🌍 DAILY CURRENT ANALYSIS
by Team Spardhavahini
_______🖌
भारतीय कुस्तीपटूंची तिहेरी सुवर्णकमाई
🗓 17 April 2021 ©स्पर्धावाहिनी
════════════════════
वरिष्ठ आशियाई कुस्ती स्पर्धा
• भारताची आघाडीची कुस्तीपटू विनेश फोगट आणि अंशू मलिक यांनी शुक्रवारी वरिष्ठ आशियाई अजिंक्यपद कुस्ती स्पर्धेत सुवर्णपदकाची कमाई केली.
• टोक्यो ऑलिम्पिकसाठी पात्र ठरलेल्या या दोघींनी कारकीर्दीत प्रथमच या स्पर्धेत सुवर्णपदक मिळवण्याची किमया साधली. याव्यतिरिक्त दिव्या काकराननेसुद्धा सुवर्णपदक पटकावले, मात्र अनुभवी साक्षी मलिकला रौप्यावर समाधान मानावे लागले.
विनेश फोगट:
• महिलांच्या ५३ किलो वजनी गटातील अंतिम लढतीत विनेशने चायनीज तैपईच्या मेंड सुआन-सेईवर ६-० असा विजय मिळवला. यापूर्वी आशियाई स्पर्धेत तीन वेळा रौप्यपदकावर समाधान मानणाऱ्या विनेशने अंतिम फेरीत एकही गुण न गमावता तांत्रिक गुणांआधारे सुवर्णपदक जिंकले.
• विनेश फोगट ही भारतीय कुस्तीपटू आहे. आशियाई खेळ व कॉमन वेल्थमध्ये सुवर्ण जिंकणारी ती पहिली भारतीय महिला होती. याव्यतिरिक्त, ती लॉरेस जागतिक क्रीडा पुरस्कारासाठी नामांकित होणारी पहिली भारतीय खेळाडू होती.
• २०१६ मध्ये त्यांनी अर्जुन पुरस्कार, २०२० मध्ये राजीव गांधी खेल रत्न पुरस्कार जिंकला आहे.
अंशू मलिक:
• हरयाणाच्या १९ वर्षीय अंशूने ५७ किलो वजनी गटाच्या अंतिम सामन्यात मोंगोलियाच्या बत्सेत अटसेगला ३-० असे नमवले. पंचांनी बत्सेतला विविध चुकांसाठी तीन वेळा ताकीद देऊनही तिचा खेळ न सुधारल्यामुळे अंशूला विजयी घोषित करण्यात आले. उपांत्य फे रीत अंशूने तांत्रिक गुणांच्या आधारे क्रमवारीत अग्रस्थानी असलेल्या उझबेकिस्तानच्या सेव्हारा एशमुराटोव्हाला पराभूत केले.
दिव्या काकरान:
• महिलांच्या ७२ किलो वजनी गटात दिव्याने कझाकस्तानच्या झामिला बर्गेनोव्हावर ८-५ अशी मात केली. दिव्याने सलग दुसऱ्यांदा या स्पर्धेत सुवर्णपदक प्राप्त केले. गतवर्षी दिव्याने ६८ किलो वजनी गटात अजिंक्यपद मिळवले होते
स्रोत : लोकसत्ता
संकलन : (टीम स्पर्धावाहिनी )
दिगंबर आधुरे (ASO), राजेश देशमुख (STI)
════════════════
Join : @spardhavahini

🌍 DAILY CURRENT ANALYSIS
by Team Spardhavahini
_______🖌
लिंगभाव संवाद कार्यक्रमाचा शुभारंभ
🗓 17 April 2021 ©स्पर्धावाहिनी
════════════════════
लिंगभाव संवाद कार्यक्रम हा दीनदयाळ अंत्योदय योजना-राष्ट्रीय ग्रामीण जीवनोन्नती मिशन (डीएवाय-एनआरएलएम) आणि अर्थव्यवस्थेत महिला आणि मुलींच्या प्रगतीसाठी काय काम केले जाऊ शकते (आयडब्ल्यूडब्ल्यूएजीई) या उपक्रमाचा एक संयुक्त प्रयत्न असून, या प्रयत्नांमधून समोर येणारे अनुभव एकाच व्यासपीठावर सामायिक करण्यासाठी ग्रामीण विकास मंत्रालयाने या कार्यक्रमाचे आयोजन केले होते.
 लिंगभाव संवाद कार्यक्रम राज्यांना खालील संधी प्रदान करतो:
• महिला संस्थाच्या सुधारणांसाठी इतर राज्यांनी हाती घेतलेल्या चांगल्या कार्यपद्धती / उपक्रम समजून घेणे (उदा. महिलांना सुलभरीत्या जमिनीचे हक्क मिळणे, शेतकरी उत्पादक संस्था (एफपीओ) मध्ये त्यांचा सहभाग, अन्न, पोषण, आरोग्य आणि पाणी आणि स्वच्छता (एफएनएचडब्ल्यू) यासाठी उत्तम कार्यपद्धती, सार्वजनिक सेवा पुरवण्यासाठी मजबूत संस्था स्थापन करण्यासाठी, आणि महिलांमधील असुरक्षित गटांचे संरक्षण आणि त्यांचे निराकरण करण्यासाठी;
• जागतिक स्तरावरील लिंगभाव समस्या/प्रश्न समजून घेणे;
• मुद्दे/अंमलबजावणीतील अडथळे कसे हाताळावेत यासंदर्भातील सूचनांसह तज्ञ आणि इतर सहकाऱ्यांसोबत सल्लामसलत;
• देशातील / इतर देशांमधील लिंगभाव विषयक प्रश्नांवरील सर्वोत्तम पद्धतींचे एकत्रीकरण करण्यासाठी हातभार;
• सध्या सुरू असलेल्या आझादी का अमृत महोत्सवाचा एक भाग म्हणून ग्रामीण विकास विभागाचे सचिव नागेंद्र नाथ सिन्हा यांच्या हस्ते या कार्यक्रमाची सुरूवात झाली. या ऑनलाइन कार्यक्रमात तज्ञांचे एक पॅनेल देखील होते. याव्यतिरिक्त, स्थानिक स्तरातील महिलांनी आपले अनुभव देखील सांगितले.
• 2016 मध्ये, डीएवाय-एनआरएलएमने मुख्य प्रवाहातील लिंगभाव विषयक समस्यांच्या समाधानाकरिता एक लिंग परिचालन रणनीती देखील तयार केली, ज्यात लिंगभाव विषयक मुद्द्यांवरील कर्मचारी, संस्था यांना प्रशिक्षण देण्यावर भर देण्यात आला.

स्रोत : PIB
संकलन : (टीम स्पर्धावाहिनी )
दिगंबर आधुरे (ASO), राजेश देशमुख (STI)
════════════════
Join : @spardhavahini

🌍 DAILY CURRENT ANALYSIS
by Team Spardhavahini
_________🖌

पुष्कर सिंह धामी उत्तराखंडच्या मुख्यमंत्रिपदी
🗓 05 July 2021 ©स्पर्धावाहिनी
══════════════
• उत्तराखंडचे अकरावे मुख्यमंत्री म्हणून पुष्कर सिंह धामी यांनी रविवारी शपथ घेतली.
त्यांच्यासोबत पूर्वीच्या तीरथसिंह रावत मंत्रिमंडळातील 11 सदस्यांचाही शपथविधी झाला.
• राज्यपाल बेबी राणी मौर्य यांनी धामी व त्यांच्या सहकाऱ्यांना पदाची शपथ दिली.
• तिरथसिंह रावत हे नेमणूक झाल्यापासून 6 महिन्यात राज्य विधानसभेचे सदस्य होऊ न शकल्याने त्यांना हे पद सोडावे लागले होते.

कोण आहेत पुष्कर सिंह धामी?
• अखिल भारतीय विद्यार्थी परिषद आणि राष्ट्रीय स्वयंसेवक संघासोबत ते 1990 पासून काम करत आहेत.
• पूर्व मुख्यमंत्री भगतसिंह कोश्यारी यांचे विशेष कार्य अधिकारी म्हणूनही त्यांनी जबाबदारी पार पडलेली आहे.
• ते कुमाऊ भागातून दोनवेळा आमदार म्हणून निवडून आले आहेत.
• वयाच्या 41 व्या वर्षी मुख्यमंत्री होणारे ते उत्तराखंडचे सर्वात तरुण मुख्यमंत्री ठरले आहेत.

स्रोत : लोकसत्ता, द हिंदू
संकलन : (टीम स्पर्धावाहिनी )
दिगंबर आधुरे (ASO), राजेश देशमुख (STI)
══════════════
Join : @spardhavahini

🌍 DAILY CURRENT ANALYSIS
by Team Spardhavahini
___________🖌

नव्या विद्युत वाहन धोरणाला राज्य मंत्रिमंडळाची मंजुरी
🗓 05 July 2021 ©स्पर्धावाहिनी
══════════════
• वाहनांमुळे होणारे प्रदूषण कमी करण्यासाठी आणि विद्युत वाहनांच्या नव्या उद्योगाला व त्यातून रोजगारनिर्मितीला चालना देण्यासाठी राज्यात नवे विद्युत वाहन धोरणाला राज्य मंत्रिमंडळाच्या बैठकीत रविवारी मंजुरी देण्यात आली.
• पुढील तीन वर्षांसाठी हे धोरण लागू असून विद्युत वाहन- बॅटरीचा प्रकल्प सुरू करणाऱ्या कं पन्यांना डी प्लस गटातील वस्तू व सेवा कराचा १५० टक्के परतावा देण्याची सवलत देण्यात येणार आहे.
• विद्युत वाहन हा उद्योग आगामी काळातील मोठा व्यवसाय ठरणार असल्याने त्याबाबतची गुंतवणूक आकर्षित करण्यासाठी राज्यात नवे विद्युत वाहन धोरण जाहीर करण्याचा निर्णय राज्य मंत्रिमंडळाने घेतला.

काय आहे नव्या धोरणात?
• राज्यात सध्या सुमारे ४० हजार विद्युत वाहने आहेत. आता विद्युत वाहनांच्या उत्पादनाला, खरेदीला व दैनंदिन वापरासाठीच्या चार्जिंग के द्रांना अशा सर्व पातळीवर सवलती व अनुदान हे या धोरणाचे वैशिष्ट्य आहे.
• विद्युत रिक्षा, विद्युत टॅक्सी यांना परवान्याची गरज असणार नाही.
• ओला, उबरसारख्या टॅक्सीसेवा आणि घरपोच सेवांसाठी विद्युत वाहनांच्या वापरासाठी प्रोत्साहन देण्यात येणार आहे.
• केवळ चारचाकी नव्हे तर दुचाकी विद्युत वाहनांनाही गटनिहाय १५ हजारांपेक्षा अधिक अनुदान देण्यात येणार आहे.

स्रोत : लोकसत्ता, द हिंदू
संकलन : (टीम स्पर्धावाहिनी )
दिगंबर आधुरे (ASO), राजेश देशमुख (STI)
══════════════
Join : @spardhavahini

🌍 DAILY CURRENT ANALYSIS
by Team Spardhavahini
_____________🖌

राज्यात वृक्ष प्राधिकरण
🗓 06 July 2021 ©स्पर्धावाहिनी
══════════════
• शाश्वत विकासाचे उद्दिष्ट साध्य करण्यासाठी पुरातन वृक्ष संवर्धन, महाराष्ट्र वृक्ष प्राधिकरणाची स्थापना करण्यासह अन्य महत्त्वपूर्ण तरतुदी असलेले विधेयक विधिमंडळाच्या दोन्ही सभागृहांत मंजूर करण्यात आले.
• पर्यावरण मंत्री आदित्य ठाकरे यांनी 'महाराष्ट्र नागरी क्षेत्र झाडांचे संरक्षण व जतन ‘ हे विधेयक दोन्ही सभागृहांत मांडले.
• या विधेयकात विकासासाठी काही झाडे कापावी लागली तर, त्यासाठी नियमांची तरतूद करण्यात आली आहे. एक झाड तोडायचे असेल, तर किमान झाडाच्या वयाइतकी व पाच-सहा फुटांची झाडे लावून ती जतन करण्याचे बंधन आता घातले जाणार आहे.

स्रोत : लोकसत्ता
संकलन : (टीम स्पर्धावाहिनी )
दिगंबर आधुरे (ASO), राजेश देशमुख (STI)
══════════════
Join : @spardhavahini

🌍 DAILY CURRENT ANALYSIS
by Team Spardhavahini
_____________🖌

आठ राज्यांत नवे राज्यपाल
🗓 07 July 2021 ©स्पर्धावाहिनी
══════════════
• केंद्र सरकारने आठ राज्यांच्या राज्यपाल पदांवर नव्या नियुक्त्यांसह फेरबदल केले आहेत.
• केंद्रीय सामाजिक न्यायमंत्री थावरचंद गेहलोत यांना मंत्रिमंडळातून वगळण्यात आले असून त्यांची कर्नाटकच्या राज्यपालपदी वर्णी लावण्यात आली आहे.
• गेहलोत राज्यसभेचे खासदार असून वरिष्ठ सभागृहातील गटनेतेही आहेत. आता त्यांना मंत्रिपद, संसद सदस्यत्व व गटनेतेपदाचा राजीनामा द्यावा लागेल.
• विशाखापटण्मचे माजी खासदार व भाजपच्या राष्ट्रीय कार्यकारिणीचे सदस्य हरीबाबू कंभमपती यांना मिझोरामचे राज्यपाल म्हणून नियुक्त केले आहे.
• भाजपचे गुजरातमधील नेते मंगुभाई छगनभाई पटेल यांना मध्य प्रदेशचे, तर गोवा विधानसभेचे माजी अध्यक्ष राजेंद्र आर्लेकर यांना हिमाचल प्रदेशचे राज्यपाल नियुक्त करण्यात आले आहे.
• अन्य चार राज्यांत राज्यपालांमध्ये फेरबदल झाले आहेत. मिझोरामचे राज्यपाल पी. एस. श्रीधरन पिल्लई यांना गोव्याचे राज्यपाल केले असून सत्यदेव नारायण आर्य यांना हरियाणाहून त्रिपुराचे राज्यपाल म्हणून पाठवले आहे.
• त्रिपुराचे विद्यमान राज्यपाल रमेश बैस आता झारखंडचे राज्यपाल होतील.
• संघाचे वरिष्ठ नेते व हिमाचल प्रदेशचे राज्यपाल बंडारू दत्तात्रय हरियाणाचे राज्यपाल होतील.

स्रोत : लोकसत्ता
संकलन : (टीम स्पर्धावाहिनी )
दिगंबर आधुरे (ASO), राजेश देशमुख (STI)
══════════════
Join : @spardhavahini

🌍 DAILY CURRENT ANALYSIS
by Team Spardhavahini
_____________🖌

आरोग्य विज्ञान विद्यापीठाच्या कुलगुरूपदी ले. ज. डॉ. माधुरी कानिटकर
🗓 07 July 2021 ©स्पर्धावाहिनी
══════════════
• महाराष्ट्र आरोग्य विज्ञान विद्यापीठाच्या कुलगुरूपदी लेफ्टनंट जनरल डॉ. माधुरी कानिटकर यांची नियुक्ती करण्यात आली आहे.
• राज्यपाल तथा विद्यापीठाचे कुलपती भगतसिंह कोश्यारी यांनी डॉ. कानिटकर यांची नियुक्ती जाहीर केली.

ले. ज. डॉ. माधुरी कानिटकर
• सध्या त्या एकात्मिक संरक्षण विभागाच्या उपप्रमुख ( वैद्यकीय ) म्हणून नवी दिल्ली येथे कार्यरत आहेत.
• डॉ. कानिटकर यांनी पुणे येथील सैन्य दलाच्या वैद्यकीय महाविद्यालयातून प्रथम क्रमांकाने एमबीबीएस पदवी प्राप्त केली.
• बालरोगशास्त्र विषयात पदव्युत्तर पदवी मिळवली.
• २०१७ ते २०१९ या काळात त्यांनी सशस्त्र सेना वैद्यकीय महाविद्यालयाच्या अधिष्ठाता म्हणून काम केले. त्यांना अध्यापन व संशोधनाचा २२ वर्षांचा अनुभव आहे.
• आरोग्य विज्ञान विद्यापीठातर्फे २००८ साली त्यांना सर्वोत्तम शिक्षक म्हणून सन्मानित करण्यात आले होते.

आरोग्य विज्ञान विद्यापीठ
• महाराष्ट्र आरोग्य विज्ञान विद्यापीठ हे महाराष्ट्रातील आरोग्यविज्ञान व वैद्यकीविषयक विद्यापीठ आहे.
• याचे मुख्यालय नाशिक येथे आहे.
• हे विद्यापीठ महाराष्ट्र शासनाच्या "महाराष्ट्र आरोग्य विज्ञान विद्यापीठ नियम, १९९८" नुसार १९९८ साली स्थापन झाले.
• महाराष्ट्र राज्यामध्ये येणारी सर्व वैद्यकीय व निमवैद्यकीय अभ्यासक्रम या विद्यापीठाच्या अखत्यारीत येतात

स्रोत : लोकसत्ता, वकिपीडिया
संकलन : (टीम स्पर्धावाहिनी )
दिगंबर आधुरे (ASO), राजेश देशमुख (STI)
══════════════
Join : @spardhavahini

🌍 DAILY CURRENT ANALYSIS
by Team Spardhavahini
_____________🖌

शिरीषा बांदला बनणार अवकाशवीर
🗓 07 July 2021 ©स्पर्धावाहिनी
══════════════
• आंध्र प्रदेशात गुंटूर येथे जन्मलेली शिरीषा बांदला ही लवकरच 'अवकाशवीरांगना' ठरणार आहे.
• रिचर्ड ब्रॅन्सन या अब्जाधीश अवकाश उद्योजकाच्या 'व्हर्जिन गॅलेक्टिक' या अवकाश यानातून ती 11 जुलैला अवकाशात झेपावणार आहे.
• एकूण सहा जण या मोहिमेत समाविष्ट आहेत. यात काही प्रयोगही केले जाणार आहेत असे सांगण्यात येते.
• भारतीय अवकाश संशोधन संस्था म्हणजे इस्त्रो ही संस्था 2022-23 पर्यंत भारतीय महिलेला अवकाशात पाठवणार आहे. याआधी राकेश शर्मा ( रशियन भारतीय मोहीम) व सुनीता विल्यम्स (नासा) यांनी आधीच अवकाश गाठले होते, तर ‘नासा' च्या कोलंबिया दुर्घटनेत कल्पना चावला मरण पावली होती.

कोण आहे शिरीषा बांदला?
• 34 वर्षाची शिरीषा ही जॉर्ज वॉशिंग्टन विद्यापीठाच्या 2015 च्या तुकडीमधील 'एमबीए' आहे.
• त्याआधी परड्यू विद्यापीठातून एरोस्पेस इंजिनीअरिंग प्रशिक्षण घेतले असल्याने, 'व्हर्जिन गॅलॅक्टिक' या ब्रिटिश-अमेरिकन अवकाशयान कंपनीच्या सरकारी कामकाजविषयक विभागाच्या त्या उपाध्यक्ष आहेत.
• शिरीषा वयाच्या चौथ्या वर्षी अमेरिकेला गेली व टेक्सासमध्ये वाढली.

स्रोत : लोकसत्ता
संकलन : (टीम स्पर्धावाहिनी )
दिगंबर आधुरे (ASO), राजेश देशमुख (STI)
══════════════
Join : @spardhavahini

MIDC अधिनियम
येणाऱ्या MIDC परीक्षेकरिता उपयुक्त

संपर्क : 9765000700

🌍 DAILY CURRENT ANALYSIS
by Team Spardhavahini
_____________🖌
देशात १ जुलै २०२२ पासून एकेरी वापरातील प्लास्टिक वस्तूंवर बंदी!
🗓 13 AUGUST 2021 ©स्पर्धावाहिनी
══════════════
• पर्यावरण मंत्रालयाने पुन्हा एकदा एकेरी वापरातील प्लास्टिक वस्तूंवर बंदी घालण्याचा निर्णय घेतला आहे.
• १ जुलै २०२२ पासून एकल वापरातील प्लास्टिक वस्तूंची निर्मिती, विक्री आणि वापर यावर बंदी घालण्याचा निर्णय घेण्यात आला आहे. यासाठी सरकारने प्लास्टिक कचरा व्यवस्थापन सुधारणा नियम २०२१ अधिसूचित केला आहे.
• १ जुलै २०२२ पासून पॉलिस्टीरिन आणि विस्तारीत पॉलिस्टीरिनसह एकेरी वापरातील प्लास्टिकच्या उत्पादन, आयात, साठवण, वितरण, विक्री आणि वापरावर बंदी असेल.
• ध्वज, फुगा, आइसक्रिम आणि कँडीसाठी वापरत असलेल्या प्लास्टिकच्या काड्या, सजावटीसाठी वापरण्यात येणारा थर्माकॉल याचा समावेश आहे. तसेच प्लेट्स, कप, ग्लासेस, कटलरी जसे काटे, चमचे, चाकू, ट्रे, स्वीट बॉक्स, आमंत्रण कार्ड आणि सिगारेटच्या पॅकेटवर प्लास्टिक रॅप अशा वस्तूंचा समावेश आहे.
• प्लास्टिक कॅरी बॅगची जाडी ३० सप्टेंबर २०२१ पासून ५० मायक्रॉनवरून ७५ मायक्रॉन करण्यात येणार आहे.
• ३१ डिसेंबर २०२२ पासून ही जाडी १२० मायक्रॉन केली जाणार आहे.
• सध्या देशात ५० मायक्रॉनपेक्षा कमी जाडींच्या पिशव्यांवर बंदी आहे.

स्रोत : लोकसत्ता
संकलन : (टीम स्पर्धावाहिनी )
दिगंबर आधुरे (ASO), राजेश देशमुख (STI)
══════════════
Join : @spardhavahini

मराठी शुद्ध लेखन नियम
- महाराष्ट्र साहित्य परिषद

Join : @spardhavahini

स्पर्धावाहिनी....
स्पर्धा परीक्षा क्षेत्रातील सर्वोत्तम
Free Mobile Application
💥💥💥💥💥💥
या app मध्ये आपल्याला काय मिळेल?

1) Daily Quiz 📝
दररोज सरावासाठी एका विषयाची घटकनिहाय प्रश्नमंजुषा...

2) सराव प्रश्नसंच 📋
विषयनिहाय सरावासाठी उत्कृष्ट दर्जाचे प्रश्न असणारे अनेक सराव प्रश्नसंच...

3) गतवर्षीच्या प्रश्नपत्रिका/प्रश्न 📖
विविध परीक्षामध्ये मागील वर्षांत विचारलेले प्रश्न (घटकनिहाय आणि प्रश्नपत्रिका दोन्ही स्वरूपात)...

4) चालू घडामोडी 🌍
दररोजच्या सर्व महत्वाच्या घडामोडींचे परीक्षाभिमुख विश्लेषण...

5) अभ्यासाहित्य 📚
नोट्स, शालेय पुस्तके, NCERT, YCMOU पुस्तके...लोकराज्य, शेतकरी मासिके...

6) व्हिडीओ लेक्चर्स 🎥
घटकनिहाय लेक्चर्स, वेळोवेळी तज्ञांचे मार्गदर्शन, यशस्वीतांच्या मुलाखती...

Download करून पहा... आपल्या न आवडल्यास uninstall करा.. आणि आवडल्यास आपल्या मित्रांना share करा...

(टीप - ज्यांनी हे app यापूर्वीच download केले आहे त्यांनी कृपया update करा )
..............................................
Download / Update 👇
https://play.google.com/store/apps/details?id=com.codingvisions.spardhavahini