#Tayinlov

Toshkent davlat yuridik universitetiga rektor tayinlandi

Xodjayev Baxshillo Kamolovich Toshkent davlat yuridik universitetining rektori lavozimiga tayinlandi.

Baxshillo Xodjayev 1982-yilda Buxoro viloyati, Buxoro shahrida tugʻilgan. Maʼlumoti oliy, huquqshunos, 2-darajali adliya maslahatchisi. 2004-yilda Toshkent davlat yuridik institutini bakalavr bosqichini, 2006-yilda magistratura bosqichini, 2018-yilda Nagoya (Yaponiya) universitetining doktoranratura bosqichini tamomlagan.

Mehnat faoliyatini 2004-yilda “Mezon xususiy xizmati” advokatlik firmasi advokat yordamchisi lavozimidan boshlagan.

➖2005-2006-yillarda Toshkent tuman Qishloq va suv xo‘jaligi bo‘limi yuridik xizmat mutaxassisi;
➖2006-2013-yillarda Toshkent davlat yuridik instituti “Xo‘jalik huquqi va xo‘jalik protsessual huquqi” kafedrasining o‘qituvchisi, katta o‘qituvchisi, dotsent vazifasini bajaruvchisi;
➖2013-2014-yillarda Toshkent davlat yuridik universiteti Biznes huquqi kafedrasi dotsent vazifasini bajaruvchisi;
➖2014-2018-yillarda Yaponiyadagi Nagoya universiteti Qiyosiy huquq yo‘nalishi doktoranti (Doctoral Program in Comparative Law and Political Science);
➖2018-2019-yillarda Adliya vazirligi huzuridagi Huquqiy siyosat tadqiqot institutining bosh maslahatchisi, bo‘limi boshlig‘i, direktor o‘rinbosari;
➖2019-2020-yillarda Adliya vazirligi Yuridik ta’lim va sud-ekspertiza faoliyatini muvofiqlashtirish boshqarmasining boshlig‘i o‘rinbosari;
➖2020-2022-yillarda Toshkent davlat yuridik universiteti Biznes huquqi kafedrasining mudiri, Xususiy huquq fakultetining dekani.

Tayinlovga qadar (2022-yildan) Toshkent davlat yuridik universitetining ilmiy ishlar va innovatsiyalar bo‘yicha prorektori lavozim lavozimida faoliyat koʻrsatgan.

Telegram | Instagram | Facebook | YouTube | Bot

Bunday olib qaralsa, Alisher Qodirov davlat sizlarga ob-havoga topshiriq bermaydi degan mazmunda, nimadir choralar ko'rishni so'ragan faolllarni heyterga chiqargandi. Shundan keyin Ekologiya bo'yicha maxsus komissiya tuzildi, ko'mir ishlatadigan issiqxonalarni gazga ulashyapti, bir qancha katta sanoat korxonalariga ekologik standartlarga tupurib qo'ygani uchun jarimalar qo'llandi. Agar "heyterlar" Alisher Qodirovga o'xshab indamay yuraverganiga kimdir bu muammoni jiddiy olib, choralar ko'rardimi? Manimcha yo'q.

Ha, davlat tabiatga buyruq berolmaydi. Lekin o'zi nazarat qila oladigan darajada choralar ko'ra oladi. Aslida haqiqiy deputatalar bo'lganida fuqarolar bilan bir qatorda ular ham ko'plab organlarga so'rovlar yuborardi, nazoratchi organlarni harakatsizlikda ayblardi. Lekin yo'q, ular gapirgan odamlarni "heyter" deyishni afzalroq ko'radi. Mana chora ko'rsa bo'larkan, mana nimadirlar o'zgaryapti. Kerak bo'lsa, jumada yomg'ir yog'ishiga duo o'qiladi, kerak bo'lsa, o'zidan ketgan quruvchilarga jarimalar solinadi.