ኢንስቲትዩቱ የ2019 አዲስ ዓመትን በማስመልከት ድጋፍ ለሚሹ የህብረተሰብ ክፍሎች የበዓል ማዕድ ማጋራት አከናወነ።
          ======= SSGI =======
     (ጳጉሜ 5 ቀን 2018 ዓ.ም SSGI)
ኢንስቲትዩቱ ከምርምርና ልማት ስራዎቹ ጎን ለጎን ማህበራዊ ኃላፊነቱን ለመወጣት ለመቄዶንያ ሐረጋዊያን መርጃ ማዕከል፣ በእንጦጦ ኦብዘርቫቶሪና ምርምር ማዕከል እና በዋናው መስሪያ ቤት በጥበቃ ስራ ላይ ለተሰማሩ የፌዴራል ፖሊሶች አንዲሁም የኢንስቲትዩቱ ስራ ባልደረቦች ሆነው በተለያዩ ጊዚያት እክል ለደረሰባቸው ወገኖች የማዕድ ማጋራት መርሃግብር አካሂዷል።

በዚህ መርሃ ግብር ላይ ድጋፉን ያስረከቡት የኢንስቲትዩቱ ምክትል ዋና ዳይሬክተር አቶ በላቸው ፀሐይ ሲሆኑ ለመላው ኢትዮጵያዊያን መልካም የአዲስ ዓመት ምኞታቸውን አስተላልፈዋል።

ኢንስቲትዩቱ የማህበራዊና ኢኮኖሚያዊ ችግሮችን በዘላቂነት የሚፈቱ የስፔስና ጂኦስፓሻል ቴክኖሎጂ ምርምሮችን ከማካሄድ ባለፈ፤ ላለፉት ተከታታይ ዓመታት ሲያደርግ የነበረውን መሰል የበጎ አድራጎት ስራዎች አጠናክሮ እንደሚቀጥልም አረጋግጠዋል።

ለተጨማሪ መረጃ:-
የስፔስ ሳይንስ እና ጂኦስፓሻል ኢንስቲትዩት (SSGI) የማህበራዊ ትስስር ገጾች
YouTube: https://www.youtube.com/@ssgi
Twitter/X: https://twitter.com/ssgi2022
Facebook: https://web.facebook.com/esstiethiopia/?_rdc=1&_rdr
LinkedIn: https://et.linkedin.com/company/space-science-and-geospatial-institute
Telegram: https://t.me/spacegeospatial
                ከምድር እስከ ህዋ …
                           SSGI

ቻይና በሰው ሰራሽ አስተውሎት የሚሰራ አዲስ ባለብዙ ተግባር ሳተላይት ይፋ አደረገች
********

የቻይና ተመራማሪዎች የህዋ ቴክኖሎጂን ወደ አዲስ ደረጃ የሚያሸጋግር ትልቅ ስኬት አስመዝግበዋል። ቀደም ሲል ሳተላይቶች የሚሰሩት አንድ የተወሰነ አገልግሎት ብቻ ቢሆንም (ለምሳሌ ምስል ማንሳት ብቻ ወይም የቴሌኮም መረጃ ማስተላለፍ)፣ አሁን ግን መገናኛን፣ ዳሰሳን፣ ማስላትን እና የሰው ሰራሽ አስተውሎት ሂደትን በአንድ ላይ የሚያጣጥም ባለብዙ ተግባር ሥርዓት እውን አድርገዋል።

ለዚህ አዲስ ስኬት ማሳያ የሆነችው ፔጋሱስ 1 (PEGA-SUS1) የተሰኘችው 150 ኪሎ ግራም የምትመዝን ሳተላይት ናት።

ሳተላይቷ በሼንዘን የሚገኘው ፔንግቼንግ ላብራቶሪ፣ በቤጂንግ የሚገኘው ጋላክሲ ስፔስ የግል ኩባንያ እና ሌሎች የምርምር ተቋማት በጋራ የበለጸገች ሲሆን በቻይና የንግድ ሮኬት አማካኝነት ከሌሎች 8 ሳተላይቶች ጋር ወደ ህዋ ተልካለች።

የዚች ሳተላይት ዋና ልዩነቷ መረጃን ከህዋ ወደ መሬት ካወረደ በኋላ መተንተን ሳይሆን መረጃውን እዚያው ህዋ ላይ እያለች በሰው ሰራሽ አስተውሎት ራሷ ማቀናበር መቻሏ ነው።

እንደ ጋላክሲ ስፔስ ከፍተኛ ቴክኒክ ባለሙያ ሬን ጂያዶንግ ገለጻ ለምሳሌ የደን ቃጠሎ ቢከሰት ሳተላይቷ የቃጠሎውን መኖር እና የጉዳቱን መጠን እዚያው ህዋ ላይ አጠናቅራ ዋናውን ውጤት ብቻ በፍጥነት ወደ መሬት ትልካለች።

ይህም ጥሬ ምስሎችን ሙሉ በሙሉ መላክ ስላይስፈልግ የማስተላለፊያ ጊዜን እና የመረጃ መጠንን በከፍተኛ ደረጃ ይቀንሳል።