دكاترة الكورسات كُلهم لغوا مُحاضراتهم حفاظاًع سلامة الطُّلاّب ، لكن فيه اللّي مايهمّه شيء المُهم نفسه وفلوسه.
غدوا شدّوا حياشكم لو خاطركم تكملوا قرايتكم وتعيشوا.
لأنّ نشوف مبكري ف القروب ف كلام إنّ فيه اللّي خاطر وجي للمراكز التّدريبيّة وع أساس أهم شيء قراية ودوّة زي هكّي، شاطر عزيزي استمر أقوى واحد انت👍🏻
طريق الشّط مسكرة كُلها والضّرب كُل يوم يقرّب ومش حينفعكم لا إيضاح لا أبو طب ماتخسر كان روحك ودمعة أُمّك💔
ربّي يسلّم ان شاء الله واللّي فيه عقل يشغله بلا تهوّر

لاتوجد محاضرات اليوم السبت بمركز إيضاح ومتاسف عالتاخير لاني رقدت بكري وهذي النوضة

تم اعطاء محاضرة الفسيو فقط (الدكتور جي متاخر ) و دكتورة سعاد ما جتش اما بالنسبة لدكتورة زكيه جت وكانت بتعطي الثمثيل الايضي للاحماض الامينية لكن الضي كان هارب استناته 40 دقيقة وما جاش فا هدرزنا شويه وتوصلت لقرار ان كل يوم ثلاثاء بتزيد نص ساعة وشيتها قالت نفسه متع السيسمتر اللي فات تلقوه في المصورات

مش عطلة كليتنا؟؟

مش منزلين شي يا آيه ف مشينا وخلاص حتى دكتورة البايو جايه من وادي الربيع من الحرب يعني وقالت ما نزلوش شي وحتى سالتهم ما ردوش عليا وبالدليل الفسيو جي وعطي

#كليتنا شن بنديروا 🤷🏻‍♀️🖤

السلام عليكم
لو سمحتم انى لقيت قناة على اليوتيوب تشرح فى البايو اكويس هلبا فى طالبة ممكن يستفيدو منها اسمها
The organic chemistry tutor

وعليكم السلام
بارك الله فيكي

انجليزي قروب 1

السلام عليكم
في دكتورة على يوتيوب شرحها مليح لكارب ميتابلزم وهذا لينك فيديوهات امتعها
https://www.youtube.com/playlist?list=PLXd13HOsAnZzCrzsNAONuo7Jz2twcq5gr

لاتوجد محاضرات هذا الاسبوع للاسف الشديد ربي يفرج على البلاد والعباد

نحمد الله ان كملنا كل مناهج النصفي بكري بكري ولو ان كنت نتمنى تكملة المراجعات اللي مازال عليهم فقط يومين ... فيها خيرة

# السلام عليكم .. لا توجد محاضرات غدا ...

موفقين ..
~ د. محمد الخمسي ~

في الجدول الجديد...الاحد مافيشي محاضرات
وان شاء الله لو تحسنت الامور موعدنا يكون الاثنين.

صباح الخير 💐

الي مش في محيط الكلية أو في نطاقهم في ضرب بالعقل مش ملزم يمشي ، لو في حاجة مهمة حنحيطوكم بيها علم، أما تسجيل حضور العملي أظن أن الدكاترة ليبيين و موجودين هنا و عاذرين ، و اتحاد الطلبة يراسلوا فيهم بالخصوص ، أما (وزارة التعليم) فبصريح العبارة قالوا المؤسسات الي في نطاقهم حاجة ما يمشوش .

ربي يسلم الجميع و يهدي النفوس و يصلح الحال .

دكتورة الهستو كملت جزئية Urinary تو نوفروا التسجيل ان شاء الله
اما العملي اعتقد انه مافيش على الأغلب ، و تو نأكدوا 😁

- قسم الأناتومي مغلق .
- قسم الهستو فاتحين ، و مراعاةً للطلبة الي ماجوش لغوا المحاضرة (ماعطوش) و بيعاودوا الاسبوع الجاي إن شاء الله .

بالتوفيق 😁

- في حد قدر يسجل محاضرة الهستو من مكان كويس اليوم ؟
لو في يبعتهالي ..

شوية ثانية و يتحدث كل شيء لعند آخر نقطة واصلة عندها الكلية بإذن الله .