❗️DIXI SCHOLARSHIPS ОҚЫРМАНДАРЫНА АРНАЛҒАН ХАБАРЛАМА

Достар, мен сіздермен Dixi Scholarships Telegram арнасы туралы сөйлескім келіп тұр.

Мен бұл арнаны алғаш бастаған кезде қазақстандықтарға қолжетімді гранттар, стипендиялар және тағылымдамалар туралы ақпаратты бөліскім келді. Бұл арна отандастарыма шетелде оқу немесе жұмыс істеу армандарына жетуге көмектесу тәсілі болды.

Уақыт өте келе мен өзімнің шынайы құмарлығым - білім алу, шетелде оқу және ағылшын тілі туралы жеке ойларым мен тәжірибемді бөлісу екенін түсіндім.

Және мен тек қана гранттардың справочнигына айналғым келмейді.

Мен барлығыңызбен тереңірек байланыс орнатып, өз өмірімді, ойлауымды, тұлға ретінде даму жолымды сіздермен бөліскім келеді.

Сондықтан мен Dixi Scholarships-ті SOVIETBACK атты жеке арнаға айналдыруды шештім.

Осы сәттен бастап мен білім беру, шетелде оқу және ағылшын үйрену тақырыптары бойынша өз ойларымды, әңгімелерімді және пайдалы ақпаратты бөлісетін боламын.

Сіз менің соңымнан еріп, осы сапарға қосыласыз деп үміттенемін.

Осы уақытқа дейін қолдауыңыз үшін көп рахмет және мен болашақта барлығыңызбен жақсырақ танысуды асыға күтемін.

Ізгі ниетпен,
Мағжан Советбек

🇰🇿2 жыл каналымды орысша жүргізіп, неге биыл мен қазақша жүргіземін деп шештім?

Dixi Scholarships (бұл каналдың бұрынғы атауы) ашылған сәттен бері 2 жыл бойы орысша жүргізілді. Канал тілі неге ауысқаны көп адамға қызық. Осы постымда жауап беремін.

Предысториядан бастайын. Мен 2020 жылы Сингапурдағы жұмысымды тастап, Қазақстанға оралдым. Сол жылы Dixi School атты онлайн мектебімді аштым. 7 елден 800 ден астам адамды IELTS емтиханына дайындадым.

2 жылдан астам мектебімнің блогын, және осы каналды тек орысша жүргіздім. Инстаграмда 22 мың, Тиктокта 70 мың, осы каналда кезінде 7 мың оқырманым болды - көбі ТМД елдерінен. Өзім Алматыдағы орыс гимназиясын бітіргендіктен, ойымды орысша жеткізу оңайырақ көрінді.

Бірақ биылдан бастап блогымды қазақша жүргізуді шештім. Оған түрткі болған - Нью-Йорктағы бір оқиға.

Жаңа жылда мен досым Мадиярды (Columbia University-да оқиды, Болашақ стипендиаты) көріп келуге Нью Йоркқа бардым. Сол жерде Мадияр мені Данияр және оның өмірсерігі Сандуғаш деген кісілермен таныстырды.

Біз олардың үйлерінде жаңа жылды қарсы алдық. Неткен тамаша кісілер. Елдерінен алыс жерде жүрсе де, өз 6 жасар ұлдарына қазақ тәрбие беруде. Балалары таза қазақша сөйлейді.

Сол сәттен бері мен өзгеріп кеткендей болдым. Кейін ұзақ ойландым.

Данияр мен Сандуғаш отбасыларында қазақ тіліне, қазақ мәдениетіне деген жауапкершіліктің бар екені көрінді. Олармен бірге болып, маған да сол жауапкершілік берілгендей болды.

Сол сәттен бастап көңілім қазақ тілді контентке қарай ауысты. Орысша контент жасайтын адамдар менсіз де көп болатынын түсіндім. Ал қазақша мен жасамасам, кім жасайды деген сұрақ болды.

Орыс тілін әлі де жақсы көремін. Менің жүрегімде қазақ, орыс, ағылшын, қытай (оны да оқығанмын) тілдерінің әрқайсысының ерекше орны бар.

Дегенмен, өз жұмысым мен энергиямды ана тілімде білім беруге арнағым келеді.

Бүгін мен блогермын. Қазақ тілді аудиторияға ағылшын тілін тиімді жолмен үйретемін. Мен білімнің күшіне сенемін, және ағылшын тілінің отандастарымның өмірін өзгертуге қалай көмектесе алатынын білемін.

Алда үлкен жолымыз бар. Блогер, білім беруші ретінде әлі жоспарым көп. Бірақ осы жолды сендермен бөлісу маған өте қызық болып тұр.

Сәттілік тілеп қойыңыздар 😊

🗣️Мен Назарбаев Университетінде оқығанда, 5 жыл бойы дебатпен айналыстым. Тіпті дебат клубының президенті болып, дебаттан Әлем Чемпионатына қатыстым (осы видео - Нидерландыда өткен Чемпионаттан).

Дебат дегеніміз ол пікірсайыс - аргумент келтіретін спор. Дебатта біз әртүрлі тақырыптар талқыладық. Тақырыптар әдетте “Бұл Палата…” деп басталады. Мысалы, “Бұл Палата Қазақстанда ҰБТ-ны алып тастау керек деп есептейді”. Дебатта екі тарап болады: бір тарап тақырыпты қолдайды, басқа тарап - қарсы шығады.

Университетті бітіргеніме 5 жыл болса да, бір тақырып есімнен шықпай жүр. Сіздерге де қызық болады деп ойлаймын.

Тақырып осындай:

“Сіз - Қазақстандағы үздік престижді университеттің түлегісіз. Ағылшын тілін жетік меңгергенсіз. Бұл Палата (яғни сіз) шетелге көшіп кетуді таңдайды”

Сендерге бір сырымды ашсам болады ма? Мен ағылшын және орыс тілдерін жетік білсем де, менің ана тілімді білуім жақсартуды қажет етеді.

Мен үйде қазақша сөйлесіп өстім, бірақ менің білім алуым мен әлеуметтік қарым-қатынасымның көп бөлігі орыс және ағылшын тілінде өтті. Бұл жағдай мені кәсіби ортаға келгенде сөздік қорымда және еркін сөйлеуде кейбір шектеулермен қалдырды.

Сондықтан мен өзім ойламаған саладан - ағылшын тілін үйрену тәжірибемнен - бірнеше сабақ алып, оларды қазақ тілінде сөйлеу дағдыларымды жетілдіру үшін қолдануды шештім.

Ағылшын тілін оқып жүргенде мен сөздік қорымды кеңейту және еркін сөйлеу үшін бірнеше стратегияларды қолдандым. Олар маған IELTS емтиханында сөйлеу бойынша 9.0 сөйлеу ұпайын алуға көмектесті. Мен қазақ тілін жетілдіру үшін де келесі әдістерді қолдануды шештім:

1. Мен артикуляция мен айтылымды жаттықтыру үшін күнделікті жаңылтпаштарды оқимын. Осындай сияқты

2. Мен сөздік қорымды кеңейту үшін қазақтың ең көрнекті ақындарының бірі Мұқағали Мақатаевтың өлеңдерін дауыстап оқимын. Үйімде “Өмір өзен” деген өлеңдерінің жинағы бар.

3. Мен сөйлеу еркіндігі мен жылдамдығымды жақсарту үшін shadowing техникасымен жаттығамын.

Әрине, бұл әдістер шыдамдылық пен белсенділікті қажет етеді. Мен еркін сөйлеуге жету үшін уақыт қажет екенін түсінемін. Бірақ мен қазірдің өзінде ілгерілеуді көріп отырмын және қазақ тілін меңгеру дағдыларымды жетілдіру бойынша жұмысты жалғастыруға қуаныштымын.

Мен барлығыңызды менің сапарым туралы хабардар етіп отырамын. Бірақ менің қазақша сөйлейтінім қалай өзгеріп бара жатқанын менің Instagram парақшамнан да бақылай аласыз.

Бұл басқаларды қандай деңгейде болса да, тілдік дағдыларын жетілдіруге шабыттандырады деп үміттенемін 😊

Былтыр мен бокстан алғашқы жарысыма қатысып, жеңіліп қалдым.

Бапкерімнен соққылардан (әсіресе джебтен) қалай қашу керектігі туралы кеңес сұрадым.

Оның жауабы не болды деп ойлайсыңдар?

"Ештеңе істеп керек емес. Жаттығуға келу керек, болды".

Бұл ағылшын үйренуге де қатысты.

Кейде меннен кеңес сұрайтындар шамадан тыс ойланып, белгілі дағдыны жақсартудың ең қысқа жолдарын іздейді. Оның орнына энергияны күнделікті кішігірім қадамдар жасауға жұмсаңыз. Нәтижелер уақыт өте келе келеді. Есіңізде болсын, кейде ең қарапайым кеңес ең тиімді болып шығады. Тек жұмыс істей беріңіз.

Мен университетте оқығанда, 5 жыл бойы айналысқан хоббиым пікірсайыс болды. Менімен Назарбаев Университетінде оқығандардың көбі әлі күнге дейін мені “Мағжан-дебатер” деп таниды.

Бұл хоббиымның өміріме тигізген әсерін сөзбен жеткізу қиын.

Ең бастысы - ол ағылшынша сөйлеуімді мүлдем басқа деңгейге көтерді. Халықаралық деңгейдегі дебатер ретінде, мен пікірсайыс бойынша Әлем Чемпионатына екі рет қатыстым. Енді мен бұл тәжірибемді басқалармен бөліскім келеді.

Бүгін мен ағылшынша еркін сөйлеуге және тілдік кедергілерді жеңуге көмектесуге бағытталған өзімнің ағылшын тіліндегі дебат клубым Dixi Community-ды аштым. Клуб онлайн форматта жұмыс жасайды.

Менің English Start/English Boost ағылшын курсыма тіркелгендер үшін мүшелік тегін.

Ал курсты сатып алмай, Dixi Community-ға қосылғысы келетіндер үшін жарна айына 20 000 теңгені құрайды (айына 4 кездесу). Тіркелу үшін маған жекеме жазыңыз @msovetbek

Мен соңғы бірнеше ай туралы ойланып отырғанда, іске асырылған өзгеріске көңілім толады. 2020 жылдан бері IELTS-қа 2,5 жыл бойы дайындау керемет тәжірибе болды, бірақ биыл фокусымды кеңейтіп, General English курсын ашу дұрыс шешім болды.

Менің 18 студенттен тұратын алғашқы тобым осы аптада сабағын бітіреді. Бұл қандай керемет саяхат болғанын білсеңдер ғой! Біз 30-дан астам түрлі тақырыптар мен 1,000-нан астам жаңа сөздерді үйрендік. Қатысқандардың барлығы оқу процесіне қуанышты.

Платформадағы 32 қызықты, жан-жақты (comprehensive) сабақ, 16 Speaking сессиялары және 6 Community Meeting арқылы біз шынымен де курс өткендердің ағылшын білімін жаңа деңгейге шығардық.

Мен үшін ағылшын тілін үйрету - таза ауаның тынысы. IELTS-қа дайындалғанда оқушыларым қысым сезінетін. Ал General English оқушыларымның қысымсыз оқып, өсіп жатқанын көру мені тәнті етеді. Мен олардың тіл үйрену сапарының бір бөлігі болу мүмкіндігіне ризамын және олардың әлі талай белестерді бағындыратынына сенімдімін :)

Қазір бірінші топтың сабағы аяқталып жатса, екінші топты оқыту қызу жүріп жатыр. Үшінші топқа дайындық басталды. Үшінші топтың сабағын маусымда бастаймыз, бұйыртса.

Бұл пост жазғанда мен сенім пен шабыт сезінемін. Бізді әлі талай қызық оқиға күтетін сияқты, Алла бұйыртса.

💵Сізде қазір 100 миллион доллар болса, сіз немен айналысушы едіңіз?

Комментарийге жазыңызшы 🤓👇

👩🏻‍🎓Қазіргі уақытта Қазақстаннан жыл сайын шетелге оқуға 100 000-ға жуық студент кетеді екен. Бірақ олар қайда барады?

Жақында мен Forbes.kz жазған шетелде білім алу туралы мақаланы көріп қалдым. Forbes айтуынша, Ресей мен Қытай олардың жақындығы мен қолжетімділігіне байланысты қазақстандықтар ең жиі таңдайтын бағыттар болып табылады. Бұл мақала бірақ 2022-ның ақпанында жазылған - қазір Ресей бұл позицияны жоғалтқан секілді.

Чехия мен Түркияның танымалдығы да артып келеді. Алайда, көптеген адамдар үшін АҚШ, Ұлыбритания, Жапония, Оңтүстік Корея және Сингапур сияқты елдер үлкен сұранысқа ие, бірақ, өкінішке орай, оңай қол жетімді емес.

Бір қызығы, Білім және ғылым министрлігі жастардың кетуіне алаңдаушылық білдірді. Бұрынғы Білім және ғылым министрлігінің басшысы Асхат Аймағамбетов тіпті білім беруге байланысты миграцияны “жаһандық эпидемия” деп атады.

Сонымен, сіз не ойлайсыз? Көп қазақстандықтардың шетелде оқығаны Қазақстанға қауіп төндіруі мүмкін бе?