السلام عليكم نادر افتح مكتف لفسيو٢

الي يعرف شي يفيدنا عالبوت؟👆🏻

لامزال مافتحش لان قعد ماكملش رينال هذا كان رد احد طلبة د. نادر بارك الله فيكم 🌹❤️

الشخصين الي مشوا وحضروا مع د.زكية إن شاء الله استفدتوا بس . 🙂

الدفعة 428 طالب و الي شافوا الكلام لما تكلمنا كانوا اكثر من 1000 طالب ..

و المدرج و الكلية كانوا فاضيين ، و كان في إمكانية للتفاوض مع الدكتورة بخصوص أن الطلبة ميقدروش يجوا و أنها ما تفتحش شابتر جديد ، فأكيد توا انفتح شابتر و معادش حيتسكر لين يتم 🙂 ..
و بهكي الطلبة بيتراكم عليهم المنهج فوق من أن الظروف مانعتهم و ميقدروش يحضروا ..

لما نقولوا ماحد يمشي وخليكم يد وحدة ؛ ميعنيش أننا مستهترين و نبوا نتأخروا ، و لكن أنك تراعي زملائك في الشدة أولى من أنك تكون أناني .

صفحة جديدة بتاريخ جديد ، معادش تزيدوا الموضوع دوة .
ما حد يمشي الايام هذي و فكروا فغيركم ، الظروف و الدنيا يدوروا و اليوم بيوع في بايو و انجليزي ، غدوا تنباعوا في باطنة و جراحة و ماحد يعدل عليكم و يراعيكم .

و مع كامل أسفي إن شاء الله وصل المقصد !

- تسجيل محاضرة د.محمد الخمسي اليوم
- تسجيلات د.عبد المنعم المريمي لعند محاضرة اليوم + سبوراته + PDFs لمذكراته فيها شرح .

تلقوهم على البوت في مكانهم المخصص ، موفقين 💐🌷

السلام عليكم ..
دفعتنا العزيزة ..✌🏻
● أولاً نبي نوجه تحية شكر اليوم👌🏻 والله ابهرتوني الحق ، مشاء الله دفعة كلها متضامنة و كنا قوة فعل اليوم حتى الهستو اليوم لغوا المحاضرات الى اشعار اخر لما عرفوا ان الدفعة كلها متضامنة ، بغض النظر عن بعض الخروقات في المعاهادات والإتفاقيات اليوم😂 وكان شي متوقع و اللي حضروا اليوم ليهم حريتهم الشخصية لاكن يا ريت بس تسايرونا الفترة هاذي لمصلحة الاغلبية 😁 .
● ثانيا نبي نوضح شي بسيط نعرفوا ان زميلة لينا حظرت اليوم و بعض الزملاء نزلوا فيها بالكلام اتمنى شي هذا يوقف وتبطلوا شهدرة مهما كان، فيها زميلتنا في الاخير وليها حيرتها الشخصية واحني دفعة وحده ، منبيش حد يقعد يخشلها في الخاص يلقحلها الكلام اذا امكن من باب الاحترام حتى لو زميتلكم حضرت عيب كدفعه يصير شي هذا بيناتنا الاحترام بيناتنا اهم شي .
● ثالثا محاضرة البايو اللي اعطتها اليوم د. زكية حنكلموها الدكتوره نقولولها تعاودها للدفعه كاملة ..
● رابعا وأهم شي .... نبي نوضح شي بسيط ، كل واحد في الدفعة اللي فيها فوق" 400 "طالب كلهم ميبوش القرايه تتأجل وعارفين الشي هذا بيضرنا هلبااا 🙄🙂 و التضامن بيكون الاسبوع هذا فقط لين نعرفوا راصنا من ساسنا ،يعني كبيرها السبت او الثلاثاء القادم اللي تقرروه انتم ، يعني سبوع ميظرش حد لاكن فية فايده كبيره لينا وليكم يعني الكل رابح ، وإن شاء الله نكملوا نكونوا يد وحده ، دفعة وحدة زي اليوم ✊🏻.
● خامساً منبوش سلبية⛔ لأن والله جو زي ما تشبحوا فيه ميساعدش بكل و يا ريت حتى شوية ➕ حتى بالكلمة الطيبه سادة .
وأعتذر اني طولت عليكم وأن شاء الله ربي يوفقنا و يحفظ البلاد و يهدي العباد 👐🏻
#مندوبين_الدفعة

# السلام عليكم .. ابتداء من غدا ومراعاة للظروف .. بنزيد في زمن المحاضرات وبنقص في عددهم وبندمجكم مع بعض في مركز الرحاب ..

🔸️ بايو 1: 12:30 - 2:30

🔺محاضرة بايو 1 الموضوع (Vit A + مراجعة Vit E)

🔹️ بايو 2: 10 - 12:30

🔺️ محاضرة بايو 2 الموضوع (Glycogen metabolism + مراجعة Glycolysis)

موفقين ..
~ د. محمد الخمسي ~

- تسجيل الخمسي اليوم + شيتاته لعند Krebs cycle .
- تسجيل د.عبد المنعم المريمي اليوم + سبوراته .

على البوت ، و آسف على التأخير التغطية اليوم تاعبة !

ادعوا لليبيا ربكم يفرج عليها و يصلح حالها .

0928853028
0945716189
هادم ارقام الهلال الاحمر
تعرفو حد حاصل في اماكن الاشتباكات
كلموهم

صباح الخير

- بعيداً عن الطب ، في قروب الدفعة على الفيس بوك درت مشاركة لستيت عن الثقب الأسود الي تم اكتشافه و تصويره لأول مرة في تاريخ البشرية ، و طلبت من زملاءنا يدلوا بعلوماتهم عليه .

اتحفوني حقيقةً و استمتعت بالمعلومات ، فـ يلي حاب يستفيد و يتطلع يشوف الستيت 😊

موفقين 💐

- ف حد عنده شيتات دكتور الياس النعاس ف الكاربوهيدرات ميتابولزم ؟


- ياريت تبعتوهم ع البوت ومشكورين 🌸💙

السلام عليكم
تهيبكم جمعية الهلال الأحمر الليبي فرع طرابلس بأرقام الهواتف الخاصة بالطوارئ و المفقودين
أرقام الطوارىء: 0940000375 - 0940000376 - 0915031784 - 0944716189 - 0928853028
أرقام المفقودين: 0923931439
جمعية الهلال الأحمر الليبي فرع طرابلس

- بقدر الإمكان انزلو مناشير المساعدات لكي تصل لأكبر عدد مُمكن ، فلربما احد يحتاجها .

حفظ الله ليبيا وأهلها .

- تسجيل الخمسي اليوم قسمته على جزئين ، كمل شرح Glycogenesis و Glycogenlysis في الجزئية A و الجزئية B بدي في Monosaccharides metabolism .

تلقوهم على البوت .

تسجيل الcvs كلية اول محاضرة

ح ينحط في البوت بس حطيته هني لان زميلتنا قالت ان الدكتوره قالت اي حد حاصل في مناطق الاشتباكات ويبي كورس مجاني ف الفسيو يكلمها وتشرحله

ربي يباركلها في وقتها وعلمها ❤️

السلام عليكم
دكتوره الفسيو قالت لو السبت مش ح يجو طلبه قولولي لان تسكن في مناطق الاشتباكات هيا ف بتجي ع خاطرنا كنهاذه

الي بيمشي السبت "اكييييد" يصوت انه بيمشي 👍

والي مش ماشي يصوت 👎

لان حرام نطلعوها من حوشها ف وضع زي هذا وتجي وماتلقاش طلبه 💔

موفقين يارب