شكراً هاوس اكاديمي
وشُكر كبير للدكتور اللي موجود بهاي المؤسسه واللي اتحفظ عن ذكر اسمه 💗

مواقف للتاريخ لا تُنسى

طبعا معروف عن هالدكتور بالاضافه إلى علميته الرائعه لكن يتميز ب حُبه للطلاب ومحاضراته المُمتعه وتعامله الابوي والاخوي 💗

حبايب قصدي للفاينل والله ترا 😔

السلام عليكم طلاب
شلونكم آغاتي

هذا المسج لكل طلاب الدفعات وبالاخص دفعة 47 الابطال ❤️

حبايب ارجع اذكركم انو وكفتكم ويه بعض الكترونيا كدرت ب اقل من 24 ساعه تخلي قرار يتغير ولو مو اللي نريده لكن تغيّر فما بالكم لو باچر هذا التجمع صار واقع ؟ وخاصة هالتجمع سلمي ومكفول من الوزاره

اريد بس اطلب منكم تلتزمون بالقميص او التيشيرت الابيض والوان البناطير الرسميه والهويه الجامعيه ( والبنات حبيباتي لتكثرون مكياج اوڤر ) خلونا فعلا نعكس صوره حلوه عن طالب الطب بجامعتنا علمود كلشي يكون بصالحنا

ثانياً : اي احد يسالكم بالباب لتكولون وقفه ! كولوا دنراجع على شغله او تحججوا ب اي شي وممنوع منع بات تصرحون اي شي من كيفكم ولا حتى اساءه لاي احد ( كولوا منعرف شي وعدنا ممثلين يمثلونا واحنا جايين نساندهم ونوكف وياهم )

ثالثاً ( هالفقره خاصه ب ولد جميع المراحل ) اللي بالاصح انتوا رجال بمعنى الكلمه
ممثلين المراحل وبالاخص مرحلتنا محتاجين فزعتكم ووكفتكم ( يصير رجال ميفزع لرجال ؟ خصوصا الفزعه اذا كانت على حق ومابيها اي ضرر انما بالعكس بيها استرداد لكامل الحقوق)

هاي الوقفه مالتنا ممقتصره فقط على المرحله الخامسه انما الها فائده لكل الدفعات
ابو السادسه اذا ميطلع ويطالب بحقه اللي هو ابسط شي صورة حفل تخرج بجامعته تليق بي و بأهله راح يصير بي مثل ما صار العام ويتحسر على شي هو من ابسط حقوقه

اما باقي المراحل هالوقفه هم الكم ( خصوصا طلاب المرحله الرابعه اللي ابسط شي لعابات الباطنيه متشتغل وبالاخير يرزلوكم اذا متعرفون التشخيص )

طولت عليكم بس هذا المسج هو فزعه وادري بيكم صاحبين غيره ونخوه وكلمة وحده وموقف ثابت ومراح تخلونا وحدنا 💗

المكان والوقت : البنايه الجديده بالقادسيه مُقابيل العماده الساعه 11:00 الصبح

وأسأل الله التوفيق والسُداد
( جيبوا شمسيات وياكم علمود لتتخربطون من الحر ) 👍🏻

باجر راح يصير تصوير، و البنات لي ميريدن يطلع وجهن بالتصوير خلي يجيبن كمامة ، وهواتفكم وياكم حاضرة و مشحونة علمود تصورون اي إساءة من اي شخص في الجامعة .

مثل ما كالت بكروب الدفعه زميلتي العزيزه تبارك انو حتجيب كمامات
اني هماتين حجيب كمامات واي وحده تحتاج بس خل تجيني واني انطيها 💗

حبيباتي حظوركم باجر كلش مُهم واهميته متقتصر عن اهميه حظور ولدنا المعدلين

صباح الخير والعافيه
بسم الله الرحمن الرحيم

﴿ وَنُرِيدُ أَنْ نَمُنَّ عَلَى الَّذِينَ اسْتُضْعِفُوا فِي الْأَرْضِ وَنَجْعَلَهُمْ أَئِمَّةً وَنَجْعَلَهُمُ الْوَارِثِينَ ﴾

اني عاشرت دفعتين ودفعتكم الثالثه
اكولها بكل فخر واعتزاز الحمدالله رب العالمين خلاني بدفعتكم 💗

دفعتي الغاليه العزيزه موقفكم مُشرف ويشيل الراس شيل

شكراً جعفر يا بطل الله يحميك وينصرك ويوفقك
شكراً مصطفى حامد لان كنت صوت الحق

الله يحميكم ثنينكم واحنا دفعات المستنصريه ب جميع المراحل وياكم وبظهركم واي شي يمسكم هو يمسنا

مره لخ شكراً طلاب دفعتي والله كفو وكنتوا رجال ونعم الرجال
شكرا لكل بنوته حضرت ومخافت

قبل كنت اشرح هيج بدون حافز لكن اللي صار اليوم خلاني اخذ عهد على نفسي مااقصر ويه احد بيكم وانطيكم عيوني ثنينهن مو بس وحده

الله يوفقنا جميعاً ونخلص من كل شر 💗

تيست تيست ئلو ئلو

جعفر بقت بنفسنا نريد نسويلك ممر شرفي نصفكلك بي
رجاءاً حققها النا 👍🏻
كل دفعتنا تريد

وطلاب الرابعه هم

وبالعافية

اليوم د.محمود كشموله بعد ما خلص المحاضره سوالنا كوز وكال حينحسب وي درجه العملي وكان عصبي جدا بسبب الحضور القليل لمحاضرات النيورو
وكال اذا نفس هالعدد الاسبوع الجاي وما اتغير( اجيبلكم اسئله خيّركم ميحلها☹️)

فكال بلغوا الطلاب أنه يحضرون حتى ما اصعب عليهم الاسئله

فأرجو أن تحضرون محاضرات النيورو واصلا وقت محاضرته قليل فأتمنى أن تحضرون لمصلحتنا كلنا

هلاو حبايب شلونكم

ياريت تحظرون نظري منا وجاي لكل المواد ( بالاخص دكتور محمود كشموله )
لان والله دكاترتنا كلش يحبون الحظور وحيل يفرحون من يشوفونا نحظر وحتى يراعونا بالاسئله ( بالاخص دكتور محمود كشموله لان هو كلش كلش حباب وشرحه كلش زين امانةً ويركز عل شغلات المُهمه )
ف ليش ما نحظر ونخلي يحبنا بالزايد ويجيبلنا اسئله زينه ؟

هو وقتها كل ثلاثاء
عدنا محاضرتين نيورو من ١٢-١ ومن ١-٢
وحده ياخذها دكتور يوسف ووحده دكتور محمود

وثنينهم شرحهم يخبل واسلوبهم بعد احلى
ودكتور محمود امانة ميطول اكثر من نصف ساعه

اتمنى هذا طلبي تاخذوا بعين الاعتبار وتحظرون 🥹

فاي شباب بعد احضروا ترا البداية مسجلتها بس گال ( قسما برب العباد اجيب اسئلة حتى الاول ميحلها )

اي فديو مُسيء او بي سُخريه واضحه ياريت ينحذف او يتبلغ عنه
لان هاي مو اخلاقنا ك اطباء رحيمين وطالعين من اهل تعبانين علينا وعلى تربيتنا وحتكون ارواح الناس مُستقبلاً ب ايدنا 🤍

اكيد عنده اهل وابناء يحبوا
مطلبنا تحقق هاهيه فكافي سدوا الموضوع وارجعوا ادرسوا 💕

ورجاءاً رجاءاً عدنا ترا خوش مُمثل وخوش مُساعدين عين البارده عليهم ف لحد يتصرف اي تصرف بكيفه دون الرجوع الهم ودائما اخذوا تبليغاتكم مُنهم وخليهم همَ يتصرفون بالنيابه عنّا 🤍

نزلت فديو بقناتي مال يوتيوب مو تروحون تقروا 😡
ترا هذا حالياً يخص بس ماينر A4 علمود عملي الاشعه

مو تنسون 🦦
خلوا هالكورس يعدي سلامات 🥲