КЎП НАРСАНИ БИЛИШНИ ХОХЛАЙМАН

Ҳ А Ё Т П О Е З Д И.

Кекса, ёш! Ҳаётга ҳам кимки етар.
Ҳаммаси бирма - бир, изма - из ўтар.
Бу дунё ҳеч кимга абадий қолмас.
Кетдилар! Кетамиз! Келишар! Кетар!

Умар Ҳайём.

Ҳаёт” деган поездга чиқдим.
Машинисти кўринмас кўзга.
Биринчи вагонга ўтирдим.
Ва поезд аста тушди йўлга.

Ортга қайтмас сафар бошланди.
Қайси бекатда чиқади ким?
Қай бекатда тушишин билмай.
Йўловчилар кетиб борар жим.

Поезд юрар баланд, паст йўлдан.
Гоҳ бўрон эсар, гоҳ майин ел.
Баъзан йўлда чарақлар офтоб.
Баъзан йўлда қоронғу туннел.

Биринчи вагон. Бу -“Болалик”.
Унда бобом, бувим - оилам.
Шодон кулгу, ғамсиз юраклар.
Ёп ёруғ вагонда жамул жам.

Поезд юрар фақат олдинга.
Бирин кетин бекатлар келар.
Аввал бобом тушиб қолади.
Кейин бувим…Поездчи, елар.

Вагонда бўш қолган ўриндиқ.
Уларни менга эслатади.
Ҳар бекатда йўқотиш борми?
Яна мени нелар кутади?

Бир бекатда тушади отам.
Ўрнигачи, жуфтим чиқади.
Бир бекатда онам тушганда.
Бағрим ўпирилиб кетади.

Дўстлар, синфдошлар чиқади.
Қайсидир вақт вагон тўлади.
Фарзандлар, жигарлар чиққанда.
Вагон қий- чув, гавжум бўлади.

Поездга янги қўшилганлар.
Юракдаги дардим билмайди.
Кимни йўқотдим ёки топдим?
Бу уларни қизиқтирмайди.

Яна келар янги бекатлар.
Қадрли дўст, ошнолар тушар.
Навбат билан, ёки бенавбат.
Ҳаёт поездин тарк этишар.

Мен таниган, танимаганлар.
Чиқар, тушар. Ҳувиллар вагон.
Менчи, қайтгим келади энди.
Энг биринчи вагоним томон.

Соғинаман эски бекатни.
Онамнинг иссиқ қучоғини.
Хотирамни қучиб йиғлайман.
Тушунсамда қайтмас чоғимни.

Ва ниҳоят келар навбатим.
Поезддан тушар вақтим келди.
Жимгина тушиб қолганимни.
Ким билмади, ким эса билди.

Хотирага айланаман тез.
Ўриндиғим кимдир эгаллар.
Яхши бўлсам эслаб юришар.
Балки кимдир мени соғинар?

Вагонда қолган ўғлим, қизим.
Сафарини давом эттирар.
Асло ҳувилламас бу поезд.
Неваралар ўрним тўлдирар.

Поезд менсиз кетаверади.
Тўхтаб қолмас менсиз у, ишон!
Ким қачон чиқади, тушади.
Фақатгина Ўзига аён.

Нимагадир баъзи вақтда.
Ўйлаймиз: “Поездда қоламиз!
Сафаримиз тугамайди ҳеч”.
Сафар тугар, кеч тан оламиз!

Темир ғилдираклар овози.
Остида ўйларга толамиз.
Болаликдан сўнгги вагонга.
Қачон ўтдик? Билмай қоламиз!

Мастура ҳожи она

Дўстлармизга ҳам юборамиз

🌸 🌸 🌸
┄┅অঠই 🕋 ইঠঅ┅┄

🔺𝕂𝕒𝕟𝕒𝕝𝕚𝕞𝕚𝕫𝕘𝕒 𝕆𝕓𝕦𝕟𝕒 𝔹𝕠'𝕝𝕚𝕟𝕘➖⬇️
https://t.me/joinchat/AAAAAEaemizz0siX-4AH_w