محاضرة اليوم بايو 2 (قروب إيضاح) .

البث المباشر لمحاضرة د.عبد المنعم المريمي توا :
https://www.facebook.com/mohamed.naji.5030/videos/1150285671800286?sfns=copylinkios