Part 1

https://youtu.be/TYjCHEQA3Jo?si=1Y_sU5VZSOf58ACW

https://youtu.be/boFuwWPlFUA?si=fFd5inJS5WOzZYtU

هذا البارت الاول والفديو مال هالبارت ديحمل
نصيحه من ينزل الفديو عوفوا كلشي وراسا ابدوا بيها لان بيها هواي معلومات وحيل مُهمه ترا

نزل اول بارت وصار شرحه ب فديوات ثنين
بقن ٤ صفحات عل عصر ان شاءالله واحاول بفديو واحد أكملهن

السلام عليكم طلاب
رسالتي هاي تضامناً ويه رسالة قناه U Can

مثل متعرفون اني جنت وياكم من المرحله الثالثه والرابعه ك شرح ومجنت اقصر وياكم
وهسه بالمرحله الخامسه هم وياكم وجنت ناويه اشرحلكم كل مواد الكورسين الاساسيه ب اعتبار المرحله الخامسه وبشهاده الجميع مرحله مابيها ضغط وحلوه لكن بسبب القرارات التعسفيه وضيق الوقت مدااكدر اشرحلكم مثل مااريد وحتى من دااشرحلكم على حساب صحتي وراحتي
واني حتى بسبب هالظُلم والضغط وصديقتي هم تمرضنا وراحت من عدنا درجات

اريد تصيرون ايد وحده هالمره من صدك وصدك تكونون رجال وكد كلمتكم لان الرجل كلمه ! شرف الرجل كلمه !
وتساهمون بتغيير هاي الوضعيه الظالمه والمُجحفه بحق دفعتنا حصراً وحطوا ببالكم هالفُرصه متتكرر

وبيدكم تغيرون كلشي والتغيير الحقيقي يبدي من يوم الاحد واتمنى تكونون كد كلمتكم ومتفشلونا كدام العالم لان صارت قضية رأي عام ولا تفشلون المُمثل

واني مو ضد الدراسه بالعكس اشجع عل دراسه علمود نكون اطباء ناجحين لكن ضد الدراسه تحت الضغط وهيج ظروف تاثر حتى على صحتنا النفسيه مو بس درجاتنا

وأسال الله ورسوله وال بيته الاطهار التوفيق بهاي الخطوه

طلاب الرابعه 🔥🔥🔥🔥🔥

هذا آخر بارت من الملزمه مال
STD

https://youtu.be/4ANNK0ALQ5g?si=OPwZ_91fP36GyTsv


* مو علمود باجر نزلت الشرح انما لان شرحت نصها ف خوما اعوف الباقي واستغليت هال كم ساعه اكمللكم بيها شرح وتأشير لان اول وتالي داخله بالفاينل هالملزمه

هدفنا الغاء المد
هذا التاجيل خل يفيده👍🏼

لا تتصدق عليَّ بحقوقي !

احنا مرايدين تاجيل مد احنا رايدين نصير حالنا حال الدفع البقيه اللي جانوا خامسه ومرتاحين

شفتوا شلون بس صرتوا ايد وحده ب اقل من ٢٤ ساعه تغير كلشي !
ابقوا صامدين ولحد يغير رايه وميجي للوقفه ! كلشي نكدر نسوي ب تكاتفنا ومن نكون ايد وحده !

منذ سنوات ومعروف عن طلاب طب المستنصرية وتأخرهم عن اقرانهم بالمعدلات التراكمية والتوزيع بسبب النظام المقيد للطلبة والقرارات المفاجئة والتي تصب بصالح واحد فقط
((وهو تدمير نفسية الطلاب لا اكثر ))

ومن هذا المنطلق نعلن تضامننا مع جميع الطلبة في كلية الطب الجامعة المستنصرية

خصوصاً مع الاحداث الاخيرة الحاصلة في الكلية ..

مما دفعهم الطلبة لاعلان الاضراب وتنظيم وقفة للمطالبة بحقوقهم بعد العديد من القرارات المجحفة

دفاعاً عن حقهم في الحصول على بيئة طبية تعليمية صحية .

شكراً هاوس اكاديمي
وشُكر كبير للدكتور اللي موجود بهاي المؤسسه واللي اتحفظ عن ذكر اسمه 💗

مواقف للتاريخ لا تُنسى

طبعا معروف عن هالدكتور بالاضافه إلى علميته الرائعه لكن يتميز ب حُبه للطلاب ومحاضراته المُمتعه وتعامله الابوي والاخوي 💗

حبايب قصدي للفاينل والله ترا 😔

السلام عليكم طلاب
شلونكم آغاتي

هذا المسج لكل طلاب الدفعات وبالاخص دفعة 47 الابطال ❤️

حبايب ارجع اذكركم انو وكفتكم ويه بعض الكترونيا كدرت ب اقل من 24 ساعه تخلي قرار يتغير ولو مو اللي نريده لكن تغيّر فما بالكم لو باچر هذا التجمع صار واقع ؟ وخاصة هالتجمع سلمي ومكفول من الوزاره

اريد بس اطلب منكم تلتزمون بالقميص او التيشيرت الابيض والوان البناطير الرسميه والهويه الجامعيه ( والبنات حبيباتي لتكثرون مكياج اوڤر ) خلونا فعلا نعكس صوره حلوه عن طالب الطب بجامعتنا علمود كلشي يكون بصالحنا

ثانياً : اي احد يسالكم بالباب لتكولون وقفه ! كولوا دنراجع على شغله او تحججوا ب اي شي وممنوع منع بات تصرحون اي شي من كيفكم ولا حتى اساءه لاي احد ( كولوا منعرف شي وعدنا ممثلين يمثلونا واحنا جايين نساندهم ونوكف وياهم )

ثالثاً ( هالفقره خاصه ب ولد جميع المراحل ) اللي بالاصح انتوا رجال بمعنى الكلمه
ممثلين المراحل وبالاخص مرحلتنا محتاجين فزعتكم ووكفتكم ( يصير رجال ميفزع لرجال ؟ خصوصا الفزعه اذا كانت على حق ومابيها اي ضرر انما بالعكس بيها استرداد لكامل الحقوق)

هاي الوقفه مالتنا ممقتصره فقط على المرحله الخامسه انما الها فائده لكل الدفعات
ابو السادسه اذا ميطلع ويطالب بحقه اللي هو ابسط شي صورة حفل تخرج بجامعته تليق بي و بأهله راح يصير بي مثل ما صار العام ويتحسر على شي هو من ابسط حقوقه

اما باقي المراحل هالوقفه هم الكم ( خصوصا طلاب المرحله الرابعه اللي ابسط شي لعابات الباطنيه متشتغل وبالاخير يرزلوكم اذا متعرفون التشخيص )

طولت عليكم بس هذا المسج هو فزعه وادري بيكم صاحبين غيره ونخوه وكلمة وحده وموقف ثابت ومراح تخلونا وحدنا 💗

المكان والوقت : البنايه الجديده بالقادسيه مُقابيل العماده الساعه 11:00 الصبح

وأسأل الله التوفيق والسُداد
( جيبوا شمسيات وياكم علمود لتتخربطون من الحر ) 👍🏻

باجر راح يصير تصوير، و البنات لي ميريدن يطلع وجهن بالتصوير خلي يجيبن كمامة ، وهواتفكم وياكم حاضرة و مشحونة علمود تصورون اي إساءة من اي شخص في الجامعة .

مثل ما كالت بكروب الدفعه زميلتي العزيزه تبارك انو حتجيب كمامات
اني هماتين حجيب كمامات واي وحده تحتاج بس خل تجيني واني انطيها 💗

حبيباتي حظوركم باجر كلش مُهم واهميته متقتصر عن اهميه حظور ولدنا المعدلين

صباح الخير والعافيه
بسم الله الرحمن الرحيم

﴿ وَنُرِيدُ أَنْ نَمُنَّ عَلَى الَّذِينَ اسْتُضْعِفُوا فِي الْأَرْضِ وَنَجْعَلَهُمْ أَئِمَّةً وَنَجْعَلَهُمُ الْوَارِثِينَ ﴾

اني عاشرت دفعتين ودفعتكم الثالثه
اكولها بكل فخر واعتزاز الحمدالله رب العالمين خلاني بدفعتكم 💗

دفعتي الغاليه العزيزه موقفكم مُشرف ويشيل الراس شيل

شكراً جعفر يا بطل الله يحميك وينصرك ويوفقك
شكراً مصطفى حامد لان كنت صوت الحق

الله يحميكم ثنينكم واحنا دفعات المستنصريه ب جميع المراحل وياكم وبظهركم واي شي يمسكم هو يمسنا

مره لخ شكراً طلاب دفعتي والله كفو وكنتوا رجال ونعم الرجال
شكرا لكل بنوته حضرت ومخافت

قبل كنت اشرح هيج بدون حافز لكن اللي صار اليوم خلاني اخذ عهد على نفسي مااقصر ويه احد بيكم وانطيكم عيوني ثنينهن مو بس وحده

الله يوفقنا جميعاً ونخلص من كل شر 💗

تيست تيست ئلو ئلو

جعفر بقت بنفسنا نريد نسويلك ممر شرفي نصفكلك بي
رجاءاً حققها النا 👍🏻
كل دفعتنا تريد

وطلاب الرابعه هم

وبالعافية