- بعيداً عن الطب ، في قروب الدفعة على الفيس بوك درت مشاركة لستيت عن الثقب الأسود الي تم اكتشافه و تصويره لأول مرة في تاريخ البشرية ، و طلبت من زملاءنا يدلوا بعلوماتهم عليه .

اتحفوني حقيقةً و استمتعت بالمعلومات ، فـ يلي حاب يستفيد و يتطلع يشوف الستيت 😊

موفقين 💐

- ف حد عنده شيتات دكتور الياس النعاس ف الكاربوهيدرات ميتابولزم ؟


- ياريت تبعتوهم ع البوت ومشكورين 🌸💙

السلام عليكم
تهيبكم جمعية الهلال الأحمر الليبي فرع طرابلس بأرقام الهواتف الخاصة بالطوارئ و المفقودين
أرقام الطوارىء: 0940000375 - 0940000376 - 0915031784 - 0944716189 - 0928853028
أرقام المفقودين: 0923931439
جمعية الهلال الأحمر الليبي فرع طرابلس

- بقدر الإمكان انزلو مناشير المساعدات لكي تصل لأكبر عدد مُمكن ، فلربما احد يحتاجها .

حفظ الله ليبيا وأهلها .

- تسجيل الخمسي اليوم قسمته على جزئين ، كمل شرح Glycogenesis و Glycogenlysis في الجزئية A و الجزئية B بدي في Monosaccharides metabolism .

تلقوهم على البوت .

تسجيل الcvs كلية اول محاضرة

ح ينحط في البوت بس حطيته هني لان زميلتنا قالت ان الدكتوره قالت اي حد حاصل في مناطق الاشتباكات ويبي كورس مجاني ف الفسيو يكلمها وتشرحله

ربي يباركلها في وقتها وعلمها ❤️

السلام عليكم
دكتوره الفسيو قالت لو السبت مش ح يجو طلبه قولولي لان تسكن في مناطق الاشتباكات هيا ف بتجي ع خاطرنا كنهاذه

الي بيمشي السبت "اكييييد" يصوت انه بيمشي 👍

والي مش ماشي يصوت 👎

لان حرام نطلعوها من حوشها ف وضع زي هذا وتجي وماتلقاش طلبه 💔

موفقين يارب

غدوا إن شاء الله لو تحسن الوضع انسقوا على العودة للكلية باش معادش يضيع وقت اكثر ، خليكم موجودين في العشية 😊 .

ربي يصلح حال البلاد
ليلتكم سعيدة

توا كل يوم ورا الثاني النفسية تزيد تولي احرف من اليوم اللي قبله والواحد فينا بيتطربق لان في الحياة زي ما نلاحظو تجيك الخبطات كلها ورا بعضها ان اي حاجة في حياتك من اصغرها لاهم حاجة عندك فجاة كل حاجة تولي ضدك 🙄💔

طبعا تقول يا ربي علاش اني باهي شن درت في ناس اشر مني علاش اني اللي يصير معاي هكي مش هما لكن في مرات الاجابة بسيطة جدا
ان الله اذا احب عبدا ابتلاه ❤❤

تعرفو في حاجة قريتها مرة ومطبوعة في ذهني
ربي مرات يجيبلك مصيبة هكي كبريتها في حياتك لمجرد انه استاحشك ❤🔥🔥 تخيلو خالق الكون العظيم جل جلاله يستاحش عبد يستاحش صوته هادي مش شوية

وحاجة ثانية انت تقول علاش اني به في ناس هلبة مش كويسين علاش المصايب تجي فيا علاش ديما الناس اللي مش كويسة هي اللي تحصل اللي تبيه تلقاها عايش في نعيم تعرفو ان الموضوع مرعب جدا جدا 💔
ان ربي يبي يلهيهم ما يبيهمش يدعوه ولا يطلبو منه شي يعطيهم اللي يبوه توا في الدنيا بش بعدين يلاقو جزاءهم في الاخرة وبيكون اشد عذاب

فكل واحد فينا يفرح باللي عنده من ابسط حاجة لان في غيرك يتمنى ان يحصلها ثانية وحدة بس وان يحمد ربي على المصايب اللي يجوه لما حد فينا يمرض هلبة وحتى يخش للمستشفى عمره فكر يحمد ربي عليها ؟ للعلم ان هادي بروحها نعمة
انك تمرض مرضة قوية نعمة من ربي تنحي بيها ذنوبك تحس روحك انسان جديد بعدها💙💙

ما حد فينا قاعد في الدنيا هادي فيحاول يخلي بصمة مهما كانت بسيطة يخلي اثر لوجوده اثر كويس ابسط حاجة تقدر اديرها ممكن تفرح غيرك بيها
تقدر تصنع حاجات ولا ترسم ولا تعرف تكتب كلام حلو ابعث للناس اعطيهم فرحهم من غير مقابل ما تستنى شي 💙
فاهم مادة وحاسس روحك كويس فيها اشرح للناس واصلا لما تشرح تثبت اكثر وتفهمها اكثر

ما تركزش في حياة الناس شن عندهم وانت ما عندكش لان راهو والله والله والله مهما بانلك ان الشخص حياته مثالية ومافيهاش عيب فصدقني ان حتلقى عنده مصايب هكي كبريتهم
ربي يعطي وياخذ حطوها في بالكم يعني ربي يعطيك نعمة مليحة لكن بينحي منك حاجة لان بش يكون في عدل بين الناس

انتو تقرو في طب هادي المهنة سامية بشكل انتو حتتعاملو مع ناس تتعذب ناس تحس بالام مش طبيعية وانتو مهمتكم بمساعدة الله سبحانه وتعالى انكم تخففو عليهم 💙

احلى حاجة ممكن تشبحها في حياتك لما صغير يبتسم رغم انه ما عنداش حيل يتحرك مع ذلك يبتسم وابتسامة نقية من قلبه واحد صغير اللي شافه المرض والتعب وما استمتعش بحياته ويضحك وفرحان من كل قلبه تعلمو منه 🙄❤

جربوها حتى انتو كل ما اضيق بيكم الحياة ابتسمو والله ابتسامتكم حلوة هي 😂❤❤❤🔥🔥 مافيش احلى من ابتسامة ولا ضحكة تطلع من قلبكم مهما كان صايرلكم لان كل ما كانت حياتكم خاشة بعضها وانتو تبتسمو كل ماكانت ابتسامتكم احلى ❤❤

ربي يحفظكم جميعا يا رب ويفتحها عليكم ويريح بالكم ويريح قلبكم ويهديه يا رب ويا رب تجيكم حاجة تخليكم اطيرو من الفرحة يا رب ❤❤❤
بالتوفيق جميعا 💙

- رسالة من زميلة :

بلغتني د.سعاد دكتورة الآناتومي إنها غدوا مش حتعطي محاضرة
اعطيهم علم لأن مرات في من بيمشي على خاطر الآناتومي .

اخر كلام عل موضوع الفسيو
كلمت الدكتورة و قالت انها بتجي و بتعطي المحاضرة وهيا مش بيدها الموضوع هدا

لكن المحاضرة بتتعاود للطلبة اللي محضروش

يعني من الاخير الدكتورة لو ملقتش حد ف المدرج و لقاته فاضي مش ح تعطي شىء

وهيا ف جميع الاحوال بتعاودهالنا 🤷🏻‍♀

ف خلونا متعاونين مع بعض و متمشوش
تمام ؟

اضافه لكلام حنين فوق مداما اناتومي مش حتعطي كذلك يعني معندكمش علاش ماشين 😂 نتكلم على جماعه 3%

غدوا لو في حد بيمشي لمحاضره د عبدالباري ادريس "بايوو2" ياريت يسجل ويبعتهالي لان هلبا بنات يحضرو عنده ويسكنوو بعيد صعب يجو وفي الي حاصلين في الاشتباكات ياريت تسجلووها المحاضره لان حتى اني مش متأكده من روحي نمشي او لا ع حسب الوضع غدوا الصبح شنوو

@he_ba1 ✨

فيديوات شرح cns

# السلام عليكم .. محاضرات غدا .. السبت .. ان شاء الله .. كالاتي:

🔹بايو 1 :
- ابو الطب: 1:30 - 3
-الايضاح(الرحاب): 10:30 - 12

🔸بايو مقدمة :
- الرحاب: 9 - 10:30

🔹بايو 2 :
-ابوالطب: 3 - 4:30
-الايضاح(الرحاب): 12 - 1:30

موفقين ..
~ د. محمد الخمسي

توا كل مرة نكسد نكتب حاجة وطبعا هلبة وحدين يشتكو انهم جرايد 😂😂💔 الله غالب
هادي المرة عندي نصايح على القراية حاجات تساعدكم

⭐اولا اكتب اللي بتقراه وقسمه يعني خوذ ورقة اكتب فيها اللي عندك بتقراه حط كل حاجة قدامك
مثلا الفسيو قسمه لعناوين قسمه لخمسة اجزاء لان الشيت طويل وكل جزئية من الخمسة ديرلها عنوان ولا بالارقام والجزئية اللي تكملها خطها من القائمة حتحس انك ادير في انجاز

⭐ثانيا ما تقراش بتوتر وتقعد تقول حي عليا الامتحانات قريب واني مش قارية شي وبتقعدلي ديما وحدة نعرفها هكي تقول 🌚😂😂😂
المهم لما بتجو تقرو استهدو بالله بالشوية بالشوية عليكم قولو بسم الله قولو ✨اللهم اسئلك فهم النبيين وحفظ المرسلين والملائكة المقربين ✨
خوذو نفس وتوكلو على ربي وابدو اقرو

⭐لما ما عندكش نية تقرا وحاسس روحك متضايق هلبة والدنيا متراكمة والخلوق في شيشة افتح سورة يس واسمعها وبعدين حطو روحكم قدام الامر الواقع قدام شيتاتكم اللي تقراه تقراه

الحياة مش كلها قراية صح والدرجات مش هما اللي بيقررو انت شني
المهم انك تتعب وتخليها على ربي دير اقصى جهدك بتاع تعرف انك معاش تقدر ادير اكثر من هكي خلاص وتوكل على ربي ومعاش تفكر في شي ما تقولش غير ان شاء الله نصفي
قول يا ربي اني درت اللي عليا واللي تعطيهولي راضي بيه ❤🔥
مرات مش من اول مرة يجيك اللي تبيه لان مرات ربي يبي يوضحلك ان ياما طريقة قرايتك لازم ما تغيرها ياما انك قاعد ما درتش اقصى جهدك
هادي الحاجة بين يدين ربي كل واحد ربي كاتبله حاجة وما نعرفوش احني الحكمة منها شني لكن تو تبان بعد فترة 💙
ما تيئسوش ولا تبكو على خاطر ما جاوبتوش ولا على خاطر درجاتكم قولو الحمد لله وخلوها على ربي واللي تجيكم قولو الحمد لله لان جتكم من ربي اي حاجة من ربي حلوة والله ❤❤❤🔥🔥